ئه‌ڤرۆ نيوز:
ڤه‌كۆلين د ده‌ربارێ سۆتنا سنێله‌كێ په‌نابه‌رێ رۆژئاڤايێ كوردستانێ ل چاكسازيا سنێلان ل باژێرێ دهۆك د به‌رده‌وامن و جڤاتا پارێزگه‌ها دهۆك ژى لژنه‌ك د ده‌ربارێ ئه‌گه‌رێ سۆتنێ دا پێكئينايه.
شەپولەکا بارانان ب سەر ھەرێما کوردستانێ دا هات و ل ھەموو دەڤەران رووبار رابوون و لەھی دروست بوون، سەرەرای کو زیان ب چەند جھان کەفتینە بەلێ د ھەمان دەم دا مفا و خێر و بێر ژی بو خەلکی ھەبوویە.
ل گەلیێ بالندا ژمارەکا زورا وەلاتین قەستا رووباری کریە بۆ کومکرنا دار و پەنیر و توفچا و بەرمیلێن نەفتێ وتانکێن ئاڤێ و دولکێن پەنزینێ و ل گورەی گوتنێن وەلاتیان ئەڤ کەلوپەلە یێن پەکەکێ نە و رووباری ل گەل خوە ئیناینە.
ئه‌ڤرۆ نيوز:
رۆژا ئه‌ينى 14ى نيسانا 2017ێ رێژه‌كا زۆر يا بارانێ بارى و د ئه‌نجام له‌هى دروست بوون و ژماره‌كا پران هه‌رفين و 15 كه‌س ژى ل وى ده‌مى ل ده‌ڤه‌را خواكوركێ كو د چووبوونه رێڤاسان هه‌تا ئه‌ڤرۆ رۆژا شه‌مبى 15ى نيسانا 2017ێ ماينه ئاستێ.
توفيق عه‌زيز ئێك ژ وان كه‌سێن ل گۆندێ ياوه‌رى ل ده‌ڤه‌را خواكورك ئاسێ ماين بۆ رووداو گۆت: “ئه‌ز شوفێرێ نيسان په‌ترۆله‌كێ مه، دوهى 15 كه‌س كو پێنج ژ وان قوتابى نه، هاتينه وێ ده‌ڤه‌رێ بۆ رێڤاس كرنێ، به‌لێ د ماوه‌كێ گه‌له‌ك كێم دا، رێژه‌كا زۆر يا بارانێ هات و د ئه‌نجام دا پرا ياوه‌رى هه‌رفت، نوكه ئه‌م ژى ل وى جهى ماينه ئاسێ”.
ده‌رباره‌ى ب سه‌ربرنا شه‌ڤا بۆرى گۆت: “شه‌ڤا بۆرى گه‌له‌ك يا سار بوو، د ژيانا خوه دا من سه‌رمايا وه‌سا نه‌ديت بوو، ئه‌م هه‌موو پێكڤه د ترۆمبێلێ دا بووين و مه نايلۆن ب سه‌ر خوه دادابوو، نوكه ژى كاودان د نه‌خۆشن ژ به‌ر هندێ داخوازا هاريكاريێ دكه‌ين”.
ئه‌ڤرۆ نيوز:
خولا ته‌پا پێ يا يانێن ئنگليزى دێ چيته د حه‌فتيا 33ێ دا و مانچسته‌ر يونايت و چێلسى ژى دێ ل ده‌سپێكێ ياريا گۆبيتكێ كه‌ن.
ئه‌ڤرۆ رۆژا شه‌مبى كاروانێ حه‌فتيا 33ێ ژ خۆلا پريمه‌ر ليگ دێ كه‌ڤيته رێ و ل سێ ده‌مێن جودا حه‌فت يارى دێ هێنه ئه‌نجام دان.
رۆژا ئێكشه‌مبى ژى هه‌ردو يانێن مانچسته‌ر يونايت و چێلسى دێ ياريا گۆبيتكێ ل سه‌ر ياريگه‌ها ئۆلترافۆرد ئه‌نجام ده‌ن.
رۆژا دوشه‌مبى ژى دێ ياريا ميدلزبره و ئه‌رسنال ياريێن ڤێ حه‌فيێ ب دووماهى ئينيت.
خشته و ده‌مێ هه‌موو ياريان ب ڤى ره‌نگى يه:
شەمبى :
تۆتنهام × بۆرنمۆس (02:30) پشتى نيڤرۆ
ئیڤەرتۆن × بێرنلی (05:00)
سەندەرلاند × وێستهام (05:00)
واتفۆرد × سوانزی سیتی (05:00)
کریستاڵ پاڵاس × لیستەر سیتی (05:00)
ستۆک سیتی × هاڵ سیتی (05:00)
ساوسهامپتۆن × مانچستەر سیتی (07:30)
ئێكشه‌مب :
وێست برۆمیچ ئالبیۆن × لیڤەرپوڵ (03:30)
مانچستەر یونایتد ×چێڵسی (06:00)
دوشەمب :
میدلزبرە × ئارسناڵ (10:00) .
ئه‌ڤرۆ نيوز:
زێنه‌دين زێدان راهێنه‌رێ يانا ريال مه‌دريد چه‌ند ياريكه‌ره‌كێن سه‌ره‌كى ژ پێكهاتێ يانێ ل ياريا به‌رامبه‌ر سپۆرتينگ خيخۆن پشكدار ناكه‌ت.
د كۆنگره‌كێ رۆژنامه‌ڤانى دا زێنه‌دين زێدانێ فره‌نسى راهێنه‌رێ يانا ريال مه‌دريد ليستا ياريكه‌رێن گازيكرين بۆ روو ب رووبوونا سپۆرتينگ خيخۆن ئاشكه‌را كر ئه‌وا بڕياره ئه‌ڤرۆ ده‌مژمێر 05:15 ده‌قيقه ل سه‌ر ياريگه‌ها ئه‌لمۆنيبۆن ب ئێك بگه‌هن.
زيزۆى ژ ئه‌گه‌رێ هنگافتنێ هه‌ر ئێك ژ به‌يل و ڤاران و پيپى يێن دوورخستى و كارڤاخال و كيلۆر و ناڤاس ژى پشكداريێ ناكه‌ن.
هه‌ڤده‌م كرستيانيۆ رۆنالدۆ ژى پشكدارى ڤێ ياريێ ناكه‌ت ب مه‌ره‌ما دوورخستن ژ كارتا زه‌ر، د ده‌مه‌كى دا كو باشترين ياريكه‌رێ جيهانێ نوكه خودانێ چار كارتێن زه‌ره د خۆلا ئسپانيا دا، ل ده‌مێ وه‌رگرتنا كارته‌كا دى نه‌شێت ل حه‌فتيا بهێت ياريا كلاسيكۆ بكه‌ت.
ژ لايه‌كێ دى ڤه ب مه‌ره‌ما پێدانا بهێنڤه‌دانێ ب به‌نزيمايى و دانا ده‌رفه‌تا زێده‌تر ب موراتاى هێركه‌رێ فره‌نسى ياريێ ناكه‌ت، ب ڤێ چه‌ندێ ژى بى بى سى ئاماده‌ى ياريێ نابن.
ئه‌ڤرۆ نيوز:
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئێكشەمبی رێکەفتی 16ى نيسانا 2017ێ ئه‌سمان دێ د ناڤبه‌را ئه‌ور و ئه‌وره‌كێ ناڤه‌ندى دا بيت و ده‌ليڤا باران بارينێ يا هه‌يى ب تايبه‌ت ل ده‌ڤه‌رێن چيايى.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ هاتنا فشارێن بلندێن ده‌ريا ناڤه‌راست دھێتە پێشبینیکرن د ناڤبه‌را ئه‌ور و ئه‌وره‌كێ ناڤه‌ندى دا بيت و ده‌ليڤا باران بارينێ يا هه‌يى ب تايبه‌ت ل ده‌ڤه‌رێن چيايى.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 10 بۆ 20کم دا و ماوێ دیتنێ ژی دێ د ناڤبه‌را 8 بۆ 10 دا بیت، پلێن گەرمێ ژی دێ د ناڤبەرا 13 بۆ 23 پلان دا بن.
ئه‌ڤرۆ
سوبه‌هى
ئه‌ڤرۆ نيوز:
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل چه‌ند ويستگه‌هێن جودا يێن هه‌رێما كوردستانێ رێژێن جودا يێن باران بارينێ هاتينه تۆماركرن و ل تێكرايا باران بارينا ئه‌ڤ ساله ژى ل گه‌ل به‌لاڤكريه كو هه‌تا نها ل پارێزگه‌ها دهۆكێ 386ملم بارانێ بارينه.
ئه‌ڤێ ل خوارێ خشتێ رێژێن باران بارينێ د ماوێ 24 ده‌مژمێرێن بۆرى دا ل گه‌ل تێكرايا باران بارينا سالێ هه‌موويێ ل سه‌رانسه‌رى هه‌رێما كوردستانێ يه:
ئه‌ڤرۆ نيوز:
دژى تيرۆرا كوردستانێ د رێيا تۆڕا جڤاكيا فه‌يسبۆكێ دا نووچێ كوشتنا دو مه‌زنه به‌رپرسێن چه‌كدارێن داعش راگه‌هاند.
ب گۆره‌ى پێزانينێن په‌يجێ دژى تيرۆرا كوردستانێ دوهى 13ى نيسانا 2017ێ فرۆكێن شه‌ركه‌رێن هه‌ڤپه‌يمانيا نێڤده‌وله‌تى ل دژى داعش ل گۆندێ مه‌ركه‌ف ئه‌لتێر يێ سه‌ر ب ده‌ڤه‌را به‌عاج باره‌گايه‌كێ چه‌كدارێن داعش بۆردۆمانكر و 12 تيرۆرستێن داعش كوشتن و د ناڤ وان دا دو سه‌ركردێن له‌شكرى هه‌بوون ب ناڤێن:
1- عه‌لى خه‌له‌ف- ب ره‌گه‌ز سورى، خه‌لكێ ده‌ڤه‌را ئه‌بۆ كه‌مال.
2- ئيسماعيل يونس تله‌عفه‌رى، خه‌لكێ قه‌زا تله‌عفه‌را يا عيراقێ يه.
نيشاندان