ئه‌ڤرۆ نيوز:

دبیت ھەڤژینا تە وەسا یا سادە نەبیت، لێ ل گۆری ڤەکۆلینەکا نوو یا 1000 کەس بخوە ڤە گرتین و ل بریتانیا ھاتیە کرن، ھەر ئێک دەە ژنان سیخوریێ ل سەر ئیمێل و نامەیێن تایبەت د مۆبایلێن ھەژڤینێن خوە دا دکەن.
ھندەک ژنان ژی گاڤێن مەزنتر بۆ سیخوریێ ل سەر مۆبایلێن ھەڤژینێن دھاڤێژن، ئەو ژی ب رێیا بەرنامەکێ نھێنی یێ چاڤدێریا مۆبایلان.
یا ژ وێ خرابتر، ڤەکۆلینەکا بەری نوکە ئاشکرا کر بوو، 44% ژ 920 ھەڤژینان یێن پشکداری ڤەکۆلینێ بووین، سیخوری ل سەر مۆبایلێن ھەڤژینێن خوە دکر. وەکو خواندنا ئیمێلان و نامەیان، د ڤی بیاڤی ژی دا ژنان پتر ژ زەلامان سیخوری کریە.
بۆ روونکرن، ڤەکۆلینێ ئاشکرا ژی کریە کو ھژمارەکا نەیا بچووک یا زەلامان ژی چاڤدێریا مۆبایلێن ھەڤژینێن خوە دکەن.
بەلێ بۆچی ژن ب تایبەتی سیخوریێ ل سەر مۆبایلێن ھەڤژینێن خوە دکەن؟
دکتور بۆل ھۆکمایەر دبێژیت: سیخوری و چاڤدێریا مۆبایلان ژ ڤالاتیێ ناھێت، بەلکو ئەنجامێ گۆمانایە. بەلێ ھەڤژین باوەریەکا تەمام پێ ناھینیت لەوا بزاڤا سیخوریێ دکەت.
ژدەستدانا باوەریێ ژ ھەر کەسەکی دێ مێکی ئێخیتە ھشیاریەکا زێدە یان ژی دێ ئێخیتە رۆلێ ڤەکۆلەری، دێ نەئارامیەکا زێدە چێبیت و دێ بزاڤێ کەت ڤەکۆلینێ ل سەر ھەموو تشێن ئالیێ دی و دێ بیتە ئێشانا دلینی.
ھۆکمایەر زێدەتر گۆت: خەلک سیخوریێ دکەت ھەموو کاڤان پێشبینی دکەن تشتێ خرابتر ببینن، ب دروستی وەکو داواکارێ گشتیێ سەرکەفتی ل بەلگەیێن ب ھێز دگەریت بۆ تاوانبارکرنا کەسەکی، ڤەکۆلەر ھەست دکەن ئەو پێدڤی پتر ھەستکرنێ یە بۆ دوپاتکرنا تاوانێ.
دبیت ژی ئەگەر خیانەتەکا کەڤن بیت یان ژی ئەگەرەک ھەبیت باوەریێ نەھێلیت، وەکو گۆتنەکا بەرێ ل سەر کەسەکی یان ژی پویتەدانەکا زێدە ب ھەڤالەکا وی یان لێڤەبوونا ژ ھەستێن گەرم.

بەلێ دێ چ کەی ھەکە تە ھەڤژینا خۆ گرت یا سیخوریێ ل سەر مۆبایلا تە دکەت؟
ھەکە تو یێ بێ گوننەهأ بی تو دشێی بێژیێ: ب راستی ئەز حێبەتی بووم، ئەز یێ ھەست ب خیانەتێ دکەم ژبەرکو تە باوەری ب من نینە.
پاشی پرسیارێ ژێ بکی: بۆچی تو ب ئاشکرایی و زەلالی بۆ من ترس و گۆمانێن خوە نابێژی؟
پرسیار ژێ بکە ھەستا نەباوەریێ ژ کیرێ بۆ تە چێبوویە، بێژێ ژی سیخوری و گۆمان ھەستێن ژەھراوی نە د پەیوەندیێ دا، ئەوا تو دکەی ناھێتە قەبوول کرن، ھیڤیە دوبارە نەکەی.
ھەکە تە ھەست پێکر گۆمانا وی ھەر ما یا باش ئەوە سەرەدانا تایبەتمەندەکێ پەیوەندیان یان ژی ھەڤالەکێ نێزیک بکەی و پرسیارێ ژێ بکەی.
ھۆشداری: ھەکە ب دروستی تو یێ گوننەھبار بی، بزاڤێ بکە داخواز لێبۆرینێ ژێ بکە و زێدەتر درەوا لێ نە، ژبەرکو وەریسێ درەوان یێ کورتە.

ئه‌ڤرۆ نيوز:
ژنێن ھندی بۆ جوانی و ھەبوونا پرچی بناڤ و دەنگن، ژ ئەگەرێ وان پێکھاتەیێن بۆ پیستێ سەری و پرچێ خوە بکار دئینن، ئەگەرێ تەنکبوونا پرچی و رووتبوونێ ل دەف ژنان بۆ چەند تشتان ڤە دگەریت ئەو ژی:
مەزنبوونا تەمەنی، خوارنا خراب، کێشێن پیستی و تێکچوونا ھۆرمۆنێن لەشی، لەورا بۆ چارەسەرکرنا پرچ رووتبوونا ژنان، ئەڤ گیراوە و پێکھاتنە ژلایێ شارەزایێن جوانکاریێ ھاتینە پێشنیاز کرن، کو ژنێن ھندی بۆ راگرتنا جوانیا پرچێ خوە و چارەسەریا پشتی رووتبوونێ بکار دئینن..
1.کەفچکەکێ مەزن ژ بیکاربۆناتا سۆدیۆمێ ل گەل پیچەکا ئاڤێ: بیکاربۆناتا سۆدیۆمێ ل گەل ئاڤێ باش تێکەل بکە و پاشی دانە سەر وان جھێن پیستێ سەرێ خوە کو پرچێ سەرێ تە تێدا تەنک بوویە و پشتی (5_10) خۆلەکا ب ئاڤێ سەرێ خوە بشۆ،ڤێ گیراوێ رۆژانە دو جارا یان زێدەتر بکار بینە.
2.کەفچکەکێ مەزن یێ زەیتا زەیتوونا و 4 کەفچکێن زەیتا(خروع) ل گەل ھندەک سیرا ھێرای: باش ڤان پێکھاتان تێکەل بکە و ئەو بەشێ سەرێ خوە پێ دوون بکە کو پرچ تێدا کێم بوویە،تۆ دشێی رۆژانە ڤان پێکھاتا بکار بینی.