ئەڤرۆ نیۆز،زنار تۆڤی:
کەسەک هاتە دەف سوکراتی و ب ترانە و یاریکرن ڤە گوتێ:
سوکرات تۆ دزانی دەربارەی قوتابیەکێ تە من چو گوهلێبوویە؟
سوکراتی ژی گوتێ:جارێ لەزێ نەکە،بەری تۆ بێژیە من،کا قوتابیێ من چ کریە؟،من دڤێت ئەزموونەکا بچووک ب تە بکەم.
ئێکەم :ئەرێ راستە؟،و تۆ یێ پشتراستی کو ئەو ئاخفتنا تە گوهلێبووی یا راستە.
وی کابرای گوتێ: نەخێر،د راستیدا ب تنێ من بهیستیە.
دویەم: ئەرێ ئەو تشتێ تە دڤێت بێژی،تشتەکێ باشە؟
کابرای گوتێ: نەخێر،بەلکو بەرۆڤاژیە.
سێیەم:ئەرێ ئەو تشتێ تۆ بۆ من بەحس ژێ دکەی،دێ مفای گەهینیتە من؟.
کابرای گوتێ:د راستیدا نەخێر.
سوکراتی گوتێ:باشە تۆ دێ ئاخفتنەکێ بۆ من ڤەگێری،نە یا راستە و نە یا باشە و چ مفا و بوها بۆ من تێدا نینە،ئەرێ دێ بۆچی بۆ من بێژی؟.
ئەو کابرا بێ دەنگ بوو،هەست ب شەرمزاریێ و شکەستنێ کر و ژ دەف سوکراتی چوو.
نيشاندان
