ئەڤرۆ نیوز ، نەوزاد ھلۆری:
ب مەرەما پێشئێخستنا ئاستێ زانستیێ قوتابیان و فێربوونا زمان و جیھانا تەکنولوژیایێ ، بو ئێکەمین جار پەیمانگەھەک ل سەنتەرێ ناحیا شێلادزێ یا سەر ب دەڤەرا قەزا ئامێدیێ ھاتە دامەزراندن.
دڤی واریدا “ئەمان حەسەن ئەسعەد “رێڤەبەرێ پەیمانگەھا ئامانج ل ناحیا شێلادزێ بۆ ئەڤرۆ نیوز گۆت: ( ب خوشحالیڤە پشتی ماندوبوونەکا زۆر ئەم شیان رەزامەندیێ ل حکومەتا ھەرێما کوردستانێ و وەزارەتا پەروەردی َوەربگرین لسەر دامەزراندنا پەیمانگەھەکێ ل سەنتەری َناحیا شێلادزێ یا سەر ب قەزا ئامێدیێ ، سوپاس بو خودێ ئەڤرۆ ٢٢/٦/٢٠١٧ ب رەنگەکێ فەرمی پەیمانگەھا ئارمانج ھاتە دامەرزاندن و راستەوخو پشتی جەژنا رەمەزانا پیروز دێ دەست ب وەرگرتنا قوتابیان ھێتەکرن)
زێدەتر گۆت: ( پەیمانگەھا ئارمانج پەیمانگەھەکا ئەھلی یە و دێ ب شێوەیێ خول و کورس قوتابیان وەرگریت و ژلایێ وەزارەتا پەروەردێ یا حکومەتا ھەرێما کوردستانێ ڤە باوەرنامەیێن وێ دھێنە دان و پەسەنکرن ، ئەڤ پەیمانگەھە بو سێ مەرەمان ھاتیە ڤەکرن ئەو ژی فێربوونا زمانان ب تایبەتی عەرەبی و ئینگلیزی ، فێربوونا کومپیوتەری ب شێوەیەکێ نوو و سەردەمیانە، و بھێزکرنا ئاستێ زانستیێ قوتابیان ب رێیا خول و کورسان)
پەیمانگەھا ئارمانج شیانێن وەرگرتنا ھەتا ١٠٠ قوتابیان ھەنە و گەلەک ژ خولێن وێ دێ بێ بەرامبەر بو قوتابیان ھێنە ڤەکرن و بارەگایێ وێ دکەڤیتە سەنتەرێ ناحیا شێلادزێ یا سەر ب قەزا ئامێدیێ ، بەلێ دێ قوتابیان ل ھەموو دەڤەران َوەرگریت.

ئەڤرۆ نیوز ، هلورى:
ئەندامەکێ لژنا دیتنا ھەیڤێ ل وەزارەتا ئەوقاف و کاروبارێن ئاینی یا حکومەتا ھەرێما کوردستانێ دەستکارکێشانا خوە راگەھاند و دیارکر کو ئەو دپلەیا دەستیشانکرنا ھەیڤێ دا نینە و پێدڤی یە کەسانێن تایبەتمەند بڤێ یەکێ رابن.
ئەژی چەتو ئەندامێ لژنا دیتنا ھەیڤێ ب نڤیسارەکا فەرمی کو ئەڤرۆ ٢٤/٦/٢٠١٧ ئاراستەیێ جھێن پەیوەندیدارکریە و دانەیەک دەست ئەڤرۆ نیوز کەفتیە تێدا دیار دبیت کو ئەوی دەستکارکێشانا خوە ل لژنا دیتنا ھەیڤێ راگەھاندیە و دبێژیت: (پێدڤی یە ئەو کەسێن کو ب ئەرکێ دەستنیشانکرن و دیتنا ھەیڤێ رادبن کەسانێن ئەکادیمی و بسپووربن ھەر ب کێمی ھەلگرێن باوەرنامەیێن ماستەرێ یان ژی دکتورایێ بن دوارێ فەلەکناسیێ دا)
د دەستکارکێشانا وی دا زێدەتر ھاتیە: (ئەز ژلایی َخوڤە ب بریارەکا تاکلایەنانە بریارێ ددەم کو ژ لژنا دیتنا ھەیڤێ دەستکاربکێشم و پێدڤی یە ئەو کەسێ بڤێ یەکێ رادبیت کەسەک تایبەتمەند و ئەکادیمی و بسپوور بیت دوارێ دەستنیشانکرنا لڤێن ھەیڤێ و دیارکرنا ھەلکەفتێن ئاینی مینا رەمەزان و جەژن )
ئەژێ زێدەباری کو ئەندامێ لژنا دیتنا ھەیڤێ یە د ھەمان دەم دا سەرۆکێ رێکخراوا فەلەکناسیێن کوردستانێ یە و رولەکێ بەرچاڤ ھەیە دوارێ دەستنیشانکرنا کەش و ھەوایی ل ھەرێما کوردستانێ.

ئەڤرۆ نیوز ،نەوزاد هلۆری:
ب مەرەما پاراستنا گیانێ وەلاتیان ژ حەندقینێ رێڤەبەریا بەرەڤانیا باژێری ل سوران ب هەڤکاری ل گەل رێڤەبەریا گەشت و گۆزارێ مەلەڤانیکرن ل جهێن مەترسیێن گەلیێ عەلی بەگ هاتە قەدەغەکرن و چەندین نیشانێن مەترسیا مەلەڤانیان ژی دانان.
دڤی واریدا عیماد رێکانی رێڤەبەرێ بەرەڤانیا باژێری ل قەزا سۆران بو ئەڤرۆ نیوز گۆت: ( ب مەرەما پاراستنا گیانێ وەلاتیان ژ مرن وحەندقینێ مە وەکو بەرەڤانیا باژێری هەماهەنگی ل گەل رێڤەبەریا گەشت و گۆزارا سۆران مەلەڤانیکرن ل جهێن مەترسیێن گەلیێ عەلی بەگ قەدەغەکر و چەند نیشانێن مەترسیا مەلەڤانیان ژی دانان و دخوازین کو وەلاتی و گەشتیار مەلەڤانیان ل وان جهان نەکەن ژبەرکو مەترسیەک راستەوخۆ لسەر ژیانا وان هەیە)

زێدەتر گۆت: ( سالانە رێژەیەکا زۆر یا وەلاتی وگەشتیاران قەستا گەلیێ عەلی بەگ دکەن و پرانیا وان ژی شارەزایی نینە و خۆە دهاڤێژن رووباری و بڤێ یەکێ ژی مەترسی بو سەر ژیانا وان هەیە)
رێکانی د درێژاهیا ئاخفتنێن خودا دیارکر ژی کو ل گۆرەی بریارا قایمقامیا قەزا سوران ب هژمار 2574 سالانە هژمارەکا زور یا خەلکی ل دەرازینکا بێخالێ هەتاکو دگەهیتە سیلاڤا گەلیێ عەلی بەگ دبنە قوربانیێن حەندقینا ئاڤ و رووباران ، ئەڤ جهە بو مەلەڤانیان گونجای نینە بەر هندێ هاتە قەدەغەکرن ، ل چەند روژێن بوری ژی ژبەر سەداما نەشارەزایێ دوو کەسان گیانێ خوە ژ دەستدا.

ئەڤرۆ نیوز:
دەمەک بەری نھا ل سەنتەرێ پارێزگەھا سلێمانیێ ژن و زەلامەک ب سەربری ھاتنە دیتن ، پولیسێن سلێمانیێ ژی دیارکر کو ئەوان دەست ب ڤەکولینان کریە و شوون پێن تاوانباران ئاشکراکرینە.
ژێدەرەکێ ژ پولیسێن پارێزگەھا سلێمانیێ دیارکر کو ئەڤ شەڤە و دەمەکێ کێم بەری نھا ل کولانا بەخیتاری ل سەنتەرێ پارێزگەھا سلێمانیێ ژن و زلامەک ب سەربری ل مالا وان دا ھاتنە دیتن و گۆت: ( بو دوڤچوون ل روودانا سەربرینا ئەوان ژن و زەلامان دنھادا پولیسێن سلێمانیێ دەست ب ڤەکولینێ کریە و شوون پیێن تاوانباران ژلایێ پولیسان ڤە ھاتینە ئاشکراکرن)
ئەوی ژێدەرێ دیارکرژە ژی کو ل دەما تاوانێ ھەردوو زاروکێن ئەوان ژن و زەلامان ل مال نەبوینە و زێدەتر بو دوارۆژ گوت: (پولیسان چوینە جھێ روودانی َو پشکنین و دوڤچوون دەست پێ کریە)
ل گورەی زانیاریان ئەو زەلام پێشمەرگەیە و ژیێ وی ٣٧ سالن و ب ھەمان شێ,ە ھەڤژینا وی ژی ٣٧ سالە.