ئەڤرۆ نیۆز،زنار تۆڤی:
شێركۆ كه‌ریم یاریکەرێ هه‌لبژارتیێ عێراقێ و یانا گراسهۆپه‌ر یا سویسرى په‌یوه‌ندى ب یانا فادوز كر.
ئه‌ڤرۆ چارشه‌مبێ 19-7-2017 یانا فادوز یا پشکدار د خۆلا یانێن نایاب ل لیختنشتاین ب شێوه‌یه‌کێ فه‌رمى ڤەگۆهاستنا شێركۆ كه‌ریمى یێ هێرشبه‌رێ هه‌لبژارتیێ ئۆلۆمپی یێ عێراقێ و یانا گراسهۆپه‌ر یا سويسرى بۆ ماوێ وه‌رزەکێ ئاشكرا كریە.
شێرکۆ کەریم یاریزانێ كورد ل سالا 1996 ل كه‌ركووكێ ژ دایك بوویە و ل دەستپێکا ژیانا خوە یاری ل یانا شورته کریە و پاشی چوویە خۆلا سویسرى.
ئەڤرۆ نیوز ، ھلۆری:
دەستەیا دەستپاکی یا ھەرێما کوردستانێ د کونگرەیەکێ رۆژنامەڤانی دا دیارکر کو د ئەڤ سالەدا 378 دوسیێن گەندەلیێ ل دادگەھێن ھەرێما کوردستانێ ھەنە.
حاکم ئەحمەد ئەنوەر سەرۆکێ دەستەیا دەستپاکی یا ھەرێما کوردستانێ ئەڤرۆ ل ھەولێرێ د کونگرەیەکێ رۆژنامەڤانی دا دیارکر کو دماوەیێ شەش مەھێن بوری دا ل سنوورێ ھەردوو پارێزگەھێن ھەولێر و سلێمانی 22 دوسیێن ھەوالدەری و 87 داخوازی و دوسیێن سزایی و 83 دوسیێن زانیاری ھاتینە تومارکرن)
ل بارا پارێزگەھا دھوکێ گۆت: (ل سنوورێ پارێزگەھا دھۆکێ 16 دوسیێن ھەوالدەری و 9 داخوازی و دوسیێن سزایی و 10 دوسیێن زانیاری ھاتینە تومارکرن)
سەرجەمێ ھەموو ئەو دوسیێن گەندەلیێ کو ل ھەرێما کوردستانێ ھاتینە تومارکرن دبنە 378 دوسیە ، ئەڤە ژبلی 92 دوسیێن دن یێن زانیاریان.
ئەڤرۆ نیوز :
وەزارەتا خواندنا بلند و ڤەکولینێن زانستی نووترین رێنمایی بو خواندنا سالا2017-2018 بەلاڤکر و تێدا ھاتیە: (ب مەرەما رێکخستنا رێنمایێن یەکەیێن تایبەت ب فەرمانگەێن خواندنێ و پلاندانان و دوڤچوونێ ، و ل گورەی ئەوان دەستھەلاتێن کو ب مە ھاتینە دان بو سالا خواندنێ 2017-2018 دێ ب رەنگێ ل خوارێ کار ب رێنمایان ھێتەکرن)
ڤێرە کلیک بکەن بو دانلودکرنا ھەموو رێنمایێن گرێدای ب بابەتی ڤە
ئه‌ڤرۆ نیۆز،زنار تۆڤى:
وێنه‌گر مه‌عروف سه‌لیم ئیبراهیم د دیداره‌كێ دا بۆ ئه‌ڤرۆ نیۆز دیاركر:كو وى ل سالا 2008 ده‌ست ب كارێ وێنه‌گرتنێ كریه،هه‌روه‌سا ل سالا 2011 وى ب كامیره‌كا پرۆفشیۆنال كارێ خوه ئه‌نجامدایه و نوكه ژى ل سه‌ر كارێ خوه یێ به‌رده‌وامه،هه‌روه‌سا هیڤیا وى د وێنه‌گرتنێ دا ئه‌وه كو ئه‌و وێنێن دیمه‌نێن سرۆشتى و گولان دگریت و وى ئه‌رشیفه‌كێ مه‌زن یێ گولێن سرۆشتى هه‌یه و وى ل به‌ر نینه چو جاران ڤى كارى بهێلیت.
هه‌روه‌سا ئه‌و چه‌ند ژى گۆتیه،وێنه‌گرى ئێكه ژ هونه‌رێن گرنگ ل جیهانێ كو نوكه جهێ خوه ل گه‌ل پیشه‌یێن دى كریه و د هه‌موو واران دا مفا ژێ دهێته وه‌رگرتن،له‌ورا یا گرنگه كو پیته پێ بهێته‌دان،لێ پێدڤیه ب كارێ وێنه‌گریێ ب شێوازێ ئه‌كادیمى و پرۆفشیۆنال بیت.
ناڤهاتى زێده‌تر دبێژیت:ب رێیا تۆرێن جڤاكى ئه‌م شیاینه چه‌ندین وێنێن سرۆشتێ كوردستانێ نیشا خه‌لكێ جیهانێ بده‌ین،هه‌روه‌سا وێنێن مه بووینه ئه‌گه‌رێ ناساندنا جهێن گه‌شتیارى ژى ل ده‌ڤه‌را بارزان،هه‌روه‌سا دیاركر ژى:كو وان چه‌ندین هه‌ڤالان گرۆپێ”وێنه‌گرێن ئازادێن كوردستانێ” دامه‌زراندیه و وان چه‌ندین مه‌به‌ست ژى پێ هه‌نه،ژ وان مه‌به‌ستان ئه‌وه كو وێنه‌گرێن كوردستانێ هه‌ڤدۆ بنیاسن و هه‌روه‌سا ئه‌و دشێن ب رێیا ڤى گرۆپى وێنه‌یێن كوردستانێ كومڤه بكه‌ن،هه‌روه‌سا هونه‌رێ وێنه‌گریێ پێش بێخن،جهێن گه‌شتیارى و سرۆشتێ جوانێ كوردستانێ نیشا خه‌لكێ بده‌ن،دیسا نوكه چه‌ندین وێنه‌گران پشكدارى د ڤى گرۆپى داكریه و وێنه و دیمه‌نێن گه‌له‌ك جوان تێدا دهێنه نیشاندان.
مه‌عروف سه‌لیم ل سالا 1974 ل ده‌ڤه‌را بارزان ژ دایك بوویه.
ئه‌ڤرۆ نيوز:
ژێده‌ره‌كێ حكوومى يێ په‌يوه‌نديدار راگه‌هاند كو خالد عوبێدى وه‌زيرێ به‌ره‌ڤانيێ به‌ربژێره‌كێ ب هێزه بۆ وه‌رگرتنا ئيدارا نه‌ينه‌وا ل قووناغا پشتى داعش.
ئه‌ڤى ژێده‌رى بۆ شه‌فه‌ق نيوز ئاشكه‌را كر كو لڤينه‌كا سياسى يا ل جڤاتا نه‌ينه‌وا هه‌يى بۆ گازيكرنا نه‌وفه‌ل حه‌مادى سولتان ب تومه‌تا گه‌نده‌ليێ و ياريكرن ب پارێ گشتى و بێ دو دلى ژ كارى لاده‌ن.
ئاماژه ب وێ چه‌ندێ ژى كريه كو خالد عوبێدى وه‌زيرێ به‌رێ يێ به‌ره‌ڤانيێ ب هێزترين به‌ربژێره بۆ وه‌رگرتنا پۆستێ پارێزگارێ نه‌ينه‌وا ئه‌وێ پێشتر جڤاتا نوونه‌رێن عيراقێ ب تۆمه‌تا گه‌نده‌ليێ ژ پۆستێ وى لادايى.
ئەڤرۆ نیوز ، نەوزاد ھلۆری:
سیروان بارزانی بەرپرسێ مێحوەرێ گوێر – مەخمور یا ھێزێن پێشمەرگەی ل فەرەنسا ل گەل ئیمانوێل ماکرون کومبوو د کومبوونێ دا بەحس ل چەند گورانکاری و پێشھاتەیێن ھەرێما کوردستانێ ھاتنەکرن و فەرەنسا ژی پشتەڤانیا خوە بو ھەرێما کوردستانێ دوپاکرەڤە.
سیروان بارزانی لسەر پەیچێ تایبەتی خوە ل تورا جڤاکی یا فێسبوکێ دوو وێنەیێن خوە ل گەل سەروکێ نویێ فەرەنسا و ھەڤژینا وی بەلاڤکرینە و گۆتیە: (ل کوشکا ئێلیز یا فەرەنسا ل پاریس ژلایێ سەرۆکێ فەرەنسا ئیمانوێل ماکرون ھاتینە پێشوازیکرن ، بێگومان ئەڤێ دیدارە گرنگی یا خوە ھەبوویە ژبەرکو نھا شەرێ دژی تیرورستان گەھشتیە قوناغەکا ئێکلاکەر )
زێدەتر گۆت: (زور خوشحالبووم ب ناسینا مەدام برێجێت ماکرون ھەڤژینا سەرۆکێ فەرەنسا و خانما ئێکێ یا وی وەلاتی ، بێگومان سەرۆکێ نوو یێ فەرەنسا ھەلویستەکێ ئەرێنی ھەبوویە و دوستانیا خوە ژی بو پشتەڤانیا گەلێ کورد دوپاتکر کو ئەڤ یەک ژی دڤی دەمی دا زور یا گرنگە و فەرەنسا رژد بوو کو لسەر ھەڤکاری و پشتەڤانیا خوە بەردەوام بیت بو خەباتا رەوایا گەلێ کورد)
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 19ى تيرمه‌ها 2017ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1268 |
| 1 يۆرۆيێ ئه‌ورۆپى | 1455 |
| 1 ليرێ توركى | 359 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیۆز،زنار تۆڤی:
بالیۆزا ئەمریکا ل نەتەوێن ئێکگرتی راگەهاندیه،کو وەلاتێ وێ رێزێ ل خواستا گەلێ کوردستانێ بۆ سەربەخۆیێ دگریت.
نیکی هالی بالیۆزا ئەمریکا ل نەتەوێن ئێکگرتی د کۆمبوونەکێدا ل گەل “یان کۆبیچ”هنارتیێ تایبەت یێ سکرتێرێ گشتی یێ نەتەوێن ئێکگرتی ل عێراقێ، پرسا شەرێ دژی تیرۆریستێن داعش گفتوگۆکریە.
هەروەسا نیکی هالی دەربارەی سەربەخۆیا کوردستانێ راگەهاندیە کو ئەمریکا رێزێ ل خواست و دۆزا گەلێ کوردستانێ بۆ سەربەخۆیێ دگریت.
ب ئەگەرێ هندێ کو هێزێن پێشمەرگێ کوردستانێ بەشەکێ گرنگن ل هەڤپەیمانیا نێڤدەولەتی ل دژی داعشێ،بالیۆزی ئەمریکا ل نەتەوێن ئێکگرتی،بۆچوونا وێ ئەوە کو ریفراندۆم و سەربەخوەبوونا باشۆرێ کوردستانێ دێ بیتە ئەگەرێ دوورخستنا وان ژ کارێ وان یێ پێشەنگی کو ئەو ژی شەرێ ل دژی داعشە.
هەروەسا پێشتر چەندین جاران فەرماندێن سەربازی و بەرپرسێن بلند یێن ئەمریکا ب شێوەیەکێ راستەوخۆ و نە راستەوخۆ پشتگیریا خوە بۆ سەربەخۆیا کوردستانێ راگەهاندیە.
نيشاندان
