ئه‌ڤرۆ نيوز:

رۆژا شه‌مبى رێكه‌فتى 19ى گۆلانا 2017ێ كوربه‌ندێ ئابوورى يێ جيهانى ل دۆر رۆژهه‌لاتا ناڤه‌راست و باكوورێ ئه‌فريقيا ل ده‌ريا مرى ل ئوردن دێ ده‌سپێكه‌ت.

د په‌نه‌لا ئێكێ دا هه‌ر ئێك ژ شاهـ حسێن شاهێ ئوردن و فليپێ شه‌شێ شاهێ ئسپانيا و فوئاد مه‌عصوم سه‌رۆك كۆمارێ عيراقێ دێ پشكدار بن.

مه‌سعود بارزانى سه‌رۆكێ هه‌رێما كوردستانێ و شاهـ عه‌بدولا شاهێ ئوردن دێ د ئاماده‌ بن.

كوربه‌ندێ ئابوورى يێ جيهانى ل دۆر رۆژهه‌لاتا ناڤه‌راست و باكوورێ ئه‌فريقيا ژ 19 هه‌تا 21ى گۆلانێ دێ يێ به‌رده‌وام بيت و هزار كه‌ساتيێن جيهانێ ژ 50 وه‌لاتان د پشكدارن.

ئه‌ڤرۆ نيوز:

بۆ جارا سيێ ژى ده‌مێ ده‌ستنيشانكرى بۆ ب دووماهى هاتنا پرۆسا هه‌لبژارتنان ل ئيرانێ هاته‌ درێژكرن و بۆ ڤێ جارێ ژى دو ده‌مژمێرێن دى درێژكرن، ئانكو هه‌تا ده‌مژمێر 12:00ى ئه‌ڤ پرۆسه‌ دێ يا به‌رده‌وام بيت.

ب گۆره‌ى ئاژانسێن ده‌نگوباسێن ئيرانى هه‌لبژارتن بۆ ده‌مژمێر 12:00ى شه‌ڤ هاتنه‌ درێژكرن ژ به‌ر پشكداريا زۆر يا رێژا پشكدارێن ده‌نگدانێ و درێژكرن بنگه‌هێن ده‌رڤه‌يى وه‌لاتى ژى ب خوه‌ ڤه‌ دگريت.

ئێڤاريا ئه‌ڤرۆ ده‌مێ هه‌لبژارتنان ژ ده‌مژمێر 06:00 بۆ ده‌مژمێر 08:00 هاته‌ زێده‌كرن و پاشان ژى ئه‌ڤ زێده‌كرنه‌ بۆ جارا دويێ هاته‌ كرن پشتى هه‌تا ده‌مژمێر 10:00 شه‌ڤ هاته‌ درێژكرن و بۆ جارا سيێ ژى هه‌تا ده‌مژمێر 12:00 شه‌ڤ هاتنه‌ درێژكرن.

سپێده‌هيا ئه‌ڤرۆ وه‌لاتيێن ئيرانێ به‌ر ب سندوقێن ده‌نگدانێ چوون ب مه‌ره‌ما ده‌نگدان بۆ هه‌لبژارتنا سه‌رۆكه‌كێ نوو بۆ وى وه‌لاتى و جڤاتێن باژێر و گۆندان ل وه‌لاتى.