ئەڤرۆ نیوز ، ھلۆری:
ھونەرمەندا کچ ھانی نووترین کلیپا خوە ب ناڤێ میراج بەلاڤکر کو بەحس ل ژیانا زاروکینیێ دکەت پشتی کو توشی چەندین ئالوزی و شەران دبیت د ئەنجام دا دناڤا ئەوان شەر و ئالوزیان د اژیانا خوە دەبتن سەری.
دڤی واریدا ھانی دیارکر کو کلیپ بناڤێ میراجە و ژلایێ ئاڤا برادوستی ھاتیە تومارکرن و گۆت: ( سارا ھوزێل و جەنکی جەلال و رەوان عەدنان و ھەرێم سەلاح کارتێدا کریە)
ئەڤرۆ، سالار دۆسکی:
ئەڤرۆ دێ نڤسینگەھا کومپانیا دانا ڤیزا تورکی ل دھوکێ دەست ب کارێن خوە کەت ودێ ڤیزێ دەتە خەلکێ پارێزگەھێ و بتنێ چەند رۆژان دێ گیرۆبیت و ئێدی پێدڤی ناکەت خەلک بچیتە ھەولێرێ.
ھالیس عەلی چەقماق رێڤەبەرێ ئوفیسا دھوک یا کومپانیا دانا ڤیزا تورکی بۆ ئەڤرۆ نیوز گۆت: (بەری سالەکێ وەزارەتا نافخو یا وەلاتێ تورکیا داخاز کریە کو نڤسینگەھا دھۆک یا کومپانیا دانا ڤیزا تورکی ل پارێزگەھا دھۆک بھێتە ڤەکرن، کومپانیا مە وەک ئالیەکێ باوەرپێکری یە و فەرمی یە ژ لایێ وەزارەتا نافخوە یا تورکی یا بۆ دانا ڤیزێ و ل پارێزگەھێن سلێمانی و ھەولێر و بەغدا ژی ھەمان نڤسینگەە ھە ھەنە و دیسا ل سەرانسەری وەلاتێن جیھانێ ئەم دکارین و مەزنترین کومپانی ل جیھانێ دھێنە ھەژمارت)
. ھالیسی گۆتژی: (ل دەسپێکێ دێ حەفت و پێنچ کەسان رۆژێ ڤیزێ دەینێ و رۆژ بۆ رۆژێ ھەتا دگەھیتە ٧٠٠ کەسان د روژەکێ دا ، بھایێ دانا پیزێ یێ ستاندار ل سەرانسەری عیراقێ و بتنێ ٥٠$ و دیسا مە سیستەمێ تایبەت ھەیە ئەو ب ١٢٥ $ نە و ئەو کەسێ سەفرێ بکەت ھەر تشتەکێ گرێدایی ب مامەلێ ڤە ئەم ل ڤێرە دێ بۆ چێ کەین و ڤیزە دێ ھێنە رەوانەکرن بۆ قونسلخانێ ھەولێرێ و سێ ھەتا رۆژان دێ گیرۆبیت و ھەر کەسەکێ سەردانا مە بکەت بۆ وەرگرتنا ڤیزێ ئێدی سەردانا ھەولێرێ ناکەت، بتنێ ئەگەر کەسەکی ھندەک کێماسی دبەلگەنامێن وی دا ھەبیت دێ قونسلخانە داخاز کەت بینت. ئەو ژی گۆت: دەم دێ نەھی سپێدێ دەست پێ کەت ھەتا شەش ئێڤاری دێ بەردەوام بیت و دێ رۆژێن شەمبی ژی دەوام ھەبیت و پێنچ رۆژان دێ پەیوەندی ڤەکری بن بۆ وەرگرتنا سرایێ و ئەگەر مە دیت گەلەک خواستن ل سەر ڤیزێ ھەیە ئەم دێ شێن دەمژمێرێن کاری زێدە بکەین)
خویاکر ژی کو ژڤانە تایەکێ قونسلخانا تورکیا ل پارێزگەھا دھۆک بھێتەڤەکرن و ئەگەر ھات ئەو تا ھاتەڤەکرن دێ بتنێ دو رۆژان ڤیزە گیرۆبیت و دێ ڤیزە ھێتەدان. ئەو ژی گۆت: مە چ پشک و کەسەک ل دەرڤەی ئوفیسێ نینە کو مامەلا ژ خەلکی وەربگرن و پارەکێ زێدە ژ خەلکی وەربگرن و ھەر خەلکێ بڤێت بلا پەیوەندیێ بکەت و سرایێ بخوە وەربگریت و سەردانا مە بکەت و ھەر تشتەگێ گرێدایی ب دانا ڤیزێ مە ل ئوفیسێ ھەیە و کەسکێ ژ دەرڤە سەر ب مە ڤە نینە و بلا ھێشتا ل دەسپێکێ خەلک سەردانەچیت و ھەتا گرتنا وێنان و فوتوکوپیێ ژی مە ھەیە ھێشتا گۆت: نڤسینگەھا مە ئەڤرۆ ١٠/٧/٢٠١٧ ل پارێزگەھا دھۆک کو دکەڤیتە زەری لاند بەرامبەر خوارنگەھا ئاکرێ دێ ھاتەڤەکرن و ستافێ وێ ھەموو خەلکێ پارێزگەھا دھۆکێ نە کو ٦٠ کەسن و ئەو بخو دێ خزمەتا خەلکێ خوە کەن)
ناڤبری ئەو ژی گۆت: (حوکمەتا تورکیا تایبەتمەندیەکا مەزن دەتە ڤێ دەڤەرێ و وەزارەتا نافخو یا تورکیا فەرمان دایە کو ئوفیسا ڤێ کومپانیێ ل پارێزگەھا دھۆک بھێتەدانان، دیسا خەلک دێ ب رێکا پەیوەندیێ بخوە سرایێ وەرگریت و ل دووڤ سرا خوە دێ ھێت ئوفیسێ و ماوێ دەمژمێرەکێ دا دێ کارێن خوە ب دووماھی ئینت و ئەڤە حوکمەتا تورکیا کریە بۆ خاترا خەلکێ ڤێ پارێزگەھێ و دیسا ئەڤ چەندە ژی ھات بۆ خاترا ئارامی و تەناھی یا دەڤەرێ(
د درێژاھیا ئاخفتنێن خودا گۆت ژی: (خەلکێ دەڤەرێ ئەوێن زانکو بدووماھی ئینای و گەلەک ئەزمان زانیت و ھەتا نوکە بێ کاربوویە مە داینە کاری و پشتی مە پشکداری چەند خولان ژی کری، ھەتا نوکە مە نێزیکی شێت کارمەندان ھەیە و ئەو بخو دێ خزمەتا خەلکێ خوە و دەڤەرا خوە کەن و ئەڤێ کومپانیێ تایێن خوە پتریا وەلاتێن دونیایێ ھەنە و ئەم مەزنترین و پێشکەفتیترین کومپانی نە ل سەر ئاستێ وەلاتێن جیھانێ. زور سوپاس بۆ حوکمەتا ھەرێما کوردستانێ و قونسلخانا تورکیا ھەولێرێ کو ھاریکاربووینە کو نڤسینگەھا دھۆک یا دانا ڤیزا تورکی بھێتەڤەکرن)
ئه‌ڤرۆ نیۆز،زنار تۆڤى:
شاره‌زایه‌ك ل ده‌زگه‌هێ ڤه‌كۆلینا ستراتیجیا “به‌گین سادات” ئاشكرا دكه‌ت،كو حوكمه‌تا ئسرائیلێ گه‌له‌ك پێدڤى ب دروستبوونا ده‌وله‌تا كوردستانێ هه‌یه،له‌وما ب هه‌موو هێزا خوه‌ڤه پشتگیریێ ل ڤێ پێنگاڤا هه‌رێما كوردستانێ دكه‌ت.
“ئێدا كوین” شاره‌زا ل ده‌زگه‌هێ ڤه‌كۆلینا ستراتیجى یێ “به‌گین سادات” یێ ئسرائیلى د نڤێسینه‌كێ دا ل ژێر ناڤێ”ئسرائیلێ پێدڤى ب ده‌وله‌تا كوردستانێ” هه‌یه به‌لاڤه‌كریه،ئاماژێ ب هندێ ژى دكه‌ت،كو ئه‌نجامدانا ریفراندۆمێ بۆ سه‌ربه‌خۆیا كوردستانێ د 25 ئیلۆنا ئه‌ڤ ساله دا،پێنگاڤه‌كا زۆرا جددیه و بۆ هندێ كو كورد خه‌یالێن خوه یێن 100 سالان بكه‌نه راستى،هه‌روه‌سا ڤێ جارێ هه‌رێما كوردستانێ گه‌له‌ك یا جددیه بۆ نێزیكبوونا سه‌ربه‌خۆیێ،هه‌روه‌سا به‌حسێ شه‌رێ ئێكێ یێ جیهانێ دكه‌ت و دبێژیت:پشتى ب دوماهى هاتنا شه‌رێ جیهانى یێ ئێكێ،هێزێن سه‌ركه‌فتى دڤى شه‌رى دا،سۆزا دروستبوونا ده‌وله‌تا كوردستانێ دا كوردان،به‌لێ سۆزا خوه بجه نه‌ئینا،ئه‌گه‌رێ نه بجه ئینانا وێ سۆزێ ژى مسته‌فا كه‌مال ئه‌تاتۆرك دامه‌زرێنه‌رێ كۆمارا تۆركیا بوو.
هه‌روه‌سا دبێژیت:د چه‌ند سالێن بورى دا سعودیێ ب ره‌نگه‌كێ گه‌له‌ك جددى پشتگیریێ ل ده‌وله‌تا كوردستانێ دكه‌ت،ئه‌گه‌رێ ڤێ چه‌ندێ ژى یێ روونه،له‌وما سعودیێ دڤێت بێژیته توركیا،کو تۆ چاوا هاریكاریا قه‌ته‌رێ دكه‌ى،كو ل ده‌ف مه قه‌ته‌ر تیرۆرسته،ئه‌م ژى دێ پشتگیریێ ل ده‌وله‌تا كوردستانێ كه‌ین.
ناڤهاتى دبێژیت ژى:هه‌كه نوكه ئسرائیل چه‌ند یا بێ ده‌نگ بیت،هه‌مبه‌رى ریفراندۆمێ بۆ سه‌ربه‌خۆیا كوردستانێ،به‌لێ من چ گۆمان نینن كو ئسرائیل دێ پشتگیریه‌كا زۆر ل دروستبوونا ده‌وله‌تا كوردستانێ كه‌ت،دیسا سێ سالان به‌رى نوكه ژی بنیامین نه‌ته‌نیاهۆ كو سه‌رۆك وه‌زیرێ ئیسرائیلێ بوو،گۆتیه”هه‌كه هه‌رێما كوردستانێ ده‌وله‌تێ رابگه‌هینیت،ئسرائیل دێ پشتگیریێ لێ كه‌ت،هه‌روه‌سا دبێژیت ژی:گرنگه ئسرائیل بنگه‌هه‌كێ خوه یێ سه‌ربازى یێ مه‌زن ل هه‌رێما كوردستانێ ڤه‌كه‌ت،ده‌مێ كوردستان دبیته ده‌وله‌ت،دیسا دڤێت ژلایێ ئابوورى و سه‌ربازى ڤه ئسرائیل هه‌ڤكاریا هه‌رێما كوردستانێ بكه‌ت،ژبۆ به‌رژه‌وه‌ندا خوه،چونكى دێ شێن وان گرۆپێن تیرۆستى یێن كو ل عیراقێ سووریا سه‌رهلداین لاواز بكه‌ن یان ژى ژناڤ ببه‌ن.
ناڤهاتى هێشتا دبێژیت:ئه‌گه‌رەکێ زۆر یێ ب هێز هه‌یه،كو ئسرائیل بنگه‌هه‌كێ خوه یێ سه‌ربازى یێ مه‌زن ل هه‌رێما كوردستانێ ڤه‌كه‌ت،ئه‌و بنگه‌هێ سه‌ربازى ژی دێ ده‌وله‌تا كوردستانێ پارێزیت،ژ هه‌ر ئه‌گه‌ره‌كێ نه خواستى ل ده‌مێ راگه‌هاندنا ده‌وله‌تێ دا،هه‌روه‌سا گرنگه كو هێزێن پێشمه‌رگێ كوردستانێ راهێنانێن باش پێ بهێنه‌كرن ژلایێ ئسرائیلێ ڤه،چونكى ڤێ هێزێ دێ پالپشتیه‌كا باش هه‌بیت بۆ ژناڤبرنا هێزێن تیرۆرستان ل ڤێ ده‌ڤه‌رێ.
ئەڤرۆ نیۆز،زنار تۆڤی:
سەرۆکێ هەڤپەیمانیا نیشتمانی یا شیعان راگەهاندیە،کو ئەو ل گەل فراکسیۆنێن ئێکەتیێ و بزاڤا گۆران و کۆمەلا ئیسلامی ل پەرلەمانێ عێراقێ کۆمبوویە و بەحسێ عێراقەکێ ئێکگرتی کریە.
عەمار حەکیم،سەرۆکێ هەڤپەیمانیا نیشتمانی یا شیعان و سەرۆکێ ئەنجومەنێ بلند یا ئیسلامی ل عێراقێ،د پۆستەکێدا کو ل پەیجێ تایبەتیێ خوە ل تۆرا کۆمەڵایەتییا فێسبووکێ دا بەلاڤکریە و تێدا بەحسێ کۆمبوونا خوە ل گەل شاندێ فراکسیۆنێن وان سێ حزبان کریە و ئاماژە ب فراکسیۆنا ئێگرتوویا ئیسلامی یا کوردستانێ نەکریە.
رۆژا شەمبیێ 8.7.2017، فراکسیۆنێن ئێکەتیا نیشتمانی یا کوردستانێ، بزاڤا گۆران،ئێگرتوو و کۆمەلا ئیسلامی،(پارتی پشکداری د وێ کۆمبوونێدا نەکریە)،ل بەغدا ل گەل عەمار حەکیمی کۆمبووینە.
د وێ کۆمبوونێدا عەمار حەکیمی هێرش ل گەلێ کوردستانێ کریە و راگەهاندیە،کو هەکە کوردستان ریفراندۆمێ ئەنجام بدەت و ژ عێراقێ جۆدا ببیت،دێ جادا عێراقی روو ب روو کوردستانێ بیت و ”ئەم ژی نەشێین کۆنترۆلێ ل سەر بکەین“.
موسەنا ئەمین پەرلەمانتارێ ئێکگرتوو ل پەرلەمانێ عێراقێ کو ئامادەی وێ کۆمبوونێ بوویە،کو وی بەرسڤا هێرشێن عەمار حەکیمی ب توندی داینە و گۆتیێ ژی،سەربەخۆیی مافێ گەلێ کوردستانێیە و ئەف مافە د ئیسلامێدا،د دستۆر و دیمۆکراتیێ ژی دا هاتیە سەلماندن،لێ فراکسیۆنێن ئێکەتیێ و گۆران و کۆمەلێ بەرسڤا هێرشێن عەمار حەکیمی نەداینە“.
هەروەسا پێشتر و د چەندین بوونەیان دا عەمار حەکیمی دژایەتییا خوە بۆ سەربەخۆییا کوردستانێ و ریفراندۆمێ راگەهاندیە و کوردستان ب ئسرائیلا دویێ ب ناڤکریە.
ئەڤرۆ نیۆز،زنار تۆڤی:
رۆژناما ئاس یا ئیسپانی دیارکریە کو کریستیانۆ رۆنالدۆی ب شێوەیەکی فەرمی مانا خوە دناڤ رێزێن ریال مەدرید دا راگەهاندیە،پشتی کو وی ل گەل فلۆرینتینۆ پێرێزی سەرۆکێ یانا شاهانە ئاخفتی و رێککەفتنەک ئەنجامدای،بەلێ وێ رۆژنامێ ناڤەرۆکا وێ رێککەفتنێ ئاشکرا نەکریە.
ئەڤ چەندە هات پشتی کو رۆنالدۆی راگەهاندی کو وی دڤێت یانا ریال مەدرید بجه بهێلیت ب ئەگەرێ وان تۆهمەتێن باجا ئیسپانیا خستینە سەر وی یاریزانی و باجا وەلاتێ ئیسپانیا وەسا دیارکربوو کو رۆنالدۆی خوە ژ دانا باجێ ڤەدزیە کو کۆژمێ وان پاران یێن ل سەر وی یاریزانی دگەهیتە زێدەتری 14 ملیۆن یۆرۆ یان،لێ رۆنالدۆ ژ گۆتنێن خوە پەشێمان بوویە و راگەهاندیە کو وی دڤێت کاروانێ خوە یێ وەرزشی ل گەل یانا شاهانە ب دوماهی بینیت.
ئەڤرۆ نیوز ، نەوزاد ھلۆری:
بنەمالا ھونەرمەند شوکری رێکانی ل ناحیا شێلادزێ وەکو وەفداری و رێزگرتن بو کار و خەبات و ھونەر و فولکلورێ وی ، دێ رێوسمەکێ ئەنجام دەت.
دڤی واریدا رەجەب بێسەبی برایێ ھونەرمەند شوکری رێکانی تایبەت بۆ ئەڤرۆ نیوز گۆت: ( ب مەرەما رێزگرتن ژ کار و خەبات و ھونەر و فولکلورێ ھونەرمەندێ شەھید شوکری رێکانی ئەم وەکو بنەمالا ھونەرمەندی سوبەھی رێکەفتی 10-7-2017 ل شێلادزێ دێ رێورسمەکێ رێکئێخین ژبەرکو شوکری رێکانی ب غەدر ھاتیە شەھیدکرن و رۆژەکا زورا نەخوش ب سەر مال و کەس و کارێن ھونەرمەندی دا ھاتەخوار )
زێدەتر گۆت: ( ئەڤ رێورسمە دێ ھەر ل مالا رەجەب بێسەبی برایێ ھونەرمەندی ، ب شەڤ ب ئەنجامدانا چەند چالاکی و سترانێن وی ھێتە ساخکرن ، و سوپاسیا دەزگەھێن راگەھاندنێ و ھەموو لایەکێ دکەین کو ل گەل مە ھاریکاربوون ژ بو ھەڤکاری و دەربرینا ھەڤخەمیێن خوە)
دھێتە زانین کو لرۆژا 10-7-2011 ھونەرمەند شوکری رێکانی ھەر ل مالا خوە ل ناحیا شێلادزێ ھاتە شەھیدکرن و ل گورستانا شێلادزێ ھاتە ڤەشارتن
ئەڤرۆ نیوز ، نەوزاد ھلۆری:
ئەڤرۆ ئێڤاری ل سنوورێ قەزا زاخۆ یا سەر ب پارێزگەھا دھۆکێ سنێلەک د رووبارێ خابیر خەندقی.
دڤی واریدا بێوار عەبدولعەزیز بەرپرسێ راگەھاندنا رێڤەبەریا گشتی یا بەرەڤانیا باژێری ل دھۆکێ بۆ ئەڤرۆ نیوز گۆت: (ئەڤرۆ ئێڤاری ل سنوورێ قەزا زاخۆ یا سەر ب پارێزگەھا دھۆکێ سنێلەکێ زاخۆ بناڤێ ئازاد محەمەد کو دژیێ ١٢ سالیێ دا بوو د رووبارێ خابیری دا خەندقی)
زێدەتر گۆت: ( تیمێن نقومڤانێن زاخۆ شیان تەرمێ وی ل رووباری دەربینن و رەوانەیێ نەخۆشخانا داد ل زاخو بکەن بو زانیاریێن زێدەتر لسەر خەندقینا ئەوی سنێلەی)
ئەڤرۆ نیۆز،زنار تۆڤی:
ئەڤرۆ ئێکشەمبیێ 9.7.2017 سەرۆک وەزیرێن عێراقێ حەیدەر عەبادی د سەرەدانەکێدا گەهشتە باژێرێ مۆسل و هەروەسا عەبادی مزگەفتا نوری یا مەزن ل رەخێ راستێ یێ مۆسلێ هەلبژارتیە بۆ جهێ راگەهاندنا سەرکەفتنێ و رزگارکرنا باژێرێ مۆسل ژ تیرۆرستێن داعش.
سەعەد حەدیسی پەیڤدارێ نڤێسینگەها راگەهاندنا حەیدەر عەبادی سەرۆک وەزیرێ عێراقێ ئەڤرۆ د کۆنگرەکێ رۆژنامەڤانی دا گۆتیە،کو عەبادی دووڤچوونا چرکێن دوماهیێ یێن ژۆرا عەمالیاتا مۆسلێ دکەت و ژ مۆسل نەچوویە.
هەروەسا گۆتیە ژی،حەیدەر عەبادی دێ بەیانناما سەرکەفتنێ ل وی جهی راگەهینیت یێ کو داعشێ خەلافەتا خوە لێ راگەهاندی.
هەژی گۆتێ یە کو مزگەفتا حەدبا و منارا وێ یا دیرۆکی،بەری ژلایێ داعشێ ڤە بهێتە پەقاندن ل دوماهیا هەیڤا بوری،جهەکێ رەمزی یێ داعش بوو،کو ل وی جهی سەرکردێ داعشێ ئەبۆ بەکر بەغدادی خەلافەتا خوە ل وێرێ راگەهاند بوو،بەری سێ سالان.
ئەڤرۆ نیۆز،زنار تۆڤی:
بەرپرسێ دەستەیا کارگێریا مەکتەبا سیاسیا ئێکەتیا نیشتیمانیا کوردستانێ دیارکریە،کو بێی کاراکرنا پەرلەمانی ب ساناھی نابیت کو ئێکەتی بشێت پشکداریێ د پرۆسا رێفراندۆمێ دا بکەت.
مالپەرێ فەرمیێ ئێکەتیێ راگەهاندیە،کو مەلا بەختیاری ئه‌ڤ چەندە د هه‌ڤدیتنه‌كێ دا ل گه‌ل جێگرێ بالیۆزێ ئه‌لمانیا ل عێراقێ راگه‌هاندیە و گۆتیە ژی، دناڤ ئێکەتیا نیشتیمانیا کوردستانێ دا دو بۆچوون ھەنە،ئەو ژی ئەوە هەتاکو پەرلەمان دھێتە کاراکرن ئەو دێ پشکداریێ د کۆمبوون و لژنەیان داکەن،یا دی ژی ئەوە هەتاکو پەرلەمان نەھێتە کاراکرن پشکداریێ د چو کۆمبوون و لژنەیان دا نەکەن.
مەلا بەختیاری گۆتیە ژی،ئێکەتی ئەنجامدانا رێفراندۆمێ بێی کاراکرنا پەرلەمانی ب کێشەیەکا مەزن دزانیت،ھەروەسا دیارکریە ژی کو د کۆمبوونا دوماهیێ یا ل گەل سەرۆکێ ھەرێما کوردستانێ دا، بریارا کاراکرنا پەرلەمانی ھاتییە دان.
نيشاندان