ئه‌ڤرۆ نيوز:
رێڤەبەرێ ناحیا سنوونێ دیارکر پتر ژ 300 خێزانان ژ خانەسۆری و سنوونێ جارەکا دی ئاوارە بوون و مالێن خوە ھێلان و بەر مەزارگەھێ شەرفەدین و کۆمەلگەھا دوگری و مەزارگەھێ شێشمس ئاکنجی بوون و ھندەک خێزان ژی ھاتنە دھۆکێ.
نایف سەیدو، رێڤەبەرێ ناحیا سنوونی، بۆ ئەڤرۆ دیار کر نوکە رەوش یا ئارامە و بازارێ ھاتیە ڤەکرن و ھاتنوچوون ژی یا ھەی، لێ ھەر ترس د دلێ خەلکی دا ھەیە، لەورا پتر ژ 300 خێزانێن ڤەگەریاین دووبارە ژبەر ئالۆزیێن پەکەکێ مالێن خوە ھێلاینە و گۆت “گومان تێدا نینە خەلک دێ پتر ئاوارە بنەڤە و دێ قەستا کەمپان کەن ل دھۆکێ و ھەولێرێ”.
وەیسی نایف سەرۆکێ جڤاتا قەزا شنگال، دیار کر، ھژمارەکا خێزانان جارەکا دی ژ خانەسۆرێ دەرکەفتنە و قەستا چیایێ شنگالێ کریە و ل وێرێ ھاتینە ئاکنجیکرن و ھەتا پێنج خێزانان ژی دھۆکێ و ھەولێرێ کریە و گۆت “ئالۆزیێن پەکەکێ و گرۆپێن سەرڤە ل رۆژا 3ى ئادارا 2017ێ ل دەڤەرا خانەسۆری دروست کرین ترس بۆ وان وەلاتیان دروست بوویە، راستە شەڕ یێ ھاتیە راوەستاندن، لێ پەکەکێ و گرۆپێن سەر ڤە ترس بۆ وەلاتیان دروست کریە”.
جاره‌كا دى وه‌لاتيێن سنونێ ئاواره بوونه ڤه
نيشاندان
