ئه‌ڤرۆنيۆز، عه‌زيز هه‌ورامى
نه‌خوه‌شخانا هاوارهاتنێ ل هه‌له‌بجه راگه‌هاند، ل پارێزگه‌ها هه‌له‌بجه ژ ئه‌گه‌رێ بيڤه‌له‌رزا ئه‌ڤرۆ 50 كه‌س برينداربوون.
دياركر ژى، برينداربوونا وان كه‌سان ژئه‌گه‌رێ وێ چه‌ندێ بوو كو ده‌مێ بيڤه‌له‌رز رووداى، يێن به‌زين و دئه‌نجامدا يێن كه‌فتين وبرينداربووين.
خوياكر ژى، هنده‌ك ژ وه‌لاتيێن هه‌له‌بجه ژبه‌ر ترسا بيڤه‌له‌رزێ بێ هوش ببوون وهاتبوونه هنارتن بۆ نه‌خوه‌شخانێ.
هه‌ر ژ ئه‌نجامێ بيڤه‌له‌رزێ، چه‌ند ديوارێن خانيان هه‌رفتن.
هه‌ردو پارێزگه‌هێن سلێمانيێ و هه‌له‌بجه سوباهى كريه بێهنڤه‌دانا فه‌رمى ل داموده‌زگه‌هێن حوكمه‌تێ.
ئه‌ڤرۆ نیوز ، نه‌وزاد هلۆرى:
وه‌زاره‌تا ساخله‌میا توركیا دیاركر كو وه‌لاتێ وان به‌رهه‌ڤه ژ بوو هه‌موو جوره هه‌ڤكاریان ژ بو زیانڤێكه‌فتیێن بیڤله‌رزا هه‌رێما كوردستانێ.
ئه‌حمه‌د ده‌میرجان وه‌زیرێ سالخه‌میا توركیا د راگه‌هاندنه‌كێ دا دیاركر كو توركیا به‌رهه‌ڤه ژ بو هه‌موو جوره هه‌ڤكاریان ژ بو زیانڤێكه‌فتیێن باكوورێ عیراقى” هه‌رێما كوردستانێ ، كو ژ ئه‌گه‌را بیڤه‌له‌رزا ئه‌ڤ شه‌ڤ زیان پێكه‌فتى.
دهێته‌زانین كو ئه‌ڤ شه‌ڤه ل سه‌رانسه‌رێ ده‌ڤه‌رێن هه‌رێما كوردستان و هنده‌ك ده‌ڤه‌رێن رۆژهه‌لات و رۆژئاڤایێ كوردستانێ بیڤه‌له‌زره‌ك روویدا و ل باشوورى َكوردستانێ ژى چه‌ندین كه‌س بوینه قوربانى و زیانێن زورێن ماددى به‌ر وه‌لاتیان كه‌فتینه.
ئه‌ڤرۆنيۆز:
ژ روودانين سروشتى هژيانا ئه‌ردى وبيڤه له رزن، ئه ڤه هنده ك رينمايى نه ددەمێ پيڤەلەرز پەيدا دبن:
١-ل سەر خوبە وشاش نەبه
٢-هەكە تو ل مال بي يان ل قوتابخانێ، دەركه ڤه ژده رڤه هه كه تو (٥٠متران) ژ ده ركه فتنێ يێ دووربى، به‌لێ هه كه زيده تربيت، خوه ل ێيزيك ديواره كى يان ل بن ميزه كێ يان ره حله كى بپارێزه.
٣-خوه ژ په نجه ران دووربكه
٤-هه كه تو ل ده رڤه بى ژ ئاڤاهيێن بلند دووربكه‌ڤه
٥-هه كه تو دناڤ پاصێ دا بى، ل جهى خوه نه رابه هه‌تا شوفێر ترومبيێلێ ب راوه ستينيت
٦- ل ده مێ ترومبيێلێ دهاژوى ب ڤه مرينه وگوهدانا راديويێ بكه ورێنمايان ژێ وه رگره
٧-هه كه تو بشێى كاره‌بێ وغازێ ڤه مرينه
٨-خوه ب راكرنا كه لو په لانڤه مژوول نه كه چونكى ژيانا ته يا گرنگتره
٩- دناڤ جهێن بيڤه له رزێ خراب كرى نه‌گه‌رهه، چونكى دبيت جاره‌كادى بيڤه‌له‌رز لێ بده‌ت
١٠-گوهێ خوه بده شيره‌ت و ئامۆژگاريێن به ره ڤانيا باژێرى وهاريكاربه ل گه ل وان
١١- ل ناڤ ئاڤاهيێن خراب ل كه لوپه لان نه گه رهه وخوو دووربێخه ژشیفکاوجهێن سكرێن ئاڤێ وخوه دووربێخه ژ جهێن تۆرێن په‌يوه‌نديان لێ هه‌ين.
ئه‌ڤرۆ نيوز: ره‌وان نهێلى:
رێڤه‌به‌ريا گشتى يا كه‌شناسى و بيڤه‌له‌رزا ل هه‌رێمێ پشتى بيڤه‌له‌رزا ئه‌ڤ شه‌ڤه دياركريه : سێ بيڤه‌له‌رزا ل ده‌ڤه‌رێن مه دايه و ب سێ پلێن جودا كو سه‌نته‌رێن بيڤه‌له‌رزێ رۆژهه‌لاتا كوردستانێ بوويه ئانكو ل ده‌رڤه‌ى سنورێ هه‌رێما كوردستانێ بوويه، به‌لێ به‌هرا پتر ل سنورێ هه‌رێما كوردستانێ هه‌ست پێ هاتيه كرن و ل ده‌مژمێر 8:35 شه‌ڤ ب پلا 4.5 ب پيڤه‌رێ رێخته‌رى بوويه و ل ده‌مژمێر 9:18 ب پلا 7.2 ب پيڤه‌رێ رێخته‌ر بوويه و ل 9:28 ب پلا 4.6 ب پيڤه‌رێ رێخته‌ر هاتيه توماركرن.
ئه‌ڤرۆنيۆز:
بنگه‌هێ بيڤه‌له‌رزان يێ ئه‌مريكى پێشبينيێ دكه‌ت بيڤه‌له‌رزه‌كا دى ده‌مێ 24 ده‌مژمێرێن بهێت دا ل باژێرێ خورم ئاباد يێ ئيرانێ روو بده‌ت.
ل دووڤ وى بنگه‌هى، ئه‌و بيڤه‌له‌رزه دێ ل خورم ئاباد يا ئيرانى ده‌ت كو دكه‌ڤيته دناڤبه‌را هه‌له‌بجه و كه‌رمانشاه كو 30 كيلۆمه‌تران دوورى هه‌له‌بجه‌يه.
ئه‌ڤرۆنيۆز:
زيانێن وێ بيڤه‌له‌رزا ئه‌ڤرۆ ل هه‌رێما كوردستانێ داى يێن كو هه‌تا نوكه هاتينه زانين دو وه‌لاتى ل ده‌ربه‌نديخان ل سلێمانيێ مرينه و50 برينداربووينه ل گه‌ل هه‌رفينا خانيه‌كێ و ل هه‌ولێرێ ژى 50 كه‌س گه‌هاندنه نه‌خوشخانان كو هنده‌ك ژ وان بێ هوش ببون.
ل دووڤ ده‌سته‌يا جيولوجى يا ئه‌مريكى، هێزا بيڤه‌له‌رزا ئه‌ڤرۆ ل باژێرێن هه‌رێما كوردستانێ وپتريا باژێرێن عيراقێ وناڤه‌راست وباشوورێ ئيرانێ داى 7:2 پله بوو ل دووڤ بيڤه‌رێ ريخته‌ر يێ جيهانى.
دياركر ژى كو بنگه‌هێ وێ بيڤه‌له‌رزى ل پارێزگه‌ها كه‌رمانشاه يا ئيرانى بوو وهه‌تا كوه‌يتێ وتوركيا ئاگه‌ه ژێ هه‌بوويه.
ئه‌ڤرۆ نيوز:
نوكه ل سه‌رانسه‌رى پارێزگه‌ها دهۆكێ بۆ ده‌مه‌كێ درێژ ئه‌رد هه‌ژيا و پتريا وه‌لاتيان هه‌ست پێ كر، به‌لێ هێشتا چو جهێن فه‌رمى چو پێزانين ل سه‌ر به‌لاڤ نه‌كرينه.
ب گۆره‌ى ئه‌و ژێده‌رێن ب ده‌ست ئه‌ڤرۆ نيوز كه‌فتين ئه‌ڤ ئه‌ردهه‌ژه يا ب هێز بوو و سه‌رانسه‌رى عيراقێ يا ڤه‌گرتى.
دێ پێزانينێن زێده‌تر به‌لاڤ كه‌ين
نيشاندان