ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى رێكه‌فتى 18ى كانوونا ئێكێ 2016 ئه‌سمانێ دهۆكێ دێ ئه‌وره‌كێ ناڤه‌ندى بيت و پاشان ب ته‌مامى بيته‌ ئه‌ور و هنده‌ك بارانا هوور ژى ل گه‌ل دايه‌.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ كووربوونا كارتێكرنا فشارێن نزمێن وه‌لاتێ توركيا كو بارسته‌ هه‌وايه‌كێ سار ل گه‌ل دايه‌ بۆ سه‌ر هه‌رێما كوردستانێ دهێته‌ پێشبينيكرن ئه‌وره‌كێ ناڤه‌ندى بيت و پاشان ب ته‌مامى بيته‌ ئه‌ور و هنده‌ك بارانا هوور ژى ل گه‌ل دايه‌ و ل ده‌ڤه‌رێن چيايى ژى ده‌ليڤا به‌فر و بارانێ يا هه‌ى.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 15كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را 1 بۆ 7 پلان دا بن.

ئه‌ڤرۆ نيوز، نه‌وزاد زاده‌ هلۆرى:

چيايێ پيرس ل ده‌ڤه‌را ئاكرێ ژ لايێ تيمێن به‌فر رامالينێ دهێته‌ پاقژكرن و ڤه‌كرن كو ڤان رۆژان ژ ئه‌نجامێ وێ پێلا به‌فر و بارانێ يا ب سه‌ر هه‌رێما كوردستانێ دا بارى ل ده‌ڤه‌رێ باريه‌.