ئه‌ڤرۆ نيوز:

سەرەرای ڤێ چەندێ بڕیارا ئەنجامدانا ریفڕاندۆمێ ژلایێ ھەموو پێکھاتێن سیاسیێن کوردستانێ ھاتیە دەرکرن، بەلێ ھێشتا دوو لایەنێن سیاسی د بەرھەڤنین بھێنە ناڤ پڕۆسا ریفڕاندۆمێ، ئەوژی گۆڕان و کۆمەلا ئیسلامی یە، شیرەتکارەکێ پەرلەمانێ کوردستانێ دیارکر، کو چو وەلات نەشێن ئەڤی مافی لمە وەربگرن و دڤێت ئەندام و لایەنگرێن ھەردو حزبا گڤاشتنا بکەنە سەر حزبیێن خوە کو پشکداری ریفڕاندۆمێ بکەن.
پەرلەمانتارەکا کورد ل لبەغدا خویا دکەت، ریفڕاندۆم پرسەکا نەتەوەیە نەک یا حزبی پشکداریا ھەموو لایەنێن سیاسی دێ گرانیا خوە ھەبیت بۆ ئەنجامدانا ریفڕاندۆمێ و دێ باوەریا پتر لسەر ئاستێ ناڤخوە و دەرڤە ژی دەتە ئەنجامێن ئەڤێ پڕۆسێ.
شیرەتکارێ پەرلەمانێ کوردستانێ دکتۆر مەدحەت محەمەد سلێمان بۆ رۆژناما ئەڤرۆ گۆت” ئەڤە ئەمین خەلکێ کوردستانێ دێ بڕیارێ لدۆر ئایندەیا خوە بدەین و قانوونێن نێڤدەولەتی دگەلمەنە لەوڕا چو ولاتان مافێ ئەڤێ چەندێ نینن بێژن دژی ریفڕامدۆم و سەربخوەیا ھەرێما کوردسانێ ینە، چو وەلاتەکیش نەشێت بێژم ئەز دگەل ریفڕاندۆما ھەرێما کوردستانێ مە، ژبەرکو قانوونێن نێڤدەولەتی ئەو مافە نەدایە چو دەولەتا پێش وەلاتەکێ دیڤە داخوازا سەربخوەیێ بکەت، بەلێ یێ دبینین ھەموو ولاتێن جیھانێ دبێژن خەلکێ کوردستانێ مافێ خۆیە بڕیارێ لدۆر پاشە رۆژا خوە بدەن.
ب دیتنا شیرەتکارێ ناڤبری کو دبێژت، بلا بەھانەیا بۆ شکاندنا ئێکدوو ڤەنەبینین، ئەز دوێ باوەریێ دامە سبەی حزبا گۆڕان و کۆمەلا ئیسلامی بڕیارێ بدەن دێ ئەندام و لایەنگرێن وانا ب گەرمی بەحسێ ریفڕاندۆم و سەربخوەیا کوردستانێ کەن، داخوازێ ژ ئەوان کەسا دکەم یێن دژی پڕۆسا ریفڕاندۆمێ ئاخفتنا دبێژن خوە نەکەنە کۆیلەیێن چو حزبا، بەرۆڤاژی گڤاشتنان پێخن سەر حزبێن خوە ھەتا دەربازبین ل سیاسەتا جینۆساید و کیمیا بارانکرن و برسیکرنا خەلکێ کوردستانێ ژ لایێ بەغداڤە.
دکتۆر ئەشواق جاف، پەرلەمانتارا فڕاکسیۆنا پارتی لپەرلەمانێ عێراقێ بۆ رۆژناما ئەڤرۆ گۆت” ریفڕاندۆم پرسەکا نەتەوەیە نەک یا حزبی پشکداریا ھەموو لایەنێن سیاسی دێ گرانیا خوە ھەبیت بۆ ئەنجامدانا ریفڕاندۆمێ و دێ باوەریا پتر لسەر ئاستێ نافخۆ دەرڤەژی بدەتە ئەنجامێن ئەڤێ پرۆِسێ، ئەز داخوازێ ل لسەر کردایەتیێن بزاڤا گۆڕان و کۆمەلا ئیسلامی دکەم کو بڕیارا خوە لدۆر ریفڕاندۆمێ بدەن و بھێنە ناڤا ئەڤێ پڕۆسێ و پشکداری تێدا ھەبیت، چونکە ریفڕاندۆم پرسەکا نیشتیمانی و نەتەوەیە و پەیوەندی ب چو پارت و لایەنان ڤە نینە بەرۆڤاژی پەیوەندی ب پاشەڕۆژا گەلێ کوردستانێ ب گشتی ھەیە، پێدڤیە ھەموو لایەک یێ ھەڤکاربیت بۆ سەر ئێخستنا ئەڤێ پڕۆسێ، ھەتا دشێن وەکە دەلیڤێ بخوە بکاربینن ھەتا ئاریشەیێن نافخۆژی بھێنە چارەسەرکرن، ئەز دشێم بێژم دڤێت ئەم ڤێ قۆناغێ دا رژدبین بۆ کاراکرنەڤا پەرلەمانی و پتر کار بۆ باشترکرنا ژیانا وەلاتیانژی بھێتەکرن کو لڤێ قەیرانا نوکە کەتیە تێدا دەربازببن.

ئەڤرو نیوز ، رۆژھات لوقمان:
پشتی نیڤرویا ئەڤرو فروکێن شەرکەرێن تورکی ب بھانەیا ھەبوونا بنگەە و بارەگایێن پارتا کرێکارێن کوردستانێ دەڤەرا ئامێدیێ بوردومانکر.
دڤی واریدا وەلاتیەکێ کومەلگەھا سیریێ یا سەر ب ناحیا شێلادزێ بناڤێ ” ئەیوب عەلی ” بۆ ئەڤرو نیوز گۆت: (ئەڤرو پشتی نیڤرو فروکێن شەرکەرێن تورکی ب دژواری دەڤەرا نێروەورێکان و دوسکی ژوری و دەڤەرا نێھل و بەرێ گارێ یا سەر ب قەزا ئامێدیێ بوردومانکر ئەڤ د دەمەکێ دایە کو ھژمارەکا زور یا خەلکێ ئەوان دەڤەران قەستا ناڤ رەز و بیستانێن خوە کریە ژبەرڤی َدخوازین کو پەکەکە ل وان دەڤەران نەمینن داکو فورکە بوردومانا دەڤەرێ نەکەن )
ل گورەری ئاخفتنێن ناڤبری ھەتا زیان ل پەی بوردومانا فروکێن تورکی بو دەڤەرێ درۆست بوینە بەلێ ژبەرکو دەڤەر دھاتە بوردمانکرن کەسێ چوو ژ زیانێن وێ نەزانی.

ئەڤرو نیوز ، لەزگین جوقی:
ل بارا ئەنجامدانا ریفراندوم و سەربخویا ھەرێما کوردستانێ بنگەھێ لالش یێ رەوشەنبیری و جڤاکی کو سەر ب جڤاتا روحانیا ئێزدیانە ، ھەلویستێ خوە راگەھاند کو ئەڤا ل خوارێ دەقا وێ یە.

پشتی دەھێن سالان قوربانیێن گران،ئەوێن گەلێ مەی کوردستانێ پێشکێشکری کو پێنووس نکاریت دەربرینێ ژ وێ زیان و زەرەرێ بکەت ل سەرتەڤایا ئاستێت مرۆڤایەتی و ئابووری و ژینگەھێ ، ژناڤبرنا ب ھەزارا گوندا و راکرنا خەلکێ وان ، تاوانێن ئەنفالا و لێدانا وان ب گازا ژەھراوی ،نێزیک بوویە رۆژا ئازادیێ بھەلیت ل سەر ئەردێ کوردستانێ داکو گەلێ کوردستانێ ببنە سەروەرێ ئاخا خوە یا دیرۆکی بێ ھیچ دەسەلات و داگێرکرنەکێ ژبلی کوردا .
ب گرنگیدانەکا مەزن مە دیڤچوون کریە و دیڤچوونا پێنگاڤێن سەرکردایەتیا ھەرێما کوردستانێ دکەین بەرەف راپرسینا مللی بۆ مافێ چارەنڤیسێ کوردستانێ ، ھەڤرکییا کاودانێن ناڤخۆی یێن ھەرێمایەتی یێن ئالۆز و رێڤەچوون بەرەف کەش و ھەوایەکی ئازاد سەرەرای ھەمی ئاستەنگان ،ئەم باش ھەست دکەین کو ئەو پەککەفت و ئاستەنک ناکەڤنە بەرامبەری ڤیانا وی گەلێ تێھنیێ ئازادیێ و قورتالبوویێ بن دەستیێ ، نەخشێ ئاواتێن رەوا ھاتە کێشان ب رۆناھیا رۆژا بیست و پێنجی ئەیلولا داھاتی وەک ژڤانێ ئەن.

بنگەھێ لالش