ئەڤرۆ نیوز:
دوھی رۆژا ھەینی ستێرا ھەلبژارتیێ ئەرجەنتین و یانەیا بارسێلونا ” مێسی ” ب بەرھەڤبوونا زێدەتری ٢٦٠ یاریکەرێن ھەردوو ھەلبژارتی و یانەیان و چەندین یانەیێن دن شەھیانا خوە ئەنجام دا.
ئەڤێن ل خوارێ چەند دیمەنەکێن شەھیانا وانن
ئەڤرۆ نیوز ، ھلوری:
جیھان ھاشم ھونەرمەند و نيشاندارا جلكان و ستێرا تورێن جڤاکی ب تایبەتی ئينستگرامى شوو ب گەنجەکێ ب رەگەز عەرەب کر.
دوھی ل باژێرێ ھەولێرێ یھانێ شەھیانا خوە ل گەل سیراج جابری چالاکڤانێ جڤاکێ سڤێل و فەرمانبەر ل رێکخراوا يو ئێن کر.
جیھان کچا باژێرکێ خانەقینێ یە و ماوەیەکێ زورە ل سەر تورێن جڤاکی ب رەنگەکێ بەرچاڤ دەرکەفتی و ناڤ و دەنگیەکا زور بۆ خوە پەیدا کریە.
ئەڤرۆ نیوز ، ھلوری:
ئەڤرۆ رۆژا شەمبی ل باشوورێ پارێزگەھا کەرکوک دوو کەس ب تومەتا ھەبوونا پەیوەندیان ل گەل داعش ھاتنە گرتن.
دڤی واریدا ئاژانسێن عیراقی ل زار دەڤێ رێڤەبەرێ پولیسێن قەزا و ناحیێن سەر ب پارێزگەھا کەرکوک بەلاڤکریە کو ئەڤرۆ رۆژا شەمبی دوو کەس ل باشوورێ کەرکوکێ ب تومەتا ھەبوونا پەیوەندیان ل گەل داعش ھاتینە گرتن و گۆت: (ئەو ھەردوو داخوازکریە ب تومەتا ماددا چوار یا قانونا تیرورێ ل ناحیا بناڤ لەیلان ل باشوورێ کەرکوکێ ھاتینە گرتن)
ئەڤرۆ نیوز ، نەوزاد ھلۆری:
ھەر قەیرە کچەکا ھەرێما کوردستانێ چێروکەکا تایبەت ھەیە کو تەژی دەرونێ وێ کول و کوڤان و خەمناکی دکەت و دبیتە سەدەم کو ژیانا وێ بکەتن کولکەکێ خەمان ، دڤی واریدا د سالا ٢٠١٢ دا گرۆپەکا کچێن قەیرە بو داکوکیرن ژ مافێن قەیرە کچان فشار ئێخستە سەر وەزارەتا کار و کاروبارێن جڤاکی کو قانونەکێ بناڤێ قەیرە کچان دەربێخن، بەلێ ئەڤێ قانونێ سەرنەگرت.
شەوبو کچەکا قەیرەیا دژیێ ٤٢ سالیێ دایە دیارکر کو ژیانا وێ یا گرێدایە ب خوارنا حەبکانڤە و دبێژیت : ( پشتی مرنا دایکا خوە ئەز توشی نەخوشیێن دەروونی بوویمە ژ بەرڤی َمن نەکاری شوو بکەم ، چەنسێ من ھەیی دایباب و خوشک وبرایێن من ، بو من گەلەک دباش بوون ددەمەکێ دا کو من ھەست نەدکر شوو بکەم و ژ وان دویر بکەڤم ، بەلێ د ھەمان دەم دا ئەز نکارم وەکو مرۆڤەکا ئاسایی ژیانا خوە ببورینم ژ بەرکو ئەز ب حەبکان دژیم و ئەگەرا سەرەکیا کو ئەز حەبکا بخوەم نەساخیێن دەرونی یە و ئەگەرا نەساخیا دەرونی ژی من نەکاری شوو بکەم )
شەوبو کو ئاکنجییا پارێزگەھا ھەولێرێ یە زێدەتر دبێژیت : ( ئەز ب خوارنا حەبکان گەلەکا بێزارم و زور تورە دبم و دیسان ئەز د ژڤانێ خویێ ھەیڤانەدا ( عادەیێ ھەیڤانە یێ خودا ) نەجێگیرم و تەمبەلم و کێشا من زور دبیت و حەز چوو تشتان ناکەم و چوو خوشیان ب ژیانا خوە نابەم و حەزدکەم ھەر بتنێ بم و زور د نڤم و بێی نە خوارنا حەبکان کەس نەوێریت زیکا دگەل من بئاخڤیت و زور برایێن خوە د قوتم کو ئەڤێ یەکێ ژی ژیانا من زور تاریکریە )
د درێژاھیا ئاخفتنێن خودا دیارکر ژی کو ئەو ھەست ب بوشایەکا گەلەکا ترسناک دکەت د ژیانا خودا و زێدەتر دبێژیت : ( ژ بلی کو دایباب و خوشک و برایێن من گەلەک د باشبوون وەکو ئەگەرەک ژ بوو شوونەکرنا من ، د ھەمان دەم دا ئەز بوومە زرکچ و پشتی ڤێ یەکێ ژیانا من د دەست ژنبابێ دا رۆژ بو رۆژێ بەر ب خرابتر لێدھات و نھا ئەز پتر حەبکا دخوەم ، ئانکو ئەگەر ئەز رۆژانە حەبکان نەخوم دێ بیتە سەدەما مرنا من و حەبک گەلەک کارتێکرنێ ل ئاشکێ من دکەن )
د سالا ٢٠١٢ دا گرۆپەکا کچێن قەیرە بو داکوکیرن ژ مافێن قەیرە کچان ب ھەڤکاریا سەنتەرێ روناکبیریێ ژنان فشار ئێخستە سەر وەزارەتا کار و کاروبارێن جڤاکی کو قانونەکێ بناڤێ قەیرە کچان دەربێخن دا داکوکیێ ژ مافێن قەیرە کچان بکەن ب تایبەتی د دانا موچەکی َھەیڤانە بو وان ، بەلێ ئەڤێ قانونێ سەرنەگرت و نھا یا بێ دەنگە .
دڤی واریدا گەشە دارا سەروکێ لیژنا داکوکیکرن ژ مافێن ژنان ل پەرلەمانێ کوردستانێ یا وی دەمی دەربارەی ئەگەرا سەرنەگرتنا وێ قانونێ دیارکر کو ئەو نە دگەل پەیڤا قەیرە کچە و گۆت : ( ل وی دەمی من زور بزاڤکرن کو ھەر چ نەبیت ژلایێ ماددی ڤە ببنە خودان داھاتیەکێ سەربەخوە ، بەلێ قانونا تورا پاراستنێ ئەو بخوەڤە نەگرتن ژبەرکو چوو مەرج تێدا نەبوون و یا ژ ھەمووان گرنگتر ھەبوونا سەمیانان بوو ، ژ بوو وان )
گەشە دارایی زێدەتر گۆت : ( ژ بلی کو چوو موچە و داھاتیێ تایبەت ل وی دەمی بوو وان نەھات تەرخانکرن د ھەمان دەم دا مەرجێن قەرێن بچوک ژی ئەو نەگرتن کو کار بخوە پێ بکەن ژ بەرکو پرۆژە ژ بوو گەنجایە و قەیرە کچ ژی بەحسێ وان کەسایە یێن ژیی َوان مەزن بیت ، کو ئەو ژی سەر ژیێ ٣٤ سالیێ یە ھەتا بھێت نیاسین قەیرە کچ )
دلێر جانگیر وەکو شارەزایەکی جڤاکی ل دور قەیرە کچان دبێژیت : ( ب ھزرا من تشتەکێ باش بوو کو قانونا داکوکیرن ژ مافێن قەیرە کچان سەرنەگرتی ژ بەرکو ئەڤ یەک دێ بیتە سەدەم کو کچێن گەنج ھزرێ د گیروکرنا خوەدا بکەن و د ئەنجام دا ببنە قەیرە کچ و ل دوماھیێ زیانێ ل پاشە رۆژا وان بکەت کو شووکرنە )
ئەڤرۆ نیوز ، نەوزاد ھلۆری:
بو ئێکەمجار ل ھەرێما کوردستانێ ب سیستەمەکێ پێشکەفتی پرۆژەیەکێ چاندن و وەبەرھێانا شووتیان ل پارێزگەھا دھوکێ ھاتە چێکرن کو دکەڤیتە قەزا زاخۆ و شیانێن دابینکرنا شووتیان بۆ ھەردوو پارێزگەھێن دھۆک و ھەولێر ھەیە.
عومەر ھەسنی خودانێ پرۆژێ شووتیان ل زاخۆ دیارکر کو پرۆژەیێ وان لسەر سیستەم و ستاندارەکێ پیشکەفتیێ جیھانی ھاتیە چێکرن و بۆ ئەڤرۆ نیوز گۆت: (پرۆژێ شووتیان ل زاخۆ د چەند قوناغەکان دا ھاتیە چاندن واتە ھەموو پێکڤە ناکەڤنە د بەرھەمی دا بەلکو دناڤبەرا ھەر قوناغەکێ و قوناغەکا دن نێزیکێ حەفتیەکی َھەیە داکو نەبیتە ئەگەرا پوچ بوونا شووتیان ب تایبەتی ئەگەر بازار کێم بیت)
زێدەتر گۆت: ( زێدەتری ٧٠٠ دونەمێن عەردی ل پێشخابوور مەکرینە شووتی و شیانێن دابینکرنا شووتیان بو ھەردوو پارێزگەھێن دھۆک و ھەولێر ھەیە ھەتاکو پرۆژە ب دوماھی بھێت ، نھا ب رەنگەک گشتی رۆژانە دناڤبەرا ٧٥ بو ١٠٠ تەنێن شووتیان دھێنە بەرھەمئینان و روانەیێ بازارێن دھۆک و ھەولێر دھێنەکرن)
ل بارا بھایێن وان گۆت: ( ئەم دناڤا زەڤیا شووتیان دا کیلویا شووتیان ب ٢٠٠ دیناران ددەینە بکرا نکو ئەڤ بھایە ژی بھایەک گونایە و چوو زیانێ ناگەھینیتە بازاران ، بەلێ بکر ژی ب گرانتر دفروشنە وەلاتیان ، ئەگەر ئەم بزانین کو شووتی ل بازاری نەما دکارین قوناغەکا دن یا شووتیان بینینە پێش بو زێدەکرنا شووتیان و ھنارتنا وان بو بازاری واتە ئەم لگورەی پێدڤی یا بازاری و وەلاتیان شووتیان بەرھەمدئینین)
ھەسنی د درێژاھیا ئاخفتنێن خودا دیارکر ژی کو پرۆژە راستەوخۆ ژلایێ کومپانیەکا تورکی دھێتە ب رێڤەبرن و گۆت: (ھەکە حکومەت نەھێلیت کو شووتیێن بیانی بھێنە ھاوردەکرن یان ژی باجەکا گران دانن سەر کو کێم بھێن ل وی دەمی ئەم ژی دکارین لسەر ئەڤی پرۆژەی بەردەوام بین ، دیسان پشکەکا دن یا وان دونەمێن مە گوتی بەرھەمێن مینا تەماتە ، خیار ، باان رەشک ، بامی و گوند و چەند تشتەکێن دن ژی ھاتینە چاندن و سوپاس بو خودێ ھەموو ئەو بەرھەمێن مە چاندنی ب باشی کەفتینە بەرھەمی و ژلایێ فروتنێ ژی ڤە ھەتا نھا مە چوو ئاستەنگ نینن)
ژلایەکی َدنڤە ستار خورشید وەکو ئێک ژ شیرەتکارێن چاندنێ ل سنوورێ پارێزگەھا دھۆکێ ل گەل کومەکا شیرەتکارێن دن ژ نێزیک سەرەدانا پرۆژێ شووتیێن زاخۆ کریە بۆ ئەڤرۆ نیوز گۆت: ( ب مەرەما زانینا رەوشا پرۆژێ شووتیان ل زاخۆ ژلایێ حکومەتا ھەرێما کوردستانێ ڤە ئەم کومەکا شیرەتکاران ژ نێزیک چوینە سەرەدانا پرۆژەی و وەکو مە دیتی کو پێنگاڤەکا نموونەیی و ھەری گرنگە ل کوردستانێ بڤی رەنگی شووتی بھێنە چاندن ، ئەگەر سەرکەفتن ئینا رەنگە نمووونەیا پرۆژەی ل چەند دەڤەرێن دن ژی بھێتە دوبارەکرن ، ژ بەرڤێ گرنگە حکومەت پتر گرنگیێ ب پرۆژێن نموونەیی و ستراتیجی بدەت داکو ب پشتگرێدان ب بەرھەمێن خومالی بھێتەکرن و جوتیارێ مە ژی مفادار بیت)
ئەڤرۆ نیوز، لەزگین جوقی:
رێڤەبەرێ نڤیسینگەھا رزگارکرنا رەڤاندیێن کوردێن ئێزدی، دیارکرکو بەری دەمەکێ کێم ژنەکا ژیێ وێ پتر ژ ٦٥ سالان رزگاربوو گەھشتە نڤیسینگەھا رزگارکرنا رەڤاندیێن ئێزدی
حسین کورۆ قائێدی، رێڤەبەرێ نڤیسینگەھا رزگارکرنا رەڤاندیێن کوردێن ئێزدی بۆ ئەڤرۆ نیوز گۆت: (ژنەکا دى يا كوردا ئێزدی کو ژیێ وێ پتر ژ ٦٥ سالایە ھاتە رزگارکرن ژلایێ سوپایێ عێراقی ڤە ل مووسل پشتی بۆ ماوی دو رۆژان ماینە دناڤ دەستێ سوپایێ عێراقی دا ئەڤرۆ ٣٠/٦/٢٠١٧ بەری دەمەکێ کیم مە شیا ژ سوپایێ عێراقی وەربگرین وتەسلێمی کەس و کارێن وێ بکەن ل پارێزگەھا دھۆکێ ئەم چاڤەرینە ئەو کەسێن دێ ژی یێن ھاتینە رزگارکرن ژلایێ لەشگەری عێراقی ڤە ب زووترین وەخت بگەھنە مە(
ل گورەی زانیاریێن ئەڤرۆ نیوز پێنج یان شەش کەسێن دن ژی کو زاروک و ژنێن کوردێن ئێزدی نە نھا ژلایێ سوپایێ عیراقێ نە و دەمەکێ دن دێ رادەستی نڤیسینگەھا رزگارکریێن ئێزدی ھێنەکرن.
ئه‌ڤرۆ نیوز:
پشتی چوار سالان داعشێ خوه بته‌مامی ژ پارێزگه‌ها حه‌له‌بێ ل سووریێ ڤه‌كێشا.
روانگه‌ها سووری یا مافێن مرۆڤی راگه‌هاند: پشتی سوپایێ رژێما سووریێ داعش ل داوی ده‌ڤه‌را كونترۆلا وێ رێكخستنێ ل پارێزگه‌ها حه‌له‌بێ دۆرپێچكری و چ پێگه‌هـێن مه‌زن نه‌هێلایه د ده‌ستی دا، داوی جار تیرۆرستێن مایی یێن داعشێ خوه ب ته‌مامی ژ سنۆرێ وێ پارێزگه‌هێ ڤه‌كێشا.
داعشێ چه‌ندین ده‌ڤه‌رێن به‌رفره‌هـ ل حه‌له‌بێ كونترۆل كربوون، بۆ ده‌مێ چوار سالان سێ باژارێن مه‌زن د ده‌ستی دابوون، باژارێ منبج ژ ئالیێ یه‌په‌گێ ڤه هاتبوو رزگاركرن و باژارێ بابێ ژ ئالیێ توركیا و سوپایێ ئازاد ڤه و باژارێ دێر حافر ژ ئالیێ سوپایێ رژێما سوورێ و ملیشیایێن وێ ڤه.
ئەڤرۆ نیوز ، نەوزاد هلۆری:
دەمەک بەریا نها گەنجەک ل سنوورێ قەزا بەردەرەش د رووبارێ زێی مەزن دا خەندقی.
بێوار عەبدولعەزیز بەرپرسێ راگەهانیا بەرەڤانیا باژێری ل دهۆکێ بو ئەڤرو نیوز گۆت: ( دەمەک بەریا نها ل سنوورێ قەزا بەردەرەش یا سەر ب پارێزگەها دهۆک گەنجەک خەندقی)
زێدەتر گۆت: ( هەتا نها چو زانیاری ل بەر دەست نینن کا ئەو گەنجە کی یە و ئەگەرا خەندقینا وی چی یە ، بەلێ ناڤێ وی سەلمان سیروانە و خەلکێ ناحیا کەلەک یا سەر ب قەزا بەردەرەش و ژیێ وی ژی 12 سالن ، و د رووبارێ زێی مەزن دا خەندقیە و تیمێن مەژی مژولێ لێگەریانێ نە)
ئەڤرۆ نیۆز،زنار تۆڤی:
ئەڤرۆ ئەینیێ 30.6.2017 د روودانەکا دل تەزین دا گەنجەکێ ل دەڤەرا بەرواری بالا دا گیانێ خوە ژ دەستدایە.
سۆران مەحمود وەلاتیەکە ل گوندێ بازێ بۆ ئەڤرۆ نیۆز دیارکریە:کو گەنجەکێ گوندێ بازێ ب ناڤێ(محەمەد تاها) ئەڤرۆ د کەڤرەکێ دا فریە ل چیای و د جهدا گیانێ خوە ژ دەستدایە و گۆت ژی:ئەڤ روودانە ل دەمژمێر 2 پشتی نیڤرۆ روودایە و هەروەسا ئەو گەنجە شڤانێ پەزێ خوە بوویە و ل دووڤ گۆتنا بابێ وی کەسی کو بەری دمژمێرەکێ ژ ڤێ روودانێ پەیوەندی ب بابێ خوە کریە و گۆتیێ کو هندەک پەزێن وی د کەڤرەکێ دا ئاسێ بووینه،وی ژی هەولدایە وان پەزان ژ وی کەڤری بینیتە خوار،لێ ئەو د کەڤری دا فریە و گیانێ خوە ژ دەستدایە،هەروەسا پشتی هنگێ بابێ وی چەندین جاران پەیوەندی پێکریە،لێ وی بەرسڤ نەدایە،لەورا گوندی چووینە وی جهێ لێ ب گەرن،گوندیان دیتییە کو د کەڤریدا فریە.
هەروەسا دیارکر ژی:نوکە گوندی یێ تەرمێ وی ژ چیای د ئینن و دێ تەرمێ وی بەنە نۆشداریا داد و ل دووڤ دا دێ تەرمێ وی ل گوندێ بازێ هێتە ڤەشارتن.
ئەڤرۆ نیوز ، نەوزاد هلوری.
ئەڤرو تیمێن نقومڤانێن زاخۆ شیان تەرمێ گەنجەکێ دناڤا بەنداڤا بوسەل دەربینن پشتی کو درەنگانێن شڤێدی خەندقی.
بێوار عەبدولعەزیز بەرپرسێ راگەهاندنا بەرەڤانیا باژێری ل دهۆکێ بو ئەڤرو نیوز گۆت: ( شڤێدی ب درەنگڤە گەنجەکێ ئاوەرەیێ کەمپا بێرسڤ دوو ل سنوورێ قەزا زاخۆ بناڤێ فەرحان سەیدو کو دایکبوویێ 1995 د بەنداڤا گوندێ بوسەل خەندقی ، سوپاس بو خودێ ئەڤرو تیما نقومڤانێن زاخۆ شیان تەرمێ وی دەربینن و رەوانەیێ نوژداری یا داد ل زاخۆ بکەن بو زانینا زانیاریێن زێدەتر لسەر خەندقینا وی)
نيشاندان