ئەڤرۆ نیوز ، ھلۆری:
ئەڤرۆ ئەرد ھژەکێ قەزا رەفاع یا سەر ب پارێزگەھا زیقار ھژاند بەلێ چوو زیان نەبوون.
دڤی واریدا دەستەیا گشتی یا کەشنازی و ئەردھژان دیارکر کو ئەڤرۆ ئەرد ھژەکێ ب ھێزا ٤.٤ پلە ل گورەی پیڤەرێ رێختەر قەزا رەفاعی یا سەر ب پارێزگەھا زیقار ھژاند.
ل گورەی ئەو زانیارییێن کو ژلایێ دەستەیا ناڤبری ھاتینە بەلاڤکرن ئەو ئەرد ھژ ل ل نیڤرویا ئەڤرۆ ل دوراتیا ھەشت کیلموتران ل باشوورێ قەزا ناڤبری روودایە.
ئەوێ ئەرد ھژێ دەرگ و پەنجەر لڤاندینە و ھندەک تیک ئێخستینە دیواران و ئەو جھێن کو د سست بوون.
ئەڤرۆ نیوز ، نەوزاد ھلۆری:
دەما دوو روژایە پولیسێن فیدرالی ھژمارەکا زور یا ھێزێن خوە ب چەکێ گران و تانک و زریپوشان ل دەردرێن قەزا تەلەعفەر کومکرینە ، کەفتیە د حالەتێ بەرھەڤیێ بو شەرێ زەمینی ل گەل داعش ، بەلێ ھتا نھا ھێزێن پێشمەرگەی چوو لڤین و پێشڤەچوون نینن ، بەرپرسەکێ ھێزێن پێشمەرگەی دیارکر کو ھێزێن عیراقی خالا دناڤبەرا شنگال و تەلەعفەر لسەر ئاخا کوردستانێ بەزاندیە.
دڤی واریدا “موقەدەم سەمەدار رزا زێباری ” ل لیوا ١٢ یا سەر ب وەزارەتا پێشمەرگەی لە قەزا تەلەعفەر بۆ ئەڤرۆ نیوز گۆت: (ھەموو ھێزێن عیراقی ئەڤێن کو بەر ب ئاراستەیێ تەلەعفەر ھاتین ل سنوورێن تەلەعفەر وەکو بادوش و بەعاج و شنگالێ جێگیربوینە و چاڤەرێ فەرمانێ دکەن بو شەرێ زەمینی ل گەل داعش ، و ئەڤە د دەمەکێ دایە کو نێزیکێ چوار رۆژایە ب رێیا ئاسمانی بوردومانا تەلەعفەر دەست پێ کری)
زێدەتر گۆت: ( ئەو خالا سنووری یا کو بو ھێزێن عیراقی دناڤبەرا تەلەعفەر و شنگال ھاتیە دیارکرن کو نابیت ببەزینن ب مخابنیڤە ھێزێن عیراقی ئەو ھێل بەزاندنیە ، زێدەباری کو پێشمەرگەی چوو لڤین و پێڤەچوون نەکرینە بەلێ ھەموو ئەو ھێزێن پێشمەرگەی یێن ل ئەوان جھان کەفتینە د حالەتێ بەرھەڤیێ دا و چاڤەرێ دکەین بزانین کا نیەتا ھێزێن عیراقی چی یە بو بەزاندنا ئەوێ خالێ)
زێباری د درێژاھیا ئاخفتنێن خودا دیارکر ژی کو ھژمارەکا زورا ئاوارێن تەلەعفەر بەر ب سەنگەرێن پێشمەرگەیان ڤە دھێن و گۆت ژی: (ھەتا نھا زێدەتری ٩٠٠ ئاوارەیان گەھشتینە سەنگەرێن پێشمەرگەی و ل ڤێرە جھێن دەمکی بو درۆست کەن پاشان ب رێیا ترۆمبێلان بۆ کەمپا حەمام عەلیل دھێنە رەوانەکرن)
ئەڤرۆ نیوز ، ھلوری:
حکومەتا ھەرێما کوردستانێ دیارکر کو دێ دوو مادەیێن رێزێن دوو و سێ بنەرەتی ب زمانێ ئینگلیزی ھێنە خوارندن پشتی کو ل سالێن ٢٠١٥-٢٠١٦ ل باخچێن زاروکان و رێزا ئێکێ بنەرەتی سەرکەفتن ئینایی.
پشتیوان سادق وەزیرێ پەروەردێ یا حکومەتا ھەرێما کوردستانێ دیارکر پشتی کو ھەردوو ماددێن بیرکاری و زانست بو ھەمووان ل باخچێن زاروکان و رێزا ئێکێ بنەرەتی ل سالێن ٢٠١٥-٢٠١٦ سەرکەفتن ئینایی ئەو دێ بەر ب پێشتر ڤە بەن و گۆت: (ئەم دێ ھەردوو ماددێن بیرکاری و زانست بو ھەمووان ب زمانێ ئینگلیزی وەکو تێست ل رێزێن دوو و سێ یێن بنەرەتی ژی تاقی کەین و پاشان ئەڤ پرۆژە دێ ل قوناغێن ئامادەیی ژی ھێنە بجھکرن)
زێدەتر گۆت: (کو ھەر دڤی پروژەی دا بو زمانێ ئینگلیزیکرنا ماددەیێن خواندنێ چەند مادەکێن دن ژی پێدڤی یە ل گورەی قانونێ و رێنمایان نوو ل پەرەلمانێ کوردستانێ بھێنە دەرئێخستن ھەتاکو ئەڤ پروژەیە دچیتە دوارێ بجھکردنێ دا و ماددێن زێدەتر ببنە زمانێ ئینگلیزی)
ئه‌ڤرۆ نیۆز،ره‌مه‌زان هه‌رنى :
وه‌زیرێ چاندنێ و ژێده‌رێن ئاڤێ یێ حوکمەتا هه‌رێما كوردستانێ دیاركر:کو مه لایه‌نێن پێدڤى ب بابه‌تێ ئاڤاكرنا خانى و شوقه و ڤلان ل سه‌ر ئه‌ردێ چاندنێ ئاگه‌هدار كرینه كو ب هوورى چاڤدێریا ره‌وشا ئه‌ردێ چاندنێ بكه‌ن ل كوردستانێ و نابیت بهێنه ب كارئینان بۆ چو بابه‌تان ژبلى چاندنێ.
عه‌بدولستار مه‌جید وه‌زیرێ چاندنێ و ژێده‌رێن ئاڤێ ل حوكمەتا هه‌رێما كوردستانێ بۆ ئه‌ڤرۆ نیوز خویاكر،بزاڤێن وه‌زاره‌تا چاندنێ دبه‌رده‌وامن و بۆ هندێ كار دكه‌ت کو زێده‌گاڤى نه‌هێنه‌كرن ل سه‌ر ئه‌ردێ چاندنێ هه‌روه‌سا ئه‌وێن هاتیه‌كرن ژى بهێنه‌چاره‌كرن،نابیت چو جارێن دێ ئه‌ردێ چاندنێ بۆ ئاڤاكرنا شوقه و ڤلان بهێته بكارئینان و لێژنه‌یه‌ك بۆ دووڤچونا ئه‌ردێ چاندنێ هاتیه پێكئینان كو ب هه‌موو ره‌نگا دروست كرن و ئاڤا كرنا خانى و شوقه و ڤلا قه‌ده‌غه‌یه.
هەروەسا عه‌بدولستار وه‌زیرێ چاندنێ و ژێده‌رێن ئاڤێ ئاشكرا ژى كر ،نوکە هنده‌ك رێنمایێ ژلایێ رێڤه‌به‌ریێن چاندنێ ڤه ده‌ركه‌فتینه بۆ وان كه‌سێن خانیا ل سه‌ر ئه‌ردى چاندنێ دروست دكه‌ن،به‌لێ ب گشتى ئاڤاکرنا شوقه و خانیا ل سه‌ر ئه‌ردێ چاندنێ قه‌ده‌غه‌یه.
ئەڤرۆ نیوز ، نەوزاد ھلۆری:
درەنگی یا شەڤا بوری چەند چەکدارەکێن داعش ھێرش کرە سەر گوندەکێ ل سنوورێ قەزا دوبز و ب سەر مالا ئەفسەرەکێ پولیسان دا گرت و ئەو ئەفسەر و چەند کەسەکێن دن کوشتن.
دڤی واریدا کانەبی محەمەد بەرپرسێ زانیاریان ژ ھێزا پێشمەرگەی ل قەزا دوبز د لێدوانەکێ دا بو دەزگەھێن راگەھاندنێ گوت: ( شڤێدی ب درەنگی ڤە چەند چەکدارەکان ب سەر مالا ئەفسەرەکێ پولیسان کو کوردە ل گوندێ مەلحە یا سەر ب قەزا دوبز گرت و ئەو ئەفسەر و سێ کور و دوو ژ پسمام ب درنددەترین شێوە شەھیدکرن کو ئەو ژی سەربرینە ، ئەو ھەموو کەس ژی پێشمەرگەبوون )
زێدەتر گۆت: ( ئەو چەکدار ژی ھەموو سەر ب رێکخراوا تیرورستی یا داعشێ بوون ، زێدەباری شەھیدکرنا وان مالا ئەوی ئەفسەری ژی تەقاندیە)
ئەڤرۆ نیوز ، نەوزاد ھلۆری:
پولیسێن قەزا سوران دیارکر کو ئەوان تەرمێ گەنجەکێ ل سنوورێ قەزا سوران دیتیە بەلێ ھەتا نھا نزانن ئەگەرا کوشتنا وی چی یە و ژلایێ کێ ھاتیە کوشتن.
دڤی واریدا ھەوار ئەرگوشی ئاخفتنکەرێ پولیسێن سوران بۆ ئەڤرۆ نیوز گۆت: (دوھی روژا پێنج شەمبی ئەم ل بارا کوشتنا گەنجەکێ ب ناڤێ ” س.س.غ” کو دژیێ ١٩ سالیێ دابوو ھاتینە ئاگەھدارکرن ، پشتی کوپ ولیس گەھشتینە جھێ روودانێ شیان تەرمی ببینن و رەوانەیێ نەخوشخانا داد بکەت بو ڤەکولینێ ، بەلێ ھەتا نھا ئەگەرا کوشتنا وی ناھێتە زانین و بکوژ ژی نەدیارە ، بەلێ ئەم بەردەوام لسەر ڤەکولینێ)
زێدەتر گۆت: ( ئەو کەسێ ھاتیە کوشتن قوتابیە و پەرێن ڤەکولینێ بو کوشتنا ھاتینە ڤەکرن)
ئه‌ڤرۆ نیوز:
ترومبێله‌كا ژ جۆرێ ڤان ل باژارێ بارسێلۆنا یێ هه‌رێما كاتالۆنیا یا ئسپانیا دا ناڤ قه‌ره‌بالغه‌كا خه‌لكی، پتری 13 كه‌سان كوشتن و بده‌هان كه‌س بریندار كرن.
پۆلیسێن بارسێلۆنا دیار كر كو ئه‌و كریار كریاره‌كا تیرۆرستی یه و ژ خه‌لكێ وی باژاری خواست نێزیكی پلاسا كاتالۆنیا كو جهێ روودانێ یه نه‌بن.
شۆفێرێ هێرش كری ب پییا ره‌ڤییه.
ئه‌ڤرۆ نیوز:
ترومبێله‌كا ژ جۆرێ ڤان ل باژارێ بارسێلۆنا یێ هه‌رێما كاتالۆنیا یا ئسپانیا دا ناڤ قه‌ره‌بالغه‌كا خه‌لكی، پتری 13 كه‌سان كوشتن و بده‌هان كه‌س بریندار كرن.
پۆلیسێن بارسێلۆنا دیار كر كو ئه‌و كریار كریاره‌كا تیرۆرستی یه و ژ خه‌لكێ وی باژاری خواست نێزیكی پلاسا كاتالۆنیا كو جهێ روودانێ یه نه‌بن.
شۆفێرێ هێرش كری ب پییا ره‌ڤییه.
ئه‌ڤرۆ نیوز:
په‌رله‌مانتاره‌كا ئوسترالیا ب پۆشینا بۆرقه‌یا ره‌ش ڤه چوو د ناڤ روونشتنا په‌رله‌مانێ ئوسترالیا دا بۆ نیشاندانا دژایه‌تییا خوه بۆ وی جۆرێ ده‌رسوكێ.
په‌رله‌مانتار پاولین هانسۆن، سه‌رۆكا پارتیا ئێك نه‌ته‌وه یا دژی موسلمانان و دژی كۆچبه‌ران، داخوازا قه‌ده‌غه‌كرنا بورقه‌یێ ل ئوسترالیا كر ژبه‌ركو ل دژی بنه‌مایێن ئوسترالی نه و د گه‌ل جڤاكێ وی وه‌لاتی ناگۆنجیت.
چه‌ندین په‌رله‌مانتاران ب تایبه‌ت ژ پارتا ده‌ستهه‌لاتدار ئه‌و گاڤا هانسۆنێ ب دژواری ره‌خنه كر و دیار كر كو ئه‌و نه موسلمانه و ئه‌و كارێ وێ كری بێرێزییه.
ئەڤرۆ نیوز ، ھلوری:
ئەڤرۆ ئێکەم حەجیێ ھەرێما کوردستانێ ل سعودیێ گیانێ خوە ژ دەست دا کو خەلکێ پارێزگەھا دھۆکێ یە.
دڤی واریدا نەبەز ئیسماعیل ژ راگەھاندنا حەجیێن کوردستانێ گۆت: ( ئەڤرۆ ل سعودیێ حەجیەکێ کوردستانێ بناڤێ کامل حەسەن خدر سوچی کو خەلکێ گوندێ خەلان یا سەر ب قەزا ئاکرێ یە وەغەرکر)
زێدەتر گۆت: ( ئەو حەجیە دایکبوویێ سالا ١٩٤٦ )
نيشاندان