ئه‌ڤرۆ نيوز:

جێگرێ پارێزگەرێ دھۆکێ دیار کر کو ئەم پێدڤی 80 ملیون لیترێن گازێینە و 80 ملیون لتر گەلەک یا ب زەحمەتە بھێتە دابینکرن و بۆ وەرزێ زڤستانێ دێ خەلکێ مە پێدڤی ب سێ بەرمیلێن گازێ یە و ئەگەر کارەب یا خراب بیت ژی، دێ پێدڤی ب چار بەرمیلێن گازێ بیت و ب دیتنا من ئەڤ سالە گاز گران نابیت.

ئوسمان یونس ئوسمان جێگرێ پارێزگەرێ دھۆکێ راگەھاند، ئەگەر ئەم بەرمیلەکێ ل سەر خەلکی بەلاڤ بکەین کا ئەم دێ ئەم پێدڤی بن، وەکو وەلاتی نە و قوتابخانە و بەشێن نافخۆیی و نەخۆشخانە و مزگەفت و دێر و رێڤەبەرێن حکومی و ئاوارە و د گەل مادێ سەد و چل و ھەتا ئەم بشێین ھەر ئێکی بەرمیلەکا گازێ بدەینە ڤان تەخان، ئەم پێدڤی 80 ملیون لترێن گازێینە و 80 ملیون لتر گەلەک یا ب زەحمەتە بھێتە دابینکڤبری زیرن .

ناڤبری زێدەتر گۆت: تشتێ ھەرە باش حکومەتا عیراقێ بۆ مە ھندەک گاز دابینکریە و نوکە ئەم یێ وێ گازێ بەلاڤ دکەین و مە ل قەزا ئامێدیێ ب ھەر شەش ناحیێن وێ ڤە و دەوروبەران بەلاڤکریە و بزاڤێ دکەین ئەڤ گازە بھێتە بەلاڤکرن ل سەر وەلاتیان و ھەر خێزانەک بەرمیلەکێ وەرگریت و ئەڤ گازا مە دابین کری بۆ حەفتێ و پێنج ھزار خێزانان دابین کریە و ھەر خێزانەک ژی دێ 200 لیترێن گازێ وەرگریت، ھەروەسان قوتابخانان ژی سێ ملیون لترێن گازێ ھاتینە دابینکرن و ل نێزیک دێ ل سەر ھەموو قوتابخانەیان ھێتە بەلاڤکرن و تشتێ ھەرە باش مە کوبوون چێکرینە و ل ھەر قەزایەکێ کوبونێن وان د جودانە.
ئوسمان یونس ئوسمان گۆت ژی: ب بەراوردی د ناڤبەرا ئەڤ سالە و سالێن بۆری د کێم بوونێ دایە، چونکو حوکمەتا ھەرێما کوردستانێ و وەزارەتا سامانێن سرۆشتی گۆتیە ئەم نەشێین گازێ دابین بکەین و ئەڤ تشتە ژی ھێلایە ب ھیڤیا کارگێریا پارێزگەھا دھۆکێ ڤە و کارگیریا پارێزگەھێ ژی یا راسپاردیە گازێ پەیدا کەن بۆ خەلکی و مە ژی گەلەک دەرگەە یێن قوتاین ئێک ژ وان مە دەرگەھێ حکومەتا عیراقێ قوتایە و وان بۆ حەفتێ ھزار خێزانان گاز دایە مە.
ئاشکرا ژی کر، بۆ ئاوارەیان ژی حکومەتا ھەرێما کوردستانێ سێ ملیون لترێن گازێ بۆ قوتابخانان داینە مە و بزاڤێ دکەین دەرگەھێن رێکخراوێن جڤاکی ب قوتین و دزانین ژی بەرمیلەکا گازێ یا کێمە بۆ ھەر خێزانەکێ و ئەگەر بەرمێلا ئێکێ مە دابین کر و بەلاڤکر، بزاڤا بەرمیلا دویێ ژی دێ کەین و ئەز ب باوەرم خەلکێ مە پێدڤی ب سێ بەرمیلێن گازیە بۆ وەرزێ زڤستانێ و ئەگەر کارەب یا خراب بیت ژی دێ پێدڤی ب چار بەرمیلێن گازێ بیت و دابینکرنا ئێک بەرمیلا گازێ گەلەک یا کێمە و بزاڤێ دێ کەین بۆ بەرمیلا دوێ بەلاڤ کەین، لێ ئەز وێ باوەرێ نینم حکومەتا ھەریمێ کوردستانێ بھێت و داخل بیت و ھندەک پاران بۆمە دابین بکەت و بیتە ئەگەرێ ھندێ کو ئەم بشێین ھندەک تشتا ب دەست خوە ڤە بینین و ئەگەر ھندەک پارا بدەنە مە دێ شێن گازی دابین کەین.
گۆت ژی: ھندەک گاز بۆ قوتابخانان دێ ژ ھەرێما کوردستانێ ھێت بۆ ئاوارا و وەلاتیان دێ ژحکومەتا عیراقا فیدرال ھێت.
جێگرێ پارێزگەرێ دھۆکێ ئەو چەندە ژی گۆت: ژ بەر کێماسیا کێم گازیێ و پێدڤیا خەلکی ب گازێ گازندە نەھاتینە کرن، چونکو خەلک ل سەر تانکی یێ راوەستیایە، ھەتا نوکە ئەو گازندێن سالێن بوری گەلەک کێم بووینە، چونکو ل سالێن بۆری ھەر خێزانەک دشیا ھەتا چار بەرمیلان ژی وەردگرتن، نوکە لیژنە ل ھەموو قەزا و ناحیان دانان و ئەو ترمبێلێن بۆ گازێ ھاتینە تەرخانکرن پیڤەرێ خوە یێ ھەی و دبیتە ئەگەرێ ھندێ چو کەس نەشێن خەلەتیێ د گازێ دا بکەن و ئەڤ سالە دێ بەر میلا گازێ ب کوژمێ 43 ھزار دینار بھایێ گازێ یە و سێ ھزار دینار بھایێ وێ چەندێ یە ھەتا دگەھیتە مالا وی و ئەگەر وەلاتی گازێ بۆ خوە ژ پانزینخانەکێ بکریت ھەتا دەە ھزار دیناران دێ لی َھینە مەزاختن ھەتا دگەھیتە مالا وی.
خۆیاژی کر، مە گرێبەست چێکریە کو پێدڤیە گاز ب گەھیتە مالێن خەلکی ل ھەموو دەڤەران و ب دیتنا من گازا بازرگانی گران نەبوویە و نوکە گەھشتە 140 ھزار دیناران و ب دیتنا من ئەڤ سالە گاز گران نابیت، چونکو گەلەک دەرگەە ھەنە خەلک دێ گازی ئینن، دەرگەھێ ڤەکریە و کومپانی دێ گازێ ئینیت و ھەر کەسەکێ بڤێت گازێ ژ تورکیا بینیت ئەم دێ مولەتێ دەینێ کو گازێ بینیت و نوکە رێکخراو ژی گازێ بەلاڤ دکەن.

ئه‌ڤرۆ نيوز:
پەیڤدارێ وەزارەتا پەروەردێ یا حوکمەتا ھەرێما کوردستانێ ئاماژە دا وێ چەندێ کو بڕیارە ھاریکاریا رێکخراوا ئەلمانی و کریا ھاتنوچوونا مامۆستایان ژ لایێ حوکمەتا ھەرێما کوردستانێ ڤە بھێنە بەلاڤکرن و بەغدا ژی سۆز دایە ھاریکاریا وەزارەتا پەروەردێ بکەت.
شۆڕەش غەفووری، پەیڤدارێ وەزارەتا پەروەردێ یا حوکمەتا ھەرێما کوردستانێ بۆ رۆژناما ئەڤرۆ دیار کر کو بڕیارە دو جۆرێن ھاریکاریان ل سەر مامۆستایێن ھەرێما کوردستانێ بھێنە بەلاڤکرن ئەو ژی ھاریکاریا حوکمەتا ھەرێمێ بۆ ھاتنوچوونا مامۆستایانە کو بەری نوکە سەرۆکاتیا جڤاتا وەزیران بڕیاردایە ب مەزاختنا کۆژمەکێ پارەی بۆ ھاتنوچوونا مامۆستایان و گۆت: “ھاریکاریا رێکخراوەکا ئەلمانی بۆ وان مامۆستایانە یێن ھاتنوچوونێ دکەن، بەلێ ھێشتا ژڤانێ بەلاڤکرنا ڤی پارەی ل سەر ماموستایان یێ دیارنیننە، چونکی ژڤانێ بەلاڤکرنێ زێدەتر پەیوەندی یا ب وەزارەتا دارایی و ئابووری یا حوکمەتا ھەرێما کوردستانێ ڤە یا ھەی”.
ناڤھاتی ئاماژە دا وێ چەندێ کو بەری نوکە حوکمەتا بەغدا ژی سۆزدایە وەزیرێ پەروەردێ دێ ھاریکاریا مامۆستایێن ھەرێما کوردستانێ کەت، بەلێ ھەتا نوکە قەبارێ وێ ھاریکاریا بەغدا نەھاتیە زانین و نوزانن دێ چەندبیت و گۆت: “بتنێ گۆتیە دێ ھەڤکاربین و پارە نەگەھشتیە ھەرێما کوردستانێ، بەلێ ھەر دەمێ پارە گەھشت دێ ل سەر مامۆستایان ھێتە بەلاڤکرن”.