ئه‌ڤرۆ نيوز:
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئێكشەمبی رێکەفتی 16ى نيسانا 2017ێ ئه‌سمان دێ د ناڤبه‌را ئه‌ور و ئه‌وره‌كێ ناڤه‌ندى دا بيت و ده‌ليڤا باران بارينێ يا هه‌يى ب تايبه‌ت ل ده‌ڤه‌رێن چيايى.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ هاتنا فشارێن بلندێن ده‌ريا ناڤه‌راست دھێتە پێشبینیکرن د ناڤبه‌را ئه‌ور و ئه‌وره‌كێ ناڤه‌ندى دا بيت و ده‌ليڤا باران بارينێ يا هه‌يى ب تايبه‌ت ل ده‌ڤه‌رێن چيايى.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 10 بۆ 20کم دا و ماوێ دیتنێ ژی دێ د ناڤبه‌را 8 بۆ 10 دا بیت، پلێن گەرمێ ژی دێ د ناڤبەرا 13 بۆ 23 پلان دا بن.
ئه‌ڤرۆ
سوبه‌هى
ئه‌ڤرۆ نيوز:
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل چه‌ند ويستگه‌هێن جودا يێن هه‌رێما كوردستانێ رێژێن جودا يێن باران بارينێ هاتينه تۆماركرن و ل تێكرايا باران بارينا ئه‌ڤ ساله ژى ل گه‌ل به‌لاڤكريه كو هه‌تا نها ل پارێزگه‌ها دهۆكێ 386ملم بارانێ بارينه.
ئه‌ڤێ ل خوارێ خشتێ رێژێن باران بارينێ د ماوێ 24 ده‌مژمێرێن بۆرى دا ل گه‌ل تێكرايا باران بارينا سالێ هه‌موويێ ل سه‌رانسه‌رى هه‌رێما كوردستانێ يه:
ئه‌ڤرۆ نيوز:
دژى تيرۆرا كوردستانێ د رێيا تۆڕا جڤاكيا فه‌يسبۆكێ دا نووچێ كوشتنا دو مه‌زنه به‌رپرسێن چه‌كدارێن داعش راگه‌هاند.
ب گۆره‌ى پێزانينێن په‌يجێ دژى تيرۆرا كوردستانێ دوهى 13ى نيسانا 2017ێ فرۆكێن شه‌ركه‌رێن هه‌ڤپه‌يمانيا نێڤده‌وله‌تى ل دژى داعش ل گۆندێ مه‌ركه‌ف ئه‌لتێر يێ سه‌ر ب ده‌ڤه‌را به‌عاج باره‌گايه‌كێ چه‌كدارێن داعش بۆردۆمانكر و 12 تيرۆرستێن داعش كوشتن و د ناڤ وان دا دو سه‌ركردێن له‌شكرى هه‌بوون ب ناڤێن:
1- عه‌لى خه‌له‌ف- ب ره‌گه‌ز سورى، خه‌لكێ ده‌ڤه‌را ئه‌بۆ كه‌مال.
2- ئيسماعيل يونس تله‌عفه‌رى، خه‌لكێ قه‌زا تله‌عفه‌را يا عيراقێ يه.
ئه‌ڤرۆ نيوز:
وه‌زاره‌تا ده‌رڤه يا عيراڤێ راگه‌هاند، بۆ جارا ئێكێ ل عيراقێ ل نه‌ته‌وێن ئێكگرتى پۆستێ جێگرێ ئه‌ميندارێ گشتى يێ نه‌ته‌وێن ئێكگرتى دا ده‌ست عيراقێ.
ئاخفتنكه‌رێ ب ناڤێ وه‌زاره‌تێ ئه‌حمه‌د جه‌مال د به‌ياننامه‌كێ دا راگه‌هاند، نه‌ته‌وێن ئێكگرتى ل سه‌ر زارێ ئاخفتنكه‌رێ ئه‌ميندارى راگه‌هانديه كو بالوێزێ عيراقێ ل نه‌ته‌وێن ئێكگرتى محه‌مه‌د عه‌لى حه‌كيم دێ بيته جێگرێ ئه‌ميندارێ گشتى و رێڤه‌به‌رێ بجهئينانێ يێ لژنا نه‌ته‌وێن ئێكگرتى بۆ ئابوور و جڤاكى ل رۆژئاڤايێ ئاسيا كو بنگه‌هێ وێ ل به‌يرۆته.
ئه‌ڤرۆ نيوز، نيوار محه‌مه‌د سه‌ليم:
ب سه‌رۆكاتيا جه‌هوه‌ر عه‌لى قايمقامێ قه‌زا دهۆكێ لژنه‌ك بۆ خه‌ملاندنا زيانێن دوكاندارێن بازارێ چه‌لێ ل سه‌نته‌رێ باژێرێ دهۆكێ هاته پێكئينان و كۆمبوونا خوه يا ئێكێ ئه‌نجام دا.
دوهى رۆژا پێنجشه‌مبى 13ى نيسانا 2017ێ ل كۆچكا قايمقاميا قه‌زا دهۆكێ لژنا ب سه‌رۆكاتيا قايمقامێ قه‌زا دهۆك ژ بوو خه‌ملاندنا زيانڤێكه‌فتيێن دوكاندارێن بازارێ چه‌لێ ل سه‌نته‌رێ پارێزگه‌ها دهۆكێ هاتيه پێكئينان كۆمبوونا خوه يا ئێكێ ئه‌نجام دا.
حه‌جى يوسف نوونه‌رێ قايمقاميا قه‌زا دهۆكێ ئاشكه‌را كر كو ل دووڤ دووماهى ئامار ژمارا دوكانێن زيان گه‌هشتينێ ل بازارێ چه‌لێ 78 دوكان بووينه و گۆت: “لژنه‌ك هاتيه پێك ئينان بۆ خه‌ملاندنا زيانێن دوكانان”.
زێده‌تر گۆت: “ئه‌ڤ لژنه ژ قايمقامێ قه‌زا دهۆك و رێڤه‌به‌ريا به‌ره‌ڤانيا باژێرى ل دهۆك و پۆليس و باژێرڤانى و گه‌نجينه و نوونه‌رێن دوكانان پێك دهێت”.
حه‌جى يوسف خۆيا ژى كر كو پشتى زيانێن ڤان دوكانان دهێنه خه‌ملاندن، دێ ب نڤيسار ژ بوو پارێزگارێ دهۆكێ هێنه بلندكرن.
پێشتر ل جهێ روودانێ فه‌رهاد ئه‌ترووشى پارێزگارێ دهۆكێ راگه‌هاند بوو كو زيانڤێكه‌فتيێن دوكانێن بازارێ چه‌لێ ل سه‌نته‌رێ پارێزگه‌ها دهۆكێ دێ هێنه قه‌ره‌بووكرن.
ل 10ى نيسانا ئه‌ڤ ساله ل دووڤ راگه‌هاندنا رێڤه‌به‌ريا به‌ره‌ڤانيا باژێرێ دهۆكێ ژ ئه‌نجامێ له‌حيمكرنا تانكێ گازوائيلێ يێ مواليدێن بازارێ چه‌لێ ل سه‌نته‌رێ پارێزگه‌ها دهۆكێ روودانه‌كا ئاگر به‌ربوونێ په‌يدا ببوو و ژبلى زيانێ مادى يێن گه‌له‌ك مه‌زن كه‌سه‌كى ژى گيانێ خوه ژ ده‌ست دابوو.
ئه‌ڤرۆ نيوز:
يانا ئه‌ى سى ميلان يا ئيتالى ب فه‌رمى راگه‌هاند كو يانا خوه دا كۆمپانيا سينۆ-يورۆپ سپۆرتس يا چينى.
ميلان ل پێگه‌هێ خوه يێ فه‌رمى راگه‌هاند كو دووماهى ب دانوستاندنێن د ناڤبه‌را كۆمپانيا ڤينينڤێستى يا ئيتالى خودانا ميلان و كۆمپانيا سينۆ-يورۆپ سپۆرتس يا چينى هات و گه‌هشتنه رێكه‌فتنێ و يانه ژ لايێ كۆمپانيا ڤێنينڤێست هاته فرۆتن ب كۆژمێ 750 مليۆن يورۆيان، ئانكو ب رێژا 99.63ێ يا پشكان ل گه‌ل هه‌موو وان قه‌رزێن ل سه‌ر يانێ ژى هه‌ين كۆمپانيا چينى دێ ده‌ت.
هه‌ر د راگه‌هاندنێ دا هاتيه، سه‌رۆك و جێگر و هه‌موو ئه‌ندامێن ده‌سته‌يا كارگێرى يێن يانێ ده‌ست ژ كێشانا خوه راگه‌هاند و لى يۆنگ هۆنگ ب فه‌رمى بۆ سه‌رۆكێ يانا ميلان.
31 ساله سێلڤيۆ به‌رلسكۆنى سه‌رۆكێ كۆمپانيا ڤینینڤێستی يا ئيتالى سه‌رۆكاتيا يانا ميلان دكه‌ت و د وى ماوه‌ى دا 29 ناسناڤ يێن ب ده‌ست خوه ڤه ئيناين كو پێنج ژ وان ژى يێن شامپيۆن ليگن.
ماوێ چه‌ند سالايه ميلان وه‌كو ميلانا جاران نه‌مايه و جهێ وێ ل چو قاره‌مانيێن ناڤخۆ و ئورۆپى و جيهانى يێ ديار نينه.
https://twitter.com/acmilan/status/852847709602164737
https://twitter.com/acmilan/status/852821596771201024
نيشاندان