NO IORG
نووترين نووچه
Facebook

500

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى گۆلانا 2017ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18 37500
1 گرام زێرێ  (ع) 21 44500
1 گرام زێرێ  (ع) 22 46500
1 گرام زيڤ 3000

697

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 15ى گۆلانا 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 دولارێ ئه‌مريكى 1257
1 يۆرۆيێ ئه‌ورۆپى 1370
1 ليرێ توركى 350

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

ئه‌ڤرۆ نيوز:

سه‌رپه‌رشتێ ميحوه‌رێ شنگال راگه‌هاند كو مه‌ره‌م ژ رزگاركرنا قه‌يره‌وان ژ لايێ حه‌شه‌د شه‌عبى ڤه‌ ئه‌و بوو سنورێن خوه‌ بگه‌هيننه‌ سوريا دا كو بگه‌هنه‌ گرۆپێن چه‌كدارێن شيعى يێن وه‌كو حزبولا.

سه‌رپه‌رشتێ ميحوه‌رێ شنگال، سه‌ربه‌ست له‌زگين، د داخۆيانيه‌كا رۆژنامه‌ڤانى دا ئاشكه‌را كر كو بڕيار بوو قه‌يره‌وان ب هه‌مانگيا هه‌ولێر و به‌غدا هاتبا كونترۆلكرن، به‌لێ حه‌شه‌د شه‌عبى رێكه‌فتنا ناڤبه‌را هه‌ولێر و به‌غدا بن پێ كر و بێ هاريكاريا هه‌رێمێ باژێركێ قه‌يره‌وان يێ سه‌ر ب شنگال رزگاركر.

سه‌ربه‌ست له‌زگين

سه‌رپه‌رشتێ ميحوه‌رێ شنگال ئاماژه‌ ب وێ چه‌ندێ ژى كر كو وه‌كو حه‌شه‌د شه‌عبى هه‌وێ بۆ دكه‌ت ئه‌وان ئه‌و ئۆپه‌راسيۆن ئه‌نجام دايه‌ دا كو بگه‌هنه‌ سنورێ سوريا، “به‌لێ د راستى دا ئه‌و جهێ حه‌شه‌د شه‌عبى شه‌رى لێ دكه‌ت، 60 بۆ 70 كيلۆمه‌تران يێ ژى سنورێ سوريا دووره‌”.

سه‌ربه‌ست له‌زگين مه‌ره‌ما سه‌ره‌كى يا حه‌شه‌د شه‌عبى ژ ڤێ ئۆپه‌راسيۆنێ ئاشكه‌را كر و گۆت: “مه‌ره‌ما سه‌ره‌كى يا ڤێ ئۆپه‌راسيۆنێ ڤه‌كرنا رێيا هشكاتيێ يه‌ د ناڤبه‌را عيراق و سوريا دا ل گه‌ل حزبولا يا لوبنانى و گرۆپێن دى يێن شيعى و ئه‌ڤه‌ ژى گه‌فه‌ ل سه‌ر گۆند و ده‌ڤه‌رێن سنورى ل سوريا”.

خۆيا ژى دكه‌ت كو هێزێن پێشمه‌رگێ كوردستانێ قه‌بول ناكه‌ن چو بۆسته‌كا ئاخا كوردستانێ ل بن ده‌ستێ چو هێزێن بيانى بيت و ب مانا حه‌شه‌د شه‌عبى ل ده‌ڤه‌رێ دێ “مه‌ ژى هه‌لويستێ خوه‌ هه‌بيت”.

سه‌ربه‌ست له‌زگين

به‌رى سێ رۆژايه‌ چه‌كدارێن حه‌شه‌د شه‌عبى باژێركێ قه‌يره‌وان دوورپێچ كريه‌ بێ ى هاريكارى و لڤينێن پێشمه‌رگێ كوردستانێ، به‌لێ وه‌كو سه‌ركردێن پێشمه‌رگه‌ى دده‌نه‌ دياركرن ئه‌و بۆ هه‌ر ئه‌گه‌ره‌كێ نه‌چاڤه‌رێكرى د ئاماده‌باشيێ دانه‌.

بۆ ماوێ سێ سالايه‌ 13 گۆند و كۆمه‌لگه‌هێن كوردێن ئێزدى ل شنگال د بن ده‌ستێ چه‌كدارێن داعش دانه‌ و هه‌تا نوكه‌ نه‌هاتينه‌ ئازادكرن.

ئەڤرو نیوز ، نەوزاد ھلوری:
ھەردوو ھونەرمەندێن جیھانی یێن ئەکشن دێ سەرەدانا عیراقێ کەن و وەسا بریارە کو فلمەکێ ل بەغدا و موسل دیمەن بکەن.
مالپەرێ فەرمیێ ھولیود دیارکر کو ھەردوو ھونەرمەندان ” سلیستەر ستالون ” ناسیار ب رامبو و ” جاکی شان ” دێ سەرەدانا بەغداکەن بو تومارکرن و دیمەنکرنا فلمەکێ بناڤێ ” ئی ئێکس بەغدا ” کو دێ ل بەغدا و موسل ھێتە چێکرن.
لگورەی زانیاریێن مالپەرا ناڤبری فلم ، فلمەکێ راستەقینەوە و بەحس لسەر بارودوخێ موسل دکەت و کوژمێ ٨٠ ملیون دولاران ژی بو ھاتینە تەرخانکرن.

ئەڤرو نیوز ، نەوزاد ھلوری:
ژئەگەرا رودانەکانی ھاتن و چوونێ ل پێشخابوور ل سنوورێ قەزا زاخۆ ١٦ کەس بونە قوربانی ژ وانان سێ کەسان گیانێ خوە ژ دەست دا.
ئازاد تەھا بەرپرسێ راگەیاندنا رێڤەبەری یا گشتی یا ھاتن و چوونا دھۆکێ بۆ ئەڤرو نیوز گۆت: (شڤێدی دەوروبەرێن دەمژمێر ١٢ێ ب شەڤ ژ ئەنجامێ وەرگەریانا ترومبێلەکا مینی پاس کو کومەکا گەنجان تێدابوون ژ یاریەکا تەپاپێ دزڤرین د ئەنجام دا ١٦ کەس بونە قوربانی ژ وانا سێ کەسان گیانێ خوە ژ دەست دا و ١٣ ژی برینداربوون ، برینا ھندەک ژ برینداران یا گرانە و بۆ نەخوشخانا تەنگاڤیا دھۆکێ زاخۆ ھاتینە رەوانەکرن)
ژلایەکێ دنڤە ل گورەی راگەھاندنا قەزا بەردەرەش ئەڤرۆ سپێدێ دەمژمێر ٧:٣٠ ژ ئەنجامێ روودانەکا ھاتن و چوونێ دناڤبەرا تورمبێلەکا بارھەلگر و ترومبێلەکا تایبەت کەسەک ب گرانی برینداربوویە.

18491979_1896426603968434_67048126_n

ئەڤرۆ نيوز:
بەرپرسێ راگەھاند و پەیوەندیان ل رێڤەبەریا ھاتنوچوونا دھۆکێ د ئامارا روودانێن ترافیکێ یێن ھەیڤێن بۆریێن ئەڤ سالە دا دیار کر د چار ھەیڤ و نیڤێن بۆری دا پتر ژ ھزار کەسان بووینە قوربانیێن روودانێن ھاتنوچوونێ، ب ئاوایەکی 63 کەسان گیانێ خوە ژ دەست دایە و یێن دی ژی بریندار بووینە.
رائیدێ مافپەروەر ئازاد تەھا بەرپرسێ راگەھاند و پەیوەندیان ل رێڤەبەریا ھاتنوچوونا دھۆکێ بۆ رۆژناما ئەڤرۆ دیار کر، ژ 1ى كانوونا دويێ 2017 و ھەتا ئەڤرۆکە 355 روودان ل دەف وان ھاتینە تۆمار کرن و رەنگە روودان ھەبن نەھاتبنە تۆمارکرن و گۆت “ژ ئەنجامێ وان روودانان 63 وەلاتیان گیانێ خوە ژ دەست دایە و 949 وەلاتی ژی بریندار بووینە و سەرجەمێ ھەمیان دبنە ھزار دوازدە قوربانی، ئەڤە ژ بلی ھەکە قوربانیێن دی ھەبن، ئانکو نەھاتبنە تۆمارکرن”.
رائیدێ مافپەروەر ئاماژە ب ھندەک ئەگەرێن روودانان کر، کو پتریا روودانان ل جادێن خۆش و بەرفرەە روو داینە و کارئینانا موبایلێ و ب ئەنترنێتێ ڤە مژوول دبن، لەورا ل وان جادەیان تووشی روودانان دبن و گۆت “گەلەک ژ وان روودانان ژ جۆرێ لێکدان بووینە د ناڤبەرا ترۆمبێلان دا”.
رائیدێ مافپەروەر ئازاد تەھا بەرپرسێ راگەھاند و پەیوەندیان ل رێڤەبەریا ھاتنوچوونا دھۆکێ گۆت ژی “پرانیا روودانان نەپێگیریا رێنمایێن ھاتنوچوونێ یە و زۆربەیا وان لەزاتی بکار ئینایە”.
بەرپرسێ راگەھاند و پەیوەندیان ل رێڤەبەریا ھاتنوچوونا دھۆکێ خویا ژی کر، روودانێن ل ڤێ دووماھیێ رووداین پتر قوربانی ل پەی بوون، ب ئاوایەکی پتری پێنج کەسان گیانێ خوە ژ دەست دایە.

ئەڤرۆ نيوز:
وەزارەتا کارەبێ یا حوکمەتا ھەرێما کوردستانێ راگەھاند، وان ھەمی شیانێن خوە داینە کاری کو دانا کارەبێ د ھەیڤا ڕەمەزانا پیرۆز دا زێدە بکەن.
حەمە ئەمین ھەورامانی، پەیڤدارێ وەزارەتا کارەبا حوکمەتا ھەرێمێ د داخویانیەکێ دا دیار کر، ھەر چەندە نھا نێزیکی 15 دەمژمێران کارەبێ ددەنە وەلاتیان، بەلێ دێ بزاڤێ کەن بۆ ھەیڤا ڕەمەزانێ دەمژمێرێن کارەبێ زێدەتر لێ بکەن، ب تایبەتی د دەمێ پاشیڤێ دا.
پەیڤدارێ وەزارەتا کارەبا حوکمەتا ھەرێمێ گۆت ژی “ھەر چەندە نھا وەزارەتا مە شیانا دابینکرنا دو ھزار و 500 مێگاواتێن کارەبێ ھەیە، بەلێ خواستا ل سەر کارەبێ بۆ نێزیکی چار ھزار مێگاواتان بلند بوویە”.
حەمە ئەمین ھەورامی ئاماژە ب وێ ئێکێ ژی کر کو ئەو ل سەر کارکرنێ د پێڤانێن زیرەکێن کارەبێ دا بەردەوامن و ھەتا نھا ژی ئەو پرۆژە تمام نەبوویە.
ئەڤە د دەمەکی دایە ھەر سال ھەم د وەرزێ گەرمایێ دا و ھەم ژی د وەرزێ سەرمایێ دا وەزارەتا کارەبێ، ب بھانەیا بکارئینانا کارەبا زێدە بۆ ئامیرێن ھینکرنێ و گەرمکرنێ دانا کارەبا نیشتیمانی کێم دکەت.

128

ئەڤرۆ نیۆز،زنار تۆڤی:
شڤێدی یانا ریال مەدرید یا ئیسپانی شیا سەرکەفتنەکا مەزن ل سەر یانا سیڤیلیا تۆمار بکەت ب چار گۆلان بەرامبەر گۆلەکێ ژ خۆلا ئیسپانیا یا تەپاپێ و ب ڤی ئەنجامی یانا شاهانە شیا پێنگاڤەکا مەزن ب هاڤێژیت بۆ ب دەست ڤەبرنا خۆلا ئیسپانی یا تەپاپێ و هەروەسا یانا شاهانە شیا ژمارا خالێن خوە بگەهینیتە یانا بەرشەلۆنا،سەرەرای هندێ کو یانا ریال مەدرید یاریەکا پاشخستی مایە ل گەل یانا سلتافیگو.

ئەڤرۆ نيوز:
بەرپرسێ پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ دیار کر کو شەش تاوانبارێن ماددێن ھۆشبەر ل قەزا زاخۆ د دەمێ بۆرێ دا ھاتنە دەستەسەرکرن.
ھێمن سلێمان، بەرپرسێ پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ خویا ژی کر، نڤیسینگەھا نەھێلانا گۆنەھباریان ل قەزا زاخۆ شیاینە شەش تاوانبارێن ماددێن ھۆشبەر دەستەسەر بکەن و بۆ باسنیوز گۆت: “ل گۆرەی بڕیارا دادوەرێ ڤەکۆلینێ و ل دووڤ مادێ 14 ل سەر دو ژ قانوونا نەھێلانا ماددێن ھۆشبەر ئەڤ تاوانبارە دێ ھێنە سزادان”.
ئاماژە ب وێ چەندێ ژی کر، ئەڤ تاوانبارێن ماددێن ھۆشبەر پتر عیراقی نە و ژ وەلاتێ تورکیا دئینن و گۆت: “د دەمێ بۆری دا چەندین تاوانبارێن ماددێن ھۆشبەر ل قەزا زاخۆ ھاتینە دەستەسەرکرن”.
بەرێ چەند رۆژان پۆلیسێن پارێزگەھا دھۆکێ دەستەسەرکرنا 21 دز و تاوانبارێن ھەمەجۆر ل سنوورێ قەزا زاخۆ راگەھاند و ل دووڤ ماددێن قانوونی و ب بڕیارا دادوەری ھەموو ھاتینە سزادان.

ئەڤرۆ نيوز:
بڕیارە ئەڤرۆ شاندەکێ بلندێ پارتی دیمۆکراتی کوردستانێ و ئێکەتی نیشتیمانی کوردستانێ سەرەدانا بەغدا بکەن و پرسا رێفراندۆما سەربخوەیا کوردستانێ ل گەل بەرپرسێن بلندێن بەغدا گەنگەشە بکەن.
ھەروەسا بابەتێن مووسلا پشتی داعش و ھەلبژارتنێن بھێت یێن عیراقێ و کێشێن ھەولێر و بەغدا گەنگەشە بکەن.
فازل میرانی سکرتێرێ مەکەتەبا سیاسیا پارتی دێ نوونەراتیا شاندێ پارتی و عەدنان موفتی نووراتیا شاندێ ئێکەتیێ کەن و ئارام محەمەد ژی دێ ژ لیستا گۆران پشکدار بیت.

website security
WP Facebook Auto Publish Powered By : XYZScripts.com