بەرسڤێن پرسیارێن ئەزموونا ئەڤرۆ یێن وانەیا ئینگلیزیێ بو رێزا ١٢ێ ئامادەیی
پرسیار و بەرسڤێن ئینگلیزیێ بو رێزا 12ێ ئامادەیی
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سه‌ره‌كى Facebook
ل دومیز تەقینەک روویدا و کەسەک ھاتە کوشتن
ئەڤرۆ نیوز ، نەوزاد ھلۆری:
ئێڤاریا ئەڤرۆ ل کومەلگەھا دومیز ل رۆژئاڤا پارێزگەھا دھۆک ل بازارێ ئاسنگەران تەقینەک چێبو و د ئەنجام دا وەلاتیەک ھاتە کوشتن.
دڤی واریدا ھێمن سلێمان بەرپرسێ راگەھاندنا رێڤەبەریا گشتی یا پولیسێن دھۆکێ بو ئەڤرۆ نیوز گۆت: ( ژبەر سەدەما تەقینا تانکێ قەنیتەیێ غازێ ل بازارێ ئاسنگەران ل دومیز کەس بناڤێ عەلی نوری د ژیێ 45 سالیێ دا ھاتنە کوشتن )
عەبادی گەھشتە موسل و سەرکەفتنا مەزن راگەھاند
ئەڤرۆ نیوز ، ھلۆری:
دەمەک بەریا نھا حەیدەر عەبادی سەروک وەزیرانێن عیراقێ و سەرکردەیێ ھێزێن چەکدارێن عیراقێ گەھشتە موسل و بو پیرزباھیکرنا سەرکردەیێن ھێزێن عیراقی و گەلێ عیراق ل بارا ئازادكرنا موسل.
نڤیسینگەھا حەیدەر عەبادی سەروک وەزیرێن عیراقێ راگەھاندنەک بەلاڤکریە کو نھا حەیدەر عەبادی گەشتیە موسل بو پیروزباھیکرنا رزگارکرنا موسل ژ سەرکردەیێن ھێزێن عیراقی و گۆتیە: ( پیروزباھیا ھەموو سەرکردە و گەلێ عیراقێ کر بو سەرکەفتنا مەزنا موسل )
ئەڤرۆ بارزانی دێ بەرەف ئورۆپا ب رێکەڤیت
ئەڤرۆ نیۆز،زنار تۆڤی:
بریارە ئەڤرۆ 9.7.2017 سه‌رۆكێ هه‌رێما كوردستانێ مەسعود بارزانی سه‌ره‌دانا وه‌لاتێ به‌لژیكا بكه‌ت و هەروەسا بارزانی دێ گۆتاره‌كێ ل په‌رله‌مانێ ئورۆپا ژی پێشكێش كه‌ت.
هەروەسا مه‌سعود بارزانی سه‌رۆكێ هه‌رێما كوردستانێ، ئه‌ڤرۆ دێ ل گه‌ل كۆمیتا وه‌لاتێن ئورۆپا و ئه‌مریكا بۆ كارێن رێفراندۆمێ دێ به‌ره‌ڤ ئه‌ورۆپا ب رێكه‌ڤیت،بارزانی دێ ل برۆكسلا پایته‌ختێ وەلاتێ به‌لجیكا گۆتاره‌كێ ژی ل په‌رله‌مانێ ئورۆپا ژی پێشكێش كه‌ت.
دوهی د کۆمبوونا جڤاتا بلند یا ریفراندۆمێ ل هەرێما کوردستانێ دا بریارا پێکئینانا كۆمیتا كارێن وه‌لاتێن ئورۆپا و ئه‌مریكا یا رێفراندۆما هه‌رێما كوردستانێ هاتییه دان،دیسا د جڤاتا بلندا ریفراندۆمێ دا نوونەرێن پارتی و ئێکەتیێ و ئێکگرتوویا ئیسلامی و هەروەسا پێکهاتەیێن دی ژی تێدا هەنە.
ئەڤە ئێکەم سەرەدانا فەرمی یا ریفراندۆمێ یە کو جڤاتا بلندا ریفراندۆمێ بۆ ئورۆپا دەستێکریە.
نێچیرڤان بارزانی دێ سه‌ره‌دانا توركیا كه‌ت
ئەڤرۆ نیۆز،زنار تۆڤی:
وەسا بریاره کو سوبەهی 10.7.2017 سەرۆکێ حوکمەتا هەرێما کوردستانێ نێچیرڤان بارزانی ب سه‌رۆكا‌تیا شانده‌كێ بلند یێ حوکمەتا هەرێما کوردستانێ سه‌ره‌دانا وه‌لاتێ توركیا بكه‌ت و پشكداریێ د كۆنگرێ 22 یێ نەفتا جیهانی دا بکەت،کو دێ چەندین وەلات تێدا پشکداربن.
هەروەسا كۆنگرێ 22 یێ نەفتا جیهانی دێ ل باژێرێ سته‌نبۆلێ ل توركیا ئەڤرۆ هێتە بەستن و شاندەکێ بلند یێ حوکمه‌تا هه‌رێما كوردستانێ ژی ب سەرۆکاتیا نێچیرڤان بارزانی دێ پشكداریێ د وی كۆنگره‌ی دا کەت.
هەروەسا ئەڤ كۆنگره ب پشكداریا هژماره‌كا مه‌زن یا كۆمپانی و به‌رپرسێن بازرگانی ل جیهانی دێ هێتە دەست پێکرن،ڤی گۆنگرەی ئه‌ڤرۆ ئێکشەمبیێ 9.7.2017 ل باژێرێ سته‌نبۆلێ ده‌ستپێكرییه،دیسا دڤی کونگرەی دا دێ بەحس ل سەر چەندین تەوەرێن گرنگ و بابەتێن گرێدایی پاشه‌رۆژا نەفتێ و بازارێ وێ ل جیهانێ دێ هێنە بەحسکرن.
ئەڤێ رێکێ 70% کارتێکرن ل جھێن گەشت و گوزار و بازارێن سەرسنکێ کریە
ئەڤرۆ نیوز ، نەوزاد ھلۆری:
سەرۆکێ رژێما بەعس ” سەدام حسێن ” چەند کوچک و ئاڤاھی ل سنوورێ قەزا ئامێدیێ ب تایبەتی سنوورێ ناحیا سەرسنکێ درۆستکرینە ، ئێک ژ وانان کوچکا ئینشکێ یە ، رێیا کوچکا ئینشکێ کو ب شەھیدێن سەرھلدانێ دھێتە نیاسین 70% کارتێکرن لسەر رەڤاندنا گەشتیار و مێڤان و وەلاتیان بو سەنتەرێ سەرسنک و ھاڤینگەە و بازارێ وێ کریە و وەلاتی دخوازن ئەو رێک بھێتە گرتن.
بێوار محەمەد وەلاتیەکێ ناحیا سەرسنکێ یە دیارکر کو ئەو دخوازن رێیا شەھیدێن سەرھلدانێ كو ب رێیا کوچکا سەدام دھێتە نیاسین بھێتە گرتن و بۆ ئەڤرۆ نیوز گۆت: (رێیا کوچکا سەدام رێیەکا ستراتیجیە دناڤبەرا پارێزگەھا دھۆک و ھەولێر ل خالا قەزا ئامێدێ ، بەلێ ھەتا نھا ئەڤێ رێکێ چوو مفا نەگەھاندیە وەلاتیێن سەرسنک و بازار و جھێن گەشت و گوزاریێن وێ ژ بەرکو پشتی کو رژێما بەعس ل دەڤەرێ ھاتیە دەرکرن نھا زێدەتری ٩٥% ترومبێلێن کو ھاتن و چۆنێ دناڤبەرا ھەولێر و دھۆک ل دەڤەرا ئامێدیێ بو جھێن گەشت و گوزار و ھەموو مەرەمێن دن دکەن دەما کو نێزیکێ سەرسنک بوون ئێکسەر ژ سەرسنکێ لاددەن و دچنە رێیا ناڤبری ، واتە ب چوو شێوەیان ترومبێل دناڤا سەرسنکێ نابوورن ئەڤ یەک ژی بوویە سەدەم کو کارتێکرنەکا زور لسەر رەڤاندنا گەشتیار و مێھڤانان بکەت بو سەنتەرێ سەرسنک و ئەو ھاڤینگەھێن دکەڤنە نێزیک سەنتەری ، ئەڤە سەرەرای کو کارتێکرنەکا زور ژی لسەر بازارێ سەرسنکێ دکەت ژبەرکو نوکە رێژەیەکا زورا فروتنا پێدڤیێن بازاران کەفتینە سەر وان وەلاتیان و گەشتیاران یێن کو ھاتن و چونێ دکەن)
بابێ نەسرینێ خودانێ ئێک ژ مارکێت و بازارێن سەرسنکێ یە دیارکر کو رێیا کوچکا سەدام ٧٠% کارتێکرن لسەر بازار و گەشتیارێن سەرسنکێ کریە و گۆت: (پشتی کو قەیرانا دارایی درۆست بووی کرین و فروتن ژی زور کێم بوویە ، دیسان نە ھاتن و چونا گەشتیار و مێڤان و وەلاتیێن دەڤەرێ ژی دناڤا سەرسنکێ دا ئەگەرەکا دن یا کارتێکرنا بازار و جھێن گەشت و گوزاریێن سەرسنکێ یە ، دخوازین کو ب زوترین دەم ئەڤ رێکە بھێتەگرن داکو جارەک دن ئەم ژی بشێن کرین و فروتنێ بکەین ژ بەرکو بازارێن مە ب ھیڤیا خەلکێ سەنتەرێ سەرسنکێ بخویە کو ئەڤ یەک ژی زور لاوازە)
زێدەتر گۆت: ( ئەز نوزانم بوچی لایەنێن شولەژێ رێیا کوچکا سەدام ناگرن ژ بەرکو چوو بازار و ھاڤینگەە ناکەڤنە سەر وێ رێکێ ، ئەڤە ژبلی کو رێیەکا تەنگە و چەندین چەپ و کەندوکیر تێدانە ، بتنێ کو پێنج خولەکان ژ رێکێ کێم دکەت جھێن پەیوەندیدار مەزنترین زیان گەھاندینە بازارێن مە ل سەرسنک)
دێ فیسته‌ڤاله‌كا فۆتۆیێ بۆ سه‌ربه‌خۆیا كوردستانێ ل هه‌ولێرێ هێته گێران
ئه‌ڤرۆ نیۆز،زنار تۆڤى:
سه‌رۆكێ رێكخراوا كورستان فۆتۆ شێرزاد ره‌سۆل فه‌قێ د دیداره‌كێ دا بۆ ئه‌ڤرۆ نیۆز دیاركر:كو وان هه‌ر ژ باژێرێ زاخۆ هه‌تاكو دگه‌هیته خانه‌قین ئه‌ندام رێكخراوا كوردستان فۆتۆ دا هه‌نه،هه‌روه‌سا رێكخراوا وان رێكخراوه‌كا خوه به‌خشه،دیسا ئه‌و راهێنه‌رێن تێدا كار دكه‌ن ژى هه‌موو خوه به‌خشانه كار دكه‌ن،هه‌روه‌سا دیاركر ژى:بۆ پالپشتیا ریفراندۆمێ ل هه‌رێما كوردستانێ ل ئه‌ڤ ساله دا،ئه‌و دێ فیسته‌ڤاله‌كا مه‌زن یا فۆتۆیێ گێرن ل هه‌ولێرا پایته‌خت ل رۆژا جیهانى یا فۆتۆیێ كو دكه‌ڤیته 19 ته‌باخێ و ئه‌ڤ فیسته‌ڤاله دێ ل سه‌ر ئاستێ هه‌ر چار پارچێن كوردستانێ هێته ئه‌نجامدان.
ناڤهاتی هێشتا گۆت ژى:دێ ناڤێ ڤێ فیسته‌ڤالێ فیسته‌ڤالا “سه‌ربه‌خۆیێ” بیت،كو دێ “30” فۆتۆگرافه‌رێن كوردستانێ یێن باكۆر و باشۆر و رۆژهه‌لات و رۆژئاڤا دێ پشكداریێ تێدا كه‌ن،هه‌روه‌سا دێ هه‌موو جۆرێن فۆتۆیان تێدا هێنه نیشاندان و دێ فیسته‌ڤال یا ڤه‌كرى بیت،دیسان پشتى ڤێ فیسته‌ڤالێ دێ فیسته‌ڤالا سینه‌مایێ ژى ل 25 ته‌باخێ ژلایێ رێڤه‌به‌ریا سینه‌مایێ ل هه‌ولێرێ ب ناڤێ سه‌ربه‌خۆیێ هێته گێران.
ل مۆسلا کەڤن پتری هزار چەکدارێن داعش هاتینە کوشتن
ئەڤرۆ نیۆز،زنار تۆڤی:
فەرماندێ پۆلیسێن فیدرالی یێن عێراقێ فەريق رائید شاکر جەودەت دادیارکرن:کو د ئۆپەراسیۆنا رزگارکرنا باژێرێ کەڤن دا ل مۆسل پتری 1000 داعش هاتینە کوشتن،هەروەسا 65 ترۆمبێلێن سەربازی یێن تی ئێن تی کری ل گەل 20 ترۆمبلێن دی یێن تی ئێن تی کری هاتینە ژناڤبرن.
ناڤهاتی دیارکڕیە ژی:هەروەسا هێزێن پۆلیسان 24 ماتۆرسکلێن مینرێژکری ل گەل 5 بورجێن پەیوەندیان و 8 تۆنێل ژناڤبرینە،دیسا هێزێن پۆلیسان 71 کەمەرێن مینرێژکری و 310 تی ئێن تی یێن ئەردی و 181 رۆکێتێن داعشێ ژی ژناڤبرینە.
سوبەھی ل پارێزگەھا دھۆکێ ڤیزا تورکیا دێ دەست پێ کەت
ئەڤرۆ نیوز ، سالار دوسکی:
پشتی چەندین بزاڤێن بەردەوام ل سەر ڤەکرنا نڤسینگەھا دانا ڤیزا تورکیا بو وەلاتیێن ھەرێما کوردستانێ ل پارێزگەھا دھۆکێ ، وەسا بریارە کو سوبەھی نڤیسینگەھا ناڤبری بکەڤیتە کار.
ھالیس عەلی چەقماق رێڤەبەرێ نڤسینگەھا دھۆک یا دانا ڤیزا تورکیا تایبەت بۆ ئەڤرۆ نیۆز گوت: ( ب مەرەما دانا ڤیزا تورکیا بو وەلاتیێن ھەرێما کوردستان و پارێزگەھا دھۆکێ ، سوبەھی د رێورسمەکێ ژ ھەژی دا دێ نڤسینگەھا دانا ڤیزا تورکیا ل دھۆکێ ھێتە ڤەکرن و دەست ب دانا ڤیزەیان کەت)
زێدەتر گۆت: ( پێدڤی ناکەت ئێدی بۆ وەرگرتنا ڤیزا تورکیا سەرەدانا پارێزگەھێن دن بکەن و دکارن ھەر ل دھۆک وەربگرن)
زانیایێن زێدەتر ل ھژمارا رۆژناما ئەڤرۆ یا سوبەھی بخوونن.
دل ھەژینە – کەسەک ھەیە ئەڤ چێرۆکا عەشقێ گوھلێ نەبوویی؟
ئەڤرۆ نیوز ، نەوزاد ھلۆری:
وەلاتیەکێ قەزا سوران کو ب عەلی عاشق دھێتە نیاسین د وەختێ خودا عاشقێ کچەکێ بوویە وەکو ئەو دبێژیت ناڤێ وێ نەسرینە و کەسەکا نێزیکێ وی یە ، بەلێ نەگەھشتە مراداخوە و ل وێ رۆژێ ھەتا نھا بتنێ دژیت ، سەروکێ حکومەتا ھەرێما کوردستانێ ژی ژبەر کارتێکرن و خەمباربوونا چێروکا وی خانویەکێ خوش ل گەلیێ عەلی بەگ بو دروستکریە.
دڤی واریدا عەلی عەبدوللا شێخ کو ب عەلی عاشق دھێتە نیاسین بو ئەڤرۆ نیوز گۆت: (ئەز خەلکێ گوندێ سرێشمە یا سەر ب ناحیا خەلیفان ل سنوورێ قەزا سوران ژ دایکبوویە و د رەسەن ژی دا خەلکێ وێرێ مە ، د سەردەمێ گەنجاتیا خودا عاشقێ کچەکێ بووم ب ناڤێ نەسرین بەلێ ژبەر ھندەک سەدەما نەگەھشتمە ئەوێ کچێ و ژ وێ رۆژێ ھەتا نھا ژڤانێ وێ مە و ب تنێ دژیم و ھەر دی مینم چاڤەرێ وێ ھەتا مرنێ)
زێدەتر گۆت: ( بو من ژیان چوو رامان نینە و ژیانا من ئەو کچ بوو ، ئێدی مرن ژی بھێت بەرھەڤم ، ئەز چ ناڤ جڤاکی دا بم یان ب تنێ بم چوو ژ ژیانا من ناگوھریت ژبەر ھندێ من تنێ بوون ھەلبژارت)
عەلی عاشق کو نوکە د خانویەکێ خوش دا ل گەلیێ عەلی بەگ دژیت کو ژلایێ نێچیرڤان بارزانى ھاتیە دروستکرن ، رۆژانە سەدان کەس سەردانێ بو دکەن و گوھداریا چێروک و سەرھاتیێن وی و عەشقا وی دکەن و ھندەک جاران ژی کچ و کور بو گرێدانا سووز و حەژێکرنا خوە و ژڤانێن عەشقێ قەستا مالا وی دکەن ، عەلی عاشق ھەردەما دەمژمێرەکێ یان گوستیرکەکێ د دەستێ کەسەکێ دا ببینیت لێوەردگریت و دخوازیت ل گورەی درێژاھیا ژین و ژیانا خوە دەمژمێران کوم بکەت.
ئەو زێدەتر دبێژیت : ( ھندەکان نەھێلایە ئەز بگەھم ئەڤیندارا خوە ، داکو ئێدی عاشقێ کەسەکا دن نەبم ئێدی تنێ بوون دەرمانە ، ئەگەرا سەرەکی یا کو ئەم نەگەھشتینە ھەڤدوو بتنێ ھەژاری بوویە ، کو عەشقا مەژی ل دەڤەرا برادوست دەست پێ کریە ، من و ئەوێ کچێ ژی ھەردووان بریار دا ئێدی ھەڤژینیێ ل گەل چوو کەسێن دن پێک نەئینین ، ب ھیچ شێوەیەکێ ئەز نەیێ دینم بەلکو بتنێ عاشقم)
عەلی عاشق کو نھا دژیێ 78 سالیێ دایە و شیانێن ئاخفتن و ھاتن وچوونەکا زور نەمایە و گەلەک سەربوور و بیرھاتن ژ بیرا وی چووینە ، کەسەکێ زور خوشتڤی یە ل دەف خەلکێ دەڤەرێ.
نيشاندان
WP Facebook Auto Publish Powered By : XYZScripts.com