NO IORG
نووترين نووچه
Facebook

ئه‌ڤرۆنيۆز:

ب شێوه‌كێ نه‌چاڤه‌رێكرى ستێرا به‌رازيلى ويانا پاريس سان جيرمان (نيمار دا سيلڤا) سه‌ره‌دانا ياريكه‌رێن يانا به‌رشه‌لونا ل ژۆرا گۆهارتنێ ل ياريگه‌ها نوكامپ كر پشتى ب دووماهى هاتنا راهێنانێن يانا به‌رشه‌لونا.

گه‌له‌ك ده‌زگه‌هێن راگه‌هاندنێ ل جيهانێ وه‌سا دياردكه‌ن كو سه‌ره‌دانا نيمارى بۆ يانا خوه‌ يا به‌رێ به‌لگه‌يه‌ ل سه‌ر وێ چه‌ندێ كو نيمار يێ ئارام نينه‌ ل يانا پاريس سان جيرمان.

رۆژناما(سپۆرت) به‌لاڤكر(نيمار ل گه‌ل هه‌ڤالێن خوه‌ يێن نێزيك ل به‌رشه‌لونا ئاخڤت وگۆته‌ وان دێ قه‌بوول كه‌ن جاره‌كادى ب زڤرم؟).

6755

ئه‌ڤرۆنيۆز:

ئه‌ندامێ سه‌ركردايه‌تيا پارتى ديموكراتى كوردستان، هێمن هه‌ورامى بريارا به‌نكا ناڤه‌ندى يا عيراقێ ب راوه‌ستاندنا فرۆتنا دۆلارى بۆ لقێن به‌نكان ل هه‌ريمێ ب سزادانا ب كۆم هژماره‌ت.

هه‌ورامى دبه‌رپه‌رێ خوه‌ ل تويته‌رى گۆت( سزدانه‌كا ب كۆم يا دى ژبه‌غدا ل سه‌ر هه‌رێما كوردستاێ هاته‌ سه‌پاندن، ئه‌وژى بريارا راوه‌ستاندنا فرۆتنا دراڤێ بيانى بۆ لقێن به‌نكان ل هه‌رێما كوردستانێ.

دهێته‌ زانين، به‌نكا ناڤه‌ندى يا عيراقێ ل رۆژا چارشه‌مبى يا بۆرى ئه‌ڤ برياره‌ ده‌ركربوو وئاماژه‌ دابوو كو وێ ل دووڤ برياره‌كا جڤاتا نوونه‌رێن عيراقێ ئه‌ڤ كاره‌ ئه‌نجامدايه‌.

76

ئەڤرۆ نیۆز ، زنار تۆڤی:

ئیدین هازارد یاریزانێ یانا چێلسی یا ئنگلیزی گوتیە ئەو یانەیا کو زێدان سەرپەرشتیێ لێ دکەت،دێ من پێخۆش بیت یاریێ بۆ بکەم.

یاریزانێ بەلجیکی د لێدوانەکێ دا بۆ رۆژنامەڤانان بەحس ل زەینەدین زێدانێ راهێنەرێ یانا ریال مەدرید دکەت و دبێژیت هەموو کەس دزانن کو من چەند رێز ل زێدانی گرتیە دەمێ ئەو یاریزان،نوکە ژی کو راهێنەرە ب هەمان شێوە رێزێ لێ دگرم،ئەو ئێکە ژ وان راهێنەران کو من دڤێت ژیانا من یا یاریکەریێ وەک یا زێدانی دەرباز ببیت ب باشترین شێوە،هەر چەندە ئەز نزانم دێ داهاتیێ من چو لێ هێت،بەلێ حەز دکەم ل یانەیەکێ یاری بکەم کو زێدان راهێنەراتیێ لێ بکەت،ل گەل هندێ ژی ل یانا چێلسی زۆر یێ دلخۆشم و گەلەک ناسناڤ هەنە دبێت ئەم ببەین.

هازارد د ژیێ 26 سالیێ دایە و ل ڤی وەرزی ل گەل یانا چێلسی پشکداری د 14 یاریان دا کریە و 3 گۆل تۆمارکرینە و 4 ئەسیست ژی دروستکرینە.

ئه‌ڤرۆ نيوز:

سه‌رۆكێ مسرێ عه‌بدولفه‌تاح سيسى رێزه‌كا تايبه‌ت ل كچا ئێزدى له‌ميا حه‌جى به‌شار چالاكڤانا وارێ مافێن مرۆڤى گرت كو ژ لايێ داعش روو ب روويێ ده‌ستدرێژى و شێواندنا لاشى بوويه‌.

ل دووماهيا كۆربه‌ندێ جيهانى، سيسى ب شێوازه‌كا تايبه‌ت ل گه‌ل له‌ميايێ ئاخفت و قه‌لغانێ كوربه‌ندى پێشكێشى وێ كر و پاشان ل سه‌ر ستێچێ هۆلێ ل گه‌ل چوو هه‌تا چووى و جه‌ماوه‌ى ژى ب ده‌ستقوتان پێشوازى لێكر.

سيسى ل 5ى ڤێ هه‌يڤێ ب گۆتاره‌كا ده‌سپێكرنا كارێن كوربه‌ندێ گه‌نجێن جيهانێ ل وه‌لاتێ خوه‌ راگه‌هاند و هه‌تا 9ى ڤێ هه‌يڤێ يا به‌رده‌وام بوو.

كۆربه‌ند ل شه‌رمولشه‌يخ ب پشكداريا سێ هزار گه‌نجان ل جيهانێ و ب ده‌هان سه‌رۆك و سه‌رۆك وه‌زير و به‌رپرسێن پله‌ بلندێن وه‌لاتان د پشكدار بوون.

د ڤى كۆربه‌ندى دا، له‌ميا به‌شار، گۆتاره‌ك پێشكێش كر و ژ ئه‌گه‌رێ وێ چه‌ندێ پتريا ئاماده‌بوويان كرنه‌ گرى و تێدا به‌حس ل وان نه‌هامه‌تيان كر يێن ژ لايێ داعش ب سه‌رێ وێ هاتين.

ئه‌ڤرۆ نیۆز،زنار تۆڤى:

كاره‌كێ خۆش نینه‌ ده‌مێ تۆ ترۆمبێلا خۆ دهاژۆى و لایتێن پێشیێ زه‌ر ببن،چونكى دێ سیمایه‌كێ نه‌شرین ده‌ته‌ ترۆمبێلێ،هه‌ڤده‌م ب شه‌ڤێ ژى وه‌كو پێدڤى به‌رسنگێ ته‌ رووهن ناكه‌ت،بۆ هندێ كو لایتێن ترۆمبێلاته‌ زه‌ر نه‌بن ڤان رێنمایان بكار بینه‌:

.ترۆمبێلا خۆ بۆ ماوه‌یه‌كێ زۆر نه‌هێله‌ ل به‌ر تیشكا تاڤێ ب تایبه‌تى د وه‌رزێ هاڤینێ دا،چونكى پلێن بلند یێن گه‌رمێ هوكارن بۆ تێكچوونا لایتێن ترۆمبێلا ته‌.
.دبیت باران ژى زیانێ بگه‌هینیته‌ لایتێن ترۆمبێلێ،ئه‌و ژى ژبه‌ر وان گازێن زیانبه‌خش یێن كو ژ كارگه‌هان ده‌ردكه‌ڤن و تێكه‌لى بارانێ دبن.

.ترۆمبێلا خۆ ل وى جهى رانه‌وه‌ستینه‌ یێ كو گه‌له‌ك تۆز ب سه‌ر دا بهێت.
.ده‌مێ تۆ ترۆمبێلا خۆ دشۆى یان ژى ل ده‌مێ باران بارینێ،تۆ هه‌ست ب ڤى جۆرێ زه‌ربوونێ دكه‌ى،بۆ هندێ كو ته‌ریاتیا شۆشتنێ و ئه‌و باران زیانێ نه‌گه‌هینیته‌ نافخۆیا لایتێن ترۆمبێلێ،ژ هندێ دل رحه‌ت به‌،كو لایتێن ته‌ چو شكه‌ستن و ده‌رز تێدا نینن.
هه‌روه‌سا بۆ پارێزگاریكرنێ ل ڤان خالێن سه‌رى،ترۆمبێلا خۆ ل جهێن سیبه‌ر راوه‌ستینه‌،هه‌كه‌ سیبه‌ر نه‌بوو،پێدڤیه‌ تۆ تشته‌كێ دانیه‌ سه‌ر لایتێن ترۆمبێلا خوه‌ و ژ گه‌رمێ ب پارێزى.

ل دووڤ گوتنێن شاره‌زایان ئه‌ڤ خاله‌ ئه‌گه‌رێن سه‌ره‌كى یێن زه‌ربوونا لایتێن ترۆمبێلانه‌،بۆ رزگاربوون ژ ڤێ زه‌راتیێ چه‌ندین رێك هه‌نه‌ بۆ لابرنێ،به‌لێ پێدڤیه‌ وێ چه‌ندێ بزانین كو گه‌له‌ك مانه‌یا ڤێ زه‌ربوونێ،ئه‌گه‌رێ ژێڤه‌كرنێ ب زه‌حمه‌تتر لێ دكه‌ت.

 

ئه‌ڤرۆ نیوز، نه‌وزاد هلۆرى:

شێوازێ ژیانا ئافره‌تان و شاره‌زایا وان د ژین و ژیان و كاروبارێن رۆژانه‌ و شێوازێ خوارن و ره‌فتاران ئه‌گه‌رێن دوگیانبوونا ئافره‌تانه‌، ئه‌وێن ل خوارێ پێنج ژ گرنكترین نهێنییێن دوگیان نه‌بوونا ژنانه‌.

1-      چه‌ورى ” دوهنیات ”  : خوارنا خوارنێن ب چه‌ورى یێن گران وه‌كو خوارنێن سوركرى وخوارنێنن بله‌زهێلكێن ژنان لاواز دكه‌ن و ئه‌گه‌رێ زاروكبوونێ كێم دكه‌ت.

2-      گه‌له‌ك وه‌رزشكرن : ئه‌نجامدانا وه‌رزشه‌كا زور و نه‌پێدڤى و وه‌ستيانه‌كا زۆر و نه‌ شاره‌زایى د وه‌رزشى دا و هنده‌ك لڤینێن شاش كارتێكرنێن نه‌رێنى ل سه‌ر هێلكێن ژنان درۆست دكه‌ن.

3-      له‌شه‌كێ لاواز : هه‌بوونا له‌شه‌كێ لاواز و نه‌خوارن و ڤه‌خوارنا پێدڤى، ئێكا دنه‌ ژ خالێن نه‌رێنى كو كارتێكرنێ ل سستبوونا هێلكان دكه‌ت.

4-      هه‌بوونا سترێسێ ل سه‌ر زه‌لامێ ژنێ: ڤه‌كۆلین دده‌ن دیاركرن هه‌كه‌ زه‌لامى سترێس ل سه‌ر هه‌بیت ئه‌ڤجا ژ به‌ر كارى بیت یان وه‌ستيانێ دێ بیته‌ سه‌ده‌ما كارتێكرنێن مه‌زن ل سه‌ر سپێرمێن زه‌لامى و گرنگه‌ گه‌له‌ك كارتێكرن ل سه‌ر زه‌لامى نه‌هێنه‌كرن.

5-      ده‌مێن شاش : هنده‌ك ده‌م و وه‌خت هه‌نه‌ ئافره‌ت چه‌نسێ دوگيانبوونا ئافره‌تێ تێدا زێده‌تره‌ ژهنده‌ك ده‌مێن دى، ژبه‌رڤێ ل گوره‌ى عاده‌یا هه‌یڤانه‌ پێدڤیه‌ ئافره‌ت یا شاره‌زا بیت ، ب هه‌ر رێیه‌كا هه‌بیت پێدڤیه‌ ئافره‌ت رێیا زانینا ده‌مێن خوه‌ و وان رۆژان بزانیت يێن كو پێدڤيه‌ بزانيت بۆ دوگيانبوونا خوه‌.

ئەڤرۆ نیۆز،زنار تۆڤی:

سەرۆک مەسعود بارزانی ب ئێک ژ کاریگەرترین کەسایەتی و سەرکردێن جیهانا ئیسلامی دهێتە دانان.

سەنتەرێ شاهانە بۆ ڤەکۆلینێن ستراتیژی، کو بنگەهێ وێ یێ سەرەکی ل عەمانا پایتەختێ ئوردنێ یە، لیستەک بەلاڤە کریە،کو ناڤێ 500 کەسایەتیێن کاریگەرێن جیهانا ئیسلامی بۆ سالا 2018 تێدانە.

دناڤا وێ لیستێدا، ناڤێ سەرۆک بارزانی وەک ئێک ژ کاریگەرترین کەسایەتیێن جیهانا ئیسلامی هاتیە دیار کرن،کو هەڤشێوێ هەر ئێک ژ شاه سەلمانێ شاهێ سعودیێ، شاه عەبدولایێ شاهێ ئوردنێ،رەجەب تەییب ئەردۆغانێ سەرۆکێ تورکیا و عەلی خامنەیی رێبەرێ بلندێ ئیرانێ،یێ کاریگەرە د جیهانا ئیسلامی دا.

هەروەسا ژ سەرجەمێ زێدەتر ژ حەفت ملیار کەسان د جیهانێ دا، نێزیکی دو ملیار کەسان موسلمانن.

164

ئەڤرۆ نیۆز،زنار تۆڤی:

حوکمەتا بریتانیا دەمێ چوونا ژ دەرڤە د ئێکەتیا ئورۆپی دا دیارکر،پشتی کو وەلاتیێن بریتانی د ریفراندۆمێ دا،داخوازا جۆدابوونێ ژ ئێکەتیا ئورۆپا کری.

دێیڤد دیڤیز، وەزیرێ تایبەت ب دەرچوونا بریتانیا ژ ئێکەتیا ئورۆپا راگەهاندیە،کو دیاریکرنا ماوێ ڤێ دەرچوونێ بۆ رەڤاندننا گومانا وان کەسانە،یێن کو بەحس ل گیرۆبوونا ڤێ بریارێ دکەن.

ل دووڤ بریارەکا حوکمەتا بریتانیا،دەمژمێر 11 شەڤا 29/3/2018، بریتانیا ب تەمامی دێ ژ ئێکەتیا ئورۆپی دچیتە ژ دەرڤە.

رۆژا 23 خزیرانا 2016، وەلاتیێن بریتانیا بەشداری د ریفراندۆمێدا کر و تێدا ٪51.9 یا بەشداربووان دەنگێ خۆ ب بەلێ دا بۆ دەرکەفتنا بریتانیا ژ ئێکەتیا ئورۆپا دا.

ئەڤرۆ نیۆز،زنار تۆڤی:

سه‌رۆكێ فرنسا د كۆنگره‌کێ رۆژنامه‌ڤانیدا،راگەهاند، چالاكیێن ئیرانێ ئەڤ دەڤەرە ب تەمامی شلەژانکرینە،لەورا‌ پێشبینی د‌كه‌م، سزا بکەڤیتە سه‌ر به‌رنامێ‌ موشه‌كێن وێ.

ئیمانوئێل ماكرۆن، سه‌رۆكێ فر‌نسا،د كۆنگره‌کێ رۆژنامه‌ڤانیدا پشتی کو دوماهی ب گه‌شتا خۆ یا ئێک رۆژی ئینای بۆ وەلاتێ ئیماراتێ،دیارکر:دێ دانوستاندنێ ل سەر دۆسەیێن ئیرانێ و یه‌مه‌نێ و لوبنانێ كه‌ین.

هەروەسا گوت ژی،چالاكیێن‌ مووشه‌كی یێن ئیرانێ،رۆژهەلاتا ناڤین ب ‌ته‌مامی شلەژانکریە‌ و ب ڤێ چەندێ‌، پێشبینی دکەم،کو سزای بێخینە سەر وی وەلاتی.

سه‌رۆكێ فرنسا،پشتی‌ ئیماراتێ سەرەدانا وەلاتێ سعودیه کریه،دێ ل ‌گه‌ل محه‌مه‌د بن سه‌لمان، جهنشینێ وی وەلاتی گوتۆبێژان کەت.

ئەڤرۆ نیۆز،زنار تۆڤی:

زەلام هه‌ولدده‌ن سه‌رنجا ژنان بۆ لایێ خۆ رابکێشن و بۆ ڤێ مه‌به‌ستێ ژی ده‌ستپێشخه‌ریێ دكه‌ن و گەلەک هه‌ولان د‌ده‌ن،هەکە زەلام ڤان پێنگاڤان جێبه‌جێ بكه‌ن، ب‌ دلنیایی ڤە دێ هه‌ولێن وان د سه‌ركه‌فتی بن و دێ سه‌رنجا وی كه‌سێ وی دڤێت بۆ لایێ خۆ راکێشیت:

. ل دەمێ نەخۆشیاندا رزگار بكه‌:هەکە تەدیت د ئاهه‌نگەکێدا ب تنێ یا راوەستیای،خۆ نێزیك بکە و ب تنێ نەهێلە،هەروەسا هەکە تە دیت ل‌ زانكۆیێ ب تنێ گەریا‌ مێهڤان بکە ب خوارنەکێ یان ڤەخوارنەکێ،دیسا هەکە ل‌ ناڤ چەند کەسان دا بۆچوونەک دەربری،پشتگیریێ ل بۆچوونا وێ بکە.

. هه‌موو گاڤا‌ د‌ رەفتار و مامه‌لەکرنێ دا خۆ بۆ وێ دیاربکە،کو ئەو جهێ گرنگیدانا تەیە،هەروەسا ل دەمێ گوتۆبێژکرنێ دا بەرێخۆ بدە‌ چاڤێن وێ.

.هەکە پێشتر هوون گەلەک نێزیكی ئێک نەبن و هەوە باش ئێکودو نەنیاسیبیت،تۆ دشێی وه‌ك پێنگاڤا ئێکێ داخوازکەیە جهەکێ گشتى،یان ژی پێکڤە پشکداریێ د چالاكیه‌كێدا بكه‌ن و باوەریێ ل دەف دروست بکەی.

website security
WP Facebook Auto Publish Powered By : XYZScripts.com