ئەڤرو نیوز ،  ھلوری:
دەڤەرا ھەوارامان کو دکەڤیتە سنوورێ پارێزگەھا ھەلەبچە بویە ئارامگەھەک بو ئافرەتان و تاکە دەڤەرا باشوورێ کوردستانێ یە کو دماوەیێ ١٤ سالێن بوری دا چوو حالەتێن توندوتیژیا دژی ئافرەتان نەھاتینە تومارکرن چالاکڤانەکا ئافرەتان ژی دیار دکەت کو ئافرەتا ھەورامان ئەگەرا نەھێلانا توندوتیژیێ یە.

سێوە فاتح چاکلاڤانا بوارێ ئافرەتان ل پارێزگەھا سلێمانیێ بۆ ئەڤرو نیوز گۆت: (جھێ شانازیێ یە کو ل ھەرێما کوردستانێ دەڤەرەک ھەبیت چوو حالەتێن توندوتیژیێ نەھێنەکرن و تومارکرن یان ژی کێمترین حالەتێن توندوتیژیا دژی ئافرەتان بھێنەکرن و ھیڤیە ئەڤ یەک ببیتە جھێ چاڤلێکردنێ بو دەڤەرێن دن)
گوت ژی: (رەنگە جوداھیا ھزری و کەش و ھەوا و ئاستێ تێگەھشتنا خەلکێ ھەورامان بەرامبەر ئافرەتان جوداھیا خوە ھەبیت و رەنگە ئافرەتا دەڤەرێ ژی ھەند لسەر زەلامی مەزن نەکەت و رێزەکا زور ل ھزر و بیر و کەساتیا وان بگریت ھەتاکو ئەو بکارن ئەرک و مافێن وان بدەن ، ژلایەکێ دنڤە رەنگە تشتەک ل ھەورامان ماف بیت و ل دەڤەرەک دن ئەرک و ل دەڤەرەک دن ماف ل ھەورامان ئەرک ژ بەرڤێ ئەڤ یەک بویە سەدەم کو توندوتیژی کێمتر بیت ژ دەڤەرێن دن)
سێوەیێ د درێژاھیا ئاخفتنێن خودا گوت ژی: (ئافرەتا ھەورامان ئافرەتێن سەرنجراکێشە ھەند ژلایێ عەقلێ خوە ھەند ژلایێ لەش و جوانیا خوە ، و بێگومان ئەگەر مرۆڤ د ھەردوو واران دا سەرجراکێش بوو ل وی دەمی ل گورەی ڤەکولینێن دەروونی و فیسولوجی ئەو مرۆڤ دلخوشە ، و ئەڤ دلخوشیا وان بویە سەدەم کو ھەردەم سەرجراکێش دەرکەڤن ، و ب ھزرا من ئافرەتا دەڤەرێ بخوە ئەگەرا سەرەکی یا نەھێلانا توندوتیژیێ یە)
ل داویێ گۆت: (پێدڤی یە ئێدی کەلتورێ توندوتیژیێ ل ھەرێما کوردستانێ نەمینیت و ژن و زەلام پێکڤە ھزر بکەن بوچی توندوتیژیێ کەن و دێ ل گەل کێ کەن و چوو مفایەک تێدا ھەیە؟ ، ل وی دەمی دێ گەھنە ئەنجامێن ئەرێنی و دێ بو ھەمووان دیاربیت کو چوو مفا نینن د توندوتیژیان دا بەلکو مفایێ مرۆڤاتیێ بتنێ د دلخوشکرن و پێکڤە ژیانێ ھەیە ب تایبەتی دناڤبەرا ژن و زەلامان کو دوو پێکھاتەیێن ب ھێ زیێن خێزانی نە)

ئه‌ڤرۆ نيوز:

هاولاتيه‌كێ ئيرانى ب ناڤێ ره‌زا به‌رستش كو ژ ئه‌گه‌رێ هه‌ڤشێوێ ياريكه‌رێ ئه‌رجه‌نتينى  لیۆنێل میسی يه‌ ، بوويه‌ جهێ گرنگيپێدانێ و خوه‌شحاليا خوه‌ نيشادا ژبه‌ر كو وه‌كو مێسى يه‌ و گرنگى پێ دهێته‌ دان.

ره‌زا به‌رستش ئاماژه‌ ب وێ يه‌كێ كر كو هه‌موو روژه‌كێ وه‌رزشێ دكه‌ت ب تايبه‌ت ياريا ته‌پا پێ و گۆت: دهژمارا تايبه‌ت يا يورو سپورت يا جڤاكى ل جهێ وێنێ مێسى، وێنێ من دانابوون، و پاشێ ژێبرن، ئه‌و چه‌نده‌ بوو ئه‌گه‌رێ به‌رنياسينا من.

ئه‌ڤرۆ نيوز:

هه‌تا نوكه‌ ته‌ پرسيار ژ خوه‌ كريه‌ ئه‌و چار گۆشێن ره‌ش، شين، كه‌سك و سۆر يێن ل سه‌ر كريم، مه‌عجون و جێلى … هتد رامانا چ دده‌ن، ل گه‌ل مه‌ به‌ دا بزانين هه‌ر چارگۆشه‌ك ژ ڤان رامانا چ دده‌ت؟

1- چارگۆشا ره‌ش: چار گۆشا ره‌ش يا ل بنێ وان كه‌رستێن ئه‌م ب كار دئينين رامانا وێ چه‌ندێ دده‌ت كو ئه‌ڤ كه‌رسته‌ 100% ژ ماددێ كيمياوى هاتيه‌ دروست كرن.

2- چارگۆشا سۆر: چارگۆشا سۆر يا ل بنێ وان كه‌رستێن ئه‌م ب كار دئينين رامانا وێ چه‌ندێ دده‌ت كو ئه‌ڤ كه‌رسته‌ 30% سرۆشتى يه‌ و 70% ماددێن كيمياوى يه‌.

3- چارگۆشا شين: چارگۆشا شين يا ل بنێ وان كه‌رستێن ئه‌م ب كار دئينين رامانا وێ چه‌ندێ دده‌ت كو ئه‌ڤ كه‌رسته‌ ژ ماددێن سرۆشتى و يێن نوشدارى هاتيه‌ دروستكرن.

4- چارگۆشا كه‌سك: چارگۆشا كه‌سك يا ل بنێ وان كه‌رستێن ئه‌م ب كار دئينين رامانا وێ چه‌ندێ دده‌ت كو ئه‌ڤ كه‌رسته‌ 100% سرۆشتى يه‌.