ئهڤرۆ نيوز، نەوزاد زادە ھلوری:
چەند روژێن بوری بو ئێکەمین جار ل باشوورێ کوردستان و دەڤەرا باینان گروپەکێ چیای ھاتەدامەزراندن و بو ئێکەمین جار ژی گەشتێن خوە بو چیایێن دەڤەرا بارزان دەستپێکر.
ئنوەر دولەمەری سەروکێ سەنتەرێ بارزان بو ژینگەپارێزی و دامەزرێنەرێ گروپی بو ئەڤرو نیوز گوت : ( سرۆشت و ژینگەھا دەڤەرا بارزان دیمەنێن جوان و دلڤەکەر و نازک ھەنە و دەما کو مرۆڤ دچیتە دناڤ دا ھەست دکەت کو یێ ل بحەشتی َبێگومان کو ئەڤ جوانی و ژینگەھەژی ھوسا ب ساناھی درۆست نەبوویە بەلکو ب ھەول و ماندوبونا سەرکرداتیا دەڤەرێ ل سەردەمێ شێخ عەبدولسەلام بارزانی و شێخ ئەحمەد بارزانی ھەتاکو سەردەمێ بارزانیێ نەمر و نھا ژی ب سایا سەروکێ ھەرێما کوردستانێ ئەڤ یەک درۆست بوویە ، و ژینگەە ژی مل ب ملێ شورش و راپەرینان پاراستیە ژبەرکو ژینگە ب ئەو لاندکا تێدا ھاتینە ھژاندن دیتیە )
زێدەتر گۆت : ( ب مەرەما زێدەتر چوونا دناڤا سروشت و دەشت و چیا مە ب فەردیت گروپەکێ چیایی ل دەڤەرا بارزان دامەزرینین و کومەکا کەسان ژی تێدا کوم بکەین داکو جوانترین دیمەنێن سرۆشتیێن دەڤەرێ و ھەموو دەڤەرێن کوردستانێ نیشا جیھانێ بدەین و بو وان ژی دیار بکەین کو ئەم ژی خودان ژینگە و سرۆشتین ، و سوپاس بو خودێ نھا مە گروپەکێ ١٥ کەسی ھەیە کو ژ وان ژی ھەشت کچن و رۆژ بو روژێ ژی گروپێ مە بەر ب فراھتر دبیت و ئەز و ھەڤژین و کچا خوە ژی تێدا ئەندامین و من دڤێت ئەوان فێری چیایی بکەم ژبەرکو چوونا چیایی زێدەباری کو دیمەنێن جوان و سەرنجراکێش دکەڤنە بەر چاڤێن مە د ھەمان دەم دا جورەکێ گرنگ یێ وەرزشی یە و زور پێدڤی یە ھەموو کەس بچنە چیایی).
ئەنوەر دولەمەری ل سالا ١٩٦٩ ل گوندێ بیندەر ل دەڤەرا برادوست ژ دایکبویە و دوو خێزان و پێنج زارو ھەنە و ل سالا ١٩٧٥ ئاوارەیێ ئیرانێ بویە و گۆت ژی : ( ئەز ل گەلەک وەلاتێن جیھانێ گەریایی مە و ل وان وەلاتان گرنگی یەکا زور ب چیا و ژینگەھێ دھێتەدان ژبەرڤی َگرنگە کو ل کوردستانێ ژی گرنگی یەکا زور ب ژینگەھێ و گەشتێن چیایی بھێتەدان ، و مە ل بەرە قەستا ھەموو چیایێن کوردستانێ بکەین ب تایبەتی چیایێن دەڤەرا بەھدینان و مە ئەنددام ل ھەموو جھان ھەنە و ل ھەموو جیھان ژی وەردگرین).
نيشاندان
