رۆژا جیهانیا مۆزیكێ ئه‌وا كو هه‌ر سال ده‌ستپێكا هه‌یڤا ده‌ه كو جیهان هه‌موو ڤێ رۆژێ ب ستران و ئاهه‌نگ و ژه‌نینا مۆزیكى ساخ دكه‌ن و ئه‌ڤ ساله ژى وه‌كو سالێن بورى سه‌ره‌راى وان كاودانێت ب سه‌ر هه‌ریمێ دا هاتین ئه‌ڤ ساله ژى ب چه‌ند چالاكێن جودا ئه‌ڤ رۆژه هاتیه ساخكرن
ئه‌ڤرۆنیۆز، هه‌رهین محه‌مه‌د:
ئه‌ڤین حسێن سه‌رۆكا سه‌ندیكا هونه‌رمه‌ندێن كوردستانێ بۆ ئه‌ڤرۆ نیۆز دیاركر،كو وان بۆ ساخكرنا بیره‌وه‌ریا رۆژا جیهانیا مۆزیكێ دو به‌رهه‌ڤى كربوون ئێك گێرانا ئاهه‌نگه‌كا قه‌شه‌نگ ب به‌رهه‌ڤبوونا هونه‌رمه‌ند(ئسماعیل جومعه) كو دایكا وى چوویه به‌ردلوڤانیا خودێ و نه‌شیان ڤێ ئاهه‌نگێ ب گێرن و هاته پاش ئێخستن وه كو رێزگرتن بۆ هونه‌رمه‌ندێ چالاكیا دوێ بۆ وان سترانبێژان ئه‌وێن خوه ماندى كرین دمه‌ها ریفراندومێ دا و هه‌رده‌مه‌كێ وان وه‌كو سه‌ندیكا په‌یوه‌ندێ ب وان كربا و چوونه هه‌موو جهان ئاهه‌نگ دگێران و وان ناڤێن وان دابوونه جهێن په‌یوه‌ندى دا و هه‌موو به‌رهه‌ڤ بن دڤێ رۆژێ دا داكو ده‌ست خوه‌شێ لێ بهێته كرن و بهێنه خه‌لاتكرن ئه‌و ژى ژ سیه و دو هونه‌رمه‌ند و مۆزیكژه‌نان پێكهاتیه ژبه‌ر چه‌ند ئه‌گه‌ران ئه‌و ژى هاته پاشئێخستن، لێ ب هه‌لكه‌فتنا بیره‌وه‌ریا رۆژا جیهانیا مۆزیكێ ئه‌و هه‌ردو چالاكى دێ هێنه و ئه‌ڤرۆ ژڤان بوو بهێنه‌گێران، لێ بتنێ ئه‌ڤرۆ دێ پیرۆزباهیێ كه‌ین و دیسان وان هنده‌ك ئه‌ندامێن خوه یێن موزیكژه‌ن و سترانبێژ هه‌نه دێ سه‌ره‌دانا وان كه‌ن.
ئه‌ڤین حسێن گۆت: ئه‌ز دێ ل گه‌ل دەستەکا خوه ئاخڤم و تشته‌كێ هه‌رێ بچووك مه‌كربا دا گه‌له‌ك یا باش بیت، چونكو ئه‌م یێت كاودانه‌كى دا خه‌لكه‌ك هه‌موو دژى مه‌یه ومه هه‌موویان كاركر و مه په‌یاما خوه ب ستران و مۆزیك و دكییومێنا و فیسته‌ڤالێن سینه‌مایێ گه‌هاند و ماندى بوونا مه جهێ دلخوه‌شیا مه‌یه و جوداهیا ئه‌ڤ ساله ل گه‌ل سالێن بورى مزگینیا سه‌ر به خوبوونێ یه و دیسان ژى سالا بورى ژى كه‌ڤالێ كه‌مانا هونه‌رمه‌ند دلشاد محه‌مه‌د سه‌عید هاته دانان و هه‌ردیسان ئه‌و پاركه ب ناڤێ وى هاته ناڤكرن.
سه‌مه‌دار مائى رێڤه‌به‌رێ رێڤه‌به‌ریا هونه‌رێ مۆزیكێ ل دهۆكێ بۆ ئه‌ڤرۆ گۆت: ب هه‌لكه‌فتا بیره‌وه‌ریا رۆژا جیهانیا مۆزیكێ پیرۆزباهێن خوه ئارسته‌ى هه‌موو مۆزیكژه‌نێن جیهانێ دكه‌م ب تایبه‌تى مۆزیكژه‌نێن كوردستانێ و هه‌موو هیڤى و ئومێدێن مه ئه‌ون ل سالێن بهێت دا ل ژێر ئالایێ ده‌وله‌تا كوردى رۆژا جیهاننیا مۆزیكێ ساخكه‌ینه ڤه وجوداهیا ئه‌ڤ ساله و ل گه‌ل سالێن بورى ئه‌وه كو ریفراندوم ب سه‌ركه‌فتیه و ئه‌ڤه بۆ ده‌مێ هه‌یڤه‌كێ یه ئاهه‌نگێن سه‌ركه‌فتنا ریفراندومێ ب مۆزیك و ستران دهێنه گێران، به‌لێ مه وه‌كو رێڤه‌به‌ریا هونه‌رێ مۆزیكێ ل دهۆكێ ڤیایه دڤێ رۆژێ دا ئه‌و كه‌سێن بێ به‌هر ژمۆزیكێ ئه‌و ژى زاروێن خودان پێدڤێن تایبه‌تن یێن رێكخراوا گه‌شبوون مه دڤیا مۆزیكێ بۆوان ب ژه‌نین و هه‌ردیسان ستێرا زارۆیان ژى (رندێ) پشكدارى كریه و دێ سترانا بۆ زارۆێن خودان پێدڤێن تایبه‌ت بێژیت.
نیوار سلێمان سه‌رۆكێ پشكا مۆزیكێ ل په‌یمانگه‌ها هونه‌رێن جۆان گوت: ئه‌و وه‌كو پشكا مۆزیكێ مه ئه‌ڤ ساله چو به‌رهه‌ڤێن خوه نه كرینه ژبه‌ركو قوتابێن مه دوه‌رزێ بهێن ڤه دانێ دا و دیسان پتریا قوتابێن مه یێن ده‌رڤه‌ى باژێرینه، له‌ورا مه ئه‌ڤ بیره‌وه‌ریه ساخ نه‌كریه و مه ل په‌یمانگه‌هێ گه‌له‌ك نه‌مایش هه‌نه یێن مۆزیكێ، لێ نه دڤێ بیره‌وه‌ریێ دا، چونكو ئه‌ڤ رۆژه دكه‌ڤیته وه‌رزێ هاڤینێ دا و هه‌ر دیسان رێڤه‌به‌ریا ره‌وشه‌نبیرى وهونه‌رى و سه‌ندیكا هونه‌رمه‌ندان نه رابووینه ب گێرانا چ فیسته‌ڤالا هه‌تا ئه‌م پشكداربین گۆت: رۆژا جیهانیا مۆزیكێ پیرۆزباهێن خوه ئارسته‌ى هه‌موو مۆزیكژه‌نێن جیهانێ دكه‌م ب تایبه‌تى مۆزیكژه‌نێن كوردستانێ.
نيشاندان
