شه‌ڤا ئێكێ یا زاڤایینیێ، ژ ئه‌نجامێ نه‌بوونا باوه‌رى ب خوبوونێ و شه‌ڤێن نورمال پشتى وه‌ستیان و دامابوونێ و گه‌له‌ك شه‌ڤان ژى ژ هنده‌ك ئه‌گه‌رێن نه‌دیار زه‌لام ل ده‌رمانێن چالاككه‌ر بۆ سێكسى دگه‌ریێن.
چ كه‌سه‌ك نینه ئاگه‌ه ژ ده‌رمان و چالاككه‌رێن سێكسى نه‌ببیت، له‌ورا ژى هه‌ر ئێك ل لایێ خوه ل ده‌رمانێن سێكسى دگه‌ریێت د هنده‌ك ده‌لیڤه‌یێن ده‌ستنیشانكرى دا و ره‌نگه هه‌موو ده‌لیڤه‌ژى ددروست نینن بۆ ب كارئینانا ڤان جوره ده‌رمانان و گه‌له‌ك زه‌لام ژى هه‌بن كو مفاى ژێ نه‌بینن، یان گه‌له‌ك زه‌لام هه‌بن شه‌رم بكه‌ن پرسیارا وان بكه‌ن و شه‌ڤه‌كا تال نه ژ لایێ شیانێن سێكسى به‌لكو ژلایێ حه‌زا سێكسى ببوورینن، شه‌ڤه‌ك كو زه‌لام و هه‌ڤژینا خوه د هه‌ڤدو نه‌گه‌هن و ئه‌گه‌رێن وێ د دیارنه‌بن و هه‌ڤكارى دناڤبه‌را وان دا نه‌بیت.
ده‌مێ مه پرسیار ل نوشداره‌كى كرى: ئه‌رێ زه‌لامێن كو شیانێن وان یێن سێكسى د كێم بن، رێژه‌یا وان د زێده‌بوون یا كێمبوونێ دایه؟ گۆت: ژ ئه‌نجامێ وێ چه‌ندێ كو ب ده‌هان ناڤێن ده‌رمانێن چالاككه‌رێن سێكسى ل بازارى هه‌نه و سه‌ره‌راى مه‌ترسیێن وان بێى راچێتا نوشداران ژى دهێنه فرۆتن، له‌ورا ئه‌م چ ژ رێژه‌یا وێ نزانین، به‌لێ گه‌له‌ك كه‌س یێن هه‌ین مفاى ژێ نابینن و پشتى ده‌مه‌كى دێ هێنه ده‌ڤ مه، دێ دیاربیت كو فشارێن ده‌روونى و كارێن رۆژانه و نه‌بوونا وه‌كهه‌ڤیا حه‌زێن وى ل گه‌ل هه‌ڤژینا وى بوویه ئه‌گه‌ر كو ئه‌وى شیانێن ئه‌نجامدانا كریارا سێكسى نه‌بن و پێدڤیه زه‌لام ڤێ چه‌ندێ بزانن و هزر ل شه‌ڤه‌كا پرى بزاڤا سێكسى نه‌كه‌ن.
ل ڤێرێ مه ڤییا ئه‌م ئاماژه ب خاله‌كێ بده‌ین، ئه‌رێ جوداهى دناڤبه‌را حه‌زا سێكسى و شیانێن سێكسى چیه؟
حه‌زا سێكسى دبیت بۆ زه‌لامان نه‌مینیت و نه‌شێن سێكسى ئه‌نجام بده‌ن، بۆ نموونه ل ده‌مێ تووشى نه‌خوشیا شه‌كرێ دبن یان گه‌له‌ك كه‌رسته‌یێن كحولى ب كاربینن، ل وى ده‌مى ده‌رمانێن ڤیاگرا چ مفایێ خوه نابینن، به‌لكو هنده‌ك ده‌رمانێن دى هه‌نه وه‌كو كورتیزون و هورمونێ نێرینه و كزكایین، ره‌نگه‌ژى د هنده‌ك هه‌لویستێن تایبه‌ت دا مرۆڤى حه‌زا سێكسى نه‌مینیت بۆ نموونه ژ شه‌رمكرنێ، یان ل ده‌مێ زه‌لام ده‌رمانێن بێهوشكرنێ ب كاردئینن، یان گه‌له‌ك جگاره‌یان بكێشن، ل دووڤ ڤه‌كولینان دیاربوویه ئه‌و زه‌لامێن ده‌ست ژ جگاره‌كێشانێ به‌ردده‌ن حه‌زا وان یا سێكسى پتر لێ دهێت.
پتریا نه‌خوشیان حه‌زا زه‌لامى بۆ سێكسى كێم دكه‌ن و ده‌رمانێن چالاككرنا سێكسى گه‌له‌ك مفایێ خوه نابینن، هه‌كه هات و زه‌لام تووشى نه‌خوشیه‌كێ بوو و حه‌زا وى یا سێكسى زێده‌بوو! ل وى ده‌مى ره‌نگه ژ ئه‌نجامێ هه‌بوونا كه‌رسته‌یێن پێدڤى بیت دناڤ وان ده‌رمانێن كو بۆ چاره‌سه‌ریا خوه ب كاردئینیت.
له‌ورا نابیت زه‌لامێ حه‌زا سێكسى نه‌بیت ده‌رمانێن بهێزكرنا سێكسى ب كاربینیت، به‌لكو پێدڤى ب هنده‌ك تشتێن دیتره كو پێدڤیه ئه‌نجام بده‌ت و بێى ده‌رمان دێ هێته چاره‌سه‌ركرن، ئه‌ڤه‌ژى پێدڤى ب وه‌رگرتنا شیره‌تان ژلایێ نوشداره‌كێ تایبه‌تمه‌ند هه‌یه.
كه‌نگى زه‌لام ل ده‌رمانێن سێكسى دگه‌ریێن؟
نيشاندان
