ئهڤرۆ نیوز:
ئهڤرۆ رۆژا سێ شهمبى ل گهل ڤهكرنا بازارى، بهایێ بهرمیلهكا نهفتا برێنت بۆ 47 دولار و 80 سهنتان بلند بوو و بهاێ بهرمیلهكا نهفتا خاڤ یا ئهمریكا ژى ب 45 دولار و 36 سهنتان بوو.
بهایێ ئهڤرۆ یێ نهفتێ
نووترين نووچه
- سنۆرەكی بۆ گرۆپێن ژ دەرڤەی قانوونێ دانن
- هێرشێن ل سەر هەرێما كوردستانێ دهێنە كرن پرۆتەستۆ دكەین
- هەرێما كوردستانێ نابیتە مەترسی ل سەر وەلاتێن دەوروبەر
- مالكی و فراكسیۆنا پارتی: پێدڤییە كێشەیێن هەلاویستی ل سەر بنەمایێ دەستووری و قانوونێ بهێنە چارەسەركرن
- بێدەنگییا دەزگەهێن فەرمی یێن ئیراقی بەرانبەر هێرشێن ل سەر هەرێما كوردستانێ جهێ حێبەتیێ یە
- هندەك ژ هێرشێن ل سەر هەرێما كوردستانێ ژ نەینەوا دهێنە ئاراستەكرن
- حوكمەتا ئیراقێ بودجەیا گرۆپێن هێرشان ل سەر كوردان دكەن دابین دكەت
- چاڤدێرەكێ سیاسی: گرۆپێن چەكدار نەچارن خوە ژ نەینەوا ڤەكێشن
- نابیت هێرشێن ل سەر بارەگەهێن پێشمەرگەی و شەڕ فرۆشتن ب هەرێما كوردستانێ بەردەوام بیت
- ئافرەتێن كوردستانێ هەردەم پشكەكا سەرەكی یا خەباتا گەلێ مە بوون
سهرهكى Facebook
شارەزایەکێ سیاسەتا ئیرانێ بەحس ل گرنگیا چوونا بارزانی بۆ ئیرانێ دکەت
ئەڤرۆ نیوز:
شارەزایەکێ سیاسەتا ئیرانێ ئاماژە ب سەرەدانا سەرۆک بارزانی بۆ کۆمارا ئیسلامیا ئیرانێ دکەت و دبێژیت، سەرەدانا سەرۆکێ ھەرێما کوردستانێ پێدڤیە بھێتەکرن، ژبەرکو دەمەکێ نێزیک دێ گۆھڕین بسەر نەخشەیێ دەڤەرێ دا بھێت ، ھەروەسا دیارکر، پرسا کاریگەریا ئیرانێ لسەر وەلاتێ عێراقێ دێ ھێتە بەحسکرن و عێراق یا بەرەف دەولەتەکا عەسکەریا شیعی دچیت.
حیسام سدیق، شارەزا ل کاروبارێن سیاسەتا ئیرانێ بۆ رۆژناما ئەڤرۆ گۆت” سەرەدانا ڤێجارێ یا سەرۆکێ ھەرێما کوردستانێ بۆ کۆمارا ئیسلامیا ئیرانێ سەرەدانەکا جۆدایە ل سەرەدانێن بەرێ، چونکە کۆمەکا پرسێن گرنگ ھەنە ڤێجارێ سەرۆکێ ھەرێما کوردستانێ دێ دگەل بەرپرسێن تەھران دانوستانان لدۆر بکەت، ئێک ژوان پرسان کۆ مەسعود بارزانی دێ ب رژدی دگەل ئیرانێ بەحس کەت، ئەف گۆھڕینێن نوکە ل دەڤەرێ پێشبینی دھێتەکرن گۆھڕین بسەر نەخشەیێ دەڤەرێ دا بھێن و بۆچوونا ئیرانێ وەربگریت، ھەروەسا بارزانی دێ دیتناخۆ بۆ روویدان و پێشھاتێن دەڤەرێ بۆ ئیرانێ ئاشکراکەت، بدیتنامن ئەف گەشتا سەرۆکێ ھەرێما کوردستانێ بۆ ئیرانێ د قۆناغەکا گرنگدایە، ھەم دەڤەر یا دگۆھڕیناندا ھەم ئیران وەلاتەکێ گرنگ و کاریگەرە لسەر نەخشێ دەڤەرا رۆژھەلاتا ناڤین، پرسەکادی یا دگەل ئیرانێ دھێتە بەحسکرن، ئاریشەیا عێراقێ یە خویایە عێراق یا بەرەف دەولەتەکا عەسکریا شیعی دچیت و ئیرانێ رۆل و کاریگەری لسەر عێراقێ ھەیە، ھەرێما کوردستانێ دخوازیت بۆچوونا ئیرانێ وەربگریت، کو ئایا دێ پاشە رۆژا ھەرێما کوردستانێ چبیت دچوارچوڤێ عێراقێ دا، ئەگەر رەوشا عێراقێ یا ھوسابیت بەرەیێ سوننە و کورد دێ ھێتە بکارئینان.
حیسامی گۆتژی” مژارەکادی ئیران دخوازیت دگەل سەرۆکێ ھەرێما کوردستانێ دانوستان لسەر بکەت، پرسا کوردێن رۆژھەلاتێ کوردستانێ یە، چونکە ھەتا نوکە کۆمارا ئیسلامیا ئیرانێ پرسا رۆژھەلاتێ کوردستانێ وەکی پرسەکا مری سەرەدەری دگەلکریە و نوکە گەھشتیە ڤێ باوەریێ باشورێ کوردستانێ کاریگەری لسەر رۆژھەلاتێ کوردستانێ یەو دشێن بڕێیا ھەرێما کوردستانێ چارەسەریا شەڕۆئالۆزیێن ڤێ دوماھیێ بکەن، کو دناڤبەرا پێشمەرگەیێن حزبا دیموکراتا کوردستانێ و سوپایێ پازدارێن ئیرانێ چێبوی، ئەڤادی دمینیت لسەر سەرۆکایەتیا ھەرێما کوردستانێ چو ئەجندا بۆ سەرەدانا ڤێجارا یا ئیرانێ ھەیە یاکو بڕیارە ل داھاتی مەسعود بارزانی وەکی سەرۆکێ ھەرێما کوردستانێ سەرەدانا ئەڤی وەلاتی بکەت.
ب رێيا ئهڤرۆ نيوز فلمێ ڤهكرنا چوارهمین فلمهفێستیڤالا دهۆك یا نێڤدهولهتی ببينه
سالڤهگهرا وهغهركرنا پێشمهرگهیهكى ئیلونێ و گولانێ دێ هێته ساخكرن
ئامێدیێ، مهحمود نهێلى:
ب ههلكهفتا دهرباز بوونا (55) سالان ل سهر بهرپابوونا شورهشا ئیلونا مهزن و دهرباز بوونا سالهكى ل سهر وهغهركرنا پێشمهرگه و كادرێ دێرینێ شورهشێن ئیلون و گولانێ موسا موستهفا هێتوتى رێ و رهسمهكى رێزگرتنێ دێ ل رۆژا سێ شهمبى 6/9/2016 ل هولا ئالان ل دێرهلۆكێ هێته گێران.
عماد موسا كورێ شههیدێ خودێ ژێ رازى بۆ ئهڤرۆ نيوز دیاركر، كو ژ بۆ رێزگرتن ژ خهباتا بابێ وى و وان قههرهمانیێن بابێ وى د ههر دوو شورهشان ئهنجامداى وان فهردیت ب ههلكهفتا دهرباز بوونا سالهكى ل سهر وهغهركرنا وى رێ و رهسمهكى ئهنجام بدهن و گۆت: ( ههڤدهم كو بابێ من ل نێزیك رۆژا بیرهوهریا شورهشا ئیلونێ وهغهر كریه وى ب فهر زانى ههر دوو رێ و رهسم بكهڤنه دئێك دهم دا ژ بهر كو شههیدى خهبات و بهرخودانهكا بهرچاڤ ههبوویه د ڤان ههردوو شورهشان دا).
موسا موستهفا هێتوتێ ژ دایكبوویێ سالا 1925 یه و ل سالا 1946 دهست ب خهباتا رێخستنێ كریه دناڤ رێزێن پارتى دا و ئهندامێ لژنا سهورى بوویه و ل سالا 1961 بوویه پێشمهرگه و چهندین پله و بهرپرساتیا لهشكهرى و رێكخستنێ ل سهر دهمێ شورهشێ وهردگرتینه و ل سالا 1988 دهربهدهرێ وهلاتێ توركیا بوویه و سالا 1995 ل دهمێ ئهركى لهشكهرى دا ل میحوهرێ زیارهتان توشى جهلتا میشكى دبیت و پشتى چهندین سالان ژ نهخوشیێ و ل 19/8/2015 ل نهخوشخانهیهكا وهلاتێ ئهلمانیا وهغهرا داویێ دكهت و ل 24/8/2016 ل گورستانا هێتوتى هاته ڤهشارتن.
ئەڤ سالە چو پەیمانگەھێن نوو ل ھەرێمێ ناھێنە ڤەکرن
ئهڤرۆ نيوز:
رێڤەبەرێ گشتیێ پەیمانگەهـ و مهشق و راھێنانێ ل وەزارەتا پەروەردێ دیار کر کو چو پەیمانگەھێن نوو ئەڤ سالە ل ھەرێمێ ناھێنە ڤەکرن و بتنێ دێ گرنگی ب پەیمانگەھێن بەرێ ھێتەدان و گۆت: “مامۆستایێن بخوازن بەردەوامیێ بدەنە خواندنێ دێ وەزارەت یا ھاریکاربیت”.
حاجی ئیبراھیم، رێڤەبەرێ گشتیێ پەیمانگەهـ و مەشق و راھێنانێ ل وەزارەتا پەروەردێ بۆ رۆژناما ئەڤرۆ ئاشکرا کر کو ئەڤ سالە ژبەر قەیرانا دارایی وەزارەتا پەروەردێ بڕیاردایە چو پەیمانگەھێن نو ل ھەرێما کوردستانێ نەھێنە ڤەکرن و ب تنێ گرنگی ب پەیمانگەھێن بەرێ بھێتەدان و سەرەرایی ڤێ چەندێ ھەکە پەیمانگەھەکێ شیان ھەبن پشکەکا نوو ڤەکەت وەزارەت دێ ئاسانکاریان بۆ کەت، چونکی پەیمانگەھێن نوو دێ بنە ئەگەرێ وێ چەندێ ئاستێ پەیمانگەھێن دی بھێتە کێمکرن و گۆت: “د ڤان کاودانان دا بتنێ مە شیان ھەنە ئەڤێن ھەی گرنگیێ پێ بدەین و سەرپەرشتیا وان بکەین، بەلێ ھەکە پەیمانگەھێن نوو بھێنە ڤەکرن دڤێت د ئاستێ یێن تایبەتدا بن، چونکی پشکێن دی ھاتینە ڤەکرن ل پەیمانگەھێن تایبەت ژوانا پەیمانگەھا پەتڕۆلێ و ئەندازیاری”.
ناڤھاتی ئاماژە دا وێ چەندێ کو ل سەرانسەری ھەرێما کوردستانێ 30 پەیمانگەە ب سەر وەزارەتا پەروەردێ ڤە ھەنە و 50 پەیمانگەە ژی یێن تایبەتن، بەلێ مەشق و راھێنان یا بەردەوامە بۆ بلندکرنا ئاستێ زانستی یێ مامۆستایان، چونکی مامۆستایێن خودان باوەرنامێن دبلۆم ھەکە بخوازن بەردەوامیێ ب خواندنێ بدەن و باوەرناما بەکالوریوس بدەستڤە بینن ئەو دێ د ھاریکاربن وەکو وەزارەت و گۆت: “کۆمەلگەھێن پەروەردەیی ژی د کارێ خوە دا د بەردەوامن و کۆمەلگەھێن نوو ناھێنە ڤەکرن”.
سالا بۆری 30 ھزار قوتابیان دەست ژ خواندنێ بەردایە
ئهڤرۆ نيوز:
بەرپرسەکێ ئێکەتیا مامۆستایێن کوردستانێ ئاماژە ب ڤێ چەندێ دکەت، ژ ئەگەرێ قەیرانا دارایی و بێئومێدیا وەلاتیان ب پڕۆسا خواندنێ بتنێ د سالا بۆری دا 30 ھزار قوتابیان دەست ژ خواندنێ بەرداینە و رێژەیەکا زۆرا قوتابیان ژی دەرنەچووینە ل قوتابخانێ.
ئەحمەد کەرکووکی، سەرۆکێ لژنا بەڕەڤانیکرنێ ل مامۆستا بۆ رۆژناما ئەڤرۆ گۆت: “ب ئەگەرێ قەیرانا دارایی بتنێ ل سالا بۆری 30 ھزار قوتابیا دەست ژخواندنێ بەردایە و گۆرەی دوڤچوونا مە وەکو ئێکەتیا مامۆستایان کری، ئەگەرێ سەرەکیێ دەست بەردانا ئەڤان قوتابیان بۆ خواندنێ نەبوونا باوەری پڕۆسا خواندنێ و قەیرانا دارایی بوویە، چۆنکو قەیرانا دارایی و نەبوونا ژێدەرێ ژیانێ کاریگەریێن مەزن کرینە سەر پڕۆسا خواندنێ ھەر بۆ نموونە سالا بۆری 196 ھزار قوتابی ل ھەموو قۆناغان سەرنەکەفتینە و ماینەڤە د پۆلێن خوەدا، ئەڤە ژی ھژمارەکا زۆرە و پێدڤیە پێداچوون بۆ بھێتەکرن”.
کەرکووکی گۆتژی “ئەڤ سالە ژبلی ئاریشەیێن نەبوونا مووچە و ئاڤاھیێن قوتابخانان دێ ئاریشەیەکا دی ژی زێدەبیت، ئەو ژی نەبوونا پەرتووکێن قوتابیانە، پێدڤیە ھەر ساڵ حوکمەتا ھەرێما کوردستانێ 17 ملیۆن پەرتووکا چاپ بکەت و ب سەر قوتابیان بھێنە بەلاڤکرن، ھەتا نوکە بتنێ ئێک پەرتووک ژی نەھاتیە بەلاڤکرن و پێشبینی دکەین رێژەیا پێدڤیا پەرتووکان نەھێتە چاپکرن و ھژمارەک قوتابی بێ پرتووک بمینن، چۆنکو پارەیەکێ زۆر دڤێت ھەتا ئەڤ ھەموو پەرتووکە دھێنە چاپکرن”.
ب رێیا ئهنجومهنێ پارێزگههێ رازیبوونا چێكرنا رێكێن بهردهرهش هاته وهرگرتن
ئهڤرۆ نيوز:
پشتی سەروک ئهنجومهنێ پارێزگهها دهۆكێ دووڤچوونا رێك و روودانێن ل سنوورێ قهزا بهردهرهش كری و دگهل ئالیێن پهیوهندیدار روونشتی و سهرهدانێن مهیدانی بۆ وێ رێكێ هاتینه كرن، سهرۆكێ دیوانا ئهنجومهنێ وهزیران رازیبوون بۆ تمامكرنا رێكا چهمه ئینایه و كۆژمهكێ پارهی بۆ بدهست خستیه و ڤان نێزیكان دێ كار ل سهر هێتهكرن.
جهمیله محهمهد ئهنداما ئهنجومهنێ پارێزگهها دهۆكێ دیار كر كو ل دۆر خرابیا رێكێن بهردهرهش كو رۆژانه روودانێن هاتنوچوونێ ل وێدهرێ روو ددهن و خهلكهك دبیته قوربانی، خهلكی گازندێن خوه گههاندینه ئهنجومهنێ پارێزگهها دهۆكێ وان دووڤچوونا ڤێ پرسێ كر و گۆت “ب سوپاسی ڤه نێچیرڤان ئهحمهد سهرۆكێ دیوانا ئهنجومهنێ وهزیران رازیبوونا حكوومهتێ ئینا و كۆژمهكێ پارهی بۆ چێكرنا رێكا (چهمه) هاتیه تهرخانكرن و ئهو كۆمپانیا وێ رێكێ چێ دكهت هاتیه هایداركرن كو ب زووترین دهم تمام بكهت و دهمێ خلاس دبیت دێ 40 دهقیقه ژ دهۆكێ بۆ ههولێرێ كیم بن، چونكی ناچیته بهردهرهش و كهلهكێ، بهلكو ئێكسهر ژ چهمهی (ناڤهندا رۆڤیا) دێ چیته باژێركێ عهنكاوه”.
جهمیلا خانێ ئاشكرا ژی كر كو پشتی دووڤچوونا وان كری، رێكا دارهتوویێ ژی ژ ئالیێ رێك و پرا یا قهزا ئاكرێ هاتیه سهخبێركرن و نوكه كارێ ل سهر رێكا حسێنی -بهردهرهش دهێتهكرن و گۆت “سوپاسیا سهرۆكێ ئهنجومهنێ دهۆكێ و ئهندامێن ئهنجومهنی دكهم كو هاریكار بوون ل گهل مه كو بشێین گازنده و داخوازیێن خهلكێ خوه بگههینینه ئهنجومهنێ وهزیران و تهڤایا ئالیێن پهیوهندیدار دا كو ئهو رێك بهێنه چارهسهركرن، ئهڤجا بلا خهلكێ مه بزانیت ئهم وهكو ئهنجومهن پرهكین د ناڤبهرا خهلكی و حكوومهتێ دا ژ بۆ گههاندنا دووڤچوون و گازندێن وان”.
ههژی گۆتنێ یه رێكا بهردهرهش رێیهكا ستراتیژیه، چونكی هاتنوچوونا ههولێرێ و دهۆكێ ل سهر ڤێ رێكێ یه، ههروهسا چهندین رێكێن دی ژی د ناڤ سهنتهرێ قهزا بهردهرهش دهرباز دبن و پرانیا ڤان رێكا دخرابن و ئێك سایدن و رۆژانه روودانێن هاتنوچوونێ روو ددهن، بۆ نموونه رێكا (حسێنیێ – بهردهرهش) ئهڤه ماوێ (8) ههیڤانه هاتیه ڤهكرن تا نها كهتف و هێمایێن هاتنوچوونێ نههاتبوونه دروستكرن، لێ نوكه كار ل سهر دهێتهكرن، ههروهسا رێكا (چهمه) چهند ساله كار ل سهر دهێتهكرن و ههتا نها تمام نهبوویه.
ل بارزان سنێلهك خهندقى
بارزان ، نهوزاد زاده هلورى:
سنێلهكێ دهڤهرا بارزان ئهڤرۆ رۆژا ئێكشهمبى 4/9/2016 ل روویێ زێ مهزن حهندقى و تیمێن بهرگریا شارستانیا بلێ ژى تهرمێ وى د رووبارى دا دهردئینن.
بێوار عهبدولعهزیز بهرپرسێ راگهیاندنا بهرهڤانیا باژێرى ل دهوكێ بۆ ئهڤرۆ گۆت : ( ئهڤرۆ رۆژا ئێكشهمبى ب مهرهما گرتنا ماسیان سنێلهكێ گوندێ رهزیان بناڤێ محهمهد تهیب د ژیێ 14 سالیێ دا ل دهڤهرا بارزان چویه سهر رووبارێ زێ مهزن و د ئهنجام دا دكهڤیته د رووبارى دا و دحهندقیت )
گوت ژى : ( تهرمێ وى ژلایێ بنگههێ بهرگریا شارستانیا بلێ د رووبارى دا هاتیه دهرئینان و بو نهخوشخانا بلێ هاتیه رهوانهكرن )
پێدڤیه ئالیێ سیاسى و مرۆڤى د ئۆپهراسیۆنا رزگاكرنا مووسل دا ل بهرچاڤ بهێته وهرگرتن
ئهڤرۆ نيوز:
نێچیرڤان بارزانى سهرۆك وهزیرێن ههرێما كوردستانێ دوهى پێشوازى ل سیناتۆر مارتن هێنرچ ژ لیژنا كاروبارێن سهربازى ل جڤاتا پیرێن ئهمریكا و شاندێ ل گهل دا كر.
د یدارهكێ دا، شاندێ مێهڤان رۆناهى بهردا سهر شهرێ دژى تیرۆرستێن داعش و سهركهفتنێن بهردهوامێن پێشمهرگهى و هاتنا هژمارهكا زۆر یا ئاواره و پهنابهرێن دهستێ تیرۆرستان بۆ ههرێما كوردستانێ و پێشوازیكرنا خهلك و حوكمهتا ههرێمێ ل وان و دابینكرنا خزمهتكاریێن پێدڤى بۆ وان، رۆلێ خهلك و حوكمهتا ههرێمێ و پێشمهرگهى د ڤى وارى دا بلند ههلسهنگاند، ههروهسا پهیوهندیێن د ناڤبهرا ههرێما كوردستانێ و ئهمریكا و زێدهتر موكمكرنا وان دوپات كر.
ژ ئالیێ خوه ڤه سهرۆك وهزیرێن ههرێما كوردستانێ سوپاسیا سهرۆك و گهل و حوكمهتا ئهمریكا كر كو ههر ژ دهستپێكا گهف و هێرشێن تیرۆرستێن داعش بۆ سهر ههرێما كوردستانێ هاریكاریێن سهربازى پێشكێشى ههرێمێ كرینه.
د پشكهكا دى یا دیدارێ دا، گهنگهشه ل دۆر ئۆپهراسیۆنا ئازادكرنا باژێرێ مووسل ژ دهستێ تیرۆرستان كر و ههردو ئالى ههڤڕابوون كو رێیا سهربازى رێیا ئێكانه نینه بۆ ڤێ پرسێ، بهلكو پێدڤیه ئالیێ سیاسى و مرۆڤى ژى ل بهرچاڤ بهێته وهرگرتن و پێدڤیه د ڤى وارى هاریكاریا تمام د ناڤبهرا ههرێما كوردستانێ و حوكمهتا عیراقا فیدرال و ههڤپهیمانان دا ههبیت، ب تایبهتى بۆ قوناغا پشتى رزگاركرنا باژێرى مووسل.
رهوشا ئۆجهلانی یا باشه
ئهڤرۆ نیوز:
وهزیرێ دادێ یێ توركیا راگههاند، رهوشا ساخلهمیێ یا رێبهرێ زیندانكری یێ پهكهكێ عهبدوللا ئۆجهلانی یا باشه و پهكهكه ڤى بابهتى بۆ خوه بكاردئینیت و زانیاریێن شاش بهلاڤ دكهت.
بهكر بۆزداغ گۆت ژی:(نه ژ مێژهیه لژنهیا بهرهنگاربوونا ئهشكهنجهدانێ یا ئورۆپا سهرهدانا ئۆجهلانی ل زیندانێ كریه و رهوشا وى باشه).
ههژى گۆتنێ یه كو پێنجی كهساتیێن كورد كو بهرپرسێن ههدهپێ ژی د گهل دا نه، بریارا گرهڤگرتنێ ژ خوارنێ دایه ههتا رێ ب سهرهدانا ئۆجهلانی ل زیندانێ دهێته دان، ژ بهر كو ل گۆر گۆتنا وان پشتی كۆدهتایا سهرنهگرتیا توركیا چو ئاگاهیێن پشتراستكهر ل دۆر رهوشا ئۆجهلانى نینن.
ههر د مژارا توركیا دا، بینالى یهلدرم سهرۆك وزیرێن وى وهلاتى دوهى ل ئامهدێ د پهیڤهكێ دا بۆ خهلكی راگههاند، ئهو وهك داعشێ دێ شهڕێ پهیهدێ، یهپهگێ و پهكهكێ كهن و گۆت:(ئهم دێ دژی پارچهبوونا توركیا راوهستن و دێ پهكهكێ و رێكخستنا فهتحوللا گویلهنی ژ خوه ڤهكهین).
نيشاندان
WP Facebook Auto Publish Powered By : XYZScripts.com