ره‌وشا سه‌قايێ سوبه‌هى

04/02/2017 10:56

634

Duhok دهۆك سه‌قا — ديمه‌نه‌ك ژ پاركا بارزانى ل دهۆكێ فۆتۆ: نيوار باشوورى

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى رێكه‌فتى 5ى شوباتا 2017ێ ئه‌سمان دێ د ناڤبه‌را ساهى و ئه‌وره‌كێ ناڤه‌ندى دا بيت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ كارتێكرنا فشارێن نزمێن وه‌لاتێ توركيا دهێته‌ پێشبينيكرن ئه‌سمان د ناڤبه‌را ساهياتى و ئه‌وره‌كێ ناڤه‌ندى دا بيت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را -1 بۆ 10 پلان دا بن.

شانده‌كێ هه‌ڤپه‌يمانيا نشتيمانى ئه‌ڤرۆ دێ هێته‌ هه‌ولێر و ل گه‌ل بارزانى كۆم بيت

04/02/2017 10:55

105

ئه‌ڤرۆ نيوز:

شانده‌كێ هه‌ڤپه‌يمانيا نشتيمانى يا شيعه‌ ب سه‌رۆكاتيا عه‌مار حه‌كيم سه‌ره‌دانا هه‌ولێر دێ كه‌ت و ل گه‌ل مه‌سعود بارزانى سه‌رۆكێ هه‌رێما كوردستانێ و پارتێن ناڤا حوكمه‌ت و په‌رله‌مانى كۆم بيت.

فوئاد حسێن سه‌رۆكێ ديوانا سه‌رۆكاتيا هه‌رێما كوردستانێ راگه‌هاند كو ئه‌ڤرۆ رۆژا شه‌مبى 4ى شوباتا 2017ێ عه‌مار حه‌كيم سه‌رۆكێ هه‌ڤپه‌يمانيا شيعه‌ و چه‌ند ئه‌ندامێن هه‌ڤپه‌يمانيێ كو نوونه‌رێن هه‌موو پارتيێن ناڤ هه‌ڤپه‌يمانيێ تێدانه‌، دێ سه‌ره‌دانا هه‌ولێر كه‌ن.

فوئاد حسێن راگه‌هاند ژى شاند دێ ل گه‌ل مه‌سعود بارزانى سه‌رۆكێ هه‌رێما كوردستانێ كۆم بيت و پاشان ژى ل گه‌ل پارتيێن پشكدار د په‌رله‌مان و حوكمه‌تا هه‌رێما كوردستانێ دا كۆم بن.

فوئاد حسێن راگه‌هاند ژى كو ئه‌جنيدا كۆمبوونێ دێ يا ڤه‌كرى بيت و دبيت به‌حس ل كاودانێن مووسل ل پشتى شه‌رێ داعش بهێته‌ كرن و پاشه‌رۆژا هه‌رێما كوردستانێ ژى ئێكه‌ ژ ئه‌گه‌ران كو دبيت به‌حس لێ بكه‌ن.

بيونسێ ب جێمكه‌كى يا ب دوگيانه‌

03/02/2017 19:38

1023

ئه‌ڤرۆ نيوز:

ستێرا ستران گۆتنێ يا ناڤدارا ئه‌مريكى بيونسێ ب رێيا وێنه‌كى ل سه‌ر ئينستگرامى ل 1ى شوباتا 2017ێ ب ريێا وێنه‌يه‌كى بۆ جه‌ماوه‌رێ خوه‌ راگه‌هاند كو ئه‌وێ دێ جێمكه‌ك هه‌بيت.

ئه‌ڤى وێنه‌ى ژى ده‌نگڤه‌دانه‌كا مه‌زن ل سه‌رانسه‌رى جيهانێ ڤه‌دا و هه‌شت مليۆن لايك ل دووڤ خوه‌ هێلان كو دبيته‌ وێنه‌يێ ئێكێ ل ئينستگرامى هنده‌ لايك بۆ دچن هه‌ر وه‌كو ئينستگرامى راگه‌هاندى.

ئه‌ڤه‌ دوگيانيا دويێ يا بيونسێ يه‌ ژ سترانبێژێ راپ جاى زى.

ب وێنه‌: باكوورێ ئه‌فريقيا به‌رى 118 سالان

03/02/2017 19:16

212

ئه‌ڤرۆ نيوز:

هه‌چيێ ته‌ماشه‌ كه‌ت دێ بێژيت هنده‌ك تابلۆيێن زه‌يتى نه‌، به‌لێ د راستى دا ئه‌ڤه‌ باكوورێ ئه‌فريقيايه‌ به‌رى زێده‌تر ژ 100 سالان، تۆڕا ده‌نگوباسێن CNN ل سه‌ر پێگه‌هێ خوه‌ يێ فه‌رمى به‌لاڤكرينه‌.

ئه‌ڤ وێنه‌ هنده‌ك ژ ژين و ژيارا وى سه‌رده‌مى يا وه‌لاتيان و هنده‌ك باژارێن مه‌زن يێ باكوورێ ئه‌فريقيا نيشان دده‌ن، هه‌ر وه‌كو CNN دايه‌ زانين كو ئه‌ڤ وێنه‌ د كۆچكا سپى ڤه‌ هه‌نه‌، به‌لێ پتريا خودانێن ڤان وێنا نه‌هاتينه‌ ئاشكه‌را كرن و ناڤێن وان د به‌رزه‌ نه‌.

سوبه‌هى تازيا ليوا وه‌حيد كۆڤلى دێ ل مزگه‌فتا حه‌جى ئه‌حمه‌د هێته‌ دانان

03/02/2017 17:20

3862

ئه‌ڤرۆ نيوز:

سپێده‌هيا ئه‌ڤرۆ رۆژا ئه‌ينى 3ى شوباتا 2017ێ ليوا وه‌حيد كۆڤلى فه‌رماندێ فه‌رمانده‌يا دژى تيرۆرێ ل دهۆكێ ژ ئه‌گه‌رێ جه‌لتا مێشكى ل مالا خوه‌ چو به‌ر دلۆڤانيا خودێ.

كه‌سه‌كێ نێزيك مالا وى ئه‌ڤ نووچه‌ پشت راست كر و گۆت: “ئه‌ڤرۆ رۆژا ئه‌ينى و ل ده‌مژمێر 8:00ى سپێدێ ژ ئه‌گه‌رێ جه‌لتا مێشكى وه‌حيد كۆڤلى چوو به‌ر دلۆڤانيا خودێ”.

ليوا وه‌حيد كۆڤلى فه‌رماندێ فه‌رماندا دژى تيرۆرێ دژيێ 46 ساليێ دا وه‌غه‌ر كر و خودان سێ كوڕه‌ و هنده‌ك كچ ژى يێن هه‌ين.
ليوا وه‌حيد كۆڤلى ئێك ژ ناڤدارترين فه‌رماندێ له‌شكرێ كوردستانێ بوو د شه‌رێ دژى داعش دا و چه‌ندين جاران پشكدارى د شه‌رێن گه‌له‌ك مه‌زن دا كرينه‌ و گه‌له‌ك سه‌ركه‌فتن تۆمار كرينه.

ب گۆره‌ى ئه‌و پێزانينێن ل به‌ر ده‌ستێ ئه‌ڤرۆ نيوز تازيا خودێ ژێ رازى وه‌حيد كۆڤلى دێ سوبه‌هى رۆژا شه‌مبى رێكه‌فتى 4ى شوباتا 2017ێ ل مزگه‌فتا حه‌جى ئه‌حمه‌د هێته‌ دانان.

ئەحمەد تورک ھاتە ئازادکرن

03/02/2017 17:03

176

ئه‌ڤرۆ نيوز، سالار دۆسكى:

ل دووڤ دەنگ و باسێن سازیێن راگەھاندنێ ل وەلاتێ تورکیا ئەڤرۆ ئێڤاری 3ى شوباتا 2017 ھەڤ سەرۆکێ باژێرڤانیا مێرین (ئەحمەد تورک) ھاتە ئازادکرن، دیسا نوشدارێن پزیشکا داد ل باژێرێ ئستەنبوولێ راپووتا ل سەر ساخلەمیا ناڤبری راگەھاندن دیارکرن کو دشێت د زیندانێ دا بمینت و سەرەرایی بریارێ ئەڤرۆ ناڤبری ھاتە ئازادکرن.

پێشتر پارێزەرێن ئەحمەد تورک خواست بوو ناڤبری بھێتە ئازادکرن ب بھانا وێ چەندێ کو ساخلەمیا وی یا تێک چوویی و سەرۆکاتیا داواکارێ گشتی داخازا راپوراتا نوشداری کربوو بۆ پەسەندکرنا خواستا پارێزەرێن ئەحمەد تورک. جھێ ئاماژەکرنێ یە کو رێکەفتی 24 چريا دويێ 2016 ئەحمەد تورک دژیێ 57 سالیێ دا ب بھانا بانگێشکرن بۆ پەکەکێ ھاتبوو دەستە سەرکرن ژلایێ ھێزێن ئێمناھیێ ڤە ل وەلاتێ تورکیا و ئەڤرۆ ئێڤاری ھاتە ئازادرکرن.

ليوا وه‌حيد كۆڤلى ل گۆرستان شاخكێ هاته‌ ڤه‌شارتن

03/02/2017 15:00

1290

ئه‌ڤرۆ نيوز:

ب گۆره‌ى ئه‌و پێزانينێن ل به‌ر ده‌ستێ ئه‌ڤرۆ نيوز تازيا خودێ ژێ رازى وه‌حيد كۆڤلى دێ سوبه‌هى رۆژا شه‌مبى رێكه‌فتى 4ى شوباتا 2016ێ ل مزگه‌فتا حه‌جى ئه‌حمه‌د هێته‌ دانان.

وێنه‌: سالار دۆسكى

زۆما ئه‌ڤرۆ نيوز ل سارترين ده‌ڤه‌را پارێزگه‌ها دهۆكێ

03/02/2017 13:09

292

ئه‌ڤرۆ نيوز، زنار تۆڤى:

چه‌ند ديمه‌نێن ده‌ڤه‌را كانى ماسێ كو ب سارترين ده‌ڤه‌ر ل سه‌رانسه‌رى پارێزگه‌ها دهۆكێ دهێته‌ هژمارتن و ئێك ژ شه‌ڤێن خوه‌ ب -17 ده‌رباز كر كو زوو ب زوو ئه‌ڤ پلا سه‌رمايێ ناهێته‌ تۆماركرن.

ليوا وه‌حيد كۆڤلى چوو به‌ر دلۆڤانيا خودێ

03/02/2017 12:30

1449

ئه‌ڤرۆ نيوز:

پشتى ژ نوشداريا داد ب دووماهى دهێت دێ بۆ گورستانا شاخكێ ل دهۆكێ هێته‌ ره‌وانه‌كرن و ل وێرێ هێته‌ ڤه‌شارتن. هه‌ر وه‌كو ئه‌ڤى كه‌سێ نێزيكى خێزانا وى ئاشكه‌را كرى.
ليوا وه‌حيد كۆڤلى فه‌رماندێ فه‌رماندا دژى تيرۆرێ دژيێ 46 ساليێ دا وه‌غه‌ر كر و خودان سێ كوڕه‌ و هنده‌ك كچ ژى يێن هه‌ين.
ليوا وه‌حيد كۆڤلى ئێك ژ ناڤدارترين فه‌رماندێ له‌شكرێ كوردستانێ بوو د شه‌رێ دژى داعش دا و چه‌ندين جاران پشكدارى د شه‌رێن گه‌له‌ك مه‌زن دا كرينه‌ و گه‌له‌ك سه‌ركه‌فتن تۆمار كرينه.