ئه‌ڤرۆ نیوز:
هنارتیێ نه‌ته‌وه‌یێن ئێكگرتی ل سووریێ پێشنیاز کر، ھەكەر سیستەمێ دەستھه‌لاداریێ ل سووریێ ناڤەندی بیت، دڤێت مافێ ڤیتۆ یێ ژ بۆ کوردان ھەبیت، ل دژی ھەر بریارەکە حکوومەتا ناڤەندی.
دیمستورا ئه‌و یه‌ك بۆ ئالیێن دانوستانكار یێن سووریێ ل جنێڤێ پێشنیاز كرییه و خواستییه د ده‌ستوورێ نوو یێ سووریێ دا بهێته بنه‌جهكرن.
ئەڤرۆ نیوز ، ھلۆری:
ئەڤرۆ سەرۆکێ ھەرێما کوردستانێ مەسعود بارزانی ل گەل ماموستایێن زانکویێ ل ھەولێر کومبوو ، و د کومبوونێ دا بەحس ل سەر چەند تەوەرەکێن گرنگ کر و دوپاتکر کو ریفراندۆم دێ ل دەما خوە دا ھێتە ئەنجامدان.
بارزانی د کومبوونا ل گەل ماموستایێن زانکویێ گۆت: ( ب چوو رەنگان پاشڤە نازڤرین ل بارا ئەنجام نەدانا ریفرندۆمێ ، بەلکو دێ د دەمێ خوە دا ھێتە ئەنجام دان و بو درۆستکرنا دەولەتا کوردی بەرھەڤین ھەموو جورێن باجەکێ بدەین ، و رەنگە پشتی ئەنجاممدانا ریفراندۆمێ دەولەتێن جیھانی ھەلویستێ خوە دیار بکەن ، بەلێ پێدڤی یە باجێ بدەین ھەتاکو بگەھینە ئەنجامان ، داخوازێ ل ھەموو ماموستایێن زانکویێ دکەم کو پشکداریێ دنڤیسین و دارشتنا دەستوورێ نویێ کوردستانێ بکەن )
مەسعود بارزانی سەرۆکێ ھەرێما کوردستانێ دیارکر ژی کو ھەفتیا بوری ل گەل چەند وەزیرەکێن دەرڤە کومبویە و چوو وەلاتیان ژی بەحس لسەر وێ یەکێ نەکریە کو ریفراندۆم مافەکێ رەوایێ گەلێ کورد نینە و گۆت ژی: (وەزیرێن دەرڤە دگوت رەنگە ریفراندۆم ببیتە سەدەما وێ یەکێ کو شەرێ داعش لسەر ھزرێن ھەوە بچیت و باشترە ریفراندۆم بو دەمەکێ دن بھێتە پاشئێخستن بەلێ من بو وان دیارکر ئەرێ بەدیلەکێ پاشئێخستنا ریفراندۆمێ چی یە)
بارزانی ل بارا کەرکوکێ گۆت: (ناسناما کەرکوکێ کوردستانە و ھەر کەسێ بخوازیت ب لایەکێ دا ببەت ھەتاکو دوماھی کەس دێ روو ب روویێ وان بین ، ئەگەر کەسەکێ ڤیا خوە ب سەپینیت لسەر کەرکوکێ دی َتشتەکێ وەسا ب سەری ھێت کو ئەوی ھزر بو نەکری ، و کەرکوک دێ ھەر مینیت باژێرێ پێکڤە ژیانێ)
ئەڤرۆ نيۆز،رێژين نهێلى:
سه‌رۆكێ هه‌رێما كوردستانێ مەسعود بارزانی راگه‌هاندیە:هەکە پشتی ریفراندومێ به‌غدا ئه‌نجامان ره‌تبكه‌ت،دێ ده‌وله‌تا كوردستانێ راگه‌هینین و دوپاتكر ژی،کو وه‌زیرێ به‌رگریا ئه‌مریكا ب ئاشكرایی گۆتیه وی کو واشنتۆن ل دژی ریفراندومێ نینه.
مه‌سعود بارزانی سه‌رۆكێ هه‌رێما كوردستانێ،د هه‌ڤپه‌یڤینه‌كێ دا ل گەل رۆژنامه‌یا شه‌رقولئه‌وسه‌ت دا گۆتيه:گه‌لێ كوردستانێ هیڤیخوازه کو حوکمه‌تا عێراقێ ئه‌نجامێن ریفراندومێ قه‌بوول بكه‌ت و پشتی ریفراندومێ به‌غدا بهێته پێش و دانپێدانێ ب ئه‌نجامێن وێ بكه‌ت، لێ هەکە ب گه‌ف و خوه دووركرنێ ئه‌نجامان ره‌تبكه‌ت،سه‌ركردایه‌تیا كوردستانێ ئێكسه‌ر دێ ده‌وله‌تا كوردستانێ راگه‌هینیت.
بارزانی گۆتیە ژى:کو د سه‌ره‌دانا خوه‌یا هه‌ولێرێ دا وه‌زیرێ به‌رگریا ئه‌مریكا ب ئاشكرایی گۆتیه کو ئه‌مریكا ل دژی رێفراندوما هه‌رێما کوردستانێ نینه،لێ بتنێ ئه‌و د ترسن کو ریفراندوم كاریگه‌ریێ ل شه‌رێ دژی داعشێ بكه‌ت،لێ وان واشنتۆن پشتراستكریه کو ریفراندوم ناهێته پاشخستن و كاریگه‌ریێ ل شه‌رێ دژی داعشێ ناكه‌ت.
ئەڤرۆ نیۆز،زنار تۆڤی:
دەرهێنەرێ گەنج و کورێ باژێرێ دهوکێ محەمەد ژۆری خەلاتێ باشترین فلمێ دکیۆمێنتاری ل هەشتەمین فلمە فستەڤالا کوردستانێ ل هەولێرێ وەرگرت.
محەمەد ژۆری دەرهێنەرێ فلمێ دکیۆمێنتاری یێ ئالان بۆ ئەڤرۆ نیۆز دیارکر:کو فلمێ دکیۆمێنتاری یێ ئالان پشکداری د چەندین فیستیڤالێن جیهانی دا کریە و چەندین خەلات ژی وەرگرتینە و گۆت ژی:ئەڤ سالە کورتە فلمێ دکیۆمێنتاری یێ ئالان پشکداری د هەشتەمین فلمە فیستەڤالا کوردستان دا ل هەولێرێ کریە و خەلاتێ باشترین دکیۆمێنتاری د ڤێ فیستیفالێ دا وەرگرت.
ئه‌ڤرۆ نیوز:
جڤاتا ناوچه‌دارییا قه‌ره‌ته‌په كو ده‌ڤه‌ره‌كا كوردستانی یا ده‌رڤه‌ی ئیدارا هه‌رێما كوردستانێ یه، ب پرانییا ده‌نگان بریار دا ئه‌و ناوچه پشكداری ریفراندۆما سه‌رخوه‌بوونا كوردستانێ ل 25 ئیلۆنێ ببیت.
جڤاتا قه‌ره‌ته‌په ژ 15 ئه‌ندامان پێكدهێت، د ده‌نگدانێ دا 10 ئه‌ندامان رازیبوونا خوه دیار كر (4 كورد و 3 عه‌ره‌ب و 3 توركمان)، 5 كه‌سێن دی ب نه‌خێر ده‌نگ دا ( 4 عه‌ره‌ب و توركمانیه‌كی)
ناوچه‌یا قه‌ره‌ته‌په سه‌ر ب ده‌ڤه‌ردارییا خانه‌قینی یه و 45 هزار كه‌س ژ كورد و توركمان و عه‌ره‌بێن سونه لێ دژین.
دهێته زانین كو پتری 2.5 ملیۆن كه‌سان ل ده‌ڤه‌رێن كوردستانی یێن ده‌رڤه‌ی ئیدارا هه‌رێمێ مافێ ده‌نگدانێ د رێفراندۆمێ دا هه‌یه.
ئەڤرۆ نیوز ، نەوزاد ھلۆری:
رێڤەبەریا شەھید و ئەنفالکریێن قەزا سوران ب ھەڤکاری ل گەل خێرخوازەکێ دەڤەرێ ھاریکاریێن جەژنانە ب ھەلکەفتا جەژنا قوربانا پیروز ب سەر خێزان و کەس و کارێن شەھیدێن شەرێ داعش دابەشکرن.
دڤی واریدا ئەشقی مەلا رێڤەبەرێ رێڤەبەریا شەھید و ئەنفالکریێن قەزا سوران بۆ ئڤرۆ نیوز گۆت: ( ئەڤرۆ مە رێڤەبەریا شەھید و ئەنفالکریێن قەزا سوران ب ھەڤکاری ل گەل خێرخوازەکێ دەڤەرێ بناڤێ ئەورل بردوستی ھاریکاریێن جەژنانە ب ھەلکەفتا جەژنا قوربانا پیروز ب سەر خێزان و کەس و کارێن شەھیدێن شەرێ داعش دابەشکرن )
زێدەتر گۆت: ( دڤی َھاریکاریێ دا ١٠٠ خێزانێن شەھیدێن شەرێ داعش مفاداربوون کو پێکھاتبوون ژ پێدڤیێن خوارن و ڤەخوارن و چەند پێدڤیەکێن جەژنێ)
ئه‌ڤرۆ نیۆز،ره‌مه‌زان هه‌رنى:
سه‌روكێ لیستا برایه‌تى و پێكڤه ژیانێ ل جڤاتا پارێزگه‌ها كه‌ركوكێ دیارکر:چۆ ده‌م دیار نینن بۆ هه‌لبژارتنێن جڤاتا پارێزگه‌ها كه‌ركوكێ ژبه‌ر رێك نه‌كه‌فتنا لایه‌نێن سیاسى ل ناڤ جڤاتا پارێزگه‌هێ و كورد دبێژن دڤێت هه‌لبژراتن بهێته كرن بێ مه‌رج و به‌لێ لایه‌نێن عه‌ره‌ب و توركمان مه‌رج هه‌نه كو ئه‌و ژى ده‌رئێخستنا یاسایه‌كا تایبه‌ته ب هه‌لبژاردنێن كه‌ركوكێ ڤه كو ئه‌ڤه ژى بوویه ئه‌گه‌رێ پاشێخستنا هه‌لبژارتنا ل كه‌ركوكێ.
محه‌مه‌د كه‌مال سه‌روكێ لیستا برایه‌تى و پێكڤه ژیانێ ل جڤاتا پارێزگه‌ها كه‌ركوكێ بۆ ئه‌ڤرۆ نیوز خویاكر:كورد دخوازن هه‌لبژاردن بهێنه ئه‌نجامدان ل جڤاتا پارێزگه‌ها كه‌ركوكێ لێ توركمان و عه‌ره‌ب دبێژن دڤێت هه‌لبژراتن بهێنه ئه‌نجامدان ب یاسایه‌كا تایبه‌ت ئه‌م ژى ب ڤێ چه‌ندێ رازى نابین له‌ورا هه‌تا نوكه هه‌لبژارنن نه‌هاتینه كرن.
سه‌روكێ لیستا برایه‌تى و پێكڤه ژیانێ گۆت ژى:به‌غدا رێگره ل هه‌مبه‌ر ئه‌نجامنه‌دانا هه‌لبژارتنا ل كه‌ركوكێ توركمان ژى رێگره‌كا سه‌ره‌كیه ل كه‌ركوكێ ژبه‌ركو ترس ده‌ستدانا كورسیا هه‌یه له‌ورا ناخوازن هه‌لبژارتن بهێنه ئه‌نجامدان.
محه‌مه‌د كه‌مال خویاكر ژى:ئه‌و پرۆژه یاسایا ل جڤاتا نوونه‌ران ب وێ دارشتنا نها دبه‌رژوه‌ندیا كوردان دا نینە، هه‌روه‌سا توركمان و عه‌ره‌با دڤێت یاسایه‌كا تایبه‌ت هه‌بیت بۆ كه‌ركوكێ ئه‌و ژى دبه‌رژه‌وه‌ندیا كوردان دا نینە و له‌ورا پێدڤیه كورد گه‌له‌ك ب هشیاری سەرەدەریێ ل گەل مادددێ 37 یێ پروژه یاسایێ ده‌ستورێ هه‌لبژارتنا ل كه‌ركوكێ بیت.
ئه‌ڤرۆ نیوز:
هه‌ڤپه‌یمانییا نێڤده‌وله‌تی یا دژی داعشێ بۆ رێگرتنا ڤه‌گۆهاستنا تیرۆستێن داعشێ ل سه‌ر سۆرێ لبنانێ به‌ره‌ڤ سنۆرێ ئیراقێ، رێییا كاروانێ پاسێن داعشێ بۆمبه باران كر هه‌روه‌سا پره‌كا د رێییا وان دا ژناڤ بر.
په‌یڤدارێ هه‌ڤپه‌یمانیێ راین دیلۆنی دژایه‌تییا خوه بۆ رێككه‌فتنا رژێما سووریێ و لبنانێ د گه‌ل داعشێ دیار كر كو ل گۆری رێككه‌فتنێ ب سه‌دان چه‌كدارێن داعشێ دێ ژ سه‌ر سنۆرێ لبنانی بۆ سه‌ر سنۆرێ ئیراقێ هێنه ڤه‌گۆهاستن.
ئەڤرۆ نیوز ، نەوزاد ھلۆری:
ئێڤاریا ئەڤرۆ ل سنوورێ قەزا شێخان یا سەر ب پارێزگەھا دھۆک د روودانەکێ دا دوو کەس ھاتنە کوشتن و حەفت ژی بریندارن.
دڤی واریدا ھێمن سلێمان بەرپرسێ راگەھاندنا پولیسێن دھوکێ بو ئەڤرۆ نیوز گۆت: ( ئێڤاریا ئەڤرۆ لسەر ئاریشەیەکا کەڤن شەر دناڤبەرا دوو خێزانێن ناحیا کەلەکچی روویدا و د ئەنجام دا دوو کەس ھاتینە کوشتن و حەفت ژی بریندارن)
زێدەتر گۆت: ( پەرێن ڤەکولینێ ھاتینە ڤەکرن و پولیس گەھشتینە جھێ روودانێ و رەوشت ئارامکریە)
ئه‌ڤرۆ نیۆز،ره‌مه‌زان هه‌رنى:
رێڤه‌به‌رێ گشتی یێ وه‌زاره‌تا شه‌هید و ئه‌نفالكریان ل حوکمه‌تا هه‌رێما كوردستانێ دیاركر:وه‌ك وه‌زاره‌ت چاڤه‌رێ ده‌مه‌ك گونجایێ دكه‌ین بۆ ئینانا ده‌رێ یێن گورێن ب كوم یێن كوردێن ئێزدى ئه‌وێن ل 3/8/2014 و ل دووڤ دا هاتینە كوشتن ل چه‌ندین جهێن شنگالێ و كومه‌لگه‌هێن ده‌ردور کو ب كوم هاتینە ڤه‌شارتن.
به‌ره‌ڤان حه‌مدى رێڤه‌به‌رێ گشتی یێ وه‌زاره‌تا شه‌هید و ئه‌نفالكریان ل حوکمه‌تا هه‌رێما كوردستانێ بۆ ئه‌ڤرۆ نیۆز خویاكر:پشتى وێ تاوانا مه‌زن ئه‌وا ل هەیڤا تەباخێ ل سالا 2014 ب سه‌ر كوردێن ئێزدى دا هاتى و ب سه‌دان وەلاتى ده‌ربەده‌ربوون و كه‌فتنه ده‌ستێن داعشان و پاشی هاتنه كوشتن و ل گورێن ب كوم هاتینە ڤه‌شارتن ل شنگالێ و ده‌ردورێن وێ،كو ل گورى زانیاریا 39 گورن و 14 ژ وان ل سه‌ر ئه‌ردى نه جهێن وان دیارن و 25 گورێن دن ژى نه‌دیارن و ل گورەى پلانێن وه‌زاره‌تا شه‌هید و ئه‌نفالكریان ل حوکمه‌تا هه‌رێما كوردستانێ پێدڤیه هه‌موو گور بهێنه دیتن و ڤه‌كرن.
به‌ره‌ڤانى ل دۆر هژمارا كه‌سێن ناڤ گورێن ب كوم خویاكر ژی:هه‌تا نوكه دیارنینه كا هه‌ر گوره‌كێ چه‌ند كه‌س تێدا هاتینه ڤه‌شارتن،ژبه‌ركو ئه‌و ده‌لیڤه‌یا ئه‌منى نه‌بوویه کو سه‌ره‌دانا وان جهان بكه‌ین،به‌لێ ل دووڤ به‌رنامه‌یه‌كێ دارشتى هه‌موو گورێن ب كوم یێن كوردێن ئیزدى دێ هێنه راكرن كو سالا 2014 پشتى چه‌ند مه‌هه‌ك بورین ل سه‌ر وێ تاوانێ 3 گورێن ب كورم هاتینه دیتن و راكرن ولێگه‌ریان و بزاڤ بۆ گورێن مایى ژێ دبه‌رده‌وامن.
قه‌زا شنگالێ دكه‌ڤیته روژئاڤا باشورێ كوردستانێ و سه‌ر ب پارێز گه‌ها مووسل ڤه یه 120 كلم ل سه‌نته‌رێ پارێزگه‌هێ دووره،ژمارا ئاكنجیێن وێ به‌ریا هاتنا داعش 412 هزار كه‌س بوون ئێزدى و موسولمان و مه‌سیحى و عه‌ره‌ب ل شنگالێ دژیان سێ ناحیه هه‌بوون،ئەو ژی(سنونێ،گرعوزێر ،بلێج)بوون، ل 3 تەباخا 2014 ژلایێ تیرورستێن داعش هاتنه گرتن 6 هزار و 417 كه‌س هاتنه ده‌سته‌سه‌ركرن و هزار و 293 كه‌س ژى ژ ژن و زارۆک و زه‌لامان هاتنه كوشتن و ل گورێن ب كوم دا هاتنه ڤه‌شارتن،د ئۆپه‌راسیونه‌كا تایبه‌ت یا پێشمەرگێ کوردستانێ دا ل 12/11/2015 شنگال ب ته‌مامى هاته ئازاد كرن.
نيشاندان