ئەڤرۆ نیوز ، ھەرھین محەمەد.
ھەردو وسترانبێژێن شوخ و شەنگ بناڤێ ” سەبات و ساوین ” مژولێ کلیپەکا نونە بناڤێ شێتان.
ھردوو سترانبێژان دپەیجێ خوە یێ تایبەتێ فەیسبووکێ دا بەلاڤکریە کو ئەو مژوولی کلیپەکا نوی نە ب ناڤێ شێتانە کو ژپەیڤێن رەسول سولتانی و دابەشکرنا مۆزیکێ ئاریوس حمە سەعید ، و ژ دەرھێنان سابات حەمیدو ب ستایلی (دیپ ھاوس) ھاتیە گۆتن.
دیارکر ژی کو ناڤەرۆکا کلیپێ بەحس ل کچەکێ دکەت کو ژ نوکا ئەڤیندار بوویە.
ئەڤرۆ نیوز:
وەزیری دەرڤە یێ ئیراقێ ترسا خوە یا مەزن ژ رێفراندۆما سەرخوەبوونا کوردستانێ ئاشکرا کر و راگەھاند: ھەرێما کوردستانێ ب ڤێ گاڤا ریفراندۆمێ ترسێ ل ھەمی رۆژھەلاتا ناڤین بەلاڤ دکەت.
ئیبراھیم جەفەری، د ھەڤپەیڤینەکێ دا بۆ مالپەرێ (middleeasteye) گۆت: ژبەر رەھەندێن ھەرێمی دەنگێ بەلێ د ریفراندۆما ھەرێما کوردستانێ دا دێ “ترسێ نەبتنێ ل ئیراقێ بەلکو ل رۆژھەلاتا ناڤین بەلاڤ کەت ب تایبەت وەلاتێن جڤاکا کوردی لێ ھەی مینا تورکیا و ئیران و سووریێ و رووسیا ژی، لەورا پێدڤییە وەلاتێن جیران ژی دەستوەردان ھەبیت ھەکەر ھەرێم بخوازیت سەربخوە ببیت”
ل گۆری گۆتنا جەعفەری پێدڤی ناکەت ھەرێما کوردستانێ سەربخوە بیت ژبەرکو رەوشا وان ل ئیراقێ یا خوەشە و بەغدا ھەمی مافێن کوردان ددەتێ.
ئەڤرۆ نیوز ، ھلۆری:
پشتی کو ئێڤاریا ئەڤرۆ سەرکراتیا ھەڤپشکا گۆڕان و ئێکەتی ل سلێمانیێ کوم بووین و چەند بابەت بەحسکرین ، راگەھاندنەک بەلاڤکر و تێدا سێ بریار دەکرن کو ئەو ژی
ئێک:- ئێکرێزیا نیشتمانی بھێتە درۆستکرن لسەر پرسێن نیشتمانیێن چارەنڤیسازێن خەلکێ کوردستانێ.
دوو:- ریفراندۆم پشتی ئاسایکرنا پەرلەمانی دکەین بھێتە ئەنجام دان بو سەربخویی یا ھەرێما کوردستانێ و دەڤەرێن ڤەقەتیایی.
سێ: درۆستکرنا ھەڤپەیمانیەکێ ژ فراکسوونا ئێکەتی و گۆڕان ل ئەنجومەنا نوونەرێن عیراقێ و پەرلەمانێ کوردستانێ و ئەنجومەنا پارێزگەھان.
ئەڤرۆ نیوز ، نەوزاد ھلۆری:
ئەڤرۆ دوو زاروکێن دن یێن کوردێن ئێزدی ژ دەستێ داعش ھاتنە رزگارکرن و ب کەس و کارێن خوە شادبوون ڤە.
دڤی واریدا حسێن قایدی بەرپرسێ نڤیسینگەھا رزگارکریێن ئێزدی ژ دەستێ داعش بو ئەڤرۆ نیوز گۆت: (ئەڤرۆ دوو زاروکێن دن یێن کوردیێن ئێزدی پشتی سێ سالان ژ بن دەستێ داعش ھاتنە رزگارکرن و ب کەس و کارێ، خوە شادبوون ڤە)
زێدەتر گۆت: (ئەڤ ھەردوو زاروکە کچن و خولکێ گوندێ تل قەسەب یا سەر ب قەزا شنگالێ نە و ژیێ وان ژی ھەشت سال و ١١ سالی بوون ، و بزاڤێن مە بو رزگارکرنا وان بەردەوامە و ب ئانەھیا خودێ رۆژ بو روژێ دێ زێدەتر کوردێن ئێزدی ھێنە رزگارکرن)
ھێتە زانین ھەتا نھا ھژمارا رزگارکریێن ئێزدی ل بن دەستێ داعش گەھشتیە سێ ھزار ٥٣ کەسان و بەلێ زێدەتر ژ وێ ھژمارێ د دەستێ داع شدا ماینە.
د پرانییا گۆتارێن خوه یێن سیاسى و ره‌وشه‌نبیرى دا، سیاسه‌تڤان و ره‌وشه‌نبیرێن كوردستانێ، به‌رییا هه‌ر تشته‌كى ئاماژه‌یێ دده‌ن كو دژمن و نه‌حه‌زێن ملله‌تێ كورد ئه‌گه‌رێن سه‌ره‌كینه كو هه‌تا نها كورد ب مافێن خوه ره نه‌گه‌هشتین و خه‌ونا ده‌وله‌تێ نه‌بوویه راستى ل سه‌ر ئاخا واقعێ هه‌یى، سه‌ره‌رایى ئه‌و ده‌لیڤه‌یێن بده‌ستڤه هاتین.
ئه‌ز ب خوه ڤێ دیتنێ دئێخمه د بازنه‌یێ گومانێ دا، وه‌سا هزرناكم. هه‌كه ئه‌م خوه ژكێنجا سۆزا كۆره رزگار بكن و ل په‌ى مه‌نتقێ ئه‌قلى هزربكن، دێ بینین هه‌ر جاره‌كا وان دژمن و نه‌حه‌زان پیلان بۆ ملله‌تێ كورد داناین و بزاڤا شكاندن و ژناڤچوونا وى كرین، بێى چه‌ته‌یى و پشكدارى و هه‌ڤكارییا كوردێن هه‌رده‌م ب خائین تێن ناسین نه‌كریه. هه‌لبه‌ت، ئه‌ڤه ژبلى وان ئێریش و ب سه‌رداگرتنێن هۆڤانه كو ب سه‌ر ده‌ڤه‌را رۆژهه‌لاتاناڤین دا هاتین، مینا هێرشا ئه‌سكه‌نده‌رێ مه‌قدوونى، ئمبراتۆریا ئیسلامێ، جه‌نگیزخانى و هۆلاكۆى…. هتد كو هه‌میان ل دووڤ سیاسه‌تا كه‌ڤن و نوو (یان ژ منى یان دژى منى) كوردستان مینا وه‌لاتێن دن داگیركریه و وێرانكریه و ته‌روهشك ب هه‌ڤرا سۆتنه!
هه‌كه ئه‌م تنێ دیرۆكا ناڤین یا كوردستانێ،500 ـ 600 سالێن ده‌ربازبووین ل ژێر ده‌ستهه‌لاتێن ئمبراتۆریێن ئۆسمانى و سه‌فه‌وى بكه‌ینه نموونه، دێ بۆ مه خویا بت كو ب رێژه‌یه‌ك كێم نه‌بت، وه‌ك دى چو ل ئه‌قلیه‌تا تاكێ كورد نه‌هاتییه گوهه‌ڕتن، هه ر ئه‌و ئه‌قلیه‌ته بیانى و دژمن بكاردئینن، دژى ئالیێ دى یێ نفشێ خوه دا كو ده‌ستهه‌لاتێ بده‌ستڤه بینن و ئالیێن دى خوه بۆ بچه‌مینن و ده‌ستێ خوه بده‌نه سینگێ خوه و ئه‌وا وان دڤێت بۆ بكن.
ما هه‌كه كورد خودانیێن خوه و ڤێ ئه‌قلیه‌تێ نه‌بانه، ئه‌ڤه سه‌رێ دو سالانه، ل هه‌رێمه‌كا ئازادكرى و پتریا مه‌رجێن ده‌وله‌تێ هه‌ین، دا میننه بجڕكێشانا په‌رله‌مانه‌كێ حزبیڤه كو وان ب خوه ژ كارئێخستى و جاره‌كا دى ئه‌كتیڤ بكن؟! ئه‌ز دبێژم په‌رله‌مان حزبیه و ده‌ربڕینێ ژ ده‌نگێ ملله‌تى ناكت، چونكى ملله‌تى ده‌نگ نینه د ڤێ مژارێ دا و هه‌ر ئه‌و حزبێن، ل دووڤ گێول و میزاجێن خوه یێن به‌رته‌نگ بفیتكڤه‌دان و ده‌ستقوتانا دژمنان یارییان ب هه‌ست و مه‌شاعرێن خه‌لكى دكن و هیچ رێزه‌كێ به‌رامبه‌ر وى خه‌لكێ ده‌نگێ خوه دایه وان ناگرن. ئه‌ز دبێژم ناگرن، چونكه پرانیا خه‌لكێ ده‌نگێ خوه ب ناڤێ دیمۆكراسیێ دایه نوونه‌رێن حزب و ئالیێن هه‌رێمێ دا كو خزمه‌تا وان بكن و به‌رڤ ئارمانجێن وان یێن نه‌ته‌وه‌یى و ره‌وا ببن و ژیانا وان خوه‌ش بكن؛ لێ مخابن، ئه‌ڤ حزبه، بێى جودایى هه‌ر ئێك ل دووڤ ئه‌جندایا خوه یا به‌رته‌نگ لسه‌ر ئه‌جندایا گشتى یا به‌رفره‌ه یا ملله‌تى وه‌سا دبینن كو حزبا وى تنێ دروسته و ئه‌ڤێن دى د خه‌له‌تن و هه‌تا ب خائین و خوه فرۆش ژى هه‌ڤدو تاوانباردكن و نوونه‌رێن شاهێ سه‌فه‌وى و سلتانێ عۆسمانى ده‌ستان بۆ دقوتن!
هه‌لبه‌ت هه‌كه ملله‌تى ده‌نگه‌ك هشیار و ب سه‌نگ هه‌بایه كو ڤان حزبان هزره‌ك بۆ كربایه، وان هۆسا ب ساناهى، ب پالپشتیا نه‌حه‌ز و دژمنان مافێ وان نه‌دكر قوربانێن حه‌زێن خوه یێن گه‌نى و چاره‌نڤیسێ ڤێ هه‌رێما ئازادیا خوه ب خوینا هزارن شه‌هیدان بده‌ستڤه هیناى به‌ره‌ڤ چاره‌نڤیسه‌ك نه‌دیار نه‌دبرو خوه‌لى ب سه‌رێ خوه و خه‌لكێ خوه وه‌رنه‌دكر!
ئەڤرۆ نیۆز،زنار تۆڤی:
ئەڤرۆ شەمبیێ 8.7.2017 كۆمبوونا سەرکردایەتیا ھەڤبەشا ئێکەتی نیشتمانی كوردستان و بزاڤا گۆرانێ ل بارەگایێ مەکتەبا سیاسی یا ئێکەتیێ ل باژێرێ سلێمانیێ، دەست پێکر،هەروەسا سەرکردایەتیا ھەڤبەشا ئێکەتیێ و گۆرانێ دێ ل سەر پرسا ریفراندۆمێ و ئایندەیێ رێکكەفتنا سیاسی یا دناڤبەرا وان دا دانوستاندنێ کەن.
بەری نوکە په‌رله‌مانتارەکێ گۆرانێ ب ناڤێ مەحمود حاجى عومه‌ر بۆ باس دیارکربوو،کو ئەڤە ماوێ زێدەتر ژ سالەکێیە بزاڤا گۆران ل گەل ئێکەتیێ رێککەفتنا سیاسی ئەنجامدایە، بەلێ هەتاکو نوکە ژبلی پێکئینانا سەرکردایەتیا ھەڤبەش ھیچ خالەکا ناڤ وێ رێککەفتنێ نەهاتیە بجهئینان.
وی پەرلەمانتاری گوتیە ژی،نوکە ڕێککەفتنا مە ل گەل ئێکەتیێ د ئاستەکێ لاواز دایە،ب جۆرەکێ کو گۆرانێ ھیچ ئومێدەک ب جێبەجێکرنا بەندێن ناڤ ڤێ رێککەفتنێ نەماینە.
ئەڤرۆ نیۆز،زنار تۆڤی:
رۆژناما ئێکسپرێس یا بریتانی راگەهاندیه کو یانا چێلسی دەستەوارەیەک ب گۆژمێ 22 ملیۆن پاوەندا بۆ ڤەگۆهاستنا دانیلۆیێ بەرازیلی پێشکێشی یانا ریال مەدرید کریە.
رۆژنامێ ئەو ژی گۆتیە،کو یانا ئنگلیزی ل ڤەگۆهاستنا ڤی یاریزانی نێزیکبوویە و پشتی ڤێ چەندێ یانا یوڤێنتوس خوە ژ ئینانا ڤی یاریزانی ڤەکێشایە و گرنگی ب شیانێن دۆگلاس کۆستا یێ بەرازیلی و یاریزانێ بایرن میونشن ددەت.
ریال مەدرید داخوازا پارەیەکێ زێدەتر ژ وی پارێ چێلسی پێشکێشکری دکەت و دڤێت وی یاریزانی ب 26.5 ملیۆن پاوەندا بفرۆشیت، ئەنتۆنیۆ کۆنتی ژی دڤێت ڤی یاریزانی بۆ هەڤکاریکرنا سیزار ئەزپلکوێتا و ڤیکتۆر موسێسی ببەتە ستامفۆرد بریج.
یانا یوڤێنتوس پێشتر دەستەوارەیەکێ ب گۆژمێ 15 ملیۆن یۆرۆیا بۆ ڤەگۆهاستنا ڤی یاریزانی پێشکێشکربوو، بەلێ ریال مەدرید هەر زوو رەتکرەڤە، پاشی یانا ئیتالی ئەو دەستەوارە بۆ 20 ملیۆن یۆرۆیا بلندکر،بەلێ هێشتا داهاتیێ وی یاریزانی ئێکلایی نەبوویە.
دانیلۆی ل وەرزێ بوری 25 یاری ب درێسێ ریال مەدرید ئەنجامداینە و 1 گۆل ژی تۆمارکریە و 3 گۆل ژی دروستکرینە.
ئه‌ڤرۆ نیۆز،زنار تۆڤى:
شێرزاد ره‌سۆل فه‌قێ سه‌رۆكێ رێكخراوا كوردستان فۆتۆ بۆ ئه‌ڤرۆ نیۆز دیاركر:کو ل رۆژا 7/7/2017 وان وه‌ك رێكخراوا كوردستان فۆتۆ گه‌شته‌ك بۆ چه‌ندین ئه‌ندامێن ڤێ رێكخراوێ ل گوندێ هرۆرێ ل ده‌ڤه‌را به‌رواى بالا رێكخستیە و د هه‌مان ده‌مدا وان وركشۆپه‌ك ده‌رباره‌ى فۆتۆگرافیێ ل سه‌ر ئه‌دێت و مۆدێلان بۆ چه‌ندین ئه‌ندامێن رێكخراوا خوە ل پارێزگه‌ها دهوكێ ل وی گوندی رێكخستیە بۆ ماوێ ده‌مژمێر و نیڤا.
هه‌روه‌سا دیارکر ژی، ئه‌ڤ ورکشۆپە یا گه‌ریده‌یى بۆ ل ده‌ڤه‌را به‌روارى بالا.
فوتو ستووری ، نەوزاد ھلوری:
ھاڤینگەھا ئاڤا مارک ل دەڤەرا رێکان یا سەر ب ناحیا شێلادزێ ل دەڤەرا ئامێدیێ ئێکە ژ ھاڤینگەھێن ھەری خوش و دلڤەکەر ل پارێزگەھا دھۆکێ کو روژانە زێدەتری ھەشت ھزار کەس سەرەدانێ بو دکەن و نێزیکێ 30% ژ گەشتیار و مێڤانێن وێ ل باشوورێ عیراقێ دھێن و ئەڤێن دن ژی ل پارێزگەھێن دن یێن ھەرێما کوردستانێ و دەڤەرێ دھێن.
ئەڤرۆ نیوز ، ھلۆری:
دەمەک بەریا نھا کۆمبوونا کومیتەیا گشتیی یا ریفراندومێ ب سەروکاتیا مەسعود بارزانی سەرۆکێ ھەرێما کوردستانێ داوی ھات و نونەرەکێ ئەوێ کومێتەیێ ژی ددەتن دیارکرن کو بریار ھاتەدان چەند شاندەک بو وەلاتێن جیران و جیھانێ بھێنە رەوانەکرن.
ئەڤرۆ رۆژا شەمبی ل پیرمام کومبوونا کومیتەیا گشتی یا ریفراندۆمێ ب سەروکاتیا بارزانی داوی ھات و ل بارا ئەنجامێن کومبوونێ رۆژ نوری شاویس نونەرێ پارتی دیموکراتی کوردستان دیارکر کو چەند شاندەک بو وەلاتێن دەرڤەیێن ھەرێما کوردستانێ بھێنە رەوانەکرن و گۆت: ( دوو کومیتە ھاتینە پێکئینان کو ئەو ژی دێ ل گەل بەغدا و ئیران و تورکیا کومبیت و ئێک ژی دێ سەرەدانا گۆران و کومەلێ کەت ، و چەند شاندەک ژی دێ بو وەلاتێن ئەمریکا و ئەوروپا ھێنە رەوانەکرن)
زێدەتر گۆت: ( حکومەتا ھەرێما کوردستانێ ھاتە راسپاردن ل بارا ئەنجامدان و دانانا سندوقێن دەنگدانێ ل دەڤەریێن ڤەقەتیایێن ھەرێما کوردستانێ)
وەسا بریارە کو لرۆژا ٢٥ ئیلونا داھاتی ریفراندوم بو سەربخویا کوردستانێ ل ھەرێما کوردستانێ و دەڤەرێن ڤەقەتیایی بھێتە ئەنجامدان.
نيشاندان