ئڤرۆ نیوز ، نەوزاد ھلۆری:
پشتی بورینا نێزیکێ ھەیڤەکێ لسەر پەخشێ تێلەڤزیوون و رادیویا تیکو ل قەزا ئاکرێ ، ئەڤرۆ رێڤەبەریا کەنالێ تیکو ل ئاکرێ دیارکر کو دێ پەخشێ وان ھێتە راوەستاندن.
دڤی واریدا ” سەفین سورچی” ژ کەنالێ تیکو-یێ ئاسمانی بۆ ئەڤرۆ نیوز گۆت: (کەنالێ تیکو نێزیکێ ھەیڤەکێ یە بوویە کەنالەکێ ئاسمانی و ئەڤێ یەکێ ژی بارێ تیکو گرانکریە ژبەرڤی َوەکو بەرھەڤیکرن بو پێشئێخستنا کەنالێ تیکو ب شێویەکێ باشتر و بەفرەھتر ئەو دی َنھا پەخشێ کەنالێ تیکو بو دەمەک نەدیار راگرن ھەتاکو ستاف و بارەگایێ خوە ڤەدگوھێزنەک جھەکێ دن ھەر ل قەزا ئاکرێ)
زێدتر گۆت: (ئەم نھا کار لسەر دکەین و دەمەک نێزیک دووبارە جارەک دن دێ ھێنە دخزمەتا بینەرێن تیکودا و دەست ب بەرنامەیێن خوەیێن ھەمەرنگ کەتن ڤە)
تیکو پەیڤەکا ئیسپانی یە و ب رامانا رەوشت دھێت دبیتە ئێکەمین کەنالێ تێلەڤزیوونی ل قەزا ئاکرێ و پشتی دوو سالان کارکرن وەکو کەنالەک لوکالی ھەیڤا بووری دەست ب وەشانا ئاسمانی کر.

ئەڤرۆ نیوز ، نەوزاد ھلۆری:

پشتی کو رێیا سەرەکی یا ئامێدیێ ھاتیە چێکرن بو ئێکەمین جار وەکو جھەکێ تایبەت بو ڤەحەویان و دەم بوراندنێ ھاتە بکارئینان ب تایبەتی د د شەڤانێن رەمەزانێ دا ، و شەڤانە ھژمارەکا زور یا وەلاتیان ل پرانیا سنوورێ قەزا ئامێدیێ قەستا ئەڤی ھی دکەن

کامیرا ئەڤرۆ نیوز چەند دیمەنەکێن ئەوێ رێکێ و دەم بوراندنا وەلاتیان وێنە و بەلاڤ دکەت

ئەڤرۆ نیوز ، نەوزاد ھلوری.

لژێر درۆشمێ ئاین ژ بو مروڤایەتیێ ، ئێکەتیا زانایێن ئاینێ ئیسلامێ کوردستان لقێ دھۆک ھەڤکاری دگەل سەنتەرێن جەگەرخوین وھەبون ، و ب ھەلکەفتا ھەیڤا رەمەزانا پیروز بەریکانەیەکا خواندنا قورئانێ ب شێوازێ تەجوید دوماھی ئینا و ھەموو پشکدارێن وێ خەلاتکرن.

دەستپێکا رێورسمێن دوماھی ھاتنا بەریکانا خواندنا قورئانا پیروز ب شێوازێ تەجوید چەند ئایەتەکان ژ قورئانا پیروز ژلایێ شێخ محەمەد عبدالوھاب ھاتنە خوارندن و دوڤدا مەلا ئێحسان رێکانی سەروکێ لقێ دھوک یێ ئێکەتیا زانایانی ئیسلامی کوردستان پەیڤەک خاند تێدا دیارکر کو ئارمانج ژبەریکانێ ئەو بویە کو شیانێن گەنجێن مە ژ کور وکچا بھێنە دیارکرن و وەکو ھەموو گەنجێن وەلاتێن دی ببنە ستێرێن قەشەنگ بو خاندنا قورئانێ و گۆت: ( سوپاسیا لیژنا سەنگاندنێ دکەین کو شیاینە ٤٥ پشکدارێن سەرکەفتی ب ھەلبژێن بو بەریکانێ و ھیڤیدارین کو دەرچویێن بەریکانێ ب شێن بەرسینگێ ھەموو ھزرێن تاری وتوند رەو راوەستن و ئومێدەوارین کو ھەموو خەلک پێکڤە رۆژا ٢٥-٩-٢٠١٧ قەستا ریفراندومێ بکەن ژبو راگەھاندنا دەولەتا کوردستانێ)

ژلایەکێ دنڤە پارێزگەرێ دھوکێ پەیڤەک پێشکێشکر و گۆت: ( دەستخوشی ل رێکخەرێن بەریکانێ دکەین و داخوازا سەرکەفتنێ ژی بو پشکدارێن بەریکانی َدکەین ، نوکە پتر ژحەفت ملیار مروڤان ل سەر رویێ ئەردی ھەنە وھەر جڤاکەکی جورەکێ ئاینێ خو ھەیە وباوەریێ پێ دئینیت و ب رەنگەکی دەربرینێ دکەت وخودێ دشیا ھەموویان بکەتە بوسلمان لێ خودای حیکمەت ژڤێ جیاوازیێ پێ ھەنە خودێ (ئاین – نەتەوە ) یێن جیاواز داینە بو خزمەتکرنا مروڤایەتیێ )

زێدەتر گۆت: ( ئەو کەسێن ھزرێن توند رەو بەلاڤ دکەن دورن ژئیسلامەتی ومروڤایەتیێ ، گورپێ داعش ھەموو بنەمایێن مروڤایەتیێ بن پێکرینە ژ کوشتن و تالان و کاڤلکرن ل پاش خو ھێلاینە، ژ بەرڤێ ئەرکەکێ مەزنە ل سەر ملێن ماموستایێن ئاینی وقورئان خوین وشروڤەکارێن قورئانا پیروز کو بەرسنگێ ڤان ھزرێن تاری وتوند رەو بگرن ونەھێلێن بەلاڤ ببن ، دخوازین کو سالا بھێت ئەڤ جورە چالاکیە بەرفرەھتر بھێنە ئەنجامدان)
پاش چەند مەدیحە وسرودێن ئاینی ھاتنە پێشکێشکرن ول داویێ خەلات ل سەر پشکدارا ھاتنە بەلافکرن. وھەر سێ سەرکەفتیێن ئێکێ (ھند قەیس وئەلند زاتی وموھەنەد تالب) ب خەلاتەکێ تایبەت ئەوژی ئەنجامدان (عومرەکێ ) یە کو پشتەڤانیا پارێزگەرێ دھوکێ وسەروکێ ئێکەتیا زانا لقێ دھوک کومپانیا خوشتڤیێن پێغەمبەری دێ عومرا خو ئەنجامدەن .
ھەژی گوتنێ یە بەریکانە بو دەمێ دوو روژا بەردەوام بو و تێدا ٤٥کچ وکوان ھاتنە خەلاتکرن.