NO IORG
نووترين نووچه
Facebook

ئەڤرو نیوز ، نەوزاد ھلوری:
ئەندامێن لەشێ مروڤی ب گشتی و دەست ب تایبەتی ئەگەرێن سەرەکی نە کو نەساخیان ژ ژینگەھا دەرڤە بۆ ناڤ لەشێ مروڤی ڤە ب گوھێزن ، و نوشدارەک ددەتن دیارکرن کو ٨٠% ژ نەساخیێن ژ دەرڤە ب رێیا دەستان بۆ مروڤی دھێنە ڤەگوھاستن.
دکتور “ئەیوب عەبدوللا مێرگەسووری ” تایبەتمەندێ نەشتەرگەریا گشتی دیارکر کو ھندێ پاراستن ھەبیت چارەسەری کێمترە بۆ ئەڤرو نیوز گۆت: (ب شێوەیەکێ گشتی ھەموو ئەندامێن لەشێ مروڤی ھەر ئێک ژ وان بەھرا خوە د ڤەگوھاستنا نەساخیان ژ ژینگەھا دەرڤە بو ناڤ لەشێ مرۆڤی ھەیە ئەڤجا چوو ژ کەسەکێ دن بیت یان تشتەکێ نوو ، بەلێ بەھرا پتریا وان کو مروڤ دکاریت بێژیت ھەتا ٨٠% ژ وان نەساخیێن کو ب نەخوشێن ڤەگوھێز دھێنە ھژمارتن ب رێیا دەستان بۆ ناڤ لەشێ مروڤی دھێنە ڤەگوھاستن)
زێدەتر گۆت: (بەھرا پتریا وان نەساخیێن کو ب ئەگەرا دەستان بۆ ناڤ لەشێ مروڤی دھێنە ڤەگوھاستن نەساخیێن ڤایروسی نە وەکو ھەموو جورێن ئەنفلونزا و پەرسیف و میکروب و گەلەک نەساخیێن دن)
مێرگەسوری دیارکر ژی کو پێدڤی یە مرۆڤ رۆژانە سێ جاران دەستێن خوە ب ئاڤ و سابوونێ ب شووت و گۆت ژی: (شووشتنا دەستان ب ئاڤ و سابوونێ باشترین چارەسەرکە کو دبیتە سەدەما رێگرتن ژ نەساخیێن ژینگەھا دەرڤە بۆ ناڤ لەشێ مرۆڤی ، ب تایبەتی ئەگەر مروڤ ژ کارەکێ مینا چوونا دەستئاڤێ یان دەستکاریکرنا ھندک جورێن دەرمان و مادێن کیمیایی ، ب شێوەیەکێ گشتی دەما مروڤ ژ ھەر کارەکێ ب دووماھی دھێت پێدڤی یە دەستێن خوە ب شووت ب تایبەتی د نھادا کو نەساخیا کولێرایێ بەر ب زێدەبوونێ ڤە دچیت)

615

ئەڤرۆ نیۆز،کاروان باعەدری:

شاهین ئەو گەنجێ ئێزدی یێ خەلکێ شنگالێ یە کو ل ٦ ڤێ هەیڤێ ژیانا خوە ئێخستیە مەترسیێ ژبۆ کو کچەکێ ل رەخێ راستی یێ موسلێ ژ دەستێ هۆڤێن داعشێ رزگار بکەت، ل دەمێ بزاڤ کری وێ کچێ رزگار بکەت،کەفتە بەر هێرشێن نیشانگرێن داعشێ و ب سەختی بریندابوو.

شاهین ل رۆژا ئێکشەمبیێ ل ١٤/٥/٢٠١٧ ێ ل نەخۆشخانەیەکا باژێرێ بەغدا ژ بەر گرانیا برینا خوە جانێ خوە ژ دەستدا.

دهێتە زانین شاهینی کارێ وەرگێرانێ ل گەل هێزێن ئەمریکی دکر،هەروەسا د چەندین رێکێن تایبەتدا چەندین کچ و ژن و زارۆکێن ئێزدیان رزگارکرینە.

ئەڤرو نیوز ، نەوزاد هلوری:

هەیاما چەند روژایە پروژێ ئاڤا کایار ستی تێکچوی ، رێڤەبەریا کارگێری یا کایار ستی دیارکر کو ئاریشا ئاڤا وان ژلایێ حکومەتێ تێکچویە ، بەلێ ئەڤرو دێ هێتە چارەسەرکرن.
دوهی وەلاتیەکێ ئاکنجی ل شوقێن کایار ستی بۆ ئەڤرو نیوز دیارکر کو ئەڤە چەند روژە ئاریشا نەبوونا ئاڤێ ل شوقێن کایار ستی هەرلدایی و ژبەر نەبوونا ئاڤێ ئەو ئاوەرەیێن مالێن کەس و کارێن خوە بوینە هەتا خوە ئاڤ نینە کو بکرن.

5
ژلایێ خوڤە رێڤەبەرێ کارگێری و خزمەتگوزاریان ل کایار ستی نەڤیا ناڤێ خوە دیار بۆەت بۆ ئەڤرو نیوز گۆت: (ژبەر شکەستنا بوریا ئاڤا شوقێن کایار ستی کو ژ لایێ حکومەتێ ڤە دهێتە دابینکرن ، و دیسان بچوکیا کوگەها ئاڤا کایار ستی چەند روژە ئاڤ ل شوقێن ناڤبری نینە و هاتیە برین ، بەلێ پشتی کو مە گازندا وەلاتیان گەهاندیە لایەنێن شولەژێ ژ حکومەتێ دوو سێ دەمژمێرێن داهاتی دێ ئاڤا وان هێتە چارەسەرکرن چونکی ئاڤ ژلایێ حکومەتێ بو شوقەیان دهێت نەک ژلایێ کارگێریا شوقەیان ڤە)
زیدەتر گۆت: (کوگەهێن ئاڤێ یێن کایار ستی تنێ دشێن 30 هزار لیتران ب هەلگرن و هەردەما پرۆژێ ئاڤێ تێکچو ئەو تنێ بو روژەکێ یان دوو روژان دکارن ئاڤێ بو وەلاتیێن شوقان دابین بکەن)
کایار ستی ژ 19 ئاڤاهیان پێکدهێن و هەر ئاڤاهیەک ژی 36 شوقان بخوڤە دگریت و ل سالا 2009 ژلایێ کەرتێ تایبەت ڤە هاتینە چێکرن.

ئەڤرو نیوز ، نەوزاد ھلۆری:
ھەموو سالەکێ ل دەستپێکا مەھا کانونا دوویێ پەز کوڤی دھێنە ب نێری و ل مەھا ئایارێ دەست ب زانێ دکەن ، د ڤێ ماوەیی دا ھندەک کەس بخوە ب دەلیڤە دبینن کو تشکێن وان راڤە بکەن و بگرن ، و دامەزرێنەرێ رێکخراوا بارزان بو چاکسازیا ژینگەی ل دەڤەرا بارزان ژی ددەتن دیارکر کو گەلک گرنگە دڤی ماوەیی دا زێدەتر ھوشیاری لسەر پاراستنا کوڤیان بھێتەکرن.
کرمانج چالی رێکخراوا بارزان بو چاکسازیا ژینگەی ل دەڤەرا بارزان بۆ ئەڤرو نیوز گۆت: (دەستپێکا مەھا کانونا دوویێ دھێتە نێری و ل مەھا ئایارێ وەرزێ دەست ب زانێ دکەت ، گەلەک ئەگەر ھەنە کو پەز کوڤی زێدەببن ژ وان ژی ھەبوونا گەلەک پەز کوڤیێن نێر دناڤ پەز کوڤیان دا و ھەبوونا دار و بار و خوارنەکا باش ل چەل و چیا، دیسان ھەبوونا ئاڤەکا مەند و باش کو تێرا ڤەخوارنا ئەوان بکەت ، و ئەڤە زێدەباری کو ئەو دەڤەرا پەز کوڤی زێدەدبن دڤێت دەڤەرەک بیت کو یا پاراستی بیت ژ ھەر دەست درێژیەکێ)
زێدەتر گۆت: (پرانیا پەز کوڤیان لدەما زانێ جێمکی دئینن ، گەلەک گرنگە کو د ڤان وەختان دا زێدەتر ھوشیاری لسەر ژینگەھێ و پاراستنا وان بھێتەکرن و دەڤەر ژی بو دەڤەرێ جودایە)
پشکەک ژ وەلاتیان ب مەرەماب خودانکرنا پەزکوڤیان د مالێن خوە دا کێشکێن کوڤیان دگرن و بخودان دکەن داکو کەھی ببن ، دڤی واریدا ناڤبری گۆت: (ب خودانکرنا پەزکوڤیان ل مال پێدڤی ب زەحمەتەکا زۆرە ژبەرکو دڤێت تێشکێن وان تێکەلی تێشکێن پەزی َخومالی بھێتەکرن و رۆژانە سێ جاران سەرەدان بۆ بھێتەکرن و مرۆڤ بدەستێ خوە خوارنێ بدەتێ ژبەرکو ئەگەر پەزێن خومالی خوارنێ بدەن وان رەنگە ل بن دەست و پیێن وان بھێنە کوشتن و زور و کێم شیردانێ ژ بوو پەز کوڤی رەنگە ھندەک نەخوشی لدەف پەیدا ببن ب تایبەتی زکچوون و مەلولی ، ب ھەر رەنگەکێ بیت پێدڤی یە پەزکوڤی نەھێنەگرتن و ئەو بخوە ل چولی بژین)

1493

ئه‌ڤرۆ نيوز:

گەلەک پەیوەندیێن دلداری ب بۆرینا دەمی دمرن ژبەرکو ھەردو لایەن بھایێ ھوورکریێن بچووک نزانن، یێ لایەنێ بەرانبەر ددەتێ، ب تنێ داکوکیێ ل شاشیان دکەن و لایەنێن نەرێنی ئاشکرا دکەن بێی رێزگرتنا یێ بەرانبەر ل بەرچاڤ بگرن.
بەری تو ب دووڤ ھزرێن نەرێنی بکەڤی و بەراوردیا ھەڤژینێ خوە د گەل ھەڤژینێن خەلکی بکەی، ئەڤە رێزانەکا تەمامە ب وان نیشانێن ڤیانا ھەڤژینێ تە بۆ تە دوپات دکەن و دکەنە باشترین ھەڤژین ل جیھانێ.
1- باوەریا ب تە ھەی، و باوەریا وی ب تە یا کورەیە.
2- یێ وەفادارە بۆ تە، وەسا سەرەدەریێ د گەل تە دکەت کو تو ئێکەم کەس و داوی کەسی د ژیانا وی دا.
3- گێولێ تە دزانیت و دزانیت دلێ تە ب چ خۆش دبیت، ھەتا ھوورترین تشت ژی وەکو وان جۆرێن شوکولاتا یێن تو حەز ژێ دکەی.
4- دەمێ و رووبەرێن تە ددەتە تە، رێزێ ل دەمێن تەیێن تایبەت دگریت.
5- خوە بۆ بێھنڤەدانان بەرھەڤ دکەت، حەز دکەت د گەل تە پشکدار بیت و پلانا بۆ رۆژێن بێھنڤەدانێ د گەل تە ددانیت.
6- تە ھانددەت تو حەز ژ خوە بکەی، وەکو ھەڤالەکی گوھداریا تە دکەت، ناھێلیت مەسەجێن نەرێنی د بەرتەرا ببۆرن، پشتەڤانیێ ل بریارێن تە دکەت یێن تو بۆ سەرکەفتنا خوە ددەی.
7- حەز ژ ترانێن تە دکەت، ھەمی ترانێن تە کەنیا وی پێ دھێت و پشکداریێ د گەل کەنیا تە دکەت.
8- رێزێ ل ھەستێن تە دگریت، کەرامەتا تە ب چو پەیڤ و رەفتاران بریندار ناکەت.
9- تو ھەست پێ دکەی تو یا خۆشتڤی ل نک وی، ئەو یەک ژنێ ژ ھەموو ژنێن دیجودا دکەت کو یا د گەل زەلامێ ژ ھەژی و گونجای.
10- کاروباران بچووک دکەت، ژیان بخوە تێرا خوە یا ئالۆزە، ئەو دبیتە ئالیێ ئەرێنی دا بارێ تە سڤک بکەت، ئەو ژی ب رێیا گوھداریکرنێ و ھاریکاریێ.
11- پشکداریێ د کاروبارێن ناڤمالێ دا دکەت، د بچووکترین کار دا وەکو رێکوپێکرنا جلکێن و شووشتنا ئامانان.
12- تە ژ گێولێ نەخۆش دەردئێخیت، دا ب تنێ ببیتە ژێدەرێ دلخۆشیێ و دزانیت چ تە دلخۆش دکەت.
13- حەز ژ گرنژینا تە دکەت، دبێژیتە تە گرنژینا کارتێکرنێ ل وی دکەت.

18519670_1677373789237587_9064963501704936266_n

ئه‌ڤرۆ نيوز:

دوهى دره‌نگى شه‌ڤ ل سه‌ر جادا بارزان ترۆمبێله‌ك وه‌رگه‌ريا و د ئه‌نجام دا شوفێرێ ترۆمبێلێ گيانێ خوه‌ ژ ده‌ست دا.

به‌رپرسێ پشكا په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز دياركر كو ل شه‌ڤا ئێكشه‌مبى ل سه‌ر دوشه‌مبى و ل ده‌مژمێر 1:40 ده‌قيقه‌ ل سه‌ر جادا سه‌ره‌كى يا بارزان نێزيك پشكا ناڤ باژێرى يا رێڤه‌به‌ريا هاتنوچوونا پارێزگه‌ها دهۆكێ ترۆمبێله‌كا تايبه‌ت سكودا وه‌رگه‌ريا.18447605_1677373775904255_2204859926581443092_n

رائيدێ مافپه‌روه‌ر، ئازاد تاها، به‌رپرسێ پشكا په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ گۆت: “ب مخابنى ڤه‌ دێ ڤێ روودانێ دا شوفێر ترۆمبێلێ كو گه‌نجه‌كێ 25 سالى بوو گيانێ خوه‌ ژ ده‌ست دايه‌”.

18425163_1677373759237590_4992158320648680984_n

ده‌رباره‌ى ئه‌گه‌رێ روودانێ ژى رائيدێ مافپه‌روه‌ر بۆ بكارئينانا له‌زاتيێ ڤه‌گه‌راند كو ژ بن كونترۆلا شوفێرى ده‌ركه‌فتيه‌ و ژ سايدێ خوه‌ ده‌ركه‌فتيه‌ و چوويه‌ د سايدێ دى يێ به‌رامبه‌ر دا.

به‌رپرسێ پشكا په‌يوه‌ندى و راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ داخواز ژ شوفێران كر كو پێگريێ ب رينما و قانوونێن هاتنوچوونێ بكه‌ن دا كو گيان و سامانێ وان يێ پاراستى بيت.

5199

ئەڤرۆ نیۆز،زنار تۆڤی:
حوکمەتا هەرێما کوردستانێ بریارەکا نوو بۆ دابەشکرنا مووچێ فەرمانبەران دەرکر،کو دڤێت هەموو فەرمانبەر کۆدێ بایۆمەتری یێ مووچەی پێشکێشی یەکەیێن ژمێریاری یێن فەرمانگەهێن خوە بکەن.
ژێدەرەکێ ژ وەزارەتا دارایی بۆ باسنیۆز دیارکریە،کو هێشتا لیژنا وەزارەتا دارایی یا کارێ خوە دکەت و زەحمەتە نوکە ئەنجۆمەنێ وەزیران بریارەکێ دڤی بواریدا بدەت،هەروەسا پێشبینیا هندێ کریە کو پشتی تەمامبوونا پرۆسا بایۆمەتریا مووچەی حوکمەتا هەرێمێ دێ دەستکاریێ د پاشکەفتا مووچێ فەرمانبەران دا کەت.
ئەوژی گۆتیە،کو وان داخواز ژ هەموو فەرمانبەرێن هەرێمێ کریە کو کۆپیەکا کۆدێ بایۆمەتریا خوە ل گەل کۆپیەکا ناسناما بارێ کەسی بۆ یەکەیا ژمێریاریا فەرمانگەهێن خوە بنێرن،دیارکریە کو بێی وێ کۆدێ بایۆمەتریێ بۆ هەیڤا بهێت فەرمانبەر نەشێن مووچێ خوە وەربگرن.
هەروەسا گۆتیە،هەکە پرۆسەیا بایۆمەتریێ ب دوماهی هات،دێ هەر فەرمانبەرەک کارتەکا تایبەت وەرگریت کو سیمکارتەک وێنێ وی ل سەرە و ب ڤێ رێکێ هەر کەسەک دشێت مووچەیەکێ وەربگریت.

446

ئەڤرۆ نیوز:
* ڤەخوارنا ئاڤا گەرم مرۆڤی زەعیف دکەت: ھزرەکا بەربەلاڤ دناڤ خەلکی دا ھەیە وەسان دبێژن کۆ ڤەخوارنا ئاڤێ ب لەخرینی روونێ لەشێ مرۆڤی َژناڤ دبەت و پێستێ مرۆڤی جوان و سەرنجراکێش دکەت، ئەڤە وان پال ددەت سپێدەھیان ب تنێ دو گلاسێن ئاڤێ ب لەخرینی ڤەخون و بەری تێشتێ ژی سێ گلاسان ڤەخون، تێشتەکا گران بخوت و ژنوو روون کوم ڤە دبن و ھاریکارن بۆ چالاککرنا کریارێن ڤەژاندنێ دناڤ شانەیێَن لەشێ مرۆڤی دا و ڤەخوارنا ئاڤێ ب لەخرینی ب تنێ وێ یەکێ باشە مرۆڤ ھەست ب تێھنیبوونێ نەکەت و دیسان مرۆڤی ژ قەبزبوونێ د پارێزیت.

Image result for ‫ماء دافي للشرب‬‎

* خوھدان سەنگی کێم دکەت: د راستی دا ب تنێ خوھدان شلەمەنیێن لەشی کێم دکەت و ئەو روونێ دبیتە ئەگەرێ قەلەوبوونێ گرامەک ژی ب رێکا خوھدانێ ژێ ناھێتە خوارێ و ب تایبەت ئەگەر خوھدان بێ وەستیان پەیدا ببیت، ئەگەر خوھدان پەیدابو ژ ئەگەرێ روونشتنا مرۆڤی ل جھەکێ گەرم یان ژ ئەگەرێ ل بەرخوکرنا جلکێن گەرم ئێکجار مرۆڤ پێ زەعیف نابیت و رێکێن زەعیفکرنێ ل دووڤ رەگەز و ژی و چالاکی و حالەتێ لەشێ مرۆڤی دمینیت و ئەڤەژی پێدڤی ب دووڤچوونا سستەمەکێ خوارنێ ھەیە.

Image result for ‫العرق‬‎

* پێچانا زارۆکی دبیتە ئەگەرێ شدیان و ب ھێزبوونا ھەستیێن وی: د بەرێ دا و ھەتا نوکە ژی ھندەک دایک ھەنە وەسان ھزر دکەن گەلەک پێچانا زارۆکی و شداندنا لەشێ وی دێ بیتە ئەگەرێ ب ھێزبوونا ھەستیێن وی، ب راستی گەلەک جاران ڤەرێژێن ڤێ چەندێ بەروڤاژی دزڤرنەڤە و دبیتە ئەگەرێ خواربوونا پیێن زارۆکی و ئەگەر بەردەوام ھاتە پێچان دێ بیتە ئەگەر تیرێژا رۆژێ ژی ب دروستی نەگەھیتێ و ئەڤەژی نەباشە و نەرمەھەستیێ پەیدادکەت، بێگومان باشترە زاروکێن ب شیر و دایکێن دوگیان و شیردەر ژی سپێدە و ئێڤاران بچنە ل بەر تیرێژا رۆژێ دا کۆ ڤیتامین (دی) ژێ وەربگرن و تووشی نەخوشیێن ھەستیان نەبن.

Image result for ‫كثرة ملابس للطفل‬‎

* تراشین( سفر) کرن پرچێ زێدە دکەت: ل دەمێ پرچێ ھندەکان دەست ب وەریانێ دکەت دێ دەست ب تراشینا وی کەن( سفر کەن)و ھزر دکەن ئەڤە دێ بیتە ئەگەرێ ھاتن و زێدەبوونا موویێن پرچێ وان، ئەڤە ھزرەکا شاشە و یا دروست ئەوە تراشینا پرچێ ب تنێ پشکا ساخلەم ژێڤەدبیت و ئەوێ د وەریێت شانەیێن وی نەماینە و چ مفا ژێ ناھێتە وەرناگرتن و وەرارا پرچێ ب تراشینێ زێدە نابیت.

Image result for ‫راس الرجال‬‎
* ئەم 10% ژ میًشکێ خۆ ب کاردئینین: ئەڤ ھزرە بەری پتر ژ 100 سالان بەربەلاڤ بوویە و بۆ دەمێ (ئەلبرت ئەنشتاین) ڤەدگەریت، ڤەکولینێن بۆ وێنەکرنا چالاکیا مێشکی و دەستنیشانکرنا جھێن کارێن وی یێن جودا جودا ھاتینە کرن دیاردکەن کۆ پتر ژ 10% ئەم مێشکێ خۆ ب کاردئینین و دیسان ڤەکولین دبێژن ژی چ جە دناڤ مێشکێ مرۆڤی دا نینن کۆ د ڤالا بن و کار تێدا نەھێتە کرن و ئەو کەسێن نەخوشیێن مێشکی ھەبن دیاردبیت کۆ ژ دەستدانا ھەر پارچەیەکا مێشکی کارتێکرنێن خۆ ھەنە.

Image result for ‫العقل‬‎

* برنج سەنگی زێدە دکەت: ھزرەکا بەربەلاڤ ھەیە کۆ خوارنا برنجی سەنگێ لەشی زێدە دکەت و کرشی مەزن دکەت، ئەڤ ھزرە گەلەک یا ب ھوور بین نینە و برنج ژی وەکو کەرستێن نانی و مەعکرونایە و ئەم شیرەتان دکەین کۆ خوارنا برنجی بلا یا ھەڤسەنگ بیت و چ خوارنێن دەست نیشانکری نینن کرشی مەزن بکەن و مەزنبوونا زکی ژ ئەنجامێ زێدە خوارنێ و کێم بزاڤ و چالاکیێ یە.

برنج خوارن

* ژنا دوگیان پێدڤی ب خوارنەکا زێدە ھەیە: د راستی دا ژنا دوگیان وەکو ژنەکا سروشتی پێدڤی ب خوارنێ ھەیە و پتریا مرۆڤان زێدە خوارنێ دخۆن و ئەو خوارن یا تەڤاڤە ددەمێ دوگیانیێ دا ژی، ئەگەر ژنێ د دەمێ دوگیانیێ دا گەلەک خوارن خوار دبیت کارتێکرنێ ل ساخلەمیا وێ بکەت و ڤەرێژێن وێ ل زارۆکی ژی دیار بکەن و زارۆیەکێ مەزن پەیداببیت، مەرەما مە ئەو نینە ژن ل پەیدابوونا زارویەکێ مەزن ب ترسیت و خوارنێ نەخۆت، بەلکو زارۆکی پێدڤى ب چاڤدان و زێرەڤانیێ ھەیە و ئەگەر نە دێ زارۆیەکێ بێ ھیز و بێ چارە پەیدادبیت.

Image result for ‫حاملة تاكل‬‎

ئەڤرو نیوز ، نەوزاد ھلوری:
خانمە ھونەرمەندا بناڤ و دەنگا کورد چوپی فەتاح دێ ئەلبوما خوەیا شەشێ بناڤێ ( بەنار ) بەلاڤ کەت.
دڤی واریدا ھەلبەستڤان ئەدیب چەلکی بۆ ئەڤرو نیوز گۆت: (وەسا بریارە کو سەرێ ئەڤێ حەفتیا بھێت ھونەرمەند چوپی فەتاح ئەلبووما خوە یا شەشێ بناڤێ بەنار کو ب برایێ خوە بناڤکریە بەلاڤ بکەت ، و ئەلبووما ناڤبری ژ ١٣ تراکان پێکدھێت و ئێک ژ وان تراکان یا ژ ھەلبەستەکا منە)
زێدەتر گۆت: (ئەلبوما نوویا چوپیێ ب ستایل و شێوەیەکێ جوان ھاتیە گوتن و گەلەک ژی یا ب سەرکەفتی یە)

CRs_4U9XIAAXoUS

18425279_922942057846932_6311196028954588922_n

ئەڤرۆ نیۆز،زنار تۆڤی:
پەرلەمانتارەکا پارتی رادگەهینیت کو وەزارەتا بازرگانیا عێراقێ بریار دایە د هەیڤا رەمەزانێ دا هەموو ماددێن خوارنێ یێن سەرەکی ب سەر وەلاتیان دا دابەش بکەن و ئەڤ بریارە ژ هەرێما کوردستانێ ژی دگریت.
نەجیبا نەجیب ئەنداما پەرلەمانێ عێراقێ گۆتیە،مە دووڤچوون بۆ نەهاتنا بەشە خۆراکێ هەیڤانە یێ وەلاتیان کریە و وەزارەتا بازرگانیا عێراقێ ژی بەحسێ هندێ کریە کو بوودجەکێ کێم بۆ وان هاتیە دابینکرن،لەورا ئەو نەشێن هەموو ماددەیان هەیڤانە ب سەر وەلاتیاندا دابەش بکەن،ئەڤە بوویە ئەگەرێ پاشخستنا بەشە حۆراکێ هەیڤانە یێ وەلاتیان،دەربارەی ئەو ماددێن کو دێ ژلایێ وەزارەتا بازرگانیا عێراقێ بۆ هەیڤا رەمەزانێ دێ هێنە دابەشکرن،نەجیبایێ دیارکریە،وەزارەتا بازرگانیا عێراقێ هەموو بەرهەڤی کرینە کو دێ بۆ هەیڤا رەمەزانێ هەموو ماددێن سەرەکی یێن خوارنێ وەکی ئاری و برنجی و شەکرێ و دوهنی دابەش کەن،چونکی ئەڤ ماددە گەلەک پێدڤینە بۆ خەلکێ د هەیڤا رەمەزانێ دا،هەروەسا ئەو ماددێن خوارنێ یێن د هەیڤا رەمهزانێ دا دهێنە دابەشکرن،دێ هەرێما کوردستانێ ژی ڤەگریت.

website security
WP Facebook Auto Publish Powered By : XYZScripts.com