ئه‌ڤرۆ نيوز:
نه‌به‌ز ئیسماعیل رێڤه‌به‌رێ راگه‌هاندنا وه‌زاره‌تا ئه‌وقاف و كاروبارێن ئاینى راگه‌هاند ، ئه‌ڤرۆ ناڤێن وان كه‌سان هاتنه به‌لاڤكرن كو ناڤێ خوه بۆ فه‌ریزا حه‌جێ نڤێسین.
ئه‌و چه‌نده ژى ئاشكراكر كو 86 هزار و 418 كه‌سان ل پارێزگه‌هێن هه‌رێمێ ناڤێ خوه توماركرینه بۆ ئه‌نجامدانا فه‌ریزا حه‌جێ كو ب تیروپشك ناڤێن وان هاتنه ئاشكراكرن
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا دوشەمبی رێکەفتی 13ی شوباتا 2017ێ ئه‌سمان دێ ژ ئه‌وره‌كێ ناڤه‌ندى بۆ ئه‌وره‌كێ ته‌مام هێته گوهۆڕين و ل ده‌ڤه‌رێن بلند دێ بارانه‌كا كێم و هوور باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ کارتێکرنا فشارێن نزمێن ده‌ريا سۆر دھێتە پێشبینیکرن ئەسمان ژ ئه‌وره‌كێ ناڤه‌ندى بۆ ئه‌وره‌كێ ته‌مام هێته گوهۆڕين و ل ده‌ڤه‌رێن بلند دێ بارانه‌كا كێم و هوور باريت.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 10 ھەتا 20کم دا و ماوێ دیتنێ ژی دێ د ناڤبه‌را 9 بۆ 9کم دا بیت، پلێن گەرمێ ژی دێ د ناڤبەرا 5 بۆ 10 پلان دا بن.
رێڤەبەریا گشتیا کەشناسی و بیڤەلەرزێ ل ھەرێما کوردستانێ پێشبينيا وێ چه‌ندێ ژى دكه‌ت كو ل ده‌ڤه‌رێن باشوورێ هه‌رێمێ ئه‌گه‌رێن بلندبوونا تۆزێ يێن هه‌ين. ل هنده‌ك ده‌ڤه‌ران ب رێژا 2 بۆ 4 پله دێ سار بيت.
ئه‌ڤرۆ نيوز:
رێڤەبەرێ ناحیا رۆڤیا بۆ روژناما ئەڤرۆ دیار کر کو رێکا سەرەکیا رۆڤیا بۆ “چەمە” دچیت بۆ ھەولێرا پایتەخت ب درێژاھیا سێ کیلومەتران ھاتیە دروستکرن.
قاسم عەبدولسەمەد رێڤەبەرێ ناحیا رۆڤیا دیار کر کو ئەڤ رێکە بۆ رۆڤیا 30 خولەکن و گرنگترین رێکە بۆ شوفێران و وەلاتیان، چونکو ژ مەترسیا روودانێن ھاتنوچوونێ یێن رێکا بەردەرەش بۆ کەلەک دووماھی ھاتن.
ژلایێ دی ڤە راگەھاندنا ھاتنوچوونا قەزا بەردەرەش بۆ روژناما ئەڤرۆ دیار کر کو ل ئەینیا بۆری 18/2 عەمید فەخری ئەحمەد رێڤەبەرێ ھاتنوچوونا پارێزگەھا دھۆک دگەل رائید نزار رەمەزان بەرپرسێ پشکا ھاتنوچوونا بەردەرەش سەرەدانا رێکا رۆڤیا بۆ چەمە بۆ ھەولێرا پایتەخت کر و بریار دا کو ل نێزیک ھەموو ھێمایێن ھاتنوچوونێ بۆ ڤێ رێکێ بھێنە دانان و ل دووڤ شێوازەکێ مودێرن، دا شوفێر تووشی چ ئاستەنگان نەبن، ب تایبەتی روودانێن ھاتنوچوونێ.
ھەژی گۆتنێ یە ئەڤ رێکە ب تنێ ترۆمبێلێن بچووک دێ لێ ھاتنوچوونێ کەن بۆ ترۆمبێلێن بارھەلگر قەدەغەیە و ھەر شوفێرەکێ بارھەلگر ھاتنوچوونێ پێشَیلیێ بکەت، دێ ل دووڤ رێنما و بریارێن ھاتنوچوونێ ھێتە سزادان.
ئەڤرۆ نیوز، کاروان باعەدری:
ئەڤرۆ ب ئامادەبوونا جەعفەر ئێمێنیکی جێگرێ سەرۆکێ پەرلەمانێ کوردستانێ، و فەرهاد ئەتروشی و چەندین ئەندامێن پەرلەمانێن کوردستانێ و ئەندامێن سەرکرداتێن پارتێن سیاسی و کەسانێن ئەکادیمی و سەربازی و ئیداری ل بنگەهێ لالش یێ رەوشەنبیری و جڤاکی دیدارا لالش ل ژێر دروشمێ “ئێزدی و پرۆژێ دەولەتبوونا کوردستانێ ” هاتە سازکرن.
د ڤێ دیدارێ دا پرسێن گرنگ دەربارەی ئێزدیان ژ لایێ جەعفەر ئێمینکی و فەرهاد ئەتروشی و موئەیەد تەیب و کەریم سلێمان ڤە هاتنە شرۆڤەکرن .
ئه‌ڤرۆ نیوز:
نه‌به‌ز ئیسماعیل رێڤه‌به‌رێ راگه‌هاندنا وه‌زاره‌تا ئه‌وقاف و كاروبارێن ئاینى راگه‌هاند ، سوبه دێ ناڤێن وان كه‌سان هێنه به‌لاڤكرن كو ناڤێ خوه بۆ فه‌ریزا حه‌جێ نڤێسین.
ئه‌و چه‌نده ژى ئاشكراكر كو 86 هزار و 418 كه‌سان ل پارێزگه‌هێن هه‌رێمێ ناڤێ خوه توماركرینه بۆ ئه‌نجامدانا فه‌ریزا حه‌جێ كو دێ ب تیروپشك ناڤێن وان هێنه ئاشكراكرن
ئه‌ڤرۆ نیوز:
د رۆژه‌كا وه‌ك ئه‌ڤرۆ دا ل سالا 1990ێ نێلسۆن ماندێلا سه‌ركرده‌یێ ئه‌فریقیا باشۆر پشتی بیست و حه‌فت سال د زیندانێ دا بۆراندی هاته ئازادكرن.
ماندێلا ل دژی ره‌گه‌زپه‌رێسییا سپیپیستان وداگیركاران ل وه‌لاتێ وی و ل دژی گه‌لێ وی دكر، شوره‌شه‌ك كر، پشتی ئازادییا خوه و ل سالا 1994 هه‌تا 1999ێ سه‌رۆكێ ئه‌فریقیا باشۆر بوو و ل سالا 2013ێ وه‌غه‌را داویێ كر و شۆره‌شا وی بۆگه‌له‌ك شۆره‌شان ل سه‌رانسه‌ری جیهانێ ببوو نموونه.
ناڤهاتی پشته‌ڤانییا خوه بۆ مافێن گه‌لێ كورد دیاركربوو.
ئه‌ڤرۆ نیوز:
وه‌لاتێ بولگاریا بریار دا پشته‌ڤانییا هێزێن پێشمه‌رگه‌یێ كوردستانێ بكه‌ت و مه‌شقدانێن تایبه‌ت پێ بكه‌ت.
ل گۆری رێككه‌فتنه‌كا نوو د ناڤبه‌را وه‌زاره‌تا پێشمه‌رگه و نوونه‌راتییا بولگاریا ل ئیراق و هه‌رێما كوردستانێ دا، بولگارییا دێ مه‌شقێ ب هێزێن پێشمه‌رگه‌ی كه‌ت ل دۆر راكرنا مین و ته‌قه‌مه‌نییان و برێیێن نوو و پێشكه‌فتی.
ژیان یا بێ گرفت و ئاریشه نینه، د ناڤ ژیانێ ژی دا سیاسه‌ت نه د بێ گرفت و ئاریشه‌نه، له‌ورا ئاریشه پشكه‌كا ژیانێ یه، فه‌لسه‌فه‌یا هه‌می ئۆل و گرۆپێن هزری و سیاسی و چڤاكی ژى ب درێژاهیا دیرۆكێ هه‌ولدانه پێخه‌مه‌ت كێمكرن و چاره‌سه‌ركرنا ئاریشان، لێ ئاریشه هه‌ر دمینێت و هه‌ول و خه‌باتا وێ ژى هه‌ر دمینێت. سیاسه‌ت مینا ژیانێ ئاریشه‌یێن خوه هه‌نه، چونكی د كورتترین ناساندنا وێ دا سیاسه‌ت واته: بڕێڤه‌برنا وه‌لات و ڕێخستنا په‌یوه‌ندیانه د ناڤبه‌را وه‌لاتیان و حوكمه‌تێ دا، كو تژیه ژ ڕامان و بیروڕایێن جودا. ل كوردستانێ ئاریشه‌یا سیاسی پشكه‌كا ژیانێ سیاسی یه، چونكو هزرێن سیاسی یێن جودا، ئایدیۆلۆژیایێن جودا بوونه‌كا سیاسییه ل كوردستانێ و ڕه‌نگه‌كه د كه‌ڤاڵێ سیاسی دا، كه‌ڤاله‌ك د ئه‌رێنى دا ئه‌م دشێین بێژین: دیمۆكراسی و د نه‌رێنی دا ئه‌م دشێین بێژین: ئاریشه‌یێن دیمۆكراسی و سیاسی، بوویه ده‌سپێك پێدڤیه ئه‌م شانازیێ ب كه‌ڤالێن پڕڕه‌نگێ سیاسی بكه‌ین و پشتی ڤێ شانازیێ ژی ئه‌ركه ل سه‌ر شانێ مه هه‌میان ئه‌م خه‌باتێ بكه‌ین ل پێناڤى چاره‌سه‌ریا ئاریشه‌یێن سیاسى. بۆ چاره‌سه‌ریا ئاریشه‌یێن سیاسی ڕۆلی حزبێن سیاسی گرنگه و ئه‌م دشێین بێژین ڕۆله‌كا بنیاتی یه، چما؟ چونكی حزبێن سیاسی سه‌رچاوه‌یێ بڕیارا سیاسی یه، تایبه‌ت د جڤاكێ كوردی دا، كه تا هه‌نووكه ژی حزب بڕیارده‌ره، حزب ئاراسته‌یێن سیاسی دیاردكه‌ت، حزب نه‌خشه‌یێ حوكمه‌ت و په‌رله‌مانى دنه‌خشێنیت. ئه‌م ل باشوورێ كوردستانێدا د ناڤ كۆمه‌كا ئاریشه‌یێن سیاسی دژین، هه‌نووكه ئاخافتنێ دروست ئه‌ڤه، ئه‌م به‌حسێ ئاریشه‌یێن دوهی نه‌كه‌ین، به‌لكی به‌حسێ چاره‌سه‌رییان بكه‌ین بۆ سوبه‌هی، ب ڕامانه‌كا دی پێدڤیه ئه‌م هه‌می شیانێن خوه بكاربینین بۆ ده‌ربازبوون ل دوهی و گه‌هشتن ب سوبه‌هی، سوبه‌هی واته چاره‌سه‌ر، سوبه هى واته لێكنزیككرنا جوداهیێن سیاسی، سوبه‌هی واته لێكتێگه‌هشتنێن حزبان ل سه‌ر ناكۆكیێن حزبی. بۆچوونا من ئه‌ڤه: د كوردستانێ دا دو میتۆدێن سیاسی هه‌نه، میتۆدێ ئێكێ میتۆدێ چاره‌سه‌ریێ یه، میتۆدی دوویی مێتۆدێ چێكرنا ئاریشانه، نموونه گه‌له‌ك ل به‌ر ده‌ستێ مه هه‌نه، ته‌ڤگه‌را گۆڕان ئێك ژ ڤان حزبانه كو خودان میتۆدا چێكرنا ئاریشانه و هه‌ر و هه‌ر د ناڤ ئاریشان دا سیاسه‌تێ دكه‌ت و مفای ژ ئاریشێن سیاسی وه‌ردگریت و خوه پێ ده‌وله‌مه‌ند دكه‌ت، كو ب ره‌ئیا من نه بۆ خوه و نه بۆ كوردستانێ، ژ بلی زیان و زه‌ره‌ران چ قازانج تێدا نینه!!..بۆ میتۆدێ دوویێ ژى، میتۆدا چاره‌سه‌ریا سیاسی نموونا خوه هه‌یه و ئه‌م دشێین ئێكگرتوویا ئیسلامی ب نموونه بهێنینه‌وه، كو ل ناڤ هه‌می ئاریشه‌یێن سیاسی ل دووڤ چاره‌سه‌ریێن سیاسی دگه‌ڕێت و هه‌لوێستا وان، تایبه‌ت ل پرسا په‌رله‌مان و كاراكرنا په‌رله‌مانێ دا زۆر ڕۆن و ئاشكرا و خودان خه‌مخۆریه، خه‌مۆریه‌كا سیاسی كو ل هه‌ژى پێزانین و ڕێزگرتنێ یه و هه‌می ئه‌ڤ سیاسی و ڕۆژنامه‌ڤان ژی كو ڕه‌خنێ ل ئێكگرتوویا ئیسلامی یا كوردستان دگرن، یان دژی چاره‌سه‌را سیاسی كار دكه‌ن، یانژی ل سیاسه‌تێ نزانن و نه‌خینده‌وارێن سیاسین…!! دووماهی په‌یڤ ئه‌ڤه‌یه: كوردستان یا ب هێزه و دشێت ب سه‌ر لاوازیێن خوه بسه‌ركه‌فیت. كوردستان ره‌نگێ دیمۆكراسیێ پتره و دشێت ڕه‌نگێت نه دیمۆكراسیێن خوه ژی بگۆهۆڕێت بۆ دیمۆكراسیێ، كوردستان ئاریشه‌یێن سیاسی هه‌یه، لێ دشێت ب حیكمه‌ت و لێزانینا خوه و ب هه‌ولێن دلسۆزێن كوردستانێ ب گیانی پێشمه‌رگانه ڤان هه‌می ئاریشان چاره‌سه‌ر بكه‌ت و ده‌رگه‌هى بۆ سوبه‌هی ڤه‌كه‌ت..!!!.
وەزارەتا دارایی و ئابوری خشتەكێ نوو یێ دابەشکرنا موچەی راگەهاند و ب ڤی رەنگی یە:
رۆژێن دووشەمبی و سێشەمبی ١٣ و ١٤ێ شوباتێ موچەیێ خانەنشینا پێشمەرگەی تێ دابەشکرن.
رۆژێن چارشەمبی و پێنجشەمبی ١٥ و ١٦ێ شوباتێ موچەیێ خانەنشینا شارستانی تێ دابەشکرن.
هەروەسا د راگەهاندنا وەزارەتا دارایی دا موچەیێ مەها ١٢ێ یێ سالا ٢٠١٦ێ یا هەمی وەزارەتان بەلاڤکر و بڤێ رەنگی:
١-ڕۆژا ئێکەشەمبی ١٩/٢/٢٠١٧، مووچەیێ دیوانا وەزارەتا پێشمەرگە و لیوایان تێ دابەش کرن.
٢-ڕۆژا دوو شەمبی ٢٠/٢/٢٠١٧، مووچەی یەکەیێن (٨٠ و ٧٠) یێن وەزارەتا پێشمەرگە تێ دابەشکرن .
٣-ڕۆژا سێ شەمبیێ ٢١/٢/٢٠١٧، مووچەیێ فەرماندەیا پێشمەرگەی زێرەڤانی و فەرماندەیا پۆلیسیێن بەرگری و لهاوارهاتن تێ دابەش کرن. ٤- ڕۆژا چار شەمبی ٢٢/٢/٢٠١٧، ئەنجومەنێ ئاسایش و دەزگەهێ گشتی یێ ئاسایش تێ دابەشکرن.
٥- ڕۆژا پێنجشەمبی ٢٣/٢/٢٠١٧، وەزارەتا پەروەردە و وەزارەتا دارایی و ئابووری تێ دابەشکرن.
٦- ڕۆژا یەک شەمبی ٢٦/٢/٢٠١٧، موچەیێ وەزارەتا نافخۆ – وەزارەتا خاندنا بلند و ڤەکولینێن زانستی – وەزارەتا پلان دانان – وەزارەتا سامانە سروشتی، تێ دابەشکرن.
٧- ڕۆژا دوو شەمبی ٢٧/٢/٢٠١٧، مووچەیێن وەزارەتا تەندروستی – وەزارەتا ئاڤەدانکرن و ئاکنجیبوونێ، وەزارەتا ڤەگوهازتن و گەهاندنێ – وەزارەتا کارەبا – وەزارەتا پیشەسازی و بازرگانی – دیوانا چاڤدێریا دارایی – دەستەیا مافێن مرۆڤی و دەڤەرێن کوردستانیێن دەرڤەیێ ئیدارەیا ھەرێمێ – دەستەیا ژینگە – دەستەیا وەبەرھێنانێ – دەزگەهێ مینان – دەستەیا دەسپاکی – کۆمسیۆنا بلندا ھەڵبژاردنێن کوردستانێ تێ دابەشکرن.
٨- ڕۆژا سێ شەمبیێ ٢٨/٢/٢٠١٧، مووچەیێ ، وەزارەتا باژێرڤانی و گەشت و گوزار – وەزارەتا ئەوقاف و کاروبارێ ئاینی – وەزارەتا چاندنێ و ژێدەرێن ئاڤێ – وەزارەتا ڕۆشنبیری و لاوان – وەزارەتا داد – مووچەیێ فەرمانبەرێن وەزارەتا شەھیدان و ئەنفالکریان – مووچەیێ فەرمانبەرێن وەزارەتا کار و کاروبارێ کۆمەڵایەتی -ئەنجومەنێ دادوەری – سەرۆکایەتیا ھەرێمێ – سەرۆکایەتی یا پەرلەمانی – سەرۆکایەتیا ئەنجومەنێ وەزیران ، تێ دابەشکرن.
ھەروەھا ڕۆژا چار شەممە ١/٣/٢٠١٧، مووچەی کەسوکارێن شەھیدان و ئەنفالکریان و زیندانیێن سیاسی تێ دابەشکرن.
ڕۆژی پێنج شەمبیێ ژى ٢/٣/٢٠١٧، مووچەیێ (کێم ئەندامان) یێن سەر ب وەزارەتا کار و کاروبارێ کۆمەڵایەتی تێ دابەشکرن .
نيشاندان