ئەڤرۆ نیوز ، نەوزاد ھلۆری:

گەنجەکێ پیرمام یا سەر ب پارێزگەھا ھەولێر ب رێیا کارێن دەستی دڤێت سروشت و دول و چیا و رووبار و ھەر تتشێ دن ل کوردستانێ بچوک بکەت داکو ب ساناھیتر بھێتە دیتن.

سەروان عیسا ئەو گەنجە بو ئەڤرۆ نیوز گۆت: (چەند سالەکە من دەست ب کارێن شێوەکاری کریە کو ئەو ژی بچوککرنا ھەر تشتی یە ل کوردستانێ مینا رووبار و چیا و دەشت و دول و پر و ئاڤەدانیێن کوردستانی و شوونوار و جھێن مێژوویی داکو ب جوانتر و باشتر بھێتەدیتن ، ئەڤ یەک ژی ئارەزویا من بوویە ھەر ژ زاروکینی ھەتاکو نھا ئەڤ یەک بوویە کارێ من و بەردەوامم و نھا من جورە شارەزایەکا باش دوارێ کارێن دەستی دا وەرگرتیە)

زێدەتر گۆت: (ژبلی کارێن دەستی ئەز پێشمەرگەمە و من دڤێت لگەل پاراستنا کوردستانێ وەکو پێشمەرگە د ھەمان دەم دا ب کارێن خوەیێن ھونەری پشکداریێ دشارستانیا کوردستانێ دا بکەم ، بو کارێن خوە ژی ئەز کەرستەیێن مینا دار ، بەر ، گێچ ، ئاخ و چەند کەرستەیەکێن دن بکاردئینم کو ھندەک ژ وان کەرستەیان دوبارە دھێنە بکارئینان وەکو ریسایکلین)

پێشمەرگە و ھونەرمەندێ ناڤبری ل سالا ١٩٨٧ ژ دایکبویە و ل پیرمام یا سەر ب پارێزگەھا ھەولێر ئاکنجیە و ھەتاکو رێزا ١٢ێ ئامادەیی خواندیە و د درێژاھیا ئاخفتنێن خودا گۆت ژی: (ئەڤ سال من پشکداری دپێشانگەھا شێوەکاری یا گەشتیاریا ھەولێرێ دا کریە ، و ئەگەر پشتەڤانیا من بھێتەکرن دکارم زێدەتر کارێن خوە بکەم )

ئەڤرۆ نیوز ، نەوزاد هلوری:

ماوەیێ چەند روژەکایە ل هندەک پەیچ و ئاکاوتنان بەحس ل هندەک هونەرمەندێن بندیوار دهێتەکرن وەکو حەسەن شەریف و بورهان زێباری و عەبدولقەهار زاخویی و هەلگور عەبدولقەهار و چەندەکێن دن کو موچەی وەردگرن و دەوامێ ناکەن ، لژنا بایومەتری یا پێشمەرگەی ئەڤ یەک رەتکر.

عەقید شێرزاد نائیف سەرۆکێ لژنا بایومەتری یا پێشمەرگەی یا دەنگدانێ ل دهۆکێ دیارکر کو چوو هونەرمەند نینن موچەیێ بندیوارێ پێشمەرگاتی وەربگرن و گۆت: (  ل بارا ئەو پوستێن کو هاتینە بەلاڤکرن ژلایێ چەند پەیچ و ئاکاوتنان ل بار وەرگرتنا موچەیێ بندیواریێ ژلایێ چەند هونەرمەندەکان ژلایێ فەرماندەیا دهۆک مینا هونەرمەند عەبدولقەهار زاخۆی ، هونەرمند حەسەن شەریف ، هوزانڤان بورهان زێباری و هوزانڤان هەلگۆرد عەبدولقەهار و هونەرمەند هەڤالی ، پشتی کو مە پەیوەندی ب ئەفسەرێن پشکا ژمێریاریا موچەیان کری ، ئەوان ئەم پشتراستکرین کو چوو ژ ڤان هونەرمەندان موچەی وەرناگرن)

زێدەتر گۆت: (هونەرمەند هەڤال پێشمەرگەبو و بەری حەفت سالان دەستکارکێشایە ، دیسان هونەرمەند حەسەن شەریف ب هونەرمەندێ پێشمەرکەی دهێتە نیاسین بەلێ موچەی وەرناگریت ، هوزانڤان بورهان زێباری پێشمەرگەیە و دەوامێ دکەت ل سەنگەران ، هەلگۆرد و عەبدولقەهار ژی چوو موچەیان وەرناگرن ، بو دیارکرنا راستیان مە خواست ئەڤ یەک بهێتە زانین)

پێشتر هونەرمەند عەبدولقەهار زاخۆیی لسەر شاشەیا کەنالێ وار پشتراستکر کو ئەوی چوو پلەیێن سەربازی نینن و چوو موچەیان ژی وەرناگریت.