ئەڤرۆ نیوز ، نەوزاد هلۆری:

دەمەک بەریا نها فروکێن شەرکەرێن تورکیا ئاسمانێ باشوورێ کوردستانێ بەزاند و چیایێ کورەژار ل هنداڤا ناحیا شێلادزێ ل سنوورێ دەڤەرا ئامێدیێ بوردومانکر.
دڤی واریدا برقی ئیسلام وەڵاتیەکێ شێلادزێ یە بو ئەڤرو نیوز گۆت: ( دەمژمێر 12:30 ئەڤرو فروکێن تورکیا ب بهانەیا هەبوونا بارەگایێن پەکەکێ چیایێ کورەژار ل هنداڤا سەنتەرێ باژێرێ شێلادزێ بوردومانکر و ترسەک لدەف خەلکێ دەڤەرێ دروستکریە و ئاگر بەربویە چیایێ کورەژار و پوش و پاوان و رێژەیەکا زورا داروباری و دارستانێ هاتیە سوتن و ئاگر ژی بەردەوامە)
زێدەتر گۆت: (فروکێن تورکیا دوو جاران چیایێ کورەژار بوردوامانکرد ، بەلێ هەتا نها ناهێتە زانین کا چ زیانێن گیانی هەنە یان نە)

ئەڤرۆ نیوز ، هلوری:
ئەڤرۆ ئێڤاری سەرۆک بارزانی ل پیرمام پێشوازی ل قوتابیێن ئێکەم لسەر ئاستێ هەرێما کوردستانێ کر و د دیدارەکێ دا راگەهاند کو جهێ شانازیێ یە دناڤ ئێکەمان دا کچەکا شەهیدی هەیە.

مەسعود بارزانی سەرۆکێ هەرێما کوردستانێ پێشوازی ل هەموو قوتابیێن ئێکێ لسەر ئاستێ کوردستانێ کر و د دیدارەکێ دا دیارکر کو ئەو زور دلخوشە کو هژمارەکا کچ و کورێن کوردستانێ بوینە یێن ئێکێ و ب تایبەتی کو هژمارەکا زۆر ژ وان کچن و گۆت: ( جهێ شانازیێ یە کو ناڤ ئێکەمان دا کچەکا شەهیدی هەیە و بڤێ یەکێ ژی هەوە روحا شەهیدی ب ئەنجامێن خوە دلخوشکرن و هون جهێ شانازی و سەرکەفتنێ نە)
هەڤدەم سەرۆک بارزانی پشتەڤانیا خوە بو هەموو قوتابیان دوپاتکر داکو بەردەوام بن ێسەر خواندنا خوە و دەستڤەئینانا اوەرنامەیێن باش ل ئاست نمرێن وان.
ژلایەکێ دنڤە هەردوو قوتابیێن ئێکێ بناڤێ هەموو قوتابیان سوپاسیا سەروک بارزانی کر بۆ ئەوێ پیشوازیا کو ل وان کری و سوپاسیا هەموو ماموستا و کەس وکارێن خوە و هەموو پێشمەرگێن قارەمان کر کو بوینە ئەگەر ئەو نمرێن بلند دەستخوڤە بینن و سوزدا کو لسەر خواندنا خوە بەردەوام بن بو خزمەتا گەل و وەلات.

ئەڤرۆ نیوز:

نرخی ئەمپێرێ‌ كارەبا موەلیدا یێ‌ ( هەیڤا – 7 – تیرمەهێ‌ ) ب ڤی شێوێ‌ ل خوارێ‌ یە :
1- قەزایێن (دهوك وسمیل و زاخو )ودەڤەرێن سەر ب وانڤە 13.500) دینارن.ول گوندێن ( تەلوە وبێتاسێ‌ و ئەڤریكێ‌ ) (12.250) دینارن.
2- ل قەزا ئامێدیێ‌ (سەنتەر)( 11.750 ) دینارن ،ول(سەرسنگی)( 12.750 ) دینارن،ول (دێرالوكێ‌)( 11.750 )دینارن ول( شێلادزێ‌)( 12.500) دینارن ول ناوچا چەمانكێ‌( 13.000 ) دینارن.
3- ل قەزا ئاكرێ‌ /سەنتەرێ‌ قەزایێ‌ و سەنتەرێن ناوچێن وێ‌ ( دینارتە،گردەسین و بجیل ) ( 13.000 ) دینارن.ول گوندو دەورو بەران وئەو جهێن بەلێندەر موەلیدێن وان برێڤەدبەن، سۆبەهی دێ‌ ژلایێ‌ قایمقامیا ئاكرێ‌ ڤە ئێنە راگەهاندن .
4- ل قەزا بەردەرەش/ سەنتەرێ‌ قەزایێ‌ ( 13.000 ) دینارن، ول گوندو دەورو بەران وئەو جهێن بەلێندەر موەلیدێن وان برێڤەدبەن، سۆبەهی دێ‌ ژلایێ‌ قایمقامیا بەردەرەش ڤە ئێنە راگەهاندن .
5- ل قەزا شێخان وناوچەو وگوندو كۆمەلگەهێن سەر ب قەزایێ‌ ڤە و ئەو جهێن بەلێندەر موەلیدێن وان برێڤەدبەن، سۆبەهی دێ‌ ژلایێ‌ قایمقامیا شێخان ڤە ئێنە راگەهاندن .
6- ل دەڤەرێن سنورێ‌ قایمەقامیا قەزا سێمێلێ‌ ئەوژی (سمایل ئاڤا، بالقوس، خراب دیم وگرشین و مقبلێ‌ باتێلێ‌ وباستكێ‌) ( 13.000 ) دینارن .ودەڤەرێن ئەمپێری ل زاخو ( 13.000 ) دینارن.
9- ل دەڤەرێن ( كورا ،مانگێش ،زاویتە و باگێرا) ( 13.000 ) دینارن.
10- ل شوقێن پارێزگەها دهوكێ‌ كو بەرنامێ‌ كاركرنا موەلیدا ( 24 ) دەمژمێرییە وئەوێن موەلیدێن وان نە سەرب پرۆژەی ڤە ( 14.500 ) دینار.ول شقێن زاخو ( 13.000) دینارن.تەنها ل شوقێن نیولاند2 بهایێ‌ ئەمپێری ( 13.500 ) دینارن .ول شوقێن ئەڤرۆ ستی ( 13.500 ) دینارن .
11- ل ناوچا (ئەلقوش /سەنتەرێ‌ ناوچێ‌) (9.500 ) دینارن. ول (جراحی-بوزا-شێخكا- بێبان ونفێریێ‌) ( 8.000 ) دینارن ول ( خەتارێ‌ – دوغاتا – منارە- تلسین و بابیرا) ( 7.250 ) دینارن.
12- موەلیدێن بازرگانی یێن بازاری :
– بهایێ‌ ئەمپێری 15.000 دینارە

تێبینی:
• بەرنامێ‌ كاركرنا موەلێدا ل سەنتەرێن قەزایێن دهوك،زاخو و سێمێل بۆ مەها ( تەباخێ‌- هەیڤا 8/2017 ) دێ‌ بڤی رەنگێ‌ لخوارێ‌ بیت :
– بەرنامێ‌ كاركرنا موەلیدان ل قەزایێن ( دهوك-سێمێل وزاخو ) دێ‌ ( 24 ) دەمژمیری بیت ، موەلیدە دێ‌ كاركەن ل هەر دەمێ‌ كەهرەبا گشتی دڤی ماوەیدا هاتە برین.
– بەرنامێ‌ كاركرنا موەلیدان ل قەزایێن دی و دەڤەرێن سەر ب وان ڤە ، دێ‌ لدویف رەوش و داخوازییا كارگێریێن وان و خەلكێ‌ وان بیت .
*ژ هەژی بیرئینانێ‌ یە كۆ كۆژمێن ( 500-1000 ) دینار لسەر بهایێ‌ ئەمپێرێ‌ ڤێ‌ مەهێ‌ هاتینە زێدەكرن ل جهێن جودا جودا ب مەرەما سڤكرنا قەرێن پاشماییی یێن مەهێن رابوری.
*بۆ زانین چەندین خودانێن موەلیدا لسەرانسەری پارێزگەها دهۆكێ‌ هاتینە سزادان ژ ئەگەرێ‌ نە پێگریا وان ب رێنماێن لیژنا موەلیدان .
* هیڤیدارین ژ خودانێن موەلیدا پێگریێ‌ ب بەرنامێ‌ لیژنا سەرپەرشتیا موەلیدان بكەن ئەوێ‌ لسەری دیاركری ، وداخوازێ‌ ژ هەلبژێرێن بەرێز دكەین ، هەر جهەكێ‌ موەلیدا ل تاخێ‌ وی پێگریێ‌ نەكەت ، لیژنا مە ب سكالایەكا نڤیسی ئاگەهدار بكەت داكو پێرابوون د دەرهەقێ‌ وان دا بهێنە ئەنجامدان.