ئەڤرۆ نیوز ، رێبەر دەربوتکی:
قوربەشە گیاندارەکێ کیڤیە و ناڤێ ویێ زانستی meles meles ل دەشت و چیایا یێ ھەی ، رەنگێ پویتێ ئەڤێ گیاندارەی یێ رەش و سپییە و پیچەک تام قەھوەییە و دویلکێ وێ یێ قوتە ھەتا ھەشت سانتیمان دبیت و دەست و پێت وێ زور ب ھێزن و چەرمێ وی َ یێ ستور و مکومە ل وەرزێ زستانێ دا ئەڤ جورە گیاندارە یان قوربەشە (٤) ھەیڤا د جھێ خودا دنڤیت و بەزێ خو وەکی خارن بکارتینیتەڤە ، ھەروەکی مە ئاماژە پێدای کو ئەڤێ گیاندارە بو دەمەکێ درێژ خارنێ ب کار نائینیت لەوما ئەڤێ گیاندارە بەزێ خو بو ڤێ دەمێ درێژ ب کارتینتەڤە وەکی خارن ، چینەکێ ستویر دبن چەرمێ خودا چێدکەت ئەڤەش وەتکەت کو دلێ وێ و ئەندامێت لەشێ وێ ب تەمامی ھەتا وەرزێ بەھارێ کاربکەت و نەمریت.
ئەگەر ئەم بەرێ خو بدەینە ئەڤێ گیاندارەی دێبینین کو خەتێت رەش و سپی ل ستوکرا وێ ھەتاسەرێ دفنا وێ یێت ھەی و ب خەتەکا بەرفرە دھێتە دیتن ، ئەڤێ گیاندارە ل رەخێ پشتێڤە چەرمەکێ ستویر یێ ھەی و چەرمێ بن زک و تەنشتا یێ نەرمە و چاڤێت ڤێ گیاندارەی د ھویرن و نزیکی دەڤێ ونە و گوچکێت وێ د کورتن دەنگێ وێ یێ ب قیژیە ب گیاندارەکێ شەڤ گەروک دھێتە ناسین ، ئەڤێ گیاندارە مالاوێ شکەفت و کونە بەرێت عاسینە ھەرگاڤ مالاخو ب دوو تەبەق چێدکەت ،چونکی بومالاخو گەلەکێ پاکژە و پاشەرویێ خو ل دەرڤەی مالاخو کورکەکێ د کولیت و بن ئاخ دکەت ئانکو دنخێڤیت ،ھەروەتوڤ جورێت ئەڤان گیاندارا ب تایبەت رەگەزێ نێر و مێ زور کەیف ب ئێک و دو تێت .
خارنا قوربەشەی گوشتە وەکی گوشتێ بالندا و کرویشکا و سمورا و مریشکا و ھەروەتوڤ فیقیش د خون چیێ کویڤی یان خومالی بیت، ئەڤێ گیاندارە ٨ مانگا ئاڤزبوینە و ل نیسان و گولانێ ٢ھەتا٣ کێشکا تینیت و کێشک ب شرێ دایکا خو مەزن دبن ھەتا پیچ پیچە ب سەر پێیا دکەڤن پاشی ب خو خو بخودان دکەن .
ھەژی گوتنێیە کو ل کوردستانێ بگشتی و دەڤەرا بارزان ب تایبەتی ئەڤ جورە گیاندارە یێ بەربەلاڤە و ل رەخ ھەمێ گیاندارێت دی ئەڤ جورە گیاندارەش راڤکرنا وێ یا قەدەغەیە مەرەم ل قەدەغەکرنا وان جوانکرنا سروشت و ھەڤسەنگیا ژینگەیە .