ئهڤرۆ نیوز:
ل دووڤ میدیایێن توركیا دهمیرتاش شهڤا چوویى ب ههلیكوپتهرهكا سهربازى بۆ باكورێ رۆژئاڤا توركیا هاتیه ڤهگوهاستن و برینه زیندانا ئهدیرنه.
ڤیدیو: دهمێ ڤهگوهاستنا دهمیرتاش ب كوپتهرهكا سهربازى
نووترين نووچه
- سەرۆك بارزانی: ئازارێن هەڤپشك بنەمایێن هەڤبەندیێن كوردستانێ و كوێتێ نە
- نێچیرڤان بارزانی ل كۆنفرانسێ ئاسایشا میونشنێ زنجیرەكا كۆمبونێن دیپلۆماسی ل گەل سەرۆك و بەرپرسێن جیهانێ ئەنجام ددەت
- مەسرور بارزانی و بالیۆزێ ئەرمینیا دوپاتی ل پێشڤەبرنا هەڤبەندییان كر
- سەرۆكێ حوكمەتا هەرێمێ و بالیۆزێ گورجستانێ گوهۆڕینێن سووریێ گەنگەشەكرن
- پارتی و ئێكهتی ل دۆر پۆستێ سهرۆك كۆمارێ ئیراقێ و كابینەیا دههێ یا حوكمهتا ههرێما كوردستانێ كۆمبوون
- سەرۆك بارزانی: دخوازین ئاشتی و ئارامی ل سووریێ و رۆژئاڤایێ كوردستانێ بەرقەرار ببیت
- مالپەڕەكێ ئەمریكی باسێ كاریگەرییا سەرۆك بارزانی و نێچیرڤان بارزانی د پرسا رۆژئاڤایێ كوردستانێ دا دكەت
- جڤاتا وەزیرێن هەرێمێ: دەستكاریكرنا رێژەیا ئاكنجیێن هەرێمێ ژ ئالیێ بەغدایێ ڤە رەت دكەین
- مەسرور بارزانی دوپاتی ل زێدەتر پێشڤەبرنا هەڤبەندییان ل گەل كوێتێ كر
- بابەكر زێباری: مەترسییا دوبارە پەیدابوونا داعشێ ل سەر هەرێما كوردستانێ نینە
سهرهكى Facebook
كهجهده: دخوازين بارزانى ناڤهندگريێ بكهت
ئهڤرۆ نيوز:
لهيلا گۆڤهن ههڤسهرۆكا كهجهده د كۆنگرهكێ رۆژنامهڤانى ل باژێرێ ئامهد راگههاند كو بارزانى سهنگێ دبلۆماسى ل توركيا يێ ههى و داخواز دكهين ناڤهندگريێ ل دۆر وان كاودانێن نوكه ل توركيا هاتينه پێش بكهت.
ل دووماهيا حهفتيا بۆرى و د ههلمهتهكێ دا حوكمهتا توركيا سهركرده و ئهندامێن پارتيا ديموكراتا گهلان دهستهسهركرن و ههڤسهرۆك و ژمارهكا زۆرا ئهندامێن ههدهپێ دهستهسهركرن.
پێشتر سهرۆكاتيا ههرێما كوردستانێ د راگههاندنهكێ دا دلتهنگيا خوه ل بهرامبهر دهستهسهركرنا ههڤسهرۆكێن ههدهپێ دياركر و راگههاند كو مهترسيا وێ چهندێ يا ههى كو كريارێن ژڤى رهنگى كاودان و كێشان كوورتر لێ بكهن.
ژ شهش لايان ڤه مووسل هاتيه دوورپێچكرن
ئهڤرۆ نيوز:
هێزێن عيراقێ بۆ كونترۆلكرنا مووسل د پێشڤهچوونێ دانه و ژ شهش لايان ڤه دوورپێچكرن باژێرى دايه.
ب گۆرهى ژێدهرێن ئهمنى يێن عيراقى ژ شهش لايان ڤه دوورپێچا باژێرێ مووسل دايه و ههموو هێزێن عيراقى د پشكدارن د وى شهرى دا.
ههر ب گۆرهى ژێدهرێن ئهمنى نوكه لهشكرێ عيراقى يێ شهرى ل باشوورێ رۆژههلاتێ مووسل دكهت و ههكه ئهو تاخ يێ بناڤێ “انتصار” كهفت، مووسل دێ ژ روويێ لهشكرى ڤه كهڤيت چونكو ئهو تاخهكێ ستراتيژى يه بۆ كونترۆلكرنا مووسل.
توركيا هێزێن خوه ژ باشيك ڤهكێشان
ئهڤرۆ نيوز:
ميدايێن ئيرانى بهلاڤكر كو ئهو هێزێن سۆپايێ توركيا ل لهشكرگهها خوه ل نێزيك باشيك بنهجهـ كرين، ئهڤرۆ دهست ب ڤهكێشانێ كر.
كهنالێ “پرێس” يێ ئيرانى كو وهشانا خوه ب زمانێ ئنگليزى دكهت، ژ ژێدهرهكێ لهشكرى يێ عيراقى زانيه كو ئهو هێزێن سۆپايێ توركيا ل لهشكرگهها باشيكێ دهست ب ڤهكێشانێ كرينه و چووينه جههكێ دى، بهلێ ناڤێ وى جهى نههاتيه ئاشكهراكرن.
ئهڤ ڤهكێشانا سۆپايێ توركيا پشتى دو رۆژان ژ گۆتنێن ئاخفتنكهرێ ب ناڤێ حوكمهتا توركيا “نهعمان كورتولمش” هات دهما ئاشكهرا كرى كو هێزێن وان دێ خوه ژ لهشكرگهها باشيك بۆ دهڤهرهكا دى ڤهكێشن و گۆت: “ئهڤ ڤهكێشانه ب بڕيارهكا توركيايه و پهيوهندى ب رێنما و بڕيارێن چو لايهنهكى ڤه نينه”.
ئهڤ نوچه هێشتا ژ لايێ بهرپرسێن لهشكرى يێن توركيا نههاتيه پشت راستكرن و ئهوى ژێدهرى ئاخفتن بۆ كهنالێ ئيرانى كرى ناڤێ خوه ئاشكهرا نهكريه و ب تنێ گۆتيه كو ژێدهرهكى ژ ناڤ ئهوان هێزێن پشكدارى د كونترۆلكرنا مووسل داكرين.
رهوشا سهقايێ سوبههى
ئهڤرۆ نيوز:
رێڤهبهريا كهشناسى و بيڤهلهرزێ ل هەرێما کوردستانێ راگههاند كو سوبههى رۆژا ئێكشهمبى رێكهفتى 6ى چريا دويێ 2016ێ ئهسمان دێ د ناڤبهرا ساهى و هندهك ئهورێن كێم دا بيت.
پشكا پێشبينيان ل رێڤهبهريا گشتيا كهشناسى و بيڤهلهرزێ ل ههرێما كوردستانێ د نڤيسارهكێ دا كو دانهك بۆ ئهڤرۆ نيوز رهوانه كرينه راگههاند كو ژ ئهنجامێ هاتنا فشارێن بلندێن رۆژههلاتێ توركيا بۆ سهر ههرێما كوردستانێ دهێته پێشبينيكرن ئهسمان د ناڤبهرا ساهى و هندهك ئهورێن كێم دا بيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب رهنگهكى د ناڤبهرا 10 ههتا 20كم دا و ماوێ ديتنێ ژى دێ 10كم بيت، پلێن گهرمێ ژى دێ د ناڤبهرا 7 بۆ 22 پلان دا بن.
نێچيرڤان بارزانى پهيامهك بهلاڤكر
ئهڤرۆ نيوز:
دهربارهى دهستهسهركرنا ههڤسهرۆكێ ههدهپێ ژ لايێ حهكمهتا توركيا، نێچيرڤان بارزانى سهرۆكێ حوكمهتا ههرێما كوردستانێ د پهيامهكێ دا دلتهنگيا خوه دهربڕى و راگههاند كو دهستهسهركرنا ههڤسهرۆكێن ههدهپێ دلتهنگ كرين و د وێ باوهرێ داينه كو ئهو دێ كاودانێن توركيا تووشى ئالۆزيێ كهت.
د پهيامان نێچيرڤان بارزانى دا هاتيه: “داخواز دكهن ههڤسهرۆك و پهرلهمانتارێن HDPێ بهێنه ئازادكرن و ب رهنگهكێ ئارام سهرهدهرى ل گهل ڤى كاودانى بهێته كرن و رێز ل ئيرادا ئهوان دهنگدهرێن توركيا بهێته گرتن يێن ئهو ههلبژارتين”.
دهقێ پهيانا نێچيرڤان بارزانى سهرۆكێ حوكمهتا ههرێما كوردستانێ:
دەستگیرکردنی ھاوسەرۆکانی پارتی دیموکراتی گەلان HDP و ژمارەیەک لە پەرلەمانتارانی ئەو پارتە یاساییەی تورکیا، نیگەرانی کردین. لەوباوەڕەداین کە ئەوە بارودۆخی تورکیا تووشی ئاڵۆزی دەکات، بۆیەش داوا دەکەین ھاوسەرۆک و پەرلەمانتارانی HDP ئازاد بکرێن و بە شێوەیەکی ھێمن مامەڵە لەگەڵ بارودۆخەکەدا بکرێت و ڕێز لە ئیرادەی ئەو دەنگدەرانەی تورکیا بگیرێت کە ئەوانیان ھەڵبژاردووە. ھەروەھا داوا لە HDPەیش دەکەین وەک پارتێکی یاسایی لە تورکیا، لە چوارچێوەی یاساکانی تورکیادا ھەڵسوکەوت بکات.
لە ھەمان کاتدا تەقینەوەکەی دیاربەکر پرۆتەستۆ دەکەین کە بووە ھۆی گیانلەدەستدانی ژمارەیەک خەڵکی سڤیل و پۆلیس. داوا دەکەین لەپێناو بەرژەوەندیی ھەموو لایەکدا، دەست بە پرۆسەیەکی مەدەنی و ئاشتیانە لەپێناو چارەسەرییەکی ڕاستەقینەدا، بکرێتەوە.
نێچیرڤان بارزانی
سەرۆک وەزیرانی ھەرێمی کوردستان
5/11/2015
ڤيديۆ: دهميرتاش بۆ زيندانێ هاته ڤهگوهاستن
ئهڤرۆ نيوز:
سهلاحهدين دهميرتاش ههڤسهرۆكێ پارتيا گشتيا ديموكارتا گهلان “ههدهپه” شهڤا بۆرى ب ههليكۆپتهرێ ڤهگوهاسته زيندانا ئهدرنه، پشتى دادگهها ئامهدێ بڕيارا دهستهسهركرنا وى دهركرى.
ب گۆرهى ئاژانسا دۆغان يا توركى، شهڤا بۆرى سهلاحهدين دهميرتاش و فيگهن يوكسهكداغ ههڤسهرۆكێن گشتى يێن ههدهپێ ل گهل گۆلسهر يلدرم پهرلهمانتارا ههدهپێ ب فرۆكێ ژ فرۆكخانا باژێرێ ئامهدێ بۆ فرۆكخانا جهنگيز تۆپالى ل دهڤهرا كارتهپه ل پارێزگهها كهوجائهلى هاتنه ڤهگوهاستن و ژ وێرێ سهلاحهدين دهميرتاش ب ههليكوپتهرا پۆليسى بۆ زيندانا ئهدرنه هاته ڤهگوهاستن.
ههر ديسان فيگهن يهكسهكداغ ل بن رێكارێن ئهمنى يێن دژوار دا ڤهگوهاسته زيندانا كانديرا ل دهڤهرا كوجائهلى.
داعش بهرپرساتيا خوه ژ تهقينا ئامهد راگههاند
ئهڤرۆ نيوز:
ئاژانسا ئهعماق يا سهر ب رێكخراوا داعش بهلاڤكر كو ئهوێ رێكخراوێ بهرپرساتيا خوه ژ تهقينا باژێرێ ئامهد يا باكوورێ كوردستانێ راگههاند كو د رێيا ترۆمبێلهكا مينرێژكرى دا ئهنجام دا بوو. ههر وهكو رۆيترز بهلاڤكرى.
رۆژا ئهينى تهقينهكا مهزن ل بهر دهرگههێ بنگهههكێ پۆليسان ل دهڤهرا رهزيك”باغلار” يا باژێرێ ئامهد يێ باكوورێ كوردستانێ روودايه و ب گۆرهى گۆتنێن بينالى يلدرم يێ سهرۆك وهزيرێن توركيا ژ ئهگهرێ ڤێ تهقينێ ههشت كهسان گيانێ خوه ژ دهست دايه و 100 كهس ژى بريندار بووينه.
د كۆنگرهكێ رۆژنامهڤانى دا كو پشتى تهقينێ هاته ئهنجامدان، يلدرم گۆمان كره سهر پارتيا كرێكارێن كوردستانێ “پهكهكه” كو ئهوێ ئهڤ تهقينه ئهنجام دايه. ب گۆرهى نووچێ رۆيترز.
ڤيديو: وهزارهتا بهرهڤانيا عيراقێ دهست ب سهر مهزنترين ئاميرێ كولانا تونێلان دا گرت
رهوشا ناڤ باژیرێ مووسل
ئهڤرۆنیوز، كاروان باعهدرى:
پشتى ئۆپهراسیۆنا رزگاركرنا مووسلێ هاتیه دهست پێكرن نها ژمارهیهكا مهزن ژ رووبهرێ وى باژێرى هاتیه رزگاركرن.
ژێدهرهكى كو نه خواست ناڤێ خۆ ئاشكهرا كهت بۆ ئهڤرۆ نیوز گۆت:”نها گرۆپێن نه نیاس ل ناڤ سهنتهرێ باژێرێ مووسل سهرههلداینه و چهكدارێن داعشێ دكوژن و ئێرشى ناڤ پێگههێ وان دكهن و ههموو كهلوپهل و چهكێن وان ژناڤ دبهن “.
هێشتا گۆتژى:” چهكدارێن داعشێ دناڤ باژێرێ مووسل دا ههموو چهكدارێن خۆ ئیخستینه د ئامادهباشیێ دا و چهندین چهكدارێن وان هاتنه كوشتن ژ لایێ ڤان گرۆپان . و خهلكێ سڤیل ژى ب كار دئینت بۆ ئێرشان ل دژى وان هیزَین پشكدار د ئۆپهراسیۆنا رزگاركرنا مووسلێ دا “.
دهێته زانین ل 17 ههیڤا بۆرى ئۆپهراسیۆنا رزگاركرنا مووسلێ دهست پێكریه و چهندین جهـ هاتینه رزگاركرن ژ لایێ هیزَین پشكدار د ئۆپهراسیۆنا رزگاركـرنا مووسلێ دا .
نيشاندان
WP Facebook Auto Publish Powered By : XYZScripts.com