ئەڤرۆ نیوز ،بێوار حسێن :
ژبەر بلندبوونا پلەیێن گەرمایێ رێڤەبەریا بەرەڤانیا باژێری ل قەزا سووران ئەڤرۆ سەرەم جاددە و کولانێن ناڤا سەنتەرێ باژێری ب ئاڤێ رەشاندن ، ئەڤە زێدەباری رەشاندنا وەلاتی و ترۆمبێلان.
دڤی واریدا بەیار بالەی بەرپرسێ راگەھاندنا بەرەڤانیا باژێری بۆ ئەڤرۆ نیوز گوت: ( ژبەر بلندبوونا پلەیێن گەرمایێ ئەم وەکو رێڤەبەریا بەرەڤانیا باژێری رابووین ب رەشاندنا وەلاتی و ترومبێل و ھەموو بازار و کولانێن سەنتەرێ باژێرێ سوران داکو پلەیێن گەرمایێ کارتێکرنێ ل وەلاتیان نەکەن )
زێدەتر گۆت: (تیمێن مە ژ بەر بلندبوونا پلەیێن گەرمایێ ب شەڤ و روژ د بەرھەڤیێ دانە بو خزمەتا وەلاتیان و ھەر روودانەکا بھێتە رودان ، و دخوازین کو وەلاتی ژی خوە ل گەرمایێ بپارێزن و ل گورەی رێنمایێن ساخلەمیێ و بەرەڤانیا باژێری رەفتارێ بکەن و دەرکەڤن)

ئەڤرۆ نیوز ، رۆژھات لوقمان:
ژبەر بلندبوونا پلەیێن گەرمێ ل سەنتەرێ باژێرێ دھۆکێ ئاگر بەربوویە ترۆمبێلەکێ و ب تەمامی ھاتە سووتن.
دڤی واریدا بێوار عەبدولعەزیز بەرپرسێ راگەھاندنا بەرەڤانیا باژێری ل دھوکێ بۆ ئەڤرۆ نیوز گۆت: (ژبەر سەدەما بلندبوونا پلەیێن گەرمایێ ئەڤرۆ ئێڤاری ل نێزیک بەنزینخانا زەری لاند ئاگر بەردبیتە ترومبێلەکێ ژ جورێ تەکسی و ب تەمامی دھێتە سووتن)
زێدەتر گۆت: ( داخوازێ ژ شوفێر و وەلاتیان دکەین کو ل دەما دروست بوونا ھەر روودانەکێ رێکێ بدەن تیمێن بەرڤانیا باژێری داکو ئەو بکارن روودانێ ب کێمترین زیان کونترولک بکەن)

ئەڤرۆ نیۆز،عەزیز رەسوڵ ھەورامانی :
رێڤەبەریا گشتی یا پولیسێن پارێزگەھا سلێمانیێ دیارکر کو ئەوان بکوژەک گرتیە کو بەری نھا کەسە ل سلێمانیێ کوشتیە.
نەقیب سەرکەفت ئەحمەد ئاخفتنکەرێ پولیسێن سلێمانیێ بۆ ئەڤرۆ نیوز گۆت: ( شەڤا بوری ل کولانا کانی سپیکەیا سلێمانیێ وەلاتیەک ھاتبوویە کوشتن ، پشتی کو پولیسان دوڤچوون کری ئەڤرۆ بکوژێ وی وەلاتی ھاتەگرتن )
زێدەتر گۆت: (ئەوی تاوانباری بەرامبەر پولیسان و دادوەرێ ڤەکولینێ دانپێدان ب تاواخوە کر ،پاشان ب بریارا دادوەری ھاتە زیندانیکرن)

ئەڤرۆ نیوز ، بێوار حسێن:
وەلاتیەکێ قەزا رەواندوز یا سەر ب پارێزگەھا ھەولێر دچیایی دا فری و دەملدەست گیانێ خوە ژ دەست دا.
دڤی واریدا بەیار بالەیی بەرپرسێ راگەھاندنا بەرەڤانیا باژێری بۆ ئەڤرۆ نیوز گۆت: ( ئەڤرۆ وەلاتیەکێ قەزا رەواندوز یا سەر ب پارێزگەھا ھەولێر ب ناڤێ ” م.ح.ق”دچیایی دا فری و دەملدەست گیانێ خوە ژ دەست دا)
زێدەتر گۆت: (ئەڤ وەلاتیە ل سالا ١٩٦٣ ژ دایکبوویە و تیمێن مە شیان تەرمێ وی ل چیایی بینن ڤە و رەوانەیێ نەخۆشخانا داد ل سوران بکەن بو زانینا ئەگەرا روودانێ)

ئەڤرۆ نیوز، بێوار حسێن :
ژبەر نەبوونا مولەتێ بازارەکێ مەزن ل سەنتەرێ قەزا بەردەرەش یا سەر ب پارێزگەھا دھوکێ ھاتە دائێخستن.
دڤی واریدا بوتان بوتانی بەرپرسێ راگەھاندنا قایمقامیا قەزا بەردەرەش بۆ ئەڤرۆ نیوز گوت: ( ژبەر سەدەما نەبوونا مولەتێ بازارەک سەنتەرێ قەزا بەردەرەش کو ب پایتەخێ نووێ دھاتە نیاسین ، ھاتە دائێخستن ، و ئەگەر خودانێ وێ ب زوترین دەم مولەتێ نەچێکەت ناھێتەڤەکرن ڤە)
زێدەتر گۆت: (ژ بوو پاراستنا ساخەلمیا وەلاتیان بریار ھاتیەدان کو چوو بازار نابیت بھێنە ڤەکرن بێی مولەت)