ئه‌ڤرۆ نيوز:
رۆژنامه‌ڤان و چالاكڤانێن عيراقى راگه‌هاند كو ئه‌ڤرۆ رۆژا سێشه‌مبى رۆژنامه‌ڤانه‌كا عيراقى ب ناڤێ “ئه‌فراح شه‌وقى” ل مالا وێ ل به‌غدا ژ لايێ ژماره‌كا چه‌كدارێن نه‌نياس ڤه هاته ره‌ڤاندن، به‌لێ هێشتا د وێ ده‌ربارێ دا چو نووچێن زێده‌تر نه‌هاتينه به‌لاڤكرن.
ب گۆره‌ى پێزانينان پشتى ئه‌وێ رۆژنامه‌ڤانێ گۆتاره‌ك ل سه‌ر پێگه‌هه‌كێ ئه‌نترنێتێ به‌لاڤكرى و ره‌خنه ل دياردا چه‌كهه‌لگرتنا ميليشياتێن چه‌كدارى و روودانا هێرشكرنا سه‌ر رێڤه‌به‌ريا قوتابخانه‌كا ناسريه ژ لايێ ئه‌فسه‌ره‌كى ڤى به‌لاڤكرى، چه‌ند ده‌مژمێران پشتى وى بابه‌تى هاته ده‌سته‌سه‌ركرن.
ئه‌وێ رۆژنامه‌ڤانا عيراقى وه‌كو په‌يامنێر و نڤيسه‌ر ل چه‌ندين كه‌نالێن عيراقى و عه‌ره‌بى وه‌كو “الشرق الاوسط” و چه‌ندين كه‌نال و ده‌زگه‌هێن ناڤخۆى يێن عيراقى كار كريه.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى رێكه‌فتى 28ى كانوونا ئێكێ 2016 ئه‌سمانێ دهۆكێ دێ ئه‌وره‌كێ ته‌مام بيت و ل دانێ سپێدێ دێ هنده‌ك چپكێن بارانێ بارن و پاشان بيته ئه‌وره‌كێ ناڤه‌ندى.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن رۆژهه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌وره‌كێ ته‌مام بيت و ل دانێ سپێدێ دێ هنده‌ك چپكێن بارانێ بارن و پاشان بيته ئه‌وره‌كێ ناڤه‌ندى.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15كم دا و ماوێ ديتنێ ژى دێ د ناڤبه‌را 9 بۆ 10كم دا بيت، پلێن گه‌رمێ ژى دێ د ناڤبه‌را 4 بۆ 12 پلان دا بن.
ئەڤرۆ نيوز:
پەڕلەمانتارەکا کوردا ئێزدی ل جڤاتا نوونەرێن عیراقێ راگەھاند، ئەو ب چو رەنگان مانا پەکەکێ ل شنگالێ قەبوول ناکەن و دێ ھەموو رێیان بۆ دەرخستنا وان گرنە بەر، لێ باشترە پەکەکە ب رێیێن ئاشتیانە، وی باژێری چوول بکەت.
ڤیان دەخیل بۆ ئاژانسا ئەنادول دیار کر کو پەکەکێ ب بەھانا پاراستنا ئێزدیان، شنگال داگیرکریە، لێ نوکە وان چو رۆ‌لەکێ سەربازی و کارگێری نەمایە و پێدڤیە ژ وی باژێری دەرکەڤن، ژ بەر کو ئێزدی وان قەبوول ناکەن و ب دەھان رێکخستنێن نێڤدەولەتی ل ژڤانێ دەرکەفتنا پەکەکێ نە، داکو دەست ب ئاڤاکرنا شنگالێ بکەن.
ئه‌ڤرۆ نیوز:
قه‌ره‌بالغترین رێیا هاتنووچوونا ئاسمانی ل جیهانێ د ناڤبه‌را له‌نده‌ن و پاریسێ دا نینه و د ناڤبه‌را نیویۆرك و لۆس ئه‌نجلس ژی دا نینه، به‌لكو د ناڤبه‌را دو جهێن كۆریا باشۆره.
قه‌ره‌بالغترین رێیا هاتنووچوونا ئاسمانی د ناڤبه‌را سیئولا پایته‌ختێ كۆریا باشۆر و گراڤا جیجو دا یه كو چێدبیت ته چ جار ناڤێ وێ گراڤێ نه‌بهیست بیت، ژبلی هه‌كه‌ر تو داخبارێ زنجیره‌فلمێن كۆری بی.
گه‌شتێن ئاسمانی د ناڤبه‌را سیئول و گراڤا جیجو دا ب ره‌نگه‌كی گه‌له‌كن كو تو دشێی هه‌ر 15 خۆله‌كان جاره‌كێ ل فرۆكه‌كێ سیار بی و گه‌شته‌كێ بكه‌ی.
گراڤا جیجو ل باشۆرێ كۆریا باشۆره و ب هاواییا كۆری دهێته نیاسین، جهه‌كێ گۆزاریێ به‌رنیاسه و هه‌ژماره‌كا مه‌زن یا بووك و زاڤایان ژی مه‌ها هنگیڤینی ل وێ گراڤێ دبۆرینن كو سرۆشته‌كێ گه‌له‌ك جوان هه‌یه.
سه‌رباری سه‌قایێ وێ یێ ئارام، وێ گراڤا بچۆك دیرۆكه‌كا ره‌ش هه‌یه، ل سالا 1948 سه‌رهلدانا پشته‌ڤانێن كۆمیونستان ل جیجو هاته كرن، لێ حكوومه‌تا كۆریا و ئه‌مریكا ئه‌و سه‌رهلدان ژناڤبر و سیهـ هزار كه‌س هاتنه كوشتن و چه‌ندین كه‌س تۆشی زۆرداریێ بوون، نها ژی ب چالاكیێن تایبه‌ت بیرا هه‌می گه‌شتیاران ب وێ روودانا دیرۆكی دهێته ئینان.
ئه‌ڤرۆ نيوز: ره‌وان نهێلى:
كومپانيا كوره‌ك تليكوم ئوفه‌ره‌كا نوو بۆ پشكدارێن هێلێن پریپەید ل هه‌ردو پارێزگه‌هێن هه‌ولێر و دهۆك پێشكێش كر كو ناڤێ ئوفه‌رێ بێ هاوتايه ، پشكداربوويى دێ كارته‌كا 10 هزارى دزێده‌تر داخل كه‌ت و بێ سنور دێ خوله‌كێن ئاخفتنێ بۆ ناڤ تورا كوره‌ك بۆ ل به‌رده‌ست بن، ل گه‌ل 2 هزار مێگابايتێن ئه‌نته‌رنێتێ ب خورايى ، هه‌روه‌سا ب پركرنا 10 هزار ديناران دێ 10 رۆژان ئه‌ڤ خوله‌كێن بێ سنور و ئه‌نته‌رنێت ل به‌ر ده‌ست بن، بێ كو چ كوژمه‌ك ژ بالانسێ پشكداربووى كێم ببيت.
بۆ پتر پێزانينان سه‌ره‌دانا ڤى لينكى بكه‌ن
ئه‌ڤرۆ نیوز:
وه‌زاره‌تا به‌رگرییا ئیراقێ راگه‌هاند كو د چارێكا ئێكێ یا سالا 2016ێ دا ئیراق دێ 24 فرۆكه‌یێن شه‌ركه‌ر ژ كۆریا باشۆر وه‌رگریت.
وه‌زاره‌تا به‌رگرییا ئیراقێ ئیراقێ دیار كر: دێ ئه‌و 24 فرۆكه‌یێن شه‌ركه‌ر یێن ژ جۆرێ T50 دێ ژ كۆریا باشۆر كرن و ل ده‌ستپێكا سالا 2017ێ دێ گه‌هنه ئیراقێ.
فرۆكه‌ڤانێن ئیراقێ دێ ل كۆریا باشۆر ل سه‌ر وان فرۆكه‌یان هێنه مه‌شقدان، هه‌تا چێكرنا بنگه‌هێ ئاسمانی یێ سوه‌یرا ل ناڤه‌راستا ئیراقێ بداوی بهێت.
ئه‌ڤرۆ نیوز:
ده‌زگه‌هێ ئاسایشا هه‌رێما كوردستانێ سه‌باره‌ت ته‌قینا نێزیك باره‌گایێ سه‌ره‌كى یێ حزبا دیموكراتا كوردستان ل كویه رونكرنه‌ك به‌لاڤكریه و دیاركریه كو دو كه‌س ب تومه‌تا ده‌ست هه‌بوون دكریارێ دا هاتینه گرتن.
ئاماژه ب وێ یه‌كێ كریه كو ته‌مه‌تبارێ سه‌ره‌كى یێ ته‌قینا كویه ئاشكرابوویه، به‌لێ ره‌ڤى یه.
نيشاندان