ئەڤرۆ نیوز ، هلۆری:
ئاکار هیوا حامد ئەو قوتابیێ نابینابویە کو پلا سێیێ ل سەر ئاستێ هەرێما کوردستانێ دەستخوڤە ئینایی ، بزانە چێروکا سەرکەفتنا وی چەوا بو کو بابێ وی د نامەیەکێ دا روون دکەت.

نامەیەک ژ بابەکێ دل ب خەم
بو کورەکێ نابینایێ بەهرەمەند

کورێ من ل نیڤا دلی خوە پیروزباهیان ل تە دکەم ل بارا ب دەستخوڤە ئینانا نمرەیا 97،3% د ئەزموننێن رێزا 12ێ ئامادەیی دا.
ئەز دزانم شیانێن تە د چ ئاست دانە ، ژبەرڤێ زیدەباری کو تو نابینایی تە کێمترین پیدڤیێن خواندنێ ژی ل بەر دەست نەبوون ، تە د ژورەکێ دا دخواند کو یا هەڤپشک بو ل گەل چوار خوشک و برایێن دن ، ژورا تە نەک تنێ موبەریدە نەبوو بەلکو ئەو ئاڤاهیێ تە تێدا دخواند ژی موبەریدە تێدانەبوو.
ئەز دزانم تە چەند خەمخوارینە دەما کو خوشک و برایێن تە ژ هەموو خوشین دیتنا تێلەڤزیوونان و ئامیرێن دن بێ بەهربوین، بەلکو زیدەتر ژ ڤێ یەکێ ل دەما خواندنا ئەزموونان ئەو هەموو د چونە مالێن کەس و کار و خزمێن خوە داکو تو بخوونی ، ئەز دزانم تە چەند خەم دخوارن دەما کو دایکاتە وانە بوتە دگوتن و تە گۆهداری بو دکر ، هەر ژبەر تە داکو ژ نێزیک هایدارێ رەوشا تە بیت دایکا تە مولەت وەردگرت و بڤێ یەکێ ژی چاریک چاریکا موچەی وەردگرت داکو تو ب سەرکەڤی.
تو ب راستی بەهرەمەندێ بەهرەمەندانی ، بەلێ ب لێبورین ڤە حکومەت یا نەبهیستی و نابینابویە هەمبەری تە ، دەما چەند روژایە تویێ خەمباربوی نەک تنێ کو مافێ تە دناڤا قوتابیێن ئێکێ و دوویێ و سێیێ نەبویە ، بەلکو هەند دفن بلندبوون ژ خوە نەگرت ژی کو بێژن تە سوپاس و پیرۆزبیت.
ئاکار کورێ من ، ئەوا کو پەیوەندی ب من ڤە هەیی قەدەرا تە هوسایە کو ئەز کەسەک نیمە کو مەملەکەتەک لسەر ناڤێ من بیت ، ببوورە ، تو دزانی کو من پشکەک ژ ژیانا خوە ، سەروەت و مالێ خوە ، ئارامیا خوە هەتا خوە یێن خوشک و برایێن تەژی ، بوتە تەرخانکرینە ، سوپاسیا خودێ دکەم من توو دەهان نوژداران بری و سێ جاران ژی رەوانەیێ دەرڤەکری داکو روناهیا جاڤێن تە بزڤریت بەلێ ئێک دینار ژی بو حکومەتا ساڤا نەبویە بارگرانی ، بەلکو حکومەتێ هەتا خوە موچەیێ کێم ئەندامیێ ژی نادەتن تە ، من ئەو یەک پێچێدبیت کو سووزەکێ بدەم تە و بوتە بکەم ئەوە کو هەر تشتێ ژ دەستێ من بهێت بوتە بکەم داکو ژ کوردستانێ دەرکەڤی و تە فرێبکەم وەلاتەکێ کو بهایێ تە و مروڤاتیێ بزانن ، ئەز دزانم دێ گەلەک پارە چن ژبەرکو تو وەکو گەنجێن چەلەنگێن کوردستانێ نی رێیا قاچاخ هەلبژێری و ب پیان بچی.
کورێ من تنێ رێکێ بدە من کو سوپاسیا خودێ و خەلکێ کوردستانێ بکەم کو چەند روژە ژبلی حکومەتا نەبهیستی و نابینا پشکداری د خوشیێن نمرێن تە دەستخوڤە ئینایی کری و ل دوماهیێ دبێژم ببورە هەتا خوە سەرکەفتنێن تەژی خەما بوتە دئینن.

هیوا حامد
بابێ ئاکاری

ئەڤرۆ نیۆز،زنار تۆڤی:

بۆ ئێکەمین جار د مێژوویێ دا مرۆڤێن قەساب و گۆشتفرۆشان پێلاڤێن ب چمک دکرنە پێ خوە،ئەڤه ژی بۆ هندێ بوو،داکو پێ یێن وان خویناوی نەبن،دەمێ کو وان پەز و گیانەرێن دیتر سەر ژێدکرن،پشتی هنگێ وەلێهات وان ل دوکان و ل مال ژی کرنە پێ خوە.

لێ هێدی هێدی ئەڤ جۆرێ پێلاڤا بوونە وەک پێدڤیەکا ژنان و ئێدی زەلامان نەکرنە پێ خوە،نوکە وەلێ هاتیە کو چەندین مۆدێل و جۆرێن جۆدا یێن پێلاڤێن ب چمک کەفتینە ناڤا بازاری و هەروەسا سالانە ژی مۆدێل نوو دەردکەڤن و ل بازاری بەلاڤە دبن.