ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 18ى ئيلۆنا 2016ێ بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1295 |
| 1 يۆرۆيێ ئهورۆپى | 1440 |
| 1 ليرێ توركى | 435 |
بۆ وهرگرتنا نووترين پێزانينان ل سهر رهوشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب رهنگهكێ بهردهوام سهرهدانا مالپهرێ ئهڤرۆ نيوز www.evronews.net بكه.
ئهڤرۆ نيوز:
بڕياره د كۆمبوونا باراك ئۆباما سهرۆكێ ئهمريكا و حهيدهر عهبادى سهرۆك وهزيرێن عيراقێ دا، نوونهرێ مهسعود بارزانى سهرۆكێ ههرێما كوردستانێ ئامادهى كۆمبوونێ ببيت.
بۆ پشكداريكرنا د روونشتنا 71 ساليا نهتهوێن ئێكگرتى دا، ئهڤرۆ 18ى ئيلۆنا 2016ێ حهيدهر عهبادى ب سهرۆكاتيا شاندهكى بهر ب وهلاتێ ئهمريكا ڤه چوو و ههر ئێك ژ هشيار زێبارى وهزيرێ دارايێ عيراقێ و فهلاح حهسهن وهزيرێ چاندێ ههڤالينيا وى دكهن و وهزيرێ ژ دهرڤه يێ عيراقێ ژى كو نوكه ل فهنزوێلايه بڕياره بگههيته شاندى.
ب گۆرهى بهرنامێ كارى يێ حوكمهتا عيراقێ بۆ دهزگههێن راگههاندنێ رهوانهكرى، ژبلى پشكداريى كرن د كۆمبوونا نهتهوێن ئێكگرتى دا، بڕياره حهيدهر عهبادى ل گهل چهندين سهركردێن جيهانێ كۆم ببيت و ژ وان ژى باراك ئۆباما سهرۆكێ ئهمريكا.
ب گۆرهى چهند پێزانينهكان ژى كو K24 ب دهست خوه ئێخستينه، د روونشتنا حهيدهر عهبادى و باراك ئۆباماى دا، فوئاد حسێن وهكو سهرۆكێ ديوانا سهرۆكاتيا ههرێمێ وهكو نوونهرێ مهسعود بارزانى سهرۆكێ ههرێما كوردستانێ پشكدار بيت.
د كۆمبوونێ ژى دا بڕياره دانوستاندن ل سهر رزگاركرنا باژێرێ مووسل و قوناغا ب رێڤهبهرنا مووسل پشتى رزگاركرنێ بهێنه گهنگهشهكرن و فوئاد حسێن ژى دێ بهحسا چاوانيا پشكداريكرنا پێشمهرگهى د شهرێ رزگاركرنا مووسل دا كهت.
ئهڤرۆ نيوز:
پهقينهك ل ئسپانيا روودا و ژ ئهگهرێ وێ چهندێ كهسهكى گيانێ خوه ژ دهست و ههشت كهس ژى بريندار بوون و برينا دويان يا دژواره.
پهقين ل ئاڤاهيهكێ ناڤهراستا باژێرێ پرێميا دى مار روودا و زيانهكا مهزن ب ئاڤاهى كهفت.
تيمێن ههوارهاتنێ و پۆليس و دهزگههێن ئهمنى گههشتنه جهێ روودانێ و ڤهكۆلين د ئهگهرێن پهقينێ دا دهسپێكرينه، بهلێ ههتا نوكه ئهگهرێن پهقينێ و جۆرێ ئهو بۆمبا تهقين پێ ئهنجام داى نههاتيه زانين.
ئهڤرۆ نيوز:
بەرپرسێ پشکا راگەھاندنێ ل رێڤەبەریا گشتی یا ساخلەمیا پارێزگەھا دھۆکێ دیار کر کو ل ھەر چار رۆژێن جەژنا قوربانی 698 زارۆک ژ دایک بووینە ژ وانا ژی 379 کچ و 319 کوڕ بووینە و گۆت: “43 کەسان ژ ئەگەرێن جودا جودا گیانێ خوە ژ دەستدایە”.
حەمزە رەزیکی، بەرپرسێ پشکا راگەھاندنێ ل رێڤەبەریا گشتی یا ساخلەمیا پارێزگەھا دھۆکێ دیار کر کو 17 ھزار و 418 نەخۆشان سەرەدانا نەخۆشخانێن دھۆکێ کریە و 274 روودان ژ کەتن و سۆتن و بریندابوونێ و ھنگافتنا ترۆمبێلان ل دھۆکێ پەیدابووینە و 21 روودانێن ترۆمبێلان ل نەخۆشخانێن دھۆکێ ھاتینە تۆمارکرن و 63 کەس تووشی ھنگافتنێ بووینە و ھەشت کەسان ژ ئەگەرێن روودانێن ھاتنوچوونێ گیانێ خوە ژ دەستدایە.
ناڤھاتی خویا کر کو 170 کەسان سەرەدانا نەخۆشخانا سۆتنێ کریە و ب ھاتنا شاندەکێ نۆشدارێن یابانێ شیاینە 30 نشتەرگەریان بکەن و گۆت: “24 جەنازە یێن گەھشتینە نۆشداریا داد بۆ دیارکرنا ئەگەرێن مرنێ و 91 کەسا پەیوەندی ب 122 کریە و ھەشت روودانێن ترۆمبێلا بووینە و پێنج حالەتێن جەلتێ و پێنج زارۆکبوون و دو مرن یێن دیتر جۆرا و جور بووینە”.
ناڤبری ئاماژە دا وێ چەندێ کو ژ بلی روودانان 35 کەسان ژ ئەگەرێ جودا جودا گیانێ خوە ژ دەستداینە کو 11 زارۆک ل نەخۆشخانا ھیڤی مرینە و 11 نەخوەش ل نەخۆشخانا ئازادی یێن دیتر ژی ژ ئەگەرێن جودا جودا بووینە و گۆت: “167 کریارێن نشتەرگەریان یێن ھاتینە کرن بۆ نەخوەشان”.
ئەڤرۆ نيوز:
بەرپرسەکێ وەزارەتا ئەوقافێ ژڤانێ زڤڕینا کاروانێ ئێکێ یێ حەجیێن ھەرێما کوردستانێ بۆ ناڤ ئاخا کوردستانێ ئاشکرا کر.
مەریوان نەقشەبەندی، رێڤەبەرێ پەیوەندی و پێکڤە ژیانێ ل وەزارەتا ئەوقافێ و کاروبارێن ئایینی یا حوکمەتا ھەرێما کوردستانێ د لاپەرێ خوەیێ تایبەت دا ل سەر تورا جڤاکە یا فەیسبووکێ راگەھاند، کو وەکو سەرپەرشتێ تیما راگەھاندنێ و پەیوەندیێن وەزارەتا ئەوقافێ کارێ خوە ل سعودیێ ب دووماھیک ئینا و دێ زڤریتە باژێرێ ھەولێرێ.
رێڤەبەرێ پەیوەندی و پێگڤە ژیانێ ل وەزارەتا ئەوقافێ و کاروبارێن ئایینی دیار کر ژی کو دوھی ب شەڤ رۆژا شەمبی 17 ئەیلولا 2016 ئێکەم کاروانێ حەجیێن کوردستانێ زڤرینە وەلاتی.
زێدەتر گۆت: “ئەڤ سالە سێ ھزار و 656 وەلاتیێن ھەرێما کوردستانێ سەرەدانا باژێرێ مەککە کریە ب مەرەما ئەداکرنا فەریزا حەجێ، ھەروەسا ئەڤ سالە ل وەختێ ئەنجامدانا مەراسیمێن حەجێ، سێ حەجیان ژی گیانێ خوە ژ دەست دا، ئێک ئاکنجیێ پارێزگەھا ھەولێرێ یە و یێ دی ژی یێ پارێزگەھا دھۆکێ یە و یێ سیێ ژی خەلکێ کەلارە سەر ب دەڤەرا گەرمیانە.
ئەڤرۆ نيوز:
حوکمەتا ھەرێما کوردستانێ بڕیار دایە، پارچێن ئەردی ل سەر ھەموو پێشمەرگێن پشکدار د شەڕێ دژی داعشێ دا، پارڤەبکەت، سەرۆکێ لژنا پێشمەرگەی ژی دبیژیت: ئەو بڕیارە پێشمەرگێن بەری نوکە ژی سودمەندبووین ڤەدگریت.
ئاری ھەرسین، سەرۆکێ لژنا پێشمەرگەی ل پەڕلەمانێ کوردستانێ بۆ وار گۆت: سەرۆکایەتیا جڤاتا وەزیرێن ھەرێما کوردستانێ بڕیار دایە، ھەر پێشمەرگەکێ پشکداری د شەڕێ دژی داعشێ دا کری، پارچەکا ئەردی وەربگریت، ئەڤە ژی ل ھەمبەر وێ قارەمانی و ئازایەتیا ھێزێن پێشمەرگەی ل سەنگەرێن شەڕی نیشادای.
سەرۆکێ لژنا پێشمەرگەی ل پەڕلەمانێ کوردستانێ ئاماژە ب وێ چەندێ ژی کر، ئەڤ بڕیارە ھەموو پێشمەرگان ڤەدگریت، ئانکو وان پێشمەرگان ژی ڤەدگریت یێن کو پێشتر ژ وەرگرتنا ئەردی ژی سودمەندبووین، ب تنێ وان پێشمەرگان ڤەناگریت یێن کو بندیوارن و ئەوێن پشکداری د شەڕیدا نەکرین.
نيشاندان
