. ئه‌ڤرۆنیۆز، هه‌رهین محه‌مه‌د:
سترانبێژى كوچكو دیوانا هشیار سندورى ددیداره‌كێ دا بۆ ئه‌ڤرۆ نیۆز ئاشكه‌راكركو نوكه ئه‌ومژولى سترانه‌كا فلكلوریه یا مامێ خوه یێ ئیسڤێ عه‌بوخورتا بناڤێ (سوسنێ) ژڤانه ل ده‌مه‌كێ نێزیك بهێته بلاڤكرن.
گۆتژى مامێ من یێ ره‌حمه‌تى گه‌له‌ك سترانێن نه‌بلاڤكرى هه‌نه و من ل به‌ره هنده‌ك ژوان ب ده‌نگێ خوه توماركه‌م.
ئه‌ڤرۆ نیوز ، هلۆرى:
فه‌رمانگه‌ها گشتى یا پارێزگه‌ها هه‌ولێر یا سه‌ر ب كومسیوونا بلند یا هه‌لبژاردن و راپرسیێ دیاركر كو ئه‌و دێ كارمه‌ندێن بنگه‌هێن ده‌نگدانێ ب شێوه‌یێ گرێبه‌ست بو ده‌مه‌كێ دیاركرى وه‌كو دامه‌زراو وه‌رگریت.
ل گوره‌ى ئاگه‌هداریه‌كێ كو دانه‌یه‌ك ده‌ست ئه‌ڤرۆ نیوز كه‌فتیه فه‌رمانگه‌ها گشتى یا پارێزگه‌ها هه‌ولێر یا سه‌ر ب كومسیوونا بلند یا هه‌لبژاردن و راپرسیێ ئاگه‌هداریا وه‌لاتیان دكه‌ت كو ئه‌و دێ كارمه‌ندێن بنگه‌هێن ده‌نگدانێ ب شێوه‌یێ گرێبه‌ست بو ده‌مه‌كێ دیاركرى وه‌كو دامه‌زراو ل گوره‌ى هنده‌ك رێنمایان وه‌رگریت.
رێنمایێن وان ژى ئه‌ڤه‌نه.
1- فورمه‌كا تایبه‌ت ژ په‌یچا فه‌رمى یا فه‌رمانگه‌هێ دانلود بكه و پاشان ته‌ژى بكه و ببه نێزیكترین بنگه‌هێ تومارا ده‌نگه‌ده‌ران ل سنوورێ ئاكنجیبوونا داخوازیێ.
2- ده‌مێ پركرنا فورمێ دێ ل رێكه‌فتى 5 ئیلونێ هه‌تا 10 ئیلونێ به‌رده‌وام بیت.
ل گوره‌ى زانیاریان ئه‌ڤ كارمه‌نده دێ چاڤدێریا سندوقێن ده‌نگدانێ كه‌ن ل رۆژا ریراندۆم و هه‌ردوو هه‌لبژاردنێن سه‌روكاتیا هه‌رێما كوردستان و په‌رله‌مانێ كوردستانێ.
ئه‌ڤرۆ نیوز ، نه‌وزاد هلۆرى:
ئێڤاریا ئه‌ڤرۆ ل كوریا باشوور ئێك ژ مه‌زنترین كونگره‌یێن به‌رفره‌ه بو رێگرتن ل پێنگاڤێن زێده‌تر یێن كوریا باكوور ل بارا درۆستكرنا موشه‌كێن ئه‌تومى ژلایێ ئه‌نجومه‌نێ ئاسایشا نیڤده‌وله‌تى هاته ئه‌نجامدان.
تێستكرنا ئێك ژ بهێزترین موچه‌كێن ئه‌تومى ژلایێ كوریا باكوور نیگه‌رانى و ئالوزیێن مه‌زن دناڤبه‌را وه‌لاتێن جیهانێ درۆستكر ب تایبه‌تى ئه‌مریكا و هه‌ڤپه‌یمانێن وان.
نیكی هایلی باڵیۆزیێ ئەمریكا ل نەتەوەیێن هه‌ڤگرتیێن ئه‌مریكا ل ئه‌نجومه‌نا ئاسایشا نیڤده‌وله‌تى دیاركر كو پێدڤى یه ب زوترین ده‌م رێگرى ل موشه‌كێن كوریا باكوور بهێنه‌كرن و گۆت: ( زێده‌بارى رێگریكرن ل دروستكرنا موشه‌كێن ئه‌تومى ژلایێ كوریا باكوور دهه‌مان ده‌م دا دڤێت سزایێن گران ژى بدانن به‌ر)
ل گوره‌ى زانیاریێن ده‌یلى میرور یا به‌ریتانى دشیاندایه كو موشه‌ا بالیستى یا دورهاڤێژا كوریا باكوور ببیته سه‌ده‌م كو شه‌ره‌كێ جیهانێ بهێته ئه‌نجامدان ب تایبه‌تى ژى ل وه‌لاتێن رۆژئاڤا كو زێده‌ترى 5 هزار 500 كیلومه‌تران دچیت.
ئه‌ڤرۆ نیوز ، نه‌وزاد هلۆرى:
گروپه‌كێ هونه‌رمه‌ندان ئه‌ڤرۆ 4 ئیلونێ كلیپه‌كا نو لسه‌ر ریفراندۆمێ به‌لاڤكر كو ب شێوه و ستایله‌كێ نو هاتیه چێكرن.
دڤى واریدا نێچیرڤان شێخ شامو بو ئه‌ڤرۆ نیوز گۆت: (كلیپ لسه‌ر ریفراندۆمێ یه و تێدا په‌یاما كوردێن ئێزدى بو پشته‌ڤانیكرنا ریفراندۆمێ دهێته نیشاندان ئه‌ڤه زێده‌بارى كو كاره‌سات و نه‌هامه‌تیێن ب سه‌رێ گه‌لێ ئێزدى هاتى به‌رچاڤ دكه‌ت)
زێده‌تر گۆت: ( ئه‌ڤ كلیپه ژ په‌یڤێن شێخ شاموونه و ئاواز ژ فولكلورێ چیایێ شنگالێ یه و دابه‌شكرنا موزیكێ ژلایێ ئیسماعیل میرزو هاتیه دانان ، و ل ستودیویا ئێم موزیك هاتیه توماركرن ، و هه‌ر ئێك ژ مازن ئیسیانى و جه‌عفه‌ر سموو كارێن مونتاج و ده‌رهێنه‌ریێ بو كرینه ، و هه‌روه‌سا بلول ژلایێ حه‌ماد شنگالى و ساز ژى ژلایێ حه‌مزه شنگالى دهێته ژه‌نین و هه‌ر ئێك ژ هونه‌رمه‌ندان خدر فه‌قیر، عه‌لى خدر فه‌قیر، عه‌ده‌ویه شێخانى و فه‌رسه‌د غه‌زالى دبێژن)
ئەڤرۆ نیوز ، هلوری:
سپێدە و ئێڤاران دەوار و گیانەوەیێن خومالی یێن مالێ دناڤا بازار و سەر جاددەیێن گشتیێن سەنتەرێ ناحیا شێلادزێ هاتن و چونێ دکەن ، زێدەباری کو سیمایێ بازاری تێکددەن د هەمان دەم دا ناهێلن دار و بار و باخچەیێن لیڤێن جاددەیان ژی شین ببن و هەردەم ژلایێ وان گیانەوەران دهێنە خوارن.
دوکاندار و وەلاتیێن شێلادزێ ب تایبەتی ئەوان مالێن دکەڤنە نێزیکێ جاددەیان گازندا خوە ژ وێ یەکێ دبینن کو هەتا نها لایەنێ شولەژێ نەشیاینە کو نەهێلن دەورا و گیانەوەر بهێنە ناڤا بازاری و مالان دا و ددەن دیارکرن کو ئەو نکارن چو داروباری ل رەخ و رویێن جاددە و مال و بەر دوکانێن خوە بچینن.
دخوازن کو جهێن شولەژێ مایتێکرنێ د خودانکرنا گیانەوەران دا بکەن و هەند رێنمایان بو بدانن و یێ پێگێر نەبیت بهێنە سزادان.
ئه‌ڤرۆ نیوز ، هلۆرى:
جڤاتا گوندێ چێ ل كومه‌لگه‌ها ئازادى یا سه‌ر ب ناحیا سه‌رسنكێ ل سنوورێ قه‌زا ئامێدیێ دێ ئاهه‌نگه‌كا به‌رفره‌ه بو ریفراندۆمێ ئه‌نجام ده‌تن.
وه‌كو پشته‌ڤانى بو ریفراندۆمێ جڤاتا گوندێ چیێ دێ ئاهه‌نگه‌كا به‌رفره‌ه بو هه‌ر ئێك ژ هونه‌رمه‌ندان ” دیار حەسەن، بورهان زێباری ، دژوار دوسکی ، عبدلقادر ،عمر زێوەی و یەلماز”ى گێریت.
ئاهه‌نگ دێ لرۆژا 6 ئیلونا 2017 ل گوره‌پانا ئازادى یا ته‌پاپێ ل ناحیا سه‌رسنكێ هێته ئه‌نجامدان.
ئەڤرۆ نیۆز،تۆڤی:
ئەڤرۆ دوشەمبی 4.9.2017 ل دمژمێر 1:30 خولەک پشتی نیڤرۆ چەندین فرۆکێن سۆپایێ تورکی هەرسێ دەڤەرێن سەرگەلا کەڤن و کورکو و چیا زەرک ل دەڤەرا ئامێدیێ ب بەهانەیاهەبوونا شەرڤانێن پەکەکێ ب دژواری بۆمبە بارانکرن و نوکەژی بۆمبەباران یا بەردەوامە،لێ هەتاکو نوکە زیانێن بۆمبەبارانکرنێ نەهاتینە زانین.
د هەمان دەمدا هەر ئەڤرۆ دەنگێ فرۆکێن سۆپایێ تورکی ل ئەسمانێ ناحیا کانی ماسێ ژی هاتیە بهیستن.
ئه‌ڤرۆ نیوز ، نه‌وزاد هلۆرى:
ئه‌ڤرۆ هه‌ر ئێك ژ ته‌ڤگه‌را گۆڕان و كومه‌لا ئیسلامى ل باره‌گایێ ئه‌نجومه‌نا سیاسیا كومه‌لا ئیسلامى كومبوون و ل گوره‌ى راگه‌هاندنا داویا كومبوونێ هه‌ردوو دخوازن كو ریفراندۆم بهێته پاشێخستن.
ل گوره‌ى راگه‌هاندنا داویێ یا كومبوونا گۆڕان و كومه‌لێ دوپات لسه‌ر هه‌لوه‌شاندنا بریارا پاشكه‌فتێ موچه‌یێ فه‌رمانبه‌ران و باشتر كرنا ژین و ژیارا وه‌لاتیان هاته‌كرن ، و دیسان هه‌ردوویان خواست كو په‌رله‌مان بهێته ئاسایكرن كو ل گوره‌ى قانونێ كارێن خوه بكه‌ت وه‌كو دانانا قانون و چاڤدێرى.
د پشكه‌كا دن یا راگه‌هاندنا وان دا هاتیه پێدڤى یه ریفراندۆم بهێته پاشێخستن بو ده‌مه‌كێ گونجاى و ب رێیا په‌رله‌مانى بریار و قانونه‌ك بو بهێته ده‌رئێخستن و هه‌لبژرادن ژى د ده‌مێ خوه دا بهێنه ئه‌نجامدان.
هه‌ر ئێك ژ وان هه‌ردوو حزبان به‌رهه‌ڤیا خوه ژى نیشان دا بو دانوستاندن لسه‌ر چاره‌سه‌ركرنا قه‌یرانان.
شاندنێ گۆڕانێ بو باره‌گایێ ئه‌نجومه‌نا سیاسیا كومه‌لێ پێكهاتبوون ل عومه‌رێ سه‌عید عه‌لى رێكخه‌رێ گشتیێ ته‌ڤگه‌را گۆڕانێ و جه‌لال جه‌وهه‌ر و عوسمان حاجى وه‌كو ئه‌ندامێن خانه‌یا راپه‌راندنا گۆڕانێ ، و دبه‌رامبه‌ر دا لایه‌نێ كومه‌لێ پێهاتبوون ژ عه‌لى باپیر ئه‌میرێ كومه‌لا ئیسلامى یا كوردستانێ و بێوار حه‌مه‌د و عه‌بدولستار مه‌جید و ئه‌نوه‌ر سه‌نگاوى ئه‌ندامێن ئه‌نجومه‌نا سیاسیا كومه‌لێ.
ئەڤرۆ نیۆز،تۆڤی:
دامەزراوەیا ھارت ستیت یا بریتانی بەلاڤکریە،کو د ماوێ 3 سالێن بوری دا بەرپرسێن حوکمەتا عێراقێ زێدەتر ژ 70 ھزار یەكەیێن ئاکنجیبوونێ ل لەندەنا پایتەختێ بریتانیا كرینە.
دامەزراوەیا ھارت ستیت یا بریتانی كو یا تایبەتە ب فرۆشتنا خانووبەران و ئاشكرا دکەت،کو هەر ل سالا 2014 بەرپرسێن عێراقێ زێدەتر ژ وەلاتیێن كەنداڤی خانی و مولک كرینە و ئەو كەسێن بووینە خودانێن وان مولکان ئاکنجیێن بریتانیا نینن و بەلكی ل بەغدا و د حوکمەتا عێراقێ و ئەنجوومەنێ نوونەرێن عێراقێ دا پۆست ھەنە.
ڤێ دامەزراوێ ئاماژە ب هندێ ژی کریە،کو كرینا خانووبەران ژ لایێ عێراقیان ڤە ل بریتانیا ل سالا بوری كێمکریە و ل دوماهی ئامار ژی دا زێدەتر ژ 70 ھزار یەکەیێن ئاکانجیبوونێ کرینە،دیارکریە ژی کو خودانێن وان ژ بەرپرسێن بلند و راوێژکارێن حوکمەتا عێراقێ نە و دیسا پشتی کو ئەو دەستبەرداری پۆستێن خۆ بووین دەست ب کرینا مولک و خانیان کریە ل لەندەن.
ئەڤرۆ نیۆز،زنار تۆڤی:
هەمووگاڤا ژن هەول دەدەن کو هەڤژینێن خۆ رازی بکەن و بۆ هندێ ژی چەند رەفتارێن دیارکری دکەن،هەتاکو سەرنجا وان پێ رابکێشن،بەلێ ب مخابنی ڤە زۆربەیا وان ناگەهنە وێ ئارمانجێ،چونکی ژن نزانن کا هەڤژینێن وان ب دروستاهی چ ژێ داخواز دکەن،لەورا باشترە بەری هنگێ ژن ئاگەهداری وان تشتابن،یێن کو هەڤژینێن وان حەز ژێ دکەن،ئەو ژی ئەڤە نە:
١. باوەشکرن و ماچکرن،زەلام حەز دکەن هەست ب هندێ بکەن،کو هەڤژینێن وان چەند ئەو خۆش دڤێن و گرنگیێ پێ ددەن، بەلێ کێشە د هندێ دایە،زەلام نزانن چاوا ڤێ داخوازیێ دەرببرن، بەرۆڤاژی ژنان کو درژدن ل سەر هندێ کو پێدڤیێن وی بۆ دابین بکەت،زەلام دخوازن کو هەڤژینێن وان حەز ژێکرنا خۆ بۆ وان دەرببرن و بێی کو داخوازێ ژێ بکەن و خۆ نێزیک بکەن و ماچ بکەن.
٢. ب دەستڤەئینانا وێ دیاریا پێدڤی پێ هەی،ب گشتی هەموو ژن حەز ژ دیاریێن گرانبها دکەن،د دەمەکێ دا زەلام حەز ژ دیاریەکێ دکەن کو یا رەمزی بیت،یان ژی پێدڤیەکێ پێ پر بکەت،زەلام حەز دکەن هەڤژینێن وان تشتەکێ ب دیاری بدەنێ کو وان پێدڤی پێ هەبیت.
٣. سوپرایز،زەلام ژی وەک ژنان حەز ژ سوپرایزا دکەن،لەورا باشترە ژن هەڤژینێن خۆ ب نانخوارنەکا سۆزداری و رۆمانسی سەرسام بکەن،یان ژی سوپرایزەکا گەشتکرنێ بۆ بکەن.
٤. ل دەمێ دل تەنگیێ دا ل دەف بی،دەمێ زەلام توشی کێشە و دل تەنگیەکێ دبیت،باشترە هەڤژینا وی خۆ نێزیک بکەت،هەتاکو ئەو کێشە ل سەر دەرباز دبیت.
٥. دەمێ توورە دبیت خۆ ژێ دووربکە،زەلام حەز ژ هندێ دکەن،دەمێ توورە دبن هەڤژینێن وان خۆ ژێ دوور بکەن و وان بتنێ بهێلن،بەلێ پتریا ژنان ئەڤێ ناکەن و بەرۆڤاژی رەفتارەکا بێزارکەر ئەنجام ددەن و د رژدن ل سەر هندێ بزانن کا هەڤژینی وان یێ ژ چ توورەیە و ب پرسیار و ئاخفتنێ پتر وان توورە دکەن.
٦. هەڤکاریکرنا وان د کارێن گران دا،دەمێ زەلام ب کارەکێ گران ڤە مژوول دبن،ل سەر ژنێ پێدڤیە خۆ وەسا نیشان بدەت،کو ئەو ژی دێ گرنگیێ ب وی کاری دەت و حەز دکەت بزانیت کا ب چ شێوە هەڤکاریا هەڤژینێ خۆ بکەت.
نيشاندان