ئەڤرۆ نیوز ، ھلۆری
سەروک وەزیرێن عیراقێ دیارکر کو ژبەر بلندبوونا پلەیێن گەرمایێ سوبەھی ل ھەموو دام و دەزگەھێن سەر ب عیراقێ ڤە بێھنڤەدانا فەرمی یە.
حەیدەر عەبادی سەروک وەزیرێن عیراقێ د د بەیانامەیەکێ دا کو ئەمینداریا گشتی یا ئەنجومەنا وەزیران بەلاڤکریە بریار ھاتەدان کو سوبەھی رۆژا پێنجشەمبی رێکەفتی ١٠/٨/٢٠١٧ سەرجەم دام و دەزگەھێن سەر ب حکومەتا عیراقێ بێھنڤەدانا فەرمی یە ژ بەر بلندبوونا پلەیێن گەرمایێ.
ھەتا نھا ھەرێما کوردستانێ ل بارا ڤێ یەکێ چوو رونکرن و راگەھاندن نە بەلاڤکرینە.

ئەڤرۆ نیوز ، نەوزاد ھلۆری:
رێکخەرێ نەتەوەیێن ھەڤگرتیێن ئەمریکا بو کاروبارێن مرۆڤایەتی ل عیراقێ دیارکر کو دھێتە پێشبینیکرن سەدان ئاوارێن دن ل عیراقێ ئاوارە ببن و مال و حالێن خوە بجھبھێلن ئەو ژی ژ ئەگەرا سێ شەرێن دن ل عیراقێ و وان دەڤەرێن کو ھەتا نھا د دەستێ داعشێ دانە.
لیز گراندی رێکخەرێ نەتەوەیێن ھەڤگرتیێن ئەمریکا بو کاروبارێن مرۆڤایەتی ل عیراقێ ئەڤرۆ ل جنێف د کونگرەیەکێ رۆژنامەڤانی دا ل نڤیسینگەھا نەتەوەیێن ھەڤگرتی ل وەلاتێ سویسرا گۆت: (دھێتە چاڤەرێکرن د قوناغا دوماھیێ یا دەرکرنا داعش ل عیراقێ کو ئەو ژی د سێ شەران دایە دێ سەدان ئاوارە ل دەڤەرێن عیراقێ لسەر وار و ھێن خوە ئاوارە بن و مال و حالێ خوە بجھێھلن ، ئەو ژی ل دەڤەرێن تەلەعفەر و حەویجە و ئەنبارێ یە ژبەرکو ئەڤ دەڤەر ھەتا نھا ھێشتا ل بن دەستێ داعشێ دانە)
زێدەتر گۆت: ( ھەتا نھا پێنج ملیون ٢٠٠ ھزار خەلکێ عیراقێ ئاوارە بووینە ب تایبەتی پشتی سالا ٢٠١٤ و ھاتنا داعشێ بو ناڤا عیراقێ و گرتنا سنورەکێ بەفرەە ژلایێ ئەوان تیرورستان ڤە)
لیزی دیارکر ژی کو پشکەکا زور یا ئاوارەیان ڤەگەریاینە جە و وارێن خوە پشتی کو دەڤەرێن وان ھاتیە کونترولکرن و گوت ژی: (ھەتا نھا ھێشتا ٧١٠ ھزار ئاوارێن موسل نەڤەگەریاینە جھێن خوە و د ئاوارەیێ دا دژین)