ئه‌ڤرۆ نيوز:
وه‌زاره‌تا دارايى خشته‌كێ نوو يێ مووچان راگه‌هاند كو ب ڤى ره‌نگى يه:
رۆژا ئێكشه‌مبی، مووچه‌یێ په‌روه‌رده‌یا ده‌رڤه‌یی باژاران، دگه‌ل یێن وه‌زاره‌تا دارایی و ئابووری دێ هێنه دان و هه‌روه‌سا ل رۆژا دوشه‌مبی، په‌روه‌رده‌یێن سه‌نته‌رێ باژاری دێ مووچه‌یی وه‌رگرن.
خویا ژی كرییه كو رۆژا سێ شه‌مب و چوارشه‌مبی، مووچه‌یێ وه‌زاره‌تا ناڤخوه دێ هێته به‌لاڤكرن و رۆژا پێنج شه‌مبی ژی، مووچه‌یێن وه‌زاره‌تا ته‌ندروستی دێ هێنه دابه‌شكرن.
ئەڤرۆ نیوز، ھلۆری:
شەڤا بوری دوو فرۆکێن ئیسرائیلێ ل دەڤەرا حسیا ل حمسێ لسەر سنوورێ دناڤبەرا سوریا و لوبنان دەست ب بومبەبارانکرنا حزبوللایێ کر ، بەلی َھەتا نھا چوو ژێدەران زیانێن ئەوێ بوردومانێ دیارنەکرینە.
کەنالێ ” ئەلئەخبار یا سووری ” دیارکرکو فروکێن ئیسرائیلێ ئاسمانێ سوریا بەزاند و ل دەڤەرا حسیا یا سەر ب پارێزگەھا حمس حزبوللا یا لوبنانی بومبەبارانکرن.
پەیامنێرێ “روسیا ئەلیەوم “ ل سوریا ژ ژێدەرەکێ ڤەگوھاستی دیارکر کو فرۆکێن ئیسرائیلێ کوگەھێن چەکی ل سنوورێ سوریا و لوبنانێ بومبەبارانکرن ، و ژلایێ ھێلا ئەسمانی یا سوریا ژی بەرسڤا وان ب چەند موشەکەکان ھاتیەدان.
کەنالێ i24news یێ ئیسرائیلی ژ ژێدەرەکێ ڤەگوھاستی دیارکر کو ئەو بوردومان ب دوو فروکان بو سەر حزبوللایا لوبنانی ل سنوورێ سوریا لسەر زنجیرەیا رۆژھەلاتا سنوورێ دناڤبەرا سوریا و لوبنانێ ھاتیەکرن.
ھەتا نھا میدیایێن جیھانی ئاماژە ب زیانێن ھەردوو لایان نەکرینە کا ژ ئەنجامێ ئەوێ بوردومانێ چ زیان ھەبوویە.
ئه‌ڤرۆ نيوز:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئه‌ينى رێكه‌فتى 3ى چريا دويێ 2017 دهێته پێشبينيكرن ئه‌سمان ئه‌ورێن ته‌مام بن و پاشان ژى به‌ر ب كێمبوونێ ڤه بچن.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا راگه‌هانديه كو ژ ئه گه‌رێ هاتنا فشارێن بلندێن وه‌لاتێ توركيا دهێته پێشبينيكرن ئه‌سمان ئه‌ورێن ته‌مام بن و پاشان ژى به‌ر ب كێميێ ڤه بچن.
پشكا پێشبينيان خۆيا ژى كريه كو نزمترين پلا گه‌رما پێشبينيكرى دێ 13 پله بيت و بلندترين پله ژى دێ 20 پله بيت.
هه‌ر ب گۆره‌ى ڤێ راپۆرتا رێڤه‌به‌ريا ناڤبرى له‌زاتيا باى دێ 5 بۆ 15 كم بيت د ده‌مژمێره‌كێ دا و ماوێ ديتنێ ژى دێ د ناڤبه‌را 9 بۆ 19كم دا بيت.
ئه‌ڤرۆ نيوز:
وه‌زيرێ په‌ترۆلا عيراقێ راگه‌هاند كو نوكه ل گه‌ل حوكمه‌تا توركيا د دانوستاندنان دانه بۆ ده‌سپێكرنا هنارتنا په‌ترۆلا كه‌ركووكێ.
جه‌بار لوعێبى، د داخۆيانيه‌كا رۆژنامه‌ڤانى دا، د چارچۆڤێ ڤه‌كرنا عه‌مباره‌كا تايبه‌ت ب به‌رهه‌مێ په‌ترۆلێ ل كه‌ربه‌لا ئاماژه ب وێ چه‌ندێ كر كو ئه‌وان ل گه‌ل ئه‌نقه‌ره دانوستاندن ده‌سپێكرينه ده‌رباره‌ى هنارتنا په‌ترۆلا زه‌ڤيێن كه‌ركووك، د رێيا به‌نده‌رێ جيهان را، “به‌لێ هه‌تا نوكه نه‌گه‌هشتينه رێكه‌فتنا دووماهيێ”.
هه‌يڤا بۆرى، حوكمه‌تا عيراقێ، وه‌كو قه‌ره‌بوو بۆ په‌ترۆلا زه‌ڤيێن كه‌ركووك، رۆژانه 200 هزار به‌رميلێن په‌ترۆلێ زێده‌تر ژ زه‌ڤيێن په‌ترۆلێ ژ ناڤه‌راست و باشوورێ عيراقێ ره‌وانه كرينه.
ئه‌ڤرۆ نیوز ، نه‌وزاد هلۆرى:
د دیمه‌نه‌كێ حێبه‌تى و كێم وێنه‌دا ، ژنه‌كا ئه‌مریكى بناڤێ ” شاها مێشێن هنگڤینى” دشێت لسه‌ر ئه‌ندامێن له‌شێ خوه هه‌تا 120 هزار مێشێن هنگڤینى داناینه ، ئه‌ڤه د ده‌مه‌كێ دایه كو ل گه‌ل وان هه‌موو مێشان لسه‌ر له‌شێ وێ د هه‌مان ده‌م ژى دا د له‌یزیت.
ناڤبرى د ژیێ 44 سالێى دایه و ل سالا 2001 چویه د جیهانا د خودانكرنا مێشێن هنگڤینى دا و ب ئێك ژ ئافره‌تێن وێره‌ك دهێته نیاسین دوارێ ب خودانكرنا مێشان بێى كو ل وان بترسیت.
یه‌شار مابیلى كو ناڤێ وێ ژنێ یه دیار دكه‌ت كو په‌یوه‌ندیه‌كا روحى دناڤبه‌را وێ و مێشان هه‌یه و دبێژیت: ( ئه‌ز دكارم هه‌تاكو نێزیكێ دوو ده‌مژمێران مێشێن هنگڤینى لسه‌ر ئه‌ندامێن له‌شێ خوه رابگرم ، ئه‌گه‌ر من بڤێت ژى ئه‌ز مێشان لسه‌ر له‌شێ خوه رابكه‌م ئه‌ز پێدڤى ب زه‌یتێ مه )
ژێده‌ر : MBC
ئه‌ڤرۆ نیوز ، نه‌وزاد هلۆرى:
حكومه‌تا هه‌رێما كوردستانێ به‌رسڤا سه‌روك وه‌زیرێن عیراقێ ل بارا پێدانا موچه و شایسته‌یێن دارایى بو موچه خورێن هه‌رێما كوردستانێ دا و لدیڤ راگه‌هاندنا وان ئه‌و ل گوره‌ى ده‌ستوورێ عیراقێ ده‌ستپێشخه‌ریا عه‌بادى په‌سه‌ند دكه‌ن ، وه‌كو ل سالا 2005 هاتیه‌دیاركرن.
ده‌قا راگه‌هاندنا حكومه‌تا هه‌رێما كوردستانێ
به‌رێز حه‌یده‌ر عه‌بادى سه‌روك وه‌زیرێن عیراقا فیدرال دوپات ل وێ یه‌كێ كریه كو وه‌لاتیێن هه‌رێما كوردستانێ پله ئێكن و رێكێ ناده‌ن كو زیان ب وان بكه‌ڤیت و به‌رهه‌ڤیێن خوه ژى نیشاندا بو خه‌رجكرنا شایسته‌یێن دارایێن موچه خورێن هه‌رێما كوردستانێ
ئه‌نجومه‌نا وه‌زیران یا هه‌رێما كوردستانێ پێشوازیێ ل ده‌ستپێشخه‌ریا حه‌یده‌ر عه‌بادى دكه‌ت بو دابینكرنا شاسیته‌یێن دارایێن موچه خورێن هه‌رێما كوردستانێ كو هژمارا وان ژى ملیونه‌ك و 249 هزار 481 موچه‌خورن كو هه‌یڤانه كوژمێ 897 ملیار و 500 ملیون دینارن ، لسه‌ر بنه‌مایێ فیعلیى یا بایومه‌ترى بو هه‌موو موچه خورێن هه‌رێما كوردستانێ وه‌كو ل خوارێ هاتیه رونكرن و حكومه‌تا هه‌رێما كوردستانێ به‌رهه‌ڤیێن خوه ده‌ردبریت بو به‌رده‌ستكرنا هوركاریێن ئه‌ڤان پیِزانینان.
108 ملیار دینار بو موچه‌یێن 224 هزار 656 خانه‌نشینان.
38.5 ملیار دینار بۆ مووچه‌یێن 96 هزار 53 كه‌س و كارێن شه‌هید و ئه‌نفالكریان.
30 ملیار دینار بۆ مووچه‌یێن 159 هزار كێم ئه‌ندام و مفادارێن چاڤدێریێن جڤاكى.
266 ملیار دینار بۆ مووچه‌یێن 266 هزار 465 پێشمه‌رگه و هێزهێن ئاسایشێ .
455 ملیار دینار بۆ مووچه‌ێن 483 هزار 307 فه‌رمانبه‌ران ب پولیس ڤه
د هه‌مان ده‌م دا ، ئه‌نجومه‌نا وه‌زیرێن هه‌رێما كوردستانێ داخوازێ ل ئه‌نجومه‌نا وه‌زیرێن عیراقا فیدرال دكه‌ت كو ره‌شنڤیسێ پرۆژه قانونا بودجا عیراقا فیدال بو سالا 2018 په‌سه‌ند نه‌كه‌ن كو ژلایێ وه‌زاره‌تا داراى یا حكومه‌تا فیدرالى بێى پشكداریا هه‌رێما كوردستانێ هاتیه به‌رهه‌ڤكرن ل به‌ر ڤان خالێن ل خوارێ.
1- بو ئێكه‌مین جار پشتى سالا 2003 د ره‌شنڤیسێ قانونێ دا ده‌سته‌واژه‌یا ده‌ستوورى دا ( هه‌رێما كورستان – عیراق ) هاتیه لادان و ل شوونا وێ ده‌سته‌واژه‌یا ( پارێزگه‌هێن سه‌ر ب هه‌رێما كوردستانێ ) هاتیه بكارئینان ، ئه‌ڤ یه‌ك ژى به‌روڤاژى برگا ئێكێ یا مادده‌یا 117 و برگا ئێكێ یا مادده‌یا 121 یا ده‌ستوورى یه كو دانپێدان ب هه‌رێما كوردستانێ و ده‌ستهه‌لاتێن وێ هاتیه‌كرن وه‌كوهه‌رێمه‌كا فیدرالى و مافێ پیاده‌كرنا ده‌ستهه‌لاتێن یاسادانان و بجهكرن و دادوه‌رى ب هه‌رێما كوردستانێ هایته دان نه وه‌كو پارێزگه.
2- كێمكرنا پشكا بودجا هه‌رێما كوردستانێ بو ئێكه‌مین جار پشتى سالا 2005 كو رێژا وێ 17% بوویه بو رێژا 12،6% ، ئه‌ڤ یه‌ك ژى سه‌رپێچیه لسه‌ر برگا سێ یا مادده‌یا 121 یا ده‌ستور كو پێدڤى یه لسه‌ر حكومه‌تا فیدرالى پشكه‌كا دادپه‌روه‌رانه‌یه ل داهاتیێن فیدرالى بو هه‌رێما كوردستانێ ته‌رخانكرن بكه‌ت ، ل گه‌ل به‌رچاڤ وه‌رگرتنا هژمارا ئاكنجیێن هه‌رێكا كوردستانێ ، ژبه‌ركو هه‌تا نها سه‌رژمێرى ل عیراقێ نه‌هاتیه‌كرن ، به‌لكو ب رێكه‌فتنا هه‌ردوو لایان رێژا ئاكنجیێن هه‌رێما كوردستانێ ب رێژا 17% یا ئاكنجیێن عیراقێ هاتیه دیاركرن ، لسه‌ر ڤى بنه‌مایى سالانه ئه‌ڤ رێژه‌یه له قانونێن بودجا عیراقێ نه‌هاتیه جێگیركرن ژى ، هه‌ر چه‌نده چو سالان هه‌رێما كوردستانێ ب فه‌على ئه‌ڤ رێژه‌یه وه‌رنه‌گریته ، ژ ئه‌گه‌را زێده‌بوونا به‌رچاڤ یا سالانه‌یا خه‌رجكرنێن سیادى ، بێى كو هه‌رێم رولێ خوه د ده‌ستنیشانكرنا ئه‌وان خه‌رجیان دا هه‌بیت ،یان پشكا خوه وه‌رگرت بیت ، ژبه‌رڤێ كێمكرنا پشكا هه‌رێما كوردستانێ چو بنه‌مایێن ده‌ستوورى نینه و ل ده‌رڤه‌یێ ئه‌وێ رێكه‌فتنا هه‌ڤپشك هاتیه ئه‌نجام دان.
3- به‌خشینا ده‌ستهه‌لاتێن ئێكسه‌ر ب پارێزگه‌هێن هه‌رێما كوردستانێ ل قانونا بودجا فیدالى و سه‌ره‌ده‌ریكرن ل گه‌ل پارێزگه‌هێن هه‌رێما كوردستانێ وه‌ك پارێزگه‌هـ نه‌ك وه‌كو هه‌رێم ، به‌روڤاژى برگا ئێكێ یا مادده‌یا 117 و برگا ئێكێ یا مادده‌یا 121 یا ده‌ستوورى و سه‌ره‌ده‌ریكرنا ل گه‌ل هه‌رێما كوردستانێ وه‌كو پارێزگه‌هێن دن یێن عیراقێ نه‌ك وه‌كو هه‌رێما فیدرالى دانپێدان ل گوره‌ى ده‌ستوورێ عیراقێ ، سه‌رپێچیه لسه‌ر ده‌ستوورى.
4- برگا چوار یا مادده‌یا 126 یا ده‌ستوورى ، رێكێ ناده‌ن ده‌ستهه‌لاتێن ده‌ستووریێن هه‌رێما كوردستانێ ژلایێ ده‌ستهه‌لاتێن فیدرالى ، بهێته كێمكرن یان ژى بهێته سنورداركرن ، هه‌تا خوه ده‌ستوورى رێگرى كریه ل هه‌موو هه‌مواركرنێن ده‌ستوورى كو ببیته سه‌ده‌ما كێمكرنا ده‌ستهه‌لاتێن هه‌رێما كوردستانێ.
5- سه‌ره‌راى دووباره‌بوونا كێم و كاسیێن سالانه‌یێن به‌رى نها د ره‌شنوسێ قانونا بودجه‌یا فیدرالى ل سالا 2018 ، نها ئه‌ڤ خالێن جه‌وهه‌ریێن نه ده‌ستووریێن ل سه‌رى هاتینه زێده‌كرن.
ل به‌ر تیشكێن ئه‌وان ماددێن ده‌ستووریێن ل سه‌رى ، ب تایبه‌تى به‌رێز عه‌بادى به‌رده‌وام د گوتنێن خوه دا ئاماژه ب سه‌روه‌ریا ده‌ستوورى یا عیراقێ و زیانگه‌هاندن ب وه‌لاتیێن هه‌رێما كوردستانێ دكه‌ت ، داخوازێ ل ئه‌نجومه‌نا وه‌زیران یا هه‌رێما كوردستانێ دكه‌ین ب مه‌ره‌ما دارشتنا ره‌شنوسێ قانونا بودجا فیدرالى لسه‌ر بنه‌مایێ ده‌ستوور و دابینكرنا پشكا دادپه‌روه‌رانه‌یا هه‌رێما كوردستانێ.
پرانییا زانایێن ده‌روونناسى وه‌ها دبینن كو ژێبوونا كۆره بۆ هه‌ر گرۆپه‌كى جڤاكى دبته ئه‌گه‌رێ په‌یدابوونا هاریكارییا كۆره د ناڤ هه‌یكه‌لێ وێ كۆمبه‌ندێ دا. هه‌كه ئه‌م بهێن و ڤێ دیتنێ لسه‌ر جه‌ماوه‌رێ پالپشتییه‌كا ب هێز بۆ وان حزبێن كوردستانێ دكر ئه‌وێن ده‌ستهه‌لاتا وان ب هێز و پرۆژه‌یێ ئه‌نجامدانا ریفراندۆمێ بۆ سه‌رخوه‌بۆنا كوردستانێ په‌یروه‌كرى، پرانییا ان ئه‌و جه‌ماوه‌ر بوو یێ كو ژێبوونا وان لسه‌ر بناغه‌یێ ژێبوونه‌كا كۆره‌یا ڤى لایى و لایێ دى هه‌یى ب ئارمانجا حه‌زژێكرنا نه‌ته‌وه‌یا خوه هه‌تا سه‌رهه‌ستى هه‌یى.
هه‌كه ئه‌م بهێن و پێناسییه‌كا كورت گۆره‌ى دیتنا ده‌روونناسان ب ده‌ینه تێگه‌هێ ده‌مارگیریێ، دێ هۆسا خویابت: ده‌مارگیرى دۆخه‌كه كو هه‌لچۆن كۆنترۆلێ لسه‌ر لۆژیكێ ئه‌قلى دكه‌ت و ئه‌نجامێن وێ پرانیا جاران ریسك و خوه هاڤێژتنا مرنێیه (مغامره)! هه‌چیێ نێزیكى ژیوارى و خواندنا وى بۆ پرۆژه‌یێ ریفراندۆمێ و كارتێكرنا فاكته‌رێن ده‌رانى و خۆیانى لسه‌ر ئه‌نجامێن وێ پێشبینى دكر كو ئه‌ڤ شه‌رمزارى و شكه‌ستنا نها ب سه‌رێ هه‌رێما كوردستانێ دهێت دێ نێزیك ب سه‌رى هێت. لێ ئاریشه ئه‌و بوو، راسته ئه‌ڤ رێژه‌یه دبت پتر بت ژ رێژه‌یا كه‌سانێن گیانێ ده‌مارگیریێ گرتین، لێ هنده‌كا ژ وان ژ به‌ر به‌رژه‌وه‌ندیێن خوه یێن به‌رته‌نگ، تایبه‌ت ته‌خه‌یا ره‌وشه‌نبیران و خودان شیانێن جۆراوجۆر، باشترین هه‌لوه‌ست، بێده‌نگى دپاراست و هه‌لوه‌ستێ گه‌له‌كا ژ وان هه‌تا نها ژى كێمترین باوه‌ردارییه.. ئه‌ڤێن دئاخڤن ژى تایبه‌ت ل ده‌ڤه‌را زه‌ر گه‌له‌ك جاران ئه‌و ژى دگه‌هشتنه سینۆره‌كى و د دولدبوون كو وێڤه‌تر بچن، ژ به‌ر كو ئالیێ ده‌مارگیرى ب وه‌رقه‌یا ناسیۆنالزمێ دخۆرین و هه‌ر كه‌سێ لۆژیكى و ب ئه‌قلى ئاخاڤتبا ب خیانه‌تێ و ده‌سكیسیا دژمنێن ملله‌تى ل قه‌له‌مدا و د وێ گاڤێ دا نۆرمال بوو گرۆپه‌ك ژ وان گه‌نجێن ب هێڤێنێ ده‌وله‌تێ هاتینه په‌روه‌رده‌كرن، ژیانا كه‌سێ راستگۆ بێخته د خه‌ته‌ره‌كا سۆر دا؛ هینگێ گه‌له‌ك ژ پشته‌ڤانێن وان دا بۆ ده‌ستان قوتن كو خائین ب مافێ گه‌ل را گه‌هشتن!
هۆسا رۆژاهاتن و هه‌یڤ بۆهرین و سه‌ره‌رایى نه‌رازیبوونا ته‌ڤ دۆست و نه‌یاران كو ئه‌ڤ ریفراندۆمه د به‌رژه‌وه‌ندییا ملله‌تێ كورد دا نینه نها بهێت ئه‌نجامدان، لێ ئه‌و كه‌سێن ده‌ست بۆ لیژنا ریفراندۆمێ د قوتان و ب هه‌ر ره‌نگێ هه‌یى یاریگه‌هێن ته‌پانێ تژى مرۆڤ دكرن و بێ مه‌ى سه‌رمه‌ست دبوون، وه ل ده‌سته‌یا ریفراندۆمێ كر كو هه‌لچۆن پرانییا ئه‌قلێ وان بگرت و ل ژێر سیهوانا ئازراندنا باده‌كا نه‌ته‌وه‌یى رژدبن كو چ بقه‌مت، ئه‌و ڤێ خه‌ونا نه‌ته‌وه‌یى بجهبینن و ئه‌و به‌رهه‌ڤبن پاشى باجا وێ بده‌ن!
((سلاڤ ل سفرا حازره)) یا چۆیى چۆ، من گرتى خه‌لكه‌ك هاته خاپاندن یان ته‌خمینێن وان دروستده‌رنه‌كه‌تن یان دژمنان وه‌ك هه‌ر جار خیانه‌ته كر…. هتد. ب هه‌ر ره‌نگێ بت، ریفراندۆم هاته كرن و هه‌ر ئالییه‌كى باجا وێ دا تایبه‌ت خه‌لكێ دلسۆزێ نه‌ته‌وه‌یا خوه و ره‌وشا دانا باجێ هێشتا به‌رده‌وامه… راسته د هه‌ر یارییه‌كێ دا پهتر ئالییه‌ك سه‌ركه‌ڤتییه و ئالیێ دن دۆراندییه. من گرتى كورد ڤێ جارێ ژى هاتینه دۆراندن، لێ رامان ژێ ئه‌و نینه خوه راده‌ستى قه‌ده‌را مرنێ بكه‌ن؛ ژ به‌ر كو ئه‌ڤه نه‌جارا ئێكێ یه د درێژیا دیرۆكێ دا ئه‌ڤه ب سه‌رێ ملله‌تێ كورد دهێت. پرسیارێن دهێن: ئه‌رێ ئه‌م نها چ بكه‌ین. راده‌ستى دیفاكتۆیى ببین و د دستوور و په‌رله‌مانێن ئیراقێ دا ل دووڤ مه‌رجێن ئیراقێ دانوستاندنان بكه‌ین. یان ئێكرێزیێ مكوم بكه‌ین و شه‌ڕێ خوه بكه‌ین و چ لێدهێت بلا وه‌لێ بهێت، مه هه‌ر یا كرى. یان بهێلین هه‌رێم ب كریار دو پارچه و سێ پارچه ببت و ئه‌و بۆیاغا هنده ساله ب ناڤێ هه‌رێما هه‌ڤگرتى ژ سه‌ر راكه‌ین.
واته ئه‌ڤا هه‌تا نها هاتییه سه‌رێ مه ئه‌نجامێ وێ ده‌مارگیرییه خوه ب سه‌ر ئه‌قلى و لۆژیكى دادیه و ره‌نگه هێشتا سه‌رێ گه‌له‌ك خه‌لكێ مه تایبه‌ت سه‌ركێش و رێبه‌رێن ڤى ملله‌تى به‌رنه‌دابت. ئه‌ز وه‌سا دبینم، هه‌كه هات و ئه‌ڤ ره‌وشه به‌رده‌وام بوو، تنێ وه‌لاتێن زلهێز نیڤه‌كا دارى گرت و و سه‌ركرداتییێن هه‌رێمێ ژى هه‌ر ئێكى وه ك خوه كر، بێده‌را ره‌هه‌ند و (ته‌داعیاتێن) كاره‌ساتا ژ 16-10-2017 ده‌ستپێكرى دێ به‌رفره‌هتر لێ هێن و باجه دێ هێشتا مه‌زنتر بت و دوماهیێ دێ هه‌ر زڤرنه وى دیفاكتۆیێ ئیمام خومه‌ینى ل سالا 1988 ده‌رباره‌ى ره‌وشا راوه‌ستیانا شه‌ڕێ هه‌شت سالى دگه‌ل ئیراقێ گۆتى: ((راوه‌ستاندنا شه‌ڕى وه‌ك ڤه‌خوارنا فنجانه‌كا ژه‌هرێیه))! هه‌ر وه‌سا ده‌مێ پشتى هینگێ ب سێ سالان ((سه‌ددام))ى ژى د جه‌نگا كه‌نداڤى یا دووێ دا شكه‌ستن هیناى، ل بن چادرا ناڤدارا باژێركێ ((سه‌فوانێ)) ل ناڤبه‌را سینۆرێ ئیراقێ و كوێتێ، رێكه‌ڤتنا راوه‌ستاندنا شه‌ڕى لسه‌ر كاغه‌زا سپى دگه‌ل هه‌ڤپه‌یمانان ب سه‌رۆكاتییا ئه‌مریكا ئیمزا كر. ئه‌ڤجا دڤێت هندى زووتره باشتره ده‌ستهه‌لاتا هه‌رێمێ ژى هه‌كه چو ئالترناتیڤێن باشتر نه‌بن، هه‌لوه‌سته‌ك هۆسا وه‌ربگرن و سه‌ر ژ نوو به‌رده‌وامیێ ب گیانه‌كێ نوو ب كاروانێ بزاڤا رزگاریخوازییا كوردى بده‌ن؛ هه‌كه نه‌‌و، دوور نینه ره‌وش به‌ره‌ڤ ئاقاره‌كى مژدار بچت و ئه‌ڤا هه‌یى ژى نه‌مینت!
ئەڤرۆ نیۆز،زنار تۆڤی:
ئەڤرۆ نرخێ نەفتێ د بازارێن جیهانیدا،ب شێوەیەکێ بەرچاڤ روو ل بلندبوونێ کر.
پێگەهێ (oilprice) یێ جیهانی بەلاڤکریە،کو ئەڤرۆ چارشەمبێ (2017/11/1)، ل دەمژمێر (4:20) خولەک ئێڤارێ ب دەمێ کوردستانێ، نرخێ ئێک بەرمیلێ نەفتا برێنت ب (61) دۆلار (44) سەنت مامەلە پێ هاتیە کرن و نرخێ ئێک بەرمیلێ نەفتا خاڤا ئەمریکی ژی ب (54) دۆلار (93) سەنتان هاتیە فروتن.
ئەڤە ژ هەیڤا تەمووزا سالا 2015 وەرە ئێکەم جارە نرخێ نەفتێ ب ڤی شێوەی بلند دبیت و دهێتە پێشبینی کرن،کو نرخێ وێ هێشتا بلند ببیت.
ئەڤرۆ نیۆر،زنار تۆڤی:
رووسیا ب فه‌رمی یه‌په‌گە داخوازی گۆنگرێ وەلاتیێن سووریێ كریە ل ئاستانه‌یا پایته‌ختێ كازاخستانێ، توركیا ژی ب توندی ئیدانه‌یا ڤی هه‌لویستی دکەت.
ئیبراهیم كالن پەیڤدارێ سەرۆکاتیا تورکیا دا د كۆنگره‌یه‌کێ رۆژنامه‌ڤانیدتا،دەرباره‌ی به‌شداریكرنا یه‌په‌گێ د كۆنگرێ وەلاتیێن سووریێ ل ئاستانا ئاماژه ب هندێ دا کو توركیا چو جاران ڤێ چەندی قەبوول ناكەت.
كالن دبێژیت،پێشتر رووسیا گوتیە مە کو یه‌په‌گه بوویە ئه‌مرێ واقع، به‌لێ ئەو ژی وه‌كو توركیا تاکو نوکە دبێژن کو بالەكێ سه‌ره‌كی یێ په‌كه‌كێنە و تیرۆریستن.
كالن دبێژیت،ئه‌ڤ بابه‌ته تشتەک نینه کو توركیا قەبوول بكەت،دڤێت رووسیا ژی بزانیت ک توركیا قەبوول ناكەت کو یه‌په‌گه ل ئاستانا ئاماده‌یا خۆ هه‌بیت.
نيشاندان