ئه‌ڤرۆ نيوز:
ل دووڤ راپورتا كه‌شناسي و بيڤه‌له‌رزا هه‌رێمێ رۆژا 1 شه‌مبيێ ، ئاسمانێ دهۆكێ دێ د ناڤبه‌را نيڤ ئه‌ور بۆ ئه‌ورێ تمام دا بيت ل گه‌ل ئه‌گه‌رێ هاتنا بارانێ ل ده‌ڤه‌رێن چيايى و بريسي دێ ل گه‌ل دا بيت.
سه‌قايێ سوبه
نووترين نووچه
- سەرۆك بارزانی بۆ كۆنفرانسێ ئێكڕێزییا كوردان ل رۆژئاڤایێ كوردستانێ: ئێكگرتنا كوردان كلیلا چارەسەرییا ئێكجارییا پرسا كوردی یە ل سووریێ
- سەرۆكێ هەرێما كوردستانێ بەرهەڤی رێوڕەسمێ خاترخواستنا پاپا فرەنسیس ل ڤاتیكانێ بوو
- پشكا رەوشەنبیری و راگەهاندنا پارتی و دەزگەهێن گرێدای وێ وەفادارییا خوە بۆ رێبازا بارزانی دوپاتكر
- کۆنفرانسێ نەتەوەیی ل رۆژئاڤایێ کوردستانێ هاتە ساز کرن
- هیڤیدارم رۆژا لاڤە یا نیشتمانی پێكڤەژیانێ د ناڤبەرا پێكهاتەیێن كوردستانێدا ب هێزتر بكەت
- هیڤیدارین رۆژا لاڤە یا نیشتمانی ببیتە دەنگێ ئەوێن باوەری ب ئاشتیێ هەی
- مەسرور بارزانی: كوردستان ب درێژییا دیرۆكێ لاندكا پێكڤەژیانێ و فرەئایینیێ بوو
- میر حازم تەحسین بەگ: هەرێما كوردستانێ جهێ پێكڤەژیانێ و پەیڕەوكارێن هەموو ئایینانە
- ب پەیامەكێ ژ سەرۆك بارزانی، زانكۆیا ییل كۆنگرەیەك ل دۆر جینۆسایدا دژی كوردان سازكر
- مەسرور بارزانی و شاندەكێ ئەمریكی دوپاتی ل هنارتنا پەترۆلا هەرێما كوردستانێ كر
سهرهكى Facebook
سه‌قايێ ئه‌ڤرۆ
نه‌وشيروان مسته‌فا وه‌سيه‌تا خوه يا نڤيسى
ئه‌ڤرۆ نيوز:
ئه‌ندامه‌كێ سه‌ركردايه‌تيا ئێكه‌تى نشتيمانى كوردستان ئاشكه‌را كر كو نه‌وشيروان مسته‌فا به‌رى وه‌غه‌را دووماهيێ بكه‌ت، وه‌سيه‌تنامه‌ك يا نڤيسى و ل لايێ كوڕێن وى يا پاراستى يه.
ئه‌ڤرۆ رۆژا شه‌مبى 20ى گۆلانا 2017ێ ره‌هبه‌رێ سه‌يد ئيبراهيم ئه‌ندامێ سه‌ركرداتيا ئێكه‌تيێ بۆ باسنيوز راگه‌هاند، ئه‌وان وه‌كو ئێكه‌تى دڤێت ل گه‌ل بزاڤا گۆڕان ئێك بگرن و ب فه‌رمى به‌حس لێ هاتيه كرن، به‌لێ “چاڤه‌رێ ئه‌وێ چه‌ندێ دكه‌ين كو وه‌سيه‌تا نه‌وشيروان مسته‌فا بهێته خواندن كو يا نڤيسى يه و ل لايێ كوڕێن وى يه”.
ئه‌و چه‌ند ژى روونكر كو وه‌سيه‌تا نه‌وشيروان مسته‌فا هێشتا نه‌هاتيه به‌لاڤكرن و پشتى “خواندنا وه‌سيه‌تێ، دێ زانين دێ چ كه‌ين”.
ئه‌وى ئه‌ندامێ سه‌ركرداتيا ئێكه‌تيێ ده‌رباره‌ى پاشه‌رۆژا بزاڤا گۆڕان پشتى نه‌وشيروان مسته‌فا، ئه‌و چه‌ند ژى ئاشكه‌را كر كو “ره‌نگه گۆڕان تووشى كێشه‌يان ببيت، به‌لێ ئه‌م هيڤى خوازين كو گۆڕان درێژيێ ب رێبازا نه‌وشيروان بده‌ت”.
رۆژا ئه‌ينى 19ى گۆلانا 2017ێ بزاڤا گۆڕان ب فه‌رمى وه‌غه‌ركرنا نه‌وشيروان مسته‌فا رێكخه‌رێ گشتى يێ بزاڤا گۆڕان راگه‌هاند.
ب وێنە – درێژترین توو ل کوردستانێ
ئەڤرو نیوز ، نەوزاد زادە ھلوری:
وەلاتیەکێ دەڤەرا بارزان ل گوندێ بالندا ب ناڤێ ” محەمەد چیچو ” بو ئێکەمین جار چەند شتلەکێن دارەکا توویێ کو دریَژترین توویە ل ھەرێما کوردستانێ ل وەلاتێ ئەلمانیا ئیناية و ل دەڤەرا بارزان ل مالا خو چاندن.
د داخویانەکێ دا بو ئەڤرو نیوز گۆت: (ئەڤ دارا توویێ ب درێژترین دارا توویێ دھێتە ھژمارتن و ١٠ سال بەریا نھا ب رێیا کەسەکیَ من ل ئەلمانیا ئینایە ، دندکێن ئەڤێ توویێ نێزیکێ ١٠سم درێژن و رەنگێ وێ زەرە و تامەکا زور خوش و شیرین ھەیە)
زێدەتر گۆت: (من ئەڤ توویە رۆژەکێ نووشا نوژدارەکێ دان و ئەوی گوتە من ئەڤ توویە بوو نەخۆشیا شەکرێ زورا باشە چونکی شەکرا ویَ نورمالە و کارتێکرن لسەر نەخۆشیا شەکرێ نینە بەلکو باشترە ئەو کەسانێن نەخۆشیا شەکرێ ھەیی ئەڤێ توویێ بخوون)
ناڤبری د درێژاھیا ئاخفتنێن خودا دیارکر ژی کو ئەوی تنێ دوو دانە ژ ئەڤێ دارێ ھەنە و گۆت ژی: (ئەڤ توویە ب رێیا شل و بەترمەیان زێدە دبیت و رۆژانە خەلکەکێ زور قەستا مالا مە دکەن بو دەستکەفتنا شتل و بەترمەیێن ئەڤێ توویا جوان و خوش)
ب وێنە: تەرمێ نەوشێروان هاتە ڤەشارتن و پارتى ژى دێ په‌يڤه‌كێ پێشکێش کەت
ئەڤرو نیوز:
چەند خولەکەکان بەریا نها تەرمێ نەوشێروان موستەفا رێکخەرێ گشتیێ تەڤگەرا گۆڕان ل گردێ زەرگەتە ل سلێمانیێ هاتە ڤەشارتن.
ل گورەی ئەو بەرنامەیێ هاتیە دانان هەر پێنج پارتێن سیاسیێن هەرێما کوردستانێ ” پارتی ، ئێکەتی ، گۆڕان ، ئێکگرتوو و کومەڵ ” دێ گووتار هەبن.
ژێدەرەکێ ژ ئەنجومەنا سەرکرداتیا پارتی ل سلێمانیێ راگەهاند کو شاندەکێ پارتی دیموکاتی کوردستان پشکداری د ڤەشارتنا تەرمێ نەوشێروان بوویە و دێ گووتارەک ژی هەبیت.
دوهی سپێدێ شورەش حاجی ئاخفتنکەرێ تەڤگەرا گۆڕان نوچەیێ وەغەرکرنا نەوشێروان ل کەنالێ کەی ئێن ئێن راگەهاند.
ترامپ گەھشتە سعودیێ و دێ ھەڤپەیمانیەکا نوو دژی تیروێ ھێتە پێکئینان
ئەڤرو نیوز :
بو ئێکەمین جار پشتی کو بویە سەرۆکێ ئەمریکا ، دونالد ترامپ ل گەل ھەڤژینا خوە گەھشتە عەرەبستانا سعودیێ و ژلایێ شاھێ سعودیێ ڤە ھاتە پێشوازیکرن ، وەسا بریارە بەحس لسەر چەند بابەتێن گرنگ ژ وانان چەوانیا بەرنگاریا تیرورێ و بھێزکرنا پەیوەندیێن ئابووری بکەن.
شەڤا بووری دونالد ترامپ ل گەل ھەڤژینا خوە میلانا ترامپ دەست ب گەشتا خوە کرد و دەمژمێر ١٠:٠٠ سپێدەیا ئەڤرۆ ب دەمێ کوردستانێ گەھشتە سعودیێ ، ژلایێ مەلیک سەلمان شاھێ سعودیێ ھاتە پێشوازیکرن ، وەسا بریارە کو کومبونەکا بەفرەە دناڤبەرا وان دا بھێتە ئەنجامدان و بەحس لسەر چەند تەوەرەکێن گرنگ بکەن.
میدیایێن جیھانی بەحس ل وێ یەکێ دکەن کو ئارمانجا کومبوونا وان لوتکەیا ئەمریکایە ل گەل سعودیێ و وەلاتێن کەنداف و عەرەبی و ئیسلامی بو درۆستکرن و پێکئینانا ھەڤپەیمانکەکا نوو دژی تیرورێ و زێدەبوونا ھەرەشە و پێنگاڤێن کومارا ئیسلامیا ئیرانێ یە ، و ژلایەکێ دنڤە دێ بەحس لسەر بھێزکرنا ئابوورا دناڤبەرا ھەردوو وەلاتان کەن.
ب وێنە – بەرهەڤیێن ڤەشارتنا تەرمێ نەوشێروان
ئەڤرو نیوز.
ب بەرهەڤوونا هژمارەکا زۆر یا سەرکردەو و گورانخوازان ، سپێدەهیا ئەڤرو دەمژمێر حەفت بەرهەڤی بو ڤەشارتنا تەرمێ نەوشێروان موستەفا رێکخەرێ تەڤگەرا گوڕان ل سلێمانیێ دەست پێ کرن.
ل گورەی ئەوان زانیاریێن ئەڤرو نیوز ل سلێمانیێ دەستخوڤە ئینایی نوکە تەرمێ نەوشێروان ل مزگەفتێ دوماهی هاتیە و ب روپێڤانەکێ ب پیان بو سەر گردێ زەرگەتە دئینن کو دێ ل وێرێ هێتە ڤەشارتن.
دوڤدا دێ رێورسمێن پرسەیێ ژی ل بارەگایێ سەرەکیێ گۆڕان ل سلێمانیێ هێتەدانان.
ئه‌نجامێن ده‌سپێكى يێن هه‌لبژارتنێن ئيرانێ هاتنه راگه‌هاندن
ئه‌ڤرۆ نيوز:
ئه‌نجامێن ده‌سپێكى يێن هه‌لبژارتنێن سه‌رۆك كۆمارێ ئيرانێ هاتنه راگه‌هاندن و ب گۆره‌ى ئه‌نجامان حه‌سه‌ن رۆحانى يێ ل ده‌سپێكێ.
سه‌رۆكێ كۆمسيۆنا هه‌لبژارتنێن ئيرانێ راگه‌هاند: “ژ سه‌رجه‌مێ 25 مليۆن و 182 هزار و 310 ده‌نگێن هاتينه هژمارتن، نوكه حه‌سه‌ن رۆحانى ب زێده‌تر ژ 14 مليۆن ده‌نگان پتريا ده‌نگێن هه‌لبژارتنان ب ده‌ست ڤه ئينايه”.
عه‌لى ئه‌سغه‌ر ئه‌حمه‌دى، سه‌رۆكێ كۆمسيۆنا هه‌لبژارتنێن ئيرانێ، ده‌رباره‌ى رێژا پشكداريا وه‌لاتيان د هه‌لبژارتنان دا گۆت: “زێده‌تر ژ 40 مليۆن كه‌سان د هه‌لبژارتنان دا ده‌نگ داينه”.
1- حەسەن رۆحانی 14 ملیۆن و 619 هەزار و 848 دەنگ
2- ئیبراهیم رەئیسی 10 ملیۆن و 125 هەزار و855 دەنگ
3- مستەفا میر سەلیم 297 هەزار و 276 دەنگ
4- مستەفا هاشمی تەبا 139 هەزار و331 دەنگ
كوربه‌ندێ ئابوورى يێ جيهانى ب پشكداريا بارزانى ئه‌ڤرۆ دێ ده‌سپێكه‌ت
ئه‌ڤرۆ نيوز:
رۆژا شه‌مبى رێكه‌فتى 19ى گۆلانا 2017ێ كوربه‌ندێ ئابوورى يێ جيهانى ل دۆر رۆژهه‌لاتا ناڤه‌راست و باكوورێ ئه‌فريقيا ل ده‌ريا مرى ل ئوردن دێ ده‌سپێكه‌ت.
د په‌نه‌لا ئێكێ دا هه‌ر ئێك ژ شاهـ حسێن شاهێ ئوردن و فليپێ شه‌شێ شاهێ ئسپانيا و فوئاد مه‌عصوم سه‌رۆك كۆمارێ عيراقێ دێ پشكدار بن.
مه‌سعود بارزانى سه‌رۆكێ هه‌رێما كوردستانێ و شاهـ عه‌بدولا شاهێ ئوردن دێ د ئاماده بن.
كوربه‌ندێ ئابوورى يێ جيهانى ل دۆر رۆژهه‌لاتا ناڤه‌راست و باكوورێ ئه‌فريقيا ژ 19 هه‌تا 21ى گۆلانێ دێ يێ به‌رده‌وام بيت و هزار كه‌ساتيێن جيهانێ ژ 50 وه‌لاتان د پشكدارن.
ڤێ حه‌فتيێ ئه‌ڤ وه‌زاره‌ته دێ مووچه‌ى وه‌رگرن
ئه‌ڤرۆ نيوز:
ب گۆره‌ى خشتێ به‌لاڤكرنا مووچێ هه‌يڤا سێ كو وه‌زاره‌تا دارايى و ئابوورى ل 30ى هه‌يڤا نيسانێ به‌لاڤكريه، ل ده‌سپێكا ڤێ حه‌فتيێ دێ چه‌ندين دامه‌زراوه‌يێن هه‌رێما كوردستانێ مووچه‌ى وه‌رگرن.
رۆژا ئێكشه‌مبى رێكه‌فتى 21ى گۆلانا 2017ێ دێ مووچێ هه‌يڤا سێ يێ سالا 2017ێ يێ ده‌زگه‌هێ ئاسايش و وه‌زاره‌تا دارايى و ئابوورى هێته به‌لاڤكرن.
رۆژا دوشه‌مبى رێكه‌فتى 22ى گۆلانا 2017ێ دێ مووچێ هه‌يڤا سێ يێ سالا 2017ێ يێ په‌روه‌ردێن ده‌رڤه‌يى باژێران هێته به‌لاڤكرن.
رۆژا سێشه‌مبى رێكه‌فتى 23ى گۆلانا 2017ێ دێ مووچێ هه‌يڤا سێ يێ سالا 2017ێ يێ په‌روه‌ردێن ناڤ باژێران هێته به‌لاڤكرن.
رۆژا چارشه‌مبى و پێنجشه‌مبى رێكه‌فتى 24 و 25ى گۆلانا 2017ێ دێ مووچێ هه‌يڤا سێ يێ سالا 2017ێ يێ وه‌زارتا ناڤخۆ و ده‌زگه‌هێ مين هێته به‌لاڤكرن.
نيشاندان
WP Facebook Auto Publish Powered By : XYZScripts.com