ئه‌ڤرۆ نیۆز ، ژیمان سه‌عید:

گه‌نجه‌كێ خه‌لكێ دهوكێ بۆ ئه‌ڤرۆ نیۆز دیاركر : ژبه‌ر حه‌زا وى و ئیرادایا وى یا بهێز كو به‌رده‌وام كاربكه‌ت ژبۆ ب ده‌ستڤه‌ئینانا ئارمانجێن خو وه‌ل وى كریه‌،کو ئه‌پلیكه‌یشنه‌كى ب ناڤێ ( رێبه‌ر ئاده‌م ) دروست بكه‌ت.

گوت ژی:ئه‌ڤه‌ ژى ژ بیروكه‌یه‌كا ساده‌ و پاشان روونشتن ل گه‌ل چه‌ندین ته‌خ و چینا و چه‌ندین خودان كار و پیشه‌ و پروژه‌یان دیڤدا ئێكسه‌ر كه‌تییه‌ د وارێ جێبه‌جێكرنێ دا و پشتى بورینا پتر ژ ده‌ه مه‌هان كاركرن ل سه‌ر پروژه‌ى ل مه‌ها حه‌فت یا ئه‌ڤ ساله‌ ب ته‌مامى هاته‌ جێبه‌جێكرن و تانوكه‌ رۆژ بۆ روژێ نووكرن ( ئاپ ده‌یت ) ئێك ل دووڤ ئێكێ ب خوڤه‌ دگریت ب مه‌ره‌ما پتر پێش ئێخستنا ڤى پروژه‌ى.

(رێبه‌ر ئاده‌م )ئه‌پلیكه‌یشنه‌كه‌ بو ئامیرێن هه‌لگر و گه‌روك هاتیه‌ دروست كرن وه‌ك ئامیرێن ( موبایل , ئایپاید, تابلێت,..) بۆ هه‌ردو سیسته‌مێن ( ئه‌ندروید و ئه‌پل ) ئه‌ڤ ئه‌پلیكه‌یشنه‌ دێ خزمه‌تا ب هه‌ڤدو گه‌هاندنا خه‌لكى و خودانێن پروژان و كومپانیان ب سانه‌هى كه‌ت و پێزانینێن خه‌لكى ب زمانێ كوردى و عه‌ره‌بى به‌رده‌ست كه‌تن و دێ هه‌مى پارێزگه‌ه و قه‌زا و ناحیا بخوڤه‌ گریت ل هه‌رێما كوردستانێ. رزگار محمود خودانێ نڤیسینگه‌ها ئاده‌م یا كار و ریكلامێن ئونلاین رابوویه‌ ب دروستكرنا ڤى پروگرامى و پتر به‌حس ل سه‌ر دكه‌ت و گوت : سیسته‌مه‌كێ ئێكجار جوان و بسانه‌هى هاتیه‌ ئاماده‌ كرن بو پێشكێشكرنا پێزانینێن كارى ژ لایێ خودان كاران ڤه‌ سیسته‌م ژى پێكهاتیه‌ ژ فورمه‌كا زیره‌ك یا ئونلاین كو هه‌ر كه‌سه‌ك دشێت بكاربینیت و بۆ خو فورمه‌كێ داگریت و هه‌روه‌سا ڤیدیویه‌كا فێركارى هه‌یه‌ دناڤ ویب سایتێ فورمێ دا.

هەروەسا دیاركر: كو بۆ ماوه‌یه‌كێ دیاركرى پشكدارى كرن یا بێ به‌رامبه‌ره‌ و كارتێن پشكداریێ وه‌ك دیارى دهێنه‌ به‌لاف كرن بتنێ بو خه‌لكێ دهوك و زاخو , و دنوكه‌دا هه‌ر كه‌س دشێت دیاریا خو وه‌رگریت بتنێ ب رێكا په‌یوه‌ندى كرنێ دگه‌ل ژماره‌ و په‌یج و ئیمێلێن مه‌ دێ ناڤێن وان هێنه‌ توماركرن بو وه‌رگرتنا كارتێ.رزگارى ئه‌و ژى دیار كر: كو هه‌مى كه‌س دشێن بكاربینن یێ به‌رده‌سته‌ بو هه‌میان و ب گه‌له‌ك رێكان دشێن ب ده‌ست خوڤه‌ بینن یه‌ك ژوان ژى پشتى داونلود كرنا ڤى ئه‌پلیكه‌یشنى ژ ئێك ژ ڤان ماركێ(app store’ play store ) و نڤیسینا ناڤى ب ڤى شێوه‌ى ( Rebare Adam )یان ژى سه‌ره‌دانه‌كێ بو په‌یجێن مه‌یێن سوشیال میدیا و ویب سایتێن تایبه‌ت ب پروژى ناڤبرى ڤه‌ بكه‌ن و بده‌ستڤه‌ئینانا وێ بێ به‌رامبه‌ره‌.

ناڤهاتى گوت : گه‌له‌ك مه‌ره‌م و ئارمانج ژ دروستكرن و به‌لاڤكرنا ڤى پروژه‌ى هه‌نه‌ هنده‌ك ژوان مه‌ره‌م و ئارمانجان ژى ژبۆ به‌رده‌ست كرن و ب ساناهى كرنا كار و كریارێن روژانه‌ یێن هاولاتیان و مفا وه‌رگرتن ژ بكارئینانا ئینته‌رنێتێ ژ لایێ خه‌لكى ڤه‌ و هه‌روه‌سان دێ بكارهێنه‌ر و خودان كارو پیشه‌ و پروژه‌یێن هه‌مى پارێزگه‌هان پێكڤه‌ گرێدده‌ت و هه‌روه‌سا هه‌لسه‌نگاندنه‌ك تێدا هه‌یه‌ كو ئێكه‌م جاره‌ ل كوردستانێ هاولاتى و بكرێن ساده‌ بشێن هه‌لسه‌نگاندنا كارو پروژه‌یان بكه‌ن ئه‌ڤه‌ ژى ب رێكا دانانا ئێك تا پێنج ستێران بو هه‌ر پروفایله‌كى و هه‌ركه‌سه‌كى بتنێ جاره‌كی ماف یێ هه‌ى هه‌لسه‌نگاندنێ بكه‌ت بو هه‌ر كاره‌كى و چه‌ندین خالێن دى ژى هه‌نه‌.

ل دوماهیێ رزگارى گوت : هه‌بوونا پروگرامه‌رێن ژێ هاتى دناڤا ته‌خا گه‌نجێن دهوكێ دا بویه‌ هاریكار و پالده‌ره‌كێ مه‌زن كو بشێین پروژێ خو وه‌كى مه‌ بڤێت جێبه‌جێ بكه‌ین ل ڤێرێ سوپاسیه‌كا گه‌رم بو پروگرامه‌رێ پروژه‌ى و من باوه‌ریه‌كا ته‌مام هه‌یه‌ كو ل نێزیكترین ده‌م دێ پروژه‌یێ مه‌ ده‌نگ ڤه‌ده‌ت ل سه‌رانسه‌رى كوردستانێ و دێ بیته‌ ئێكه‌مێ بێ ركابه‌ر چونكى ل سه‌ر ڤێ ئارمانجێ ئه‌م كار دكه‌ین و دپاشه‌روژه‌كا نێزیك دا چه‌ندین كارو پروژه‌یێن دی من هه‌نه‌ ژڤى جورى.