ئەڤرۆ نيوز:
فلمێ سینەمایی (رەشەبا) کو ژ دەرھێنانا کورڕێ باژێرێ دھۆکێ ھونەرمەند حسێن حەسەن، دێ پشکداریێ دخولا (35) یا فیستەڤالا جیھانی یا فەجر دا کەت.
فلمێ ناڤبری، کو ناڤەرۆکا وێ ل دۆر کارەساتا شنگالێ و کوردێن ئێزدی یە، بەری نوکە پشکداری دچەند فیستەڤالان دا کریە و پتر ژ دوجاران خەلاتێ باشترین فلم ل فیستەڤالان وەرگرتیە، خەلاتێ ئێکێ ل فلمە فیستەڤالا سینەمایێ بوو ل دھۆکێ، کو ل سالا بۆری ھاتبووکرن، بۆ جارا دویێ ژی ل ئەلمانیا خەلاتێ باشترین فلم وەرگرت بوو.

ئەڤرۆ نيوز:
بۆ دەمێ چەند ھەیڤانە کار دچێکرنا فلمەکێ سینەمایی دا دھێتە کرن، کو ناڤەرۆکا وی ل دۆر کارەسانا شنگالێ یە، ھەموو مەزاختی ژی ژلایێ وەلاتیەکی ڤە ھاتینە دابینکرن.
عومەر عیدۆ، رێڤەبەرێ وی بەرھەمی ل دۆر وی فلمی ئەڤرۆ گۆت: کەسەکی ئێزدی ب ناڤێ (عادل عەبدۆ) ژبۆ کارەساتا شنگالێ فلمەکی چێدکەت و مەزاختنین فلمی ھەموو ئێخستنیە ستۆیێ خوە، چیرۆکا وی فلمێ سینەمایی ل سەر جینۆسایدا ئێزدیانە ئەوا ل 3 ی تەباخا 2014 ھاتیە روودان.
ناڤبری، گۆت: ناڤەرۆکا فلمی ل دۆر ئەڤینیا کچەک و کۆڕەکی یە بەری داعش ب سەر شنگالێ دا بگریت سۆز دایوون ژیانا ھەڤژینیێ پێک بینن، بەلێ داعشێ ب سەر شنگالێ دا گرت و ھەموو کچ و ژنێن ئێزدیان برن و کوڕ ژی بەرخودانیێ دکەت ل چیایێ شنگالێ و بەحسی گەلەگ نەخشێن دی دکەت ل شنگالێ، ئەو ژی کوشتن و رەڤاندن و گۆڕێن ب کۆم و بەحسی وان کەسان دکەت یێ کو بەرخودانی کرین ل شنگالێ، پاشان بەحسی خۆپێشاندانێن گەنجێن ئیزدیان دکەت ل ئۆروپا ژبۆ مافێ ئێزدیان.
ھەروەسا گۆت: پشتی ھندەک کەس رزگاردبن ئەو کچ ژی رزگار دبیت و دزڤریتەڤە ناڤ کەس و کارێن خوە ل گەل ھەڤالێ خۆ ژیانا ھەڤژینیێ پێک دئینن و دزڤرنە لالشێ و جارەکا ب ئاڤا کانیا سپی دئینە مۆرکرن ڤە.
ل دوماھیێ گۆت: مەزاختیێن فلمی (350) ھزار دۆلارن، تیمەکێ ئەمریکی ب کارێ وێنەکرنێ رابووینە و بۆ دەمێ چار ھەیڤان ل شنگال و لالش و دھۆک کار ل سەر ھاتیە کرن، نێزیکی ھزار کەسان کو ھندەک ژوان بۆ ھۆلیۆدێ کارکرینە تێدا دپشکدارن، ل گەل چەندین ئەکتەرێن ئێزی و فلم ب ناڤێ (سیبەرا قەلەرەشکانە) و ژدەرھێنانا ھونەرمەندجوان بامەرنی یە.

ئەڤرۆ نيوز:
لەیلا فەریقی، ھونەرمەندا بەرنیاسا کورد راگەھاند، ل دەمەکێ نێزیک ئەو دێ دەست ب کلیپکرنا دو سترانێن نوو کەت، ھەردو کلیپ ژی دێ ل وەلاتێ لوبنان ھێنە وێنەکرن.
ناڤھاتیێ بۆ رووداو گۆت: د پلانا من دایە دو کلیپێن نوو چێ بکەم چونکو ژمێژە حەزژێکەرێن سترانێن من وێ داخازێ ژمن دکەن، لەورا من ل بەرە ل دەستپێکێ سترانا (نشتمانی بۆ کوردستان) دووڤدا سترانا عاشقانە کو دناڤ ئەلبۆما من یا نوو دایە کلیپ بکەم، وەکو مە خوە بەرھەڤکری دێ ھەردو ستران ل وەلاتێ لوبنان ھێنە چێکرن.
ل دۆرر دووماھی ئەلبۆما خوە ژی گۆت: ئەلبۆم دقۆناغێن دووماھیێ دایە، پشتی دەە سالێن دابڕینێ مە ل بەرە ل دەمەکێ نێزیک بەلاڤ بکەین.
لەیلا فەریقی، خووشکا ھونەرمەندا مەزنا وەغەرکری (مەرزیا فەریقی) یە، خەلکا رۆژھەلاتێ کوردستانێ یە، لێ دەمەکێ درێژە ا وەلاتێ سوید دژیت.