ئەڤرۆ نیۆز،زنار تۆڤی:
فەرماندێ پۆلیسێن فیدرالی یێن عێراقێ رائید شاکر جەودەت دایەدیارکرن:کو هێزێن پۆلیسێن فیدرالی خەلکێ ئاوارە ڤەدگەریننە سەر جهو وارێن وان،ل وان تاخێن هاتینە رزگارکرن،پشتی کو ژ بەرمایکێن داعشان هاتینە پاقژکرن،هەروەسا دناڤا خەلگێ ڤەگەریایدا لێگەریانەکا هوور دهێتە کرن،ژبەر وان داعشێن خوە دناڤا خەلکێ سڤیل دا ڤەشارتین.
فەرماندێ پۆلیسێن فیدرالی گۆتیە ژی:هێزێن پۆلیسێن فیدرالی تۆنێلەکا داعشێ ل لایێ باکۆری یێ باژێرێ مۆسلێ دیتییە و هەروەسا رێژەیەکا مەزن یا چەکی ژی د وێ تۆنێلێ دا گرتیە.
ئەڤرۆ نیۆز،عەزیز رەسول هەورامانی:
پۆلیسێن سلێمانیێ راگەهاند،کو ئەڤرۆ ئەینێ 4-8-2017 كرێكارەکێ ل پرۆژێ شاری دایك ل باژێرێ سلێمانیێ ل سەر ئاڤاهیەکێ کەفتیە خوارێ و گیانێ خوە ژ دەستدایە ل دەمێ کارکرنێدا.
سەرکەوت ئەحمەد پەیڤدارێ پۆلیسێن سلێمانیێ بۆ ئەڤرۆ نیۆز راگەهاندیە:کو کرێکارەکێ ل دەمێ کارکرنێدا ژ پڕۆژەیەکێ بیناسازی دکەڤیتە خوار و گیانێ خوە ژ دەست ددەت.
ئەحمەد گۆت ژی:ناڤێ وی کەسی (ر ، ئ ، ق ) خۆجهێ قەزا سەید سادقە و ژ دایكبوویێ سالا 1989 یە و بۆ كاركرنێ هاتبوو سلێمانیێ.
پەیڤدارێ پۆلیسێن سلێمانیێ زێدەتر گوت:تەرمێ وی کرێکاری بۆ نۆشداریا داد ل باژێرێ سلێمانیێ هاتیە رەوانەکرن و لێكۆلین ل سەر ڤێ روودانێ د بەردەوامن.
فوتو ، عەزیز ھەورامانی:
ھاڤینگەھا زەلم کو دکەڤیتە سنوورێ ناحیا خورمال یا سەر ب پارێزگەھا ھەلەبچە ئێکە ژ وان ھاڤینگەھێن ھەری خوش و دلرەفێن ل کوردستانێ کو زورترین قەرەبالغ لێ ھەیە و رۆژانە ھزاران گەشتیارێن ھەموو دەڤەرێن کوردستان و عیراقێ سەردانێ بو دکەن.
ھاڤینگەە دکەڤتیە دناڤبەرا چیایێن مەزن و جھەکێ ھەموو دار و و بار و ئاڤ ، و چەندین باخچە و جھێن ڤەحەویانێ و بازار لێ ھاتینە درۆستکرن بو خزمەتا گەشتیاران ئەڤجا ئەگەر ھەتا نھا تە سەرەدان و گەشتەک بو ھاڤینگەھا ناڤبری نەکربیت بلەز ژڤانەکێ بدانە و گەشت و سەرەدانەکێ بو بکە.
ئەڤرۆ نیوز , رەمەزان ھەرنی:
ناڤەندا بلندا لاوێن بارزان ب مەرەما پشتەڤانیکرن ل ریفراندۆم و سەربخوی یا کوردستانێ ئەڤرۆ ل سنوورێ ناحیا بلێ یا سەر ب دەڤەرا بارزان بەریکانەکا مەلەڤانیان ھاتە ئەنجامدان.
دڤی واریداحەسەن بابەکر بەرپرسێ ناڤەندا بلندا بارزان بۆ ئەڤرۆ گوت: (ب مەرەما پشتەڤانیکرن ژ بزاڤێن سەرۆکی َھەرێما کوردستانێ بو ئەنجامدانا ریفراندۆم و سەرخویی یا کوردستانێ مە وەکو ناڤەندا بلندا لاوێن بارزان بەریکانەکا مەلەڤانیان بو ٥٠ لاوێن سنووری َدەڤەرا بارزان ئەنجام دا )
زێدەتر گۆت: ( ٣٠ ژ وان کەسان ھاتنە خەلاتکرن کو دناڤ خەلاتکریان ژی کەسەکێ نابینا ھەبوو ل رێزا ٢٠ ھات )
ئەڤرۆ نیۆز،زنار تۆڤی:
فیدراسیۆنا تەپا پێ یا ئورۆپا ب فه‌رمی به‌ربژێرێن بۆ وه‌رگرتنا خه‌لاتێ باشترینێن چامپیۆنزلیگێ ل وه‌رزێ بوری راگه‌هاندن،كو تێدا ل هێلا پێشیێ (كریستیانۆ، میسی و دیبالا) دهێنە دیتن.
ئه‌ڤرۆ ئەینیێ 4 تەباخێ 2017 فیدراسیۆنا تەپا پێ یا ئورۆپا (UEFA) ب فه‌رمی لیستەکا به‌ربژێران بۆ خه‌لاتێ باشترینێن وه‌رزێ بوری ل چامپیۆنزلیگا 2016 ـ 2017 بەلاڤکرینە،کو هه‌ر 3 به‌ربژێرێن ناڤەراستكار ژی ژ یاریکەرێن ریال مه‌دریدێ پێك دهێن.
باشترین گۆلپارێز:
جیانلویجی بوفۆن ـ یوڤێنتۆس
مانوێل نویه‌ر ـ بایرن میونشن
یان ئۆبلاك ـ ئەتلەتیكۆ مه‌درید
باشترین به‌رەڤان:
مارسێلۆ ـ ریال مه‌درید
لیۆناردۆ بۆنۆچی ـ یوڤێنتۆس
سێرخیۆ رامۆس ـ ریال مه‌درید
باشترین ناڤه‌راستکار:
لوكا مۆدریچ ـ ریال مه‌درید
تۆنی كرووس ـ ریال مه‌درید
كاسێمیرۆ ـ ریال مه‌درید
باشترین هێرشبه‌ر:
لیۆنێل مێسی ـ بارسەلۆنا
كریستیانۆ رۆنالدۆ ـ ریال مه‌درید
پاوڵۆ دیبالا ـ یوڤێنتۆس
یانا ریال مه‌درید یا ئیسپانی ل وه‌رزێ بوری ناسناڤێ چامپیۆنزلیگی بریە،دەمێ ل فینالا ڤێ قارەمانیێ ژ یانا یوڤێنتۆس یا ئیتالی بری.
ئەڤرۆ نیوز ، نەوزاد ھلۆری:
وەسا بریارە کو ئەڤرۆ ل مەیدانا تەحریر یا بەغدا ب بریارا موقتەدا سەدر سەرۆکێ رەوتا سەدر دژی پروژە قانونا ھەلبژاردنێن ئەنجومەنا پارێزگەھان خونیشاندانەکا ملیونی ب رێڤە بچیت.
مالپەرا شەفەق نیوز دبەیاننامەیەک ل زاردەڤێ موقتەدا سەدر سەرۆکێ رەوتا سەدر ل بەغدا بەلاڤکریە کو وەسا ددەتن دیارکرن کو موقتەدا سەردر دیارکر کو پێدڤی یە گەلێ عیراقێ وێ یەکێ بزانیت کو سیاسەتڤانێن توندرەو یێ پلانان بو ڤەگەراندتا گەندەلکاران ددانن و گۆتیە : (دژی دەست ب سەرداگرتنا مولک و سامانێن خەلکی ئەڤرۆ دێ خونیشاندانەکا ملیونی ئەنجامدەین ژبەرکو ژپشت پەردێن پەرلەمان و حکومەتا عیراقێ دا کارێن نەرەوا دھێنە ئەنجامدان)
زێدەتر گۆت: ( پێدڤی یە کومسیونەک و قانونەک بھێتە دەرکرن بو بەرژەوەندیا خەلکی باش بیت)
ئەڤرۆ نیوز ، نەوزاد ھلۆری:
ڤەکولەرەکێ بوارێ جینوسایدا گەلێ کورد دیارکر کو کورد دشێن ب دوو رێیا کارەسات و کومەلکوژیا کوردێن ئێزدی ل دادگەھا لاھای یا نیڤدەولی ب جینوساید بناسینن.
رێبوار رەمەزان ڤەکولەرێ بوارێ جینوسایدا گەلێ کورد بۆ ئەڤرۆ نیوز گۆت: (دکارەساتا شنگال و کوردێن ئێزدی دا ھەموو مەرجێن ب جینوساید ناساندنێ ھەنە ھەتا خوە ھندەک تاوانێن جینوسایدا ئێزدیان ھاتینەکرن ب چوو رەنگان ل جینوساید و کومەلکوژیێن بەری وان نەھاتینەکرن ژبەرڤێ گرنگە دەستھەلاتداریا ھەرێمێ و جھێن شولەژێ ب زوترین دەم کار بو دانەنیاسینا کومەلکوژیا کوردێن ئێزدی ب جینوساید بکەن)
ڤەکولەرێ ناڤبری کو ٣٠ پەرتووک لسەر ینوسایدا گەلێ کورد چێکرینە و بەردەوامە لسەر چێکرن و کومکرنا زانیاری و وێنە و دیکیومێنتکرنا کومەلکوژیێن گەلێ کورد زێدەتر گۆت: ( بتنێ دوو رێک ل بەر سینگێ مەکە کو ئەم بکارین کومەلکوژی و کارەساتا شنگاڵ ب جینوساید بدەین نیاسین ئەو ژی دەستەسەرکرنا ھندەک ژ سەرکردێن داعش کو بەرپرسیاربن ژ بریاردان و کومەلکوژیکرنا کوردێن ئێزدی و دانپێدانێ بکەن ب وان تاوانان بەرامبەر دادگەھا لاھای یا نیڤدەولی کو ئەو سەرکردەژی خودان رەگەزنامەیێن ئێک ژ وان وەلاتان بن کو ئەندامن ل دادگەھا ناڤھاتی ، و دیسان ئەم دکارین ژی ب رێیا دادگەھا تێھەلچوونا عیراقێ ھەموو ئەو وێنە و بەلگەنامە و دیکیومێنت و زانیاریێن کومەلکوژیێن داعش بەرامبەر گەلێ کوردێن ئێزدی رادەستی وان بکەین و ئەو بگەھینن دادگەھا لاھای یا نیڤدەولی)
پێشتر مەحمود حاجی سالح وەزیرێ شەھید و ئەنفالکریێن ھەرێما کوردستانێ بو ئەڤرۆ نیوز دیارکر بو کو ھەتا نھا بتنێ چوار کەیسێن گەلێ کورد ب جینوساید ھاتینە نیاسین و گۆت: ( وەزارەتا شەھید و ئەنفالکریان لسەر دانەنیاسنیا کەیسێن ئەنفال و کومەلکوژیێن گەلێ کورد ب جینوساید بەردەوامە و ئەم پێددڤی ب پتر بەلگە و دیکیومێنت و زانیاریانیە داکو ب ئەنجامەکێ باش بگەھین)
ئەڤرۆ نیۆز،زنار تۆڤی:
دهێتە چاڤەرێکرن کو ئەڤ سالە ئێکەم رۆژا جەژنا قوربانێ بکەڤیتە ئەینیا ١ ئیلۆنێ،بەلێ رۆژا ٢١ تەباخێ دێ ل سەر بنەمایێ دیتنا هەیڤێ هێتە دیارکرن.
ل دووڤ رۆژ ژمێرا کۆچی یا جەژنا قوربانێ رۆژا ١٠ یا هەیڤا (زولحیجە) دەستپێدکەت،لەورا ئەڤ روژە پشتی دیتنا هەیڤێ ل رۆژا دوشەمبێ ٢١ تەباخێ دا دێ هێتە دیارکرن،کو دکەڤیتە ٢٩ هەیڤا کۆچی.
هەکە رۆژا دوشەمبێ هەیڤ هاتە دیتن،دێ جەژنا قوربانێ 10 رۆژا ل دووڤ دا بیت و دێ ل ٣١ تەباخێ دا بیت،لێ هەکە هەیڤ یا بەردەوام بیت بۆ ٣٠ رۆژا دێ جەژن کەڤیتە ١ ئیلۆنێ،کو ئەگەر زۆرە ل رۆژا ئەینیێ1 ئیلۆنێ جەژن بیت.
رۆژ ژمێرا (ئومول قورا) یا سعودی رۆژی ١ ئیلۆنا ٢٠١٧ وەک ئێکەم رۆژا جەژنا قوربانێ دیارکریە، بەلێ بەروارا رەسمی دێ ژلایێ دادگەها بلند و دادوەریێ ڤە پشتی دیتنا هەیڤێ دێ هێتە راگەهاندن.
ئەڤرۆ نیۆز،زنار تۆڤی:
حوکمەتا قەتەرێ مافێ مانەوەیا (ئیقاما) هەروهەر ددەتە سێ چین و تەخێن جۆدا یێن جیهانێ.
پەرلەمانێ قەتەرێ پرۆژە یاسایەک پەسەند کریە،کو ب ڤی یاسایی مافێ مانەوەیا هەروهەر(هەمیشەیی) ب وان کەسان دهێتەدان،هەروەک د وی یاسای دا هاتی،کو زارۆیێن ژنێن قەتەریان،هەکە بابێ وان خەلکێ دەرڤەی قەتەر بیت، مافێ مانەوەیا هەروهەر دێ پێ هێتەدان.
هەروەسا هەموو ئەو کەسێن ل وی وەلاتی مافێ مانەوەیا دەمکی هەیە و ”خزمەتا بێوێنە یا قەتەر کریە “،ئەڤ یاسایە وان ژی ڤەدگریت و مافێ ڤەمانا هەروهەر دێ پێ هێتەدان.
هەروەسا کەسانێن خودان بروانامەیێن بلند و لێهاتی ژ پسپۆریێن خوە،ئەو کەسە ژی بۆ هندێ کو خزمەتا قەتەرێ بکەن، مافێ ڤەمانا هەمیشەیی دێ پێ هێتەدان.
قەتەر وەلاتەکێ عەرەبیە و دکەڤیتە کەنداڤێ عەرەبی، هژمارا روونشتڤانێن وێ نێزیکی دو ملیۆن کەسانە،کو 300 هزار ژ وان وەلاتیێن قەتەرێ نە و یێن دی ژی مافێ ڤەمانێ وەرگرتیە.
ئەڤرۆ نیۆز،بارزان مزۆری:
جۆتیارێن دەڤەرا ئەترووش ل سپێدەهیان زوو گوندۆران دچنن و ڤەدگۆهێزنە بازارێن دهوک و شێخان و هەولێرێ.
سلێمان ئەمین جۆتیارەکە ل ڤێ دەڤەرێ بۆ ئەڤرۆ نیۆز دبێژیت:ل سپێدەهیان زوو ئەم رۆژانە دو ترومبێلێن گوندۆرا ژێ ڤەدکەین و بۆ قەپانێن شێخان و دهوك و هەوليرێ ڤەدگوهێزین،لێ ئەو بارێ گوندۆرا یێ ئەم د بەین ب بوهايەکێ ئەرزان دچيت و بارێ ترومبێلا مە ب 95 هزار دینارا دهێتە فروتن و گۆت ژی:ئەم چو مفای ژ گوندۆرا نابینین،چونکی بۆ هەر بارەکێ ترۆمبێلێ 50 هزار دینار بۆ کریا ترۆمبێلێ و کرێکارێن چنینێ دچن،ئەڤە ژبلی زەحمەت و ماندیبوونا مە یا رۆژانە.
ئەو ژی گۆت:ئەڤ سالە جۆتیارێن ڤێ دەڤەرێ رێژەکا باش یا گوندۆران ل ڤێ دەڤەرێ چاندینە.
نيشاندان