ئه‌ڤرۆ نیوز:
نێچیرڤان بارزانى، سه‌رۆكێ حكومه‌تا هه‌رێما كوردستانێ سه‌ره‌دانا پارێزگه‌ها دهۆكێ كر‌ و د گه‌ل پارێزگارێ دهۆكێ و قايمقام و رێڤه‌به‌رێن گشتى ل پارێزگه‌هێ كۆمبوو و دهێته‌ چاڤه‌ڕێكرن باره‌گه‌هێ ئاڤاهیێ دادگه‌ها دهۆكێ ژى ڤه‌كه‌ت.

ئه‌ڤرۆ ده‌مژمێر نه‌هى سپێدێ، نێچیرڤان بارزانى ب سه‌رۆكایه‌تییا شانده‌كا حكومه‌تێ كو ژ كه‌ریم شنگالى، وه‌زیرێ ناڤخوه‌، عه‌لى سندى، وه‌زیرێ پلان دانانێ، نه‌ورۆز مه‌ولوود، وه‌زیرا باژێڕڤانى و گه‌شتیارى و رابه‌ر سه‌ید، بریكارێ وه‌زاره‌تا دارایى و سه‌فین دزه‌یى، په‌یڤدارێ حكومه‌تا هه‌رێمێ و دیسان دلشاد شه‌هاب، شیره‌تكارێ سه‌رۆكێ حكومه‌تێ، پێكهاتینه‌، د گه‌ل پارێزگارێ دهۆكێ و رێڤه‌به‌رێن گشتى و ده‌ڤه‌رداران كۆمبوو.‌
ل گۆرى زانیاريان هه‌ژماره‌كا پرسێن گرنگ ده‌رباره‌یى قه‌یرانا دارایى و كۆچبه‌ران و شه‌ڕێ دژى داعشێ و قۆناغا پشتى داعشێ هاتنه‌ گوتوبێژژ كرن.
هه‌ر دیسان به‌رپرسێن حكومى یێن پارێزگه‌ها دهۆكێ داخوازى و گازنده‌یێن خه‌لكێ پارێزگه‌هێ د هه‌موو وارێن ژیانێ دا دانانه‌ به‌ر ده‌ستێ سه‌رۆكێێ حكومه‌تێ.
هه‌ر ل گۆر زانیاريان؛ تا سوبه ‌ژى نێچیرڤان بارزانى دێ ل دهۆكێ مینیت و پشكدارییێ د ڤه‌كرنا هه‌ژماره‌كا پڕۆژه‌یان دا ل سنۆرێ پارێزگه‌هاا دهۆكێ كه‌ت.

ژ: وار

ئەڤرۆ نیوز:
ل مالپەرێ (رأي الیوم) ل رێککەفتی 4ى ئادارا 2017ێ راپۆرتەک ل دۆر رەوشا دەڤەرێ و رۆژھەلاتا ناڤین ھاتە بەلاڤکرن، تێدا بەحسێ پارچەکرنا دەڤەرێ و ب تایبەت ھەردو وەلاتێن عیراق و سووریا و بەھرا کوردان ژ ڤان پارچەکرنا پشتی نەمانا رێککەفتنا سایکس پیکۆ و سەرنەگرتنا وێ رەفتارێ ب درێژاھیا 100 سالێن بۆری د به‌راهى یا وێ راپۆرتێ دا ھاتیە كرن.

راپۆرتا ستراتيژى یا ئۆردنی ديار دكه‌ت كو رووسیا و ئەمریکا کێکا رۆژھەلاتا ناڤەراست یا نوو ل سەر خوە بەلاڤ دکەن و ھەردو وەلاتێن ئسرائیل و ئیران وەک ئنتيداب و دو ھێزێن لەغافکرنا دەڤەرێ ھاتینە قەبوول کرن، بەھرا تەھران وەلاتێ سووریا و عیراق و لوبنان و کەمەرا کوردیە و بەھرا ئسرائیل وەلاتێن مسر و سعودیە و وه‌لاتێن کەنداڤی و ئۆردونن و شەرێ دەڤەرێ د سێ ھەیڤان دا دێ ھێتە ئێکلاکرن.

ھەروەسا ل گۆڕ راپۆرتا ناڤھاتی، شارەزایێ ستراتيژى یێ ئۆردنی دکتور روبحی حەلوم ئاشکرا کریە، سیناریۆیا ب ناڤێ (ھاڤینا گەرم ب سەر دەڤەرێ دا دھێت) ل 100 سالیا سایکس پیکۆی دا، کو وێ 100 سالیێ نەخشەکێ نوو بۆ رۆژھەلاتا ناڤین بەرھەڤ کریە، د ناڤبەرا ئەمریکا و رووسیا دا.

حەلوم دبێژيت: “ھەردو زلھێزێن جیھانێ بڕیارا نخافتنا کێشا فەلەستین دایە و بزاڤا ل دۆر زڤڕینا ل سەرھلدانا فەلەستینی و قارمانیێن وێ دكه‌ت و دڤێت بھێتە پشتگۆهـ خستن لبن سیبەرا نخافتنا پێشنیازا وەلاتێ فەرەنسا، کو یا ڤالایە ژ رەنگ و تام و بێھنێ.

ل گۆڕ راپۆرتا ئوردنى ھەر سێ ھەیڤێن بھێن دێ شەرەکێ دژوار پەیدابیت و سوتەمەنیا وی دێ وەلاتێن عەرەبی و سامان و ده‌وله‌تێن عەرەبى بیتن، کو ب دووماھیێ ڤەرێژا وی شەری دێ (دەولەتا کوردان) بیت، ل باکوورێ ھەردو وەلاتێن عیراقێ و سووریا ھەتا دگەھیتە درێژاھیا کەنداڤێ ئەسکەندرونە ل سەر دەریایا سپی وەک کەمه‌رەکا (Buffer-Zone) يا ئێمناھیێ دا ببیتە لەغاڤا شەمبۆزیا ھەسپێ تورکی ددەمێ پێدڤی دا، ل گەل دووماھی وەلاتێ عەلەویان ل سەر که‌نارێ سووری ل سەر دەریایا سپی ھەڤدۆ دگرن، کو وەکو ناڤه‌نده‌كا ھەلوەشیایی ل سەر ژێری و ناڤەندا وەلاتێ سووریا دبیت.

ھەروەسا راگەھاند، دو وەلات دێ کونترۆلا دەڤەرێ کەن، وەلاتێ ئیرانێ و ئسرائیل، کو ھەردو گرنتیا بەرژوەندیێن ھەردو جەمسەر و زلھێزێن مەزن ل دەڤەرێ دکەن، ب مەرما کونترۆلکرنا مللەتێن دەڤه‌رێ و راگرتنا ریتما وێ و سامان و نەخشێ تائیفەگه‌ری ل دەڤەرێ.

شارەزایێ ستراتيژى ئاشکرا کرژى كو وەلاتێ ئیرانێ دێ کونترۆلا سووریا و عیراقێ و لوبنان و کەمەرا کوردی کەت، ھەڤدەم وەلاتێ ئسرائیلێ دێ کونترۆلا مسرێ و سعودیێ و وەلاتێن کەنداڤی و ئوردنێ کەت، ئەو ژی وەك کونترۆلکرنا (ئینتیدابا) فەرنسی و بەریتانی یا کو بوویە ئەگەری رێککەفتنا سایکس پیکو ، کو بەربەستەک ل ھەمبەری شەمبۆزیا ھەسپێ ئَوسمانیان ل سالا 1917 ھاتیە دانان.

ب دیار بوونا سەروسیمایێ وێ سیناریۆیا چار قوولی یا د ناڤبەرا( ئەمریکا و رووسیا و ئیرانێ و ئسرائیل) دا بۆ راگرتنا بەرژەوه‌ندیان و پێگوھۆڕینا وانا، ھەموو ئاماژەیێن پێشڤەچوون ب لەز دبێژن کو رەوش بەر ب دووماھیێ ڤە دچیت، کو ل گۆر دیتنا حەلومی ناگەھیتە سالا بھێت، کو ھەردو کیانێن نوو (دەولەتا کوردی و یا عه‌له‌وی) ل دەڤەرێ دێ پەیدابن.

دەولەتا ئێکێ یا کوردی یە، ب راگەھاندنا جودابوونا ھەرێما کوردستانێ ژ عیراقێ کو پشتی دەمەکێ کێم دێ سەربه‌خویا دەولەتا کوردی یا ئێکگرتی ھێتە راگەھاندن، ئەو ژی ژ حزب و ئالیێن بارزانی و ته‌لەبانی و ئۆجەلان پێکدھێت، ل بن ناڤێ دەولەتا کوردیا سەربخۆ، کو سنۆرێن وێ یێن جوگرافی وەکو د وێنه‌يى دا دياره‌ ب درێژاھیا باژێرێ مووسلێ و ھەتا کەرکووک ل عیراقێ و باکوورێ سووریا کوبانێ و ھەتا دگەھیتە باژێرێ لازقیە کو دبیتە باسکێ باکوورێ دەولەتا عەله‌وی ل گەل دەولەتا ھەڤسۆ یا کوردی.
یا دويێ دەولەتا عەله‌وی یە، ل گۆڕ دووماھی داخویانیێن وەزیرێ دەرڤە یا رووسی (سیرگیێ لاڤرۆڤ) د بومبەیا دوکێلی دا کو ھەموو تشت ئاشکرا کرن و رێ خوشکرن بوو ھەموو نیازان و خوشحالیا رووسیا تێدا دەبری بۆ وەلاتەکێ فێدرالی ل سووریا، کو تێدا دبیت دووبارە سیستەمێ رژێما ئەسەد تێدا بھێتە نووکرن، ھەتا خوە ئاخا وەلاتی سووریا ب تەمامی ژی نەبیت، دەولەتەکا عەله‌وی ل سەر کنارێ سووریا و پایتەختێ وێ دیمەشق بیت، ب درێژاھیا لازقیە یا ھەڤسۆ ل گەل دەولەتا کوردی ل ئالیێ باکوور ب رەخ کوبانێ ڤە ھەتا کنارێ سووریا ل گەل کنارێ دەریا وەلاتێ لوبنان کو دبیت ئەو ژی ل ژێر کونترۆلا حزبوللا بمینیت.

ھەردو وەلاتێن نوو یا کوردێن سونی و وەلاتی عەله‌وی یێ شیعی، دێ بنە ھەردو دەستێن راگرتنا ھەڤسەنگی و گه‌ره‌نتیا راگرتنا بەرژوەندیێن وەلاتێن زلھێز ئەمریکا و رووسیا، کو رووسیا بره‌ھا خوە یا ب نیڤا دلێ خوە راکر، ئەو ژی ئازادیا دروستکرنا بنگەھەکێ لەشکری یێ بەردەوام ل سەر کنارێ سووریا، ھەکە ئەم نەبێژین داگیرکرنەکا بەردەوام ل سەر دەریایا سپی یا ناڤین.

زێدەباری وێ چەندێ راپۆرتا ئۆردنی دیارکر، پێشڤەچوونا ریتما سیاسەتا وەلاتێن زلھێز ب ڤی ئاوایی برێڤە دچیت، پشتی (پەلا شەری لاوازکرنێ ل سووریا) دەستێ رووسیا سۆتی، کو د بەرژه‌وەندیا وێ دا نینە شەرەکێ سار یێ دومدرێژ بکەت، ل ھەمبەری گڤاشتنا ئابووری، لەورا رازیبوو سازانێ ل ھەمبەری جەمسەرێ ئەمریکی بکەت، کو دڤێت کێک بھێتە بەلاڤکرن، نە خاسمە پشتی باوه‌ری پەیدا بوی کو ئەمریکا نەڤێت ھەڤالێن خوە ل دەڤەرێ بێ پشتەڤان بھێلیت و بەھرا خوە نەبەت، ب گرنتیکرنا ھەردو وەلاتێن ھەرێمی یێن کونترۆلێ (ئیران و ئسرائیل)، کو ھەردو وەلات ھەڤپەیمانێن ستراتيژى نە ل دەڤەرێ.

ئەڤرۆ نيوز:

ئەڤروو ل دەژمێری 11و30خولەک ل ھولا کونفرانسان ل زانکویا دھوک یادا دامەزراندنا لەشکەرێ روژ ھاتە ساخ کرن
دەربازبونا پێنج سالان لسەردامەزراندنا لەشکرێ روژ ل ھولا کونفرانسان ب بەرھەڤبونا بەرپرسێن حزبی وحکومی وماموستایێن ئاینی وفەرمانبەروئەفسەرێن پێشمەرگە وھونەرمەندو قوتابیان ھاتە ب رێڤەبرن.
درێورەسمان دا وێنەیێن چل وچوار شەھیدێن پێشمەرگێ روژئاڤا ھاتبونە دانان و دیکومێنت و شانوگەریێن گرێدایی پێشمەرگەی ھاتنە نیشاندان، ھەروەسا فەرماندەو ئەندامێ ئەنەکەسێ ژی گۆتن لسەر ڤی لەشکری و رەوشا نھا پێشکێشکرن.
خالد عەلی نووینەرێ جڤاتا نیشتیمانی یا کوردێن سووریا (ئەنەکەسێ) تایبەت ب روژناما ئەڤرۆ گۆت: ئەڤ ھێزە ھاتە دامەزراندن ژ بۆ پاراستنا مللەتێ کورد ل سووریا و بەرژەوەندا بلندا کوردستانا رۆژئاڤایە ، لێ ھەتا نوکە (پەکەکێ) نەھێلا ئەو ھێز دەربازببیت ب ھێجەتا ھندێ کوشەرەکێ ناڤخوەیی دروست ببیت.
نوونەرێ جڤاتا نشتیمانیا کوردێن رۆژئاڤا ھەروەسا خوەیاکر، لێ ئەڤروو ئەو ھێزا رۆژ یا دسەرکەفتن وئەزمونەکا مەزن ل گەل پێشمەرگێ قارەمانێ ھەرێما کوردستانێ کوردستانێ و ل گەل زێرەڤانیێ لبەرامبەر داعشێ ل ھەرێما کوردستانێ دراوەستیت.
خالد عەلی ھەروەسا گۆت: ئەڤرۆ ل کوردستانا سوریێ ژی مەترسیەک لسەر کوردینیێ بخوە بخوە ھەیە، ئەو کارێ ئەڤرۆ پەکەکە ل ویرَ دکەت ل ھەموو سنوارن دەرباز بویە، مخابن ئەڤرۆ گاڤێن پەکەکێ مەترسی لسەر کوردستانا رۆژئاڤا ب گشتی دروست کریە، دیسا دیارکر، دەما ھەر چی ھێزەک بیت ھەبونا کوردان ل ھەر دەڤەرەکێ بێخیتە دمەترسیێ دا ژ کوردان دھێتە خواستن بەرگیریێ بکەن، و لبەرامبەر ب راوستن ، ڤێ ھێزا ( لەشکرێ روژ) ژی ئەڤرۆ ل کوردستانێ رەوشەکا تایبەت ھەیە ب ئیدارا وەزارەتا پێشمەرگەی گرێدایە و بریارا سیاسی یا لڤینا خوە ل ھەرێما کوردستانێ وەردگریت کا کەنگی دەربازی کوردستانا سوریێ ژی بیت ئەو رەوشەکا تایبەتە.
ئەندامێ جڤاتا ئەنەکەسێ زێدەتر رونکر، لێ دڤی َرەوشێ دا پەیوەندی نەبتنێ دچوارچوڤێ وەزارەتا پێشمەرگەی ڤە بتنێ یە، بەلکو راستەخوە پەیوەندی ب ھەڤپەیمانیا نیڤدەولەتی یا دژی داعشێ ژی ھەیە، ژبو پروسا لەشکری کو ب ئیدارا وێ دھێتە ب رێڤەبرن.
خالد عەلی ل دووماھیێ گۆت: جھێ دلگرانیی َدێ چوا شێین خزمەتا گەلێ خوەکەین دەما کورد لبەرامبەری کوردان راوستیت، ئەڤجا یەکەتیامە ئەکرێزیا کوردان خالەکا سەرەکی یە کوئەم دەست کەفتێن باش پێ بدەست خوەڤەبینین، لسەر وێ ژی ئەم وی َئێکەتیێ ناکەینە مەرجەک کو ھەبونا کوردا بکەڤیتە دمەترسیێ دا و ئەڤرۆ خوە ھێزەک ھەبیت کورد ژی بیت لێ لدژی دەستکەفتێن کوردان ب راوستین و زیانی َلێ بکەت ھنگی مەجبور نابینین دانوستاندنێ بکەین .گرنگ پرسا نەتەوەی کوردستانا سوریێ وھەمی کوردستانێ ب گشتی یە.