ئه‌ڤرۆ نيوز:
بریکارێ وەزارەتا پێشمەرگەی خویاکر، مورلا پێشمەرگەی گەلەکا بلندە و ل سەنگەران دانە دبەرھەڤن بۆ ھەر ھێرشەکا ل سەر کوردستانێ و سەنگەرێن پێشمەرگەی چۆ ئاریشە ژی نینە، ھەموو پێشمەرگە د بەرھەڤن ب ھێزەکا مەزن ڤە .
سەربەست لەزگین بریکارێ وەزارەتا پێشمەرگەی بۆ ئەڤرۆ دیارکر، ئەم وەک ھێزێن پێشمەرگەی ناخوازین چۆ ھێرشەکا دی بھێتە سەرکوردستانێ بەلێ ھەر ھێزەکا بڤێت ھێرشێ بکەت، سەر کوردستانێ پێشمەرگە دێ بەرەڤانیێ کەت، پێشمەرگە دێ ھەر ل وان جھا مینیت ئەوێن نوکە لێ بەرەڤانیێ ل کوردستانێ دکەن، ھەتا دەمەکێ نەدیار کا دێ رەوشا دەڤەرێ گەھیتە چۆ قوناغەکێ.
بریکارێ وەزارەتا پێشمەرگەی ئاشکرا کر ژی، ھەتا نوکە چۆ رێککەفتنەک نەھاتیە کرن و ھەکە شەر ل سەر کوردستانآ دروست بۆ ئەم دێ بەرسڤا وان ھێرش کەران دەین کو بڤێت زیانێ ب کوردستانێ بگەھینن ھەردەما شەر ھاتە کرن ھەکە رێککەفتن ژی ھاتبیتە کرن وی دەمی ھەموو رێککەفتن دێ ھێنە ژناڤبرن و کار ب وان رێککەفتنا ناھێتە کرن.
لەزگین خویاکر، ھەکە ھێزەکێ ھێرشکرە سەر کوردستانێ وی دەمی پێشمەرگە ب ھەموو شیانێن خۆە ڤە دێ بەرسڤا دوژمنان دەت ناھێلن دوژمن نزیکی پێشمەرگەی و سەنگەرێن کوردستانێ ببن ھەرچەندە ل ڤان شەرێن دووماھیێ ژی چەکدارێن حەشدا شەعبی چەکێن گران ب کارئینا بوون بەلێ لبەر چاڤ ڤەکری و ھوشیاریا پێشمەرگەی نەشێن بەردەوام بن و ھەرجار توشی شکەستنێ دبن.
ئەڤرۆ نيوز:
بڕیارە ئەڤرۆ رۆژا دوشەمبی رێکەفتی 30ی چریا ئێکێ 2017 دەرگەھێ تانان ل ئەنجامێن زانکۆلاین ب روویێ قوتابیێن دەرچوویێن پۆلا 12 ئامادەیی بھێتە ڤەکرن.
عەباس ئەکرەم ئاخفتنکەرێ ب ناڤێ وەزارەتا خواندنا بلند و ڤەکۆلینێن زانستی ل ھەرێما کوردستانێ راگەھاند کو ب مەرەما وەرگرتنا تانە و رەخنێن قوتابیان کو ل پۆلا 12 ئامادەیی دەرچووینە و فورما زانکۆلاین پڕکریە، ژ سوبەھی وێڤە دەرگەھێ وەرگرتنێ ل ھەمبەر رەخنێن وان ڤەکەت و ھەر کەسەکێ/کەسەکا رەخنە ھەبیت د رێیا زانکۆلاین ب رەنگەکێ ئۆنلاین رەخنێن خوە تۆمار بکەت و پاشان ژی کار ل سەر بکەت.
دو سالە وەزارەتا خواندنا بلند و ڤەکۆلینێن زانستی ل ھەرێما کوردستانێ کار ب ھەردو شێوازێن زانکۆلاین و وەرگرتنا ئێکسەر دکەت بۆ وەرگرتنا دەرچوویێن پۆلا 12ێ ئامادەیی ل زانکۆ و پەیمانگەھێن کوردستانێ.
ئه‌ڤرۆ نيوز:
رێڤەبەرێ دەرگەھێ پێشابیری ل پارێزگەھا دھۆکێ دیارکر کو دەرگەھێ سێ مالکا ئێک دەقیقە ژی نەھاتیە گرتن و 24 دەمژمێران یێ ڤەکریە و بەردەوام کاری دەرگەھێ سێ مالکا و پیشابیری دا د ناڤبەرا باشوور و رۆژئاڤایێ کوردستانێ دا دھێتە کرن.
شەوکەت بەربھاری، رێڤەبەرێ دەرگەھێ پێشابیری ل پارێزگەھا دھۆکێ دیارکر کو رۆژانە بەردەوام 400 کەس ھاتنوچوونێ د ناڤبەرا رۆژئاڤایی کوردستانێ و باشووری کوردستانێ دا دکەن، ھەتا ئەڤرۆ 29ى چريا ئێكێ2017 دەرگەھێ سێ مالکا یێ سنۆری د گەل دەرگەھێ پێشابیرێ یێ سنۆری ڤەکریە و چو ئاریشەک نینە و بەردەوام ھاریکاریێن مرۆڤایەتی بۆ رۆژئاڤایێ کوردستانێ دھێنە رەوانەکرن درێیا دەرگەھێ پیشابیری و سێ مالکا ل رۆژئاڤایێ کوردستانێ.
ئاماژە دا وی چەندی ژی کو ھەموو کارێن بازرگانیی و مرۆڤایەتی د بەردەوامن د ناڤبەرا باشوور و رۆژئاڤایێ کوردستانێ دا ب رێیا دەرگەھی سێ مالکا ل رۆژئاڤایێ کوردستانێ و دەرگەھێ پیشابیری ل باشووری کوردستانێ و ھەموو کار ئاسایی دھێتە برێڤەبرن و چو ئاریشەک نینە، دەنگی گرتنا دەرگەھێ سێ مالکا ژی رەت دکەین نوکە یێ ڤەکریە.
ئه‌ڤرۆ نیوز ، هلورى:
حكومه‌تا هه‌رێما كوردستانێ ل بارا روودانێن ئه‌ڤ شه‌ڤه یێن زاخو و هێرشكرنا بو سه‌ر باره‌گایێن ئێكه‌تى راگه‌هاندنه‌ك به‌لاڤكر و تێدا هاتیه كو ئه‌و روودان ، كریاره‌ك ئاژاوه‌گێرى بوویه و خواست كو هێزێن ئه‌منى ب ئه‌ركێ پاراستنا باره‌گایێن حزبى و حكومى بو سیاسى كه‌ن و رێكێ ل ئاژاوه‌گێران بكه‌ن و سزایێن توند ژى بدانن به‌ر وان كه‌سان.
ئه‌ڤا ل خوارێ ده‌قا وێ یه
( دیاره ئه‌ڤ شه‌ڤه ل چه‌ند جهێن هه‌رێما كوردستانێ بزاڤا ئاژاوه‌گێریێ و توندوتیژیێ هاتینه‌كرن، و بویه ئه‌گه‌را دلگرانى و ترسا وه‌لاتیان ، داخوازێ ل هه‌موو هێزێن ئاسایش و پولیسان دكه‌ین كو كونترولا ره‌وشێ بكه‌ن و رێكێ نه‌ده‌ن چوو كریارێن نه‌خواستى روو بده‌ن و رێكێ ژى ل هه‌موو ده‌ستدرێژیێن لسه‌ر باره‌گایێن حزبى و ناڤه‌ندێن حكومى و سیاسى بكه‌ن. وه‌سا دیاره ده‌سته‌كێ ئاژاوه‌گێریێ هه‌یه كو دخوازیت ئاژاوه‌گێریى و توندوتیژیێ بكه‌ن ، ئه‌م ب توندى ئیدانه دكه‌ین و هوشداریێ دده‌ین كو هه‌ركه‌سێ ئاژاوه‌گێریێ و توندوتیژیێ بكه‌ت ، دێ ب توندى هێته سزادان ، هه‌روه‌سا داخوازێ ل وه‌لاتیێن خوشتڤى دكه‌ین كو بزڤرن مالێن خوه و ئارامیێ ب پارێزن و هه‌موو هه‌ڤكار و هه‌ماهه‌نگ بن ل گه‌ل هێزێن ئه‌منى)
ئه‌ڤرۆ نیوز ، نه‌وزاد هلۆرى:
مه‌كته‌با سیاسیا پارتى دیموكراتى كوردستان راگه‌هاندنه‌ك به‌لاڤكر و تێدا هاتیه كو ب لێبورین ڤه ئه‌ڤ شه‌ڤه ل زاخو هێرش بو سه‌ر كومێته‌یا ئێكه‌تیا نیشتمانیا كوردستانێ ل زاخو هاتیه‌كرن و دخواست ژى كو ئاسایش و هێزێن نافخوه ب روولێ پاراستنا وان رابن و ئاژاوه‌گێران ژى ده‌سته‌سه‌ربكه‌ن و لگوره‌ى قانونێ سه‌ره‌ده‌ریێ ل گه‌ل بكه‌ن.
مه‌كته‌با سیاسیا پارتى دیموكراتى كوردستان راگه‌هاندنه‌ك به‌لاڤكر و د راگه‌هاندنا وان دا هاته كو ب لێبورین ڤه ئه‌ڤ شه‌ڤه رێكه‌فتى 29 چریا ئێكێ 2017 هنده‌ك خه‌لكێ ئاژاوه‌گێر هێرش بو سه‌ر باره‌گایێ كومیته‌یا ئێكه‌تیا نیشتمانیا كوردستانێ ل زاخو كریه .
و دیاركر كو ئه‌و وه‌كو پارتى دیموكراتى كوردستان ب توندى ئیدانا ئه‌وان روودانان دكه‌ن و گۆت : ( داخوازێ ل هه‌موو ده‌زگه‌هێن په‌یوه‌ندیدار دكه‌ین كو ب زوترین ده‌م ئه‌نجامده‌رێن ئه‌وان ئاژاوه‌گێریان ده‌سته‌سه‌ربكه‌ن و پێرابوونێن قانونى ل گه‌ل وان كه‌سان وه‌ربگرن ، د هه‌مان ده‌م دا داخوازێ ل وان ده‌زگه‌هان ژى دكه‌ین كو هوشیارێ پاراستنا بنگه‌هـ و باره‌گایێن هه‌موو حزبان بكه‌ن و رێكێ نه‌ده‌ن ئاژاوه‌گێر و خرابكار بزاڤێن شێواندنا بارودوخێ كوردستانێ بكه‌ن)
ئه‌ڤرۆ نیوز ، نه‌وزاد هلۆرى:
جڤاتا ئاسایشا هه‌رێما كوردستانێ راگه‌هاندنه‌ك به‌لاڤكر و داخوازێ ل هه‌موو خه‌لكێ كوردستانێ دكه‌ت كو ئارامیێ بپارێزن و هێرشێ بو سه‌ر چوو باره‌گایێن لایه‌نێن سیاسى نه‌كه‌ن.
جڤاتا ئاسایشا كوردستانێ هوشداریه‌ك ل بارا ره‌وشا نهایا هه‌رێما كوردستانێ به‌لاڤكر و داخوازێ ل هه‌موو وه‌لاتیێن باژێر و باژێركێن كوردستانێ دكه‌ت كو ئارامیێ بپارێزن و رێكێ ب خه‌لكێ ئاژاوه‌گێر نه‌ده‌ن كو هێرشێن هه‌وه بكه‌ن و ئاژاوه‌گێریێ بكه‌ن.
زێده‌تر دراگه‌هاندنا وان دا هاتیه: ( هوشداریێ دده‌ین هه‌ر كه‌سه‌كێ ئه‌گه‌ر ئاژاوه‌گێریێ بكه‌ت بو سه‌ر باره‌گا و بنگه‌هان بكه‌ت ، دێ روو ب روویێ پێرابوونێن قانونى بیت ، وداخوازێ ل هێزێن ئاسایش و نافخوه ژى دكه‌ین كو ب هه‌موو هه‌ول و بزاڤێن خوه كار بكه‌ن هه‌ولێن گوماناوى و ئاژاوه‌گێریێ پوچ بكه‌ن)
ئەڤرۆ نیۆز،زنار تۆڤی:
جێگرێ سه‌رۆك كۆمارێ عێراقێ هێرشێ دکەته سه‌ر ئه‌مریكا و ناساندنا (ئه‌بو مه‌هدى موهه‌ندس) ب تیرۆریست، ب بێ بو‌ها وه‌سف دکەت.
نورى مالکی جێگرێ سه‌رۆك كۆمارێ عێراقێ و سه‌رۆكێ ئیئتیلافا ده‌ولەتا یاسا د به‌یاننامه‌یه‌كێدا كو نڤێسینگەها وی بەلاڤکریه،هێرشێ دکەته سه‌ر ئه‌مریكا ل به‌رامبه‌ر ناساندنا (ئه‌بو مه‌هدى موهه‌ندس) ب تیرۆریست و دبێژیت: ئە سەیر دبینین کو پەیڤدارا وه‌زاره‌تا ده‌رڤە یا ئه‌مریكا، لێدوانێن ب ڤی شێوه‌ی به‌رامبه‌ر ئه‌بو مه‌هدی موهه‌ندس ددەت و ب تیرۆریست تۆمه‌تبار دکەت.
هەروەسا گوتیە، ئه‌ڤ جۆره لێدوانە،دبنە ئەگەرێ تێکچوونا په‌یوه‌ندیێن دناڤبەرا عێراقێ و ئه‌مریكا: چونكی ئەڤە ده‌ستێوه‌ردانەکا راسته‌وخۆیا ئه‌مریكایه د كاروبارێن عێراقێ دا.
نورى مالكی گوتیە ژی:ئه‌و تۆمه‌تێن پەیڤدارا وه‌زاره‌تا ده‌رڤە یا ئه‌مریكا بۆ (ئه‌بو مه‌هدی موهه‌ندس) هیچ بو‌هایەک نینه.
ئه‌بو مه‌هدى موهه‌ندس، ب تۆمەتا ته‌قاندنا هه‌ردو بالیۆزخانێن فر‌نسا و ئه‌مریكا ل كوێتێ كو ل سالا 1983 ئه‌نجام داینە و ل ئه‌نجامدا 6 كه‌س هاتبوونە كوشتن و 80 کەسێن دی بریندار ببوون،ل سالا 2009 ناڤێ وی ئێخستیە لیستا تیرۆرێ ل وه‌زاره‌تا گه‌نجینه‌یا ئه‌مریكا، هه‌روه‌ك ل سالا 1984 دادگەهێن كوێتێ سزایێ سێداره‌دانێ بۆ ده‌ركریە.
ئەڤرۆ نیۆز،زنار تۆڤی:
لە پەیامێکدا مەسعود بارزانی سەرۆکێ هەرێما کوردستانێ راگەهاند، دەنگێ سێ ملیۆن کەسان بۆ سەرخوەبوونێ ب کەسان ناهێتە ژێبرن و گوت ژی مە نەڤێت خوین بهێتە رشتن،مە دڤێت کێشە ب گفتوگۆیان بهێنە چارەسەرکرن،بەلێ هەکە وان نیەتا شەری هەبیت،ئەم دێ مردنێ هەل بژێرین و ناهێلین کەرامەتا مە بشکێت.
بارزانی راگەهاند ژی هەکە گشتپرسی ژی نەهاتیا کرن،وان پلان هەبوو هێرشێ بکەنە سەر دەڤەرێن کوردستانی و دۆخێ هەرێما کوردستانێ تێک بدەن، چونکی فەرهەنگا بەغدا نەهاتیە گوهۆرین و وان قەناعەت ب فیدرالیێ ژی نینە.
دەربارەی روودانێن کەرکووکێ، بارزانی گوت خیانەتەکا مەزن ل شەڤا 15 ل سەر 16 ئۆکتۆبەرێ هاتەکرن، ئەوا چو جارا مە پێشبینی نەدکر و د خەیالا مە ژی دا نەدهات، ئەو خیانەتا نیشتمانی یا مەزن بوو کو ل کەرکووکێ هاتیە ئەنجامدان،ژ پشتێ ڤە خەنجەرا ژەهراوی ل پێشمەرگە و هەموو خەلکێ کوردستانێ هاتەدان.
سەرۆکێ هەرێما کوردستانێ راگەهاند ژی دەستهەلاتا بەغدا تووشی غروریەکا مەزن بوویە،مە گەلەک هەولدان شەر نەبیت، بەلێ هێزێن عێراقی و ب تایبەت حەشدێ هەر دڤیا بهێنە پێشڤە،لەورا پێشمەرگە نەچاربوو بەرگریێ بکەت و رێک ب پێشرەویا حەشدێ نەدا.
ئه‌ڤرۆ نيوز:
په‌رله‌مانێ كوردستانێ پرۆژێ قانوونا پارڤه‌كرنا ده‌سته‌لاتێن سه‌رۆكاتيا هه‌رێمێ ب سه‌ر دامه‌زراوێن گشتى يێن هه‌رێمێ دا ب ده‌نگێ 70 په‌رله‌مانتاران هاته په‌سه‌ندكرن.
ماددێ ئێكێ ب 62 ده‌نگێن به‌لێ و 30 ده‌نگێن نه‌خێر په‌سه‌ندكر. ماددێ دويێب 56 ده‌نگێن به‌لێ و 26 ده‌نگێن نه‌خێر په‌سه‌ندكر. پاشان ژى هه‌ر چار مادێ دى پێكڤه خستنه ده‌نگدانێ و ب 70 ده‌نگێن به‌لێ پرۆژێ قانوونێ په‌سه‌ند كر و 23 په‌رله‌مانتاران ژى دژى پرۆژه‌ى ده‌نگ دا.
ئه‌ڤرۆ كۆمبوونا په‌رله‌مانێ كوردستانێ ب پشكداريا هه‌موو فراكسيۆنێن ناڤا په‌رله‌مانى هاته ئه‌نجام دان بۆ سێ مه‌ره‌ما؛ خواندنا ناما سه‌رۆكێ هه‌رێما كوردستانێ مه‌سعود بارزانى و ده‌نگدان ل سه‌ر پرۆژێ قانوونا پارڤه‌كرنا ده‌سته‌لاتێن سه‌رۆكێ هه‌رێما كوردستانێ ل سه‌ر دامه‌زراوێن گشتى و ده‌ست ژ كاركێشانا په‌رله‌مانتارێ ئێكه‌تيێ گۆڕان ئازاد.
نيشاندان