ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 4ى خزيرانا 2017ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1243 |
| 1 يۆرۆيێ ئهورۆپى | 1390 |
| 1 ليرێ توركى | 350 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئەڤرو نیوز ، نەوزاد زادە ھلوری:
ئەڤرو ل دەما مەلەکرنێ ل ھاڤینگەھا گەلیێ عەلی بەگسنوورێ قەزا سوران دوو کەس حەندقین و ھەتا نھا ژی تەرمێن وان نەھاتینە دەرئینان.
دڤی واریدا عیماد رێکانی رێڤەبەرێ رێڤەبەریا بەرەڤانیا باژێری ل سوران بۆ ئەڤرو نیوز گۆت: (نیڤرویا ئەڤرۆ ل ھاڤینگەھا گەلیێ عەلی بەگ ل سنوورێ قەزا سوران ل دەما مەلەکرنێ دوو کەس بناڤێ” رومیا کاوە ” دایکبویێ سالا ١٩٩١ و ” حەسەن عومەر ” دایکبوویێ سالا ١٩٩٢ حەندقین کو ھەردوو ژی خەلکێ دەڤەرێ نە و ل ھەولێرێ دژین)
زێدەتر گۆت: ( ئەو دوو کەسە ئێک پێشمەرگەیە و ئێک ژی ئاسایشە و بو مەرەما بوراندنا دەمەکێ خوش قەستا ئاڤا گەلیێ عەلی بەگ کریە ، نوکە تیمێن مە مژولێ دەرئینانا تەرمێن وانن)
ئەڤرو نیوز:
نڤیسینگەھا راوێژکارێ ئاسایشا ھەرێما کوردستانێ بەرسڤا سەفیرێ بەرێ یێ عیراقێ ل واشنتون ددەت و ھەموو ئاخفتنێن وی رەت دکەت و ددەتن دیارکرن کو ئەمریکا چوو ھەلویستێن فەرمی لسەر رەتکرنا پرسا ریفراندوم و سەربخویێ نەداینە.
دراگەھاندنەکێ دا کو دانەیەک بو ئەڤرو نیوز ھنارتیە نڤیسینگەھا راوێژکارێ ئاسایشا ھەرێما کوردستانێ ددەتن دیارکرن کو “لوقمان فەیلی “سەفیرێ بەرێ یێ عیراقێ ل واشنتون چەند داخوانەک ل چەند دەزگەھێن راگەھاندنێ بەلاڤکرینە و وەسا ددەتن دیارکر کو ئەمریکا دژایەتی یا خوە بو پرسا ریفراندوم و سەربەخویا ھەرێما کوردستانێ بو بەرێز مەسرور بارزانی راوێژکارێ ئەنجومەنا ئاسایشا ھەرێما کوردستانێ دیارکریە.
د راگەھاندنێ دا زێدەتر ھاتیە: (ئەم ل ڤێرە بو رایا گشتی روون دکەین کو د ھەموو ئەوان کومبوون و رونشتنێن راوێژکارێ ئەنجومەنا ئاسایشا ھەرێما کوردستانێ پشکداربویی ل گەل بەرپرسێن پلە بلندێن ئەمریکا ، کارگێریا ئەمریکا ھەڤسووزی و پالپشتی یا خوە دیارکریە و ئەو لدوڤ خواستێن گەلێ مەنە و ھەردوولایان ژی تەکەست لسەر وێ یەکێ کریە کو ھەموو پرس و ئاریشە ب رێیا تێگەھشتنێ دڤێت بھێنە چارەسەرکرن ، و سەفیرێ بەرێ یێ عیراقێ ئاگەھدارێ ناڤەروکا ئەوان کومبوونان نینە و ھەتا خوە پشکدار ژی نەبوویە ، ئەو بریکارێ کارگێریا ئەمریکا ژی نینە کو ل جھێ ئەوان داخویانیان بدەت ، ئەمریکا ھەلویست و کەنالێ فەرمیێ خوە ھەیە ئەگەر ڤیا ڤێ یەکێ بێژن و ھەتا نھا چوو داخویانیێن بڤی رەنگی نینن ، و بابەتێ ریفراندوم و سەربخویێ ژی داخوازیا گەلێ مەیە و بریارا ڤێ یەکێ ژی دی َھەر بو گەلێ کوردستانێ بیت)
.
.
ھلوری
ئەڤرو نیوز:
رێڤەبەریا گشتی یا کەشناسی و بیڤەلەرزێ ل ھەرێما کوردستانێ دیارکر کو دڤێ ھەفتیێ دا دێ پلەیێن گەرمایێ بو ٤٠ پلە بو سەری بلند بن.
رێڤەبەریا گشتی یا کەشناسی و بیڤەلەرزێ ل ھەرێما کوردستانێ د راگەھاندنەکێ دا کو دانەیەک دەست ئەڤرو نیوز کەفتیە ھوشداریێ ددەتن وەلاتیان کو دڤێ ھەفتیێ دا دێ پلەیێن گەرمایێ ٤٠ پلە بو سەری بلندبن ، و ئەڤ بلندبونە ژی دێ ژ ئەڤرو وێڤە دەست پێ کەت و ھەتا دوماھیا ھەفتیێ یا بەردەوام بیت و دخوازن کو وەلاتی خوە ژ گەرمایێ بپارێزن.
زێدەتردراگەھاندنا وان داە اتیە ، بلندترین پلەیا گەرمایێ دێ ل سەنتەرێ پارێزگەھان بیت ب شێوەیەک ل ناڤەندا باژێرێ کەرکوک و کەلار و خانەقین دێ بو ٤٠ و زێدەتر بلند بیت.
ئەڤرو نیوز ، نەوزاد زادە ھلوری:
ئەو وێنێ ل خوارێ وێنەیێ جورەکێ نوو یێ گیانەوەرەکێ یە کو ل سەنتەرێ باژێرێ دھوکێ ھاتیە دیتن.
یوسف موحسن ئەو کەسەیە کو ئەو گیانەوەرە دیتی بۆ ئەڤرو نیوز گۆت: (ل نێزیک نڤێژا عەیشا شەڤا بووری ئەڤ جورە گیانەوەرە مە دناڤا حەوشا مالا خوە دا دیت ، وەکو دیارە گیانەوەرەکێ زور جوان و سەرنجراکێشە ، ئەڤ جورە گیانەوەرە وەکو تاوسی یە و رەنگاو رەنگە و دفریت ، بەلێ ب فریکەکا نزم ، و دیسان ب پیان ژی دچیت و گەلەک ژی ژ روناھیێ د ترسیت)
زێدەتر گۆت: (ئەم نوزانین ناڤێ وی چی یە و ل کیڤە دژیت و ل کیرێ ھاتیە ، بەلێ زور جوانە و پەرێن وێ ھەموو د نەخشاندینە و سەرێ وێ ژی وەکو کولیایە ، ھەتا نھا ئەڤ گیانەوەرە ل جھێ خوەیە و دخوازم کو جھێن شولەژێ ڤەکوینەکێ لسەر بکەن ژبەرکو گیانەوەرەک زێدە جوانە)
ئەڤرو نیوز:
شەڤا بوری ل لەندەنا پایتەختێ بەریتانیا زنجیرەکا ھێرشێن تیرورستی ھاتنە ئەنجامدان ، ل گورەی راگەھاندنێن جیھانی شەش کەس ھاتینە کوشتن و ٤٨ دن ژی بریندارن.
کەنالێ “روسیا الیوم “راگەھاند کو دەستپێکێ ترومبێلەکا بچوک ل باکوورێ پرا لەندەن ل ناڤەراستا باژێری نێزیک بو و پاشان سێ کەس ب چەقویێن مەزن ڤە ھاتنە خوارێ و ھێرش کرە سەر خەلکی ل ناوچەیا ناسیار ب ” بورمارکێت ” کو ئێکە ژ دەڤەرێن ھەری قەرەبالغ و بناڤ و دەنگ ل لەندەنێ ، ل گورەی ئاخفتنێن وان کەسانێن کو روودان ب چاڤ دیتی کو ئەوان کەسان ب رێیا چەقویان ھژمارەکا خەلکی کوشتی و بریندارکرینە.
پولیسێن لەندەن راگەھاند کو ھەتا نھا شەش کەس ھاتینە کوشتن و ٤٨ کەس ژی بریندارن و ھەموو ئەو بریندار بو سێ نەخوشخانەیێن نێزیک ل لەندەن ھاتینە ھنارتن ، و دیسان سێ کەش ژی ژ ھێرشبەرێن لەندەن ھاتینە کوشتن ژلایێ پولیسان ڤە ، داداخویاکرن ژی کو ئەڤ یەک کریارەک تیرورستی بوویە ، ئەڤە د دەمەکێ دایە کو ھەر ل بریتانیا بەلێ ل دەڤەرا فوکسھولی ل باشوورا لەندەن ژی کریارەک دن یا توندوتیژیێ روویدایە ، بەلێ ھەتا نھا دیار نینە کا کریار تیرورستی بوویە یان نە.
پشتی ئەڤان کریاران تێرێزا مەی سەروک وەزیرا بەریتانیا گوتارەک پێشکێشکر و راگەھاند کو زانیاریێن نوو لسەر بوویەرێ ل بەر دەست نین و ئەو دێ سپێدەھیا ئەڤرو بو رایا گشتی دەن دیارکرن.
ھێرشا لەندەن رەنگڤەدانێن مەزن ل پەی خوە ھێلان و ھەر ئێک ژ ئەمریکا و روسیا و وەلاتێن ئەوروپی دلگرانیا خوە ھەمبەری ئەڤان ھێرشان دەربری.
.
.
.
ب. ھلوری
ئەڤرو نیوز ، نەوزاد ھلوری:
ئەڤ شەڤە ل سەنتەرێ قەزا سوران گەنجەک ب گولەیەکێ ھاتە کوشتن و پولیسان ژی دەست ب ڤەکولینێ کر.
دڤی واریدا ئەحمەد نافکورتکی ئێک ژ کەس و کارێن ئەوی گەنجی بو ئەڤرو نیوز گۆت: ( ئەڤ شەڤە ژ ئەگەرەکێ نەدیار کورێ خالەتا من ھاتیە کوشتن و ھەتا نھا ئەم نوزانین کا ئەگەرا گەرا کوشتنا وی چي يە)
ژێدەرەکێ ژ پولیسێن قەزا سوران کوشتنا ئەوی گەنجی بو ئەڤرو نیوز دوپاتکر و گۆت: (ئەڤ شەڤە ژ ئەگەرا گولەیەکێ گەنجەک ل تاخێ حەریق ل سەنتەرێ قەزا سوران ھاتیە کوشتن و تەرمێ وی بو نەخوشخانا داد ل سوران ھاتیە ھنارتن ، پولیسێن سوران ژی دەست ب ڤەکولینێ کریە بو زانینا ئەگەر و ئەنجامێ روودانێ)
نيشاندان
