ئەڤرۆ نیۆز،زنار تۆڤی:
فەلەكناسێن جیهانی ئاشكرا دکەن،کو ل وەلاتێن سعودییە و ئیمارات و قەتەر و كوێتێ و عومانێ ل ئێڤاریا 24 ڤی هەیڤێ دێ هەیڤ هێتە دیتن و بۆ رۆژا ل دووڤ دا دێ بیتە ئێکەم رۆژا جەژنا رەمەزانێ.
ل دووڤ پێشبینی یێن فەلەكناسان کو رۆژا ٢٤ خزیرانێ دێ دوماهی رۆژا هەیڤا ڕەمەزاێ بیت و ب ڤی رەنگی دێ ڕەمەزانا ئەڤ سالە ٢٩ ڕۆژ بن.
فەلەکناسان گۆتیە ژی:میدیایێن عەرەبی بەلاڤکڕینە کو رۆژا ٢٥ خزیرانێ دێ بیتە ئێكەم ڕۆژا هەیڤا شەوالێ و دێ بیتە ئێکەم ڕۆژا جەژنا ڕەمەزانا پیرۆز.
بەری نوکە ماڵپەرێ بناڤودەنگێ گۆگلی ژی بەلاڤکربوو،کو ئێكەم ڕۆژا ڕەمەزانێ ٢٧ گۆلانێ بوو،دوماهیک رۆژ ژی دێ ٢٤ خزیرانێ بیت.

ئەڤرۆ نیۆز،عەزیز رەسول هەورامانی:
د‌ ڕاگه‌هاندنەكا‌ رێڤەبەریا ئاسایشا شاره‌زور دا هاتیه کو وێنه‌یه‌ك بۆ ئه‌ڤرۆ نیۆز هنارتییە،کو تێدا رێڤەبەریا ئاسایشا قه‌زا سه‌یدسادق یا سه‌ر ب رێڤەبەریا ئاسایشا شاره‌زوور ڤە سێ تۆمه‌تبار ده‌ستگیر كرینە‌ ب تۆمه‌تێن جوداجودا و د دو دەمێن جودا ئەو تۆمەتبارە هاتینە دەستەسەرکرن.
د‌ راگه‌هاندنا ئاسایشا شاره‌زوور دا هاتیه‌ کو ل به‌روارا (3\6\2017) هێزه‌كا هاریکار یا ئاسایشا سه‌یدسادق كه‌سه‌ك ب ناڤی(ك.ح.ن)ده‌ستگیرکریە كو‌ 2500 دۆلارێن ئه‌مریكی یێن سەخته‌ ڤێ بوون ژ جۆرێ 100 دۆلاری ب ‌بریارا دادوه‌ری ل دووڤ مادێ‌(389 و 398) یێ قانوونێ لێكۆلین ل ‌گه‌ل ناڤ بری هاتیەکرن.
رێڤەبەریا ئاسایشا‌ شاره‌زوور زێده‌تر خویادکەت کو ل به‌روارا(7\6\2017 ) هێزه‌كا هاریکار یا ئاسایشا قه‌زا سه‌یدسادق ل‌ چالاکیەکادی دا شیان ده‌ست ب ‌سه‌ر ترۆمبێلەکا‌ ژجۆرێ نیسان دا بگرن،کو‌ ده‌رمانێن نۆشداری تێدابوون و‌ ب‌ شێوه‌یەکێ نەیاسایی ئینابوون و ئەو جۆرێن دەرمانا هەموو ل دووڤ ڕێنمایێن پزیشكی دقەدەغەکرینە‌،هەروەسا دو كه‌س دناڤ وێ ترۆمبێلێدا هاتینە دەستگیرکرن بناڤێن (ا.ع.م)و(ر.ڕ.گ) ل دووڤ ماددێ گرێدای ب تاوانا وانڤە ده‌ستگیرکرینە و ب‌ بڕیارا دادوه‌رێ ڤەکۆلینا شاره‌زوورێ،ڤەکولین ل گه‌ل دا یا به‌رده‌وامه‌.

ئەڤرو نیوز، سەباح زھێر زێباری:

گوندێ گسێ ئیک ژوان گوندێن دەڤەرا نەھلێ یا سەر ب ناحیا دینارتێ یە ، زێدەتری سەد مالان دڤی گوندی دا ھەنە ئەڤ گوندە دکەڤیتە دوماھیا گوندێن دەڤەرا نەھلێ ژلایێ روژئاڤایێ نێزیک گوندێ کەشکاڤایە ئێک ژ جوداھیێن ڤی گوندی ئەوە کو ھژمارەکا زورا ماتورسکلان لێ ھەیە.
وەلید رەمەزان ئێک ژ ھاولاتیێن وی گوندیە بۆ ئەڤروو نیوز گۆت: (دڤان سالاندا زور خەلکی بەرێ خۆدایە کرینا ماتورا ، نھا دگوندێ مەدا زێدەتری ٤٠ ماتورسکلا ھەنە ئەڤە ژی بۆ ھندێ دزڤریت کو ڤان سالان قەیرانێ سەرھەلدا و خەلکی بەرێ خودا رێگە چارەیەکێ دا کو کارێن خۆ یێن روژانە ب شێوەکێ ب ساناھی کێم خەرجی ئەنجام بددەت)
زێدەتر گۆت: (ئەڤ ھژمارا زورا ماتور سکلا دگوندی دا کو پرانیا وان گەنجن بکاردئینن ھەتا کو کەسانێت مەزن ژی دھاژون پرانیا وان بۆ کاروبارێن خۆ یێن روژانە بکاردئینن وبۆ ناڤ رەزو چەمان مفای لێ دبینن تایبەت ئەوێن دوریخا دکەن ل گوندێ کەشکاڤا رێیەکا دویرە و نەخوشە تنێ ترومبێلێن بلند دگەھنێ لێ ماتورسکل ب ساناھی دگەھیتێ ھەروەسا ماتور کێم خەرجی ترە و نەوەکی ترومبێلێ یە،لەوما ڤان ماتور سکلا مفایەکێ زور گەھاندیە خەلکی و کارێن روژانەیێن ڤی گوندی ب ساناھیتر کریە وپانزین ژی کێم دچیت)
ژلایەکێ دنڤە رێڤەبەریا دەڤەرێ ژی ددەتن دیارکرن کو ژبەر قەیرانا دارایی ھەتا نھا ئەو رێیا دەڤەرێ نەھاتیە چێکرن ، بەلێ ل دەمەکێ نێزیک ئەو رێک ژی دێ ھێتە چێکرن.