ئه‌ڤرۆ نيوز:
ئانا ميكالۆفا خودانا ئێك ژ جوانكارێن وه‌لاتێ رۆسيايه و ئه‌ڤێ ژنێ ريكورد يا د چێكرن و رێكخستنا پرچا كچ و ژنان دا هه‌ى و دشێت ب ره‌نگه‌كێ گه‌له‌ك ب له‌ز و ب ساناهى پرچێ رێك بێخيت.
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سهرهكى Facebook
كونترۆلكرنا ڤى ميحوه‌رى ل شه‌رێ رزگاركرنا مووسل ب دووماهى هات
ئه‌ڤرۆ نيوز:
د به‌ياننامه‌كێ دا، فه‌ريق رائيد شاكر جه‌وده‌ت، فه‌رماندنێ پۆليسێن فيدرالێن عيراقێ راگه‌هاند كو ميحوه‌رێ باشوورێ مووسل ب ته‌مامى هاته كونترۆلكرن كو روويێ وى هزار و 800كم چارگۆشه‌يه و هه‌موو هێلێن به‌ره‌ڤانيا داعش هاتينه تێكشكاندن و هێزێن وان گه‌هشتينه ده‌وروبه‌رێن مووسل.
فه‌رماندێ پۆليسێن فيدرال دبێژيت: “هێزێن مه قووناغا ئاماده‌كاريان ته‌مام كريه و چاڤه‌رێ فه‌رمانانه بۆ چوونا ناڤ مووسل، كونترۆلكرنا فرۆكخانا نێڤده‌وله‌تى يا مووسل و له‌شكرگه‌ها غه‌زلانيێ و پێشڤه‌چوون به‌ر ب ئاراسته‌يێ سه‌نته‌رێ باژێرێ مووسل”.
وه‌كو فه‌ريق رائيد شاكر جه‌وده‌ت به‌حس دكه‌ت، 10 هزار و 815 خێزان و 11 هزار و 168 كه‌س ژ ده‌ستێ داعش رزگار كرينه و بۆ ده‌ڤه‌رێن ئارام ڤه‌گوهاستينه و هاريكاريێن مرۆڤى ب سه‌ردا به‌لاڤكرينه.
ل مووسل هێزێن عيراقى چوونه ناڤ تاخه‌كێ نوو
ئه‌ڤرۆ نيوز:
چه‌نده‌كێ به‌رى نوكه هێزێن عيراقى شيان بچنه ناڤ تاخێ موحاربيت ل باژێرێ مووسل.
ب گۆره‌ى ژێده‌ره‌كى ژ هێزێن دژى تيرۆرا عيراقێ، ئه‌ڤرۆ رۆژا شه‌مبى هێزێن عيراقى شياينه پێشڤه‌چوونه‌كا زێده‌تر بكه‌ن و نوكه چووينه ناڤ تاخێ موحاربين ل ناڤ باژێرێ مووسل و شه‌رێ كولان ب كولان دكه‌ن.
ئاماژه ب وێ چه‌ندێ ژى كريه كو ل تاخێ قادسيه ژى شه‌ره‌كێ دژوار د ناڤبه‌را هێزێن عيراقى و چه‌كدارێن داعش دا دهێته كرن.
ره‌وشا سه‌قايێ سوبه‌هى
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا ئێكشه‌مبى رێكه‌فتى 20ى چريا دويێ 2016ێ ئه‌سمان دێ ساهى بيت ل گه‌ل په‌يدا بوونا هنده‌ك ئه‌وران ل ده‌ڤه‌رێن جودا.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ لاوازيا فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمان ساهى بيت ل گه‌ل په‌يدا بوونا هنده‌ك ئه‌وران ل ده‌ڤه‌رێن جودا.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 10 هه‌تا 20كم دا و ماوێ ديتنێ ژى دێ 10كم بيت، پلێن گه‌رمێ ژى دێ د ناڤبه‌را 5 بۆ 18 پلان دا بن.
سكالا ل سه‌ر NRT هاته توماركرن و داخازا ملياره‌ك و 500 مليون دولاران ژێ دهێته كرن
ئه‌ڤرۆ نيوز:
وه‌زاره‌تا سامانێن سروشتى يا حوكمه‌تا هه‌رێما كوردستانێ ب تومه‌تا به‌لاڤكرنا داتايێن شاش ل سه‌ر كه‌نالێ NRT ل دۆر رێژا به‌رهه‌م ئينان و فرۆتنا نه‌فتا هه‌رێمێ، سكالايه‌كا ياسايى ل سه‌ر تومار كريه و داخوازا ئێك مليار و 500 مليون دولار كريه ب
وەزارەتی سامانە سروشتییەكانی حكومەتی هەرێمی كوردستان، بە تۆمەتی بڵاوكردنەوەی داتای هەڵە لەسەر كەناڵی (NRT ) سكاڵای یاسایی تۆمار دەكات و داوای بڕی یەك ملیار و 500 ملیۆن دۆلار لە كەڵەكە دەكات بەو پێیەی زیانی بە ئابوری هەرێم گەیاندووە.
ئه‌نجامێن زانكۆلاینێ دهێنه راگه‌هاندن
ئه‌ڤرۆ نیوز:
وه‌زاره‌تا خواندنا بلند یا هه‌رێما كوردستانێ راگه‌هاند: ژبۆ سالا 2016-2017 پتری 31 هزار قوتابی ل زانكۆ و په‌یمانگه‌هێن حكوومی یێن هه‌رێما كوردستانێ هاتینه وه‌رگرتن، هه‌ر ئه‌ڤ شه‌ڤه قوتابی دشێن بزانن ل كیژان به‌شێ زانكۆ و په‌یمانگه‌هان هاتینه وه‌رگرتن.
وه‌زاره‌تێ د راگه‌هاندنه‌كێ دا ئاشكرا كر: بۆ ئه‌ڤ ساله 49018 قۆتابیێن ده‌رچوویێن دوازدێ ئاماده‌یی ب هه‌ردو پرۆسه‌یێن سیسته‌مێ پێشكرنا راسته‌وخو و سیسته‌مێ زانكۆلاین فۆرمێن وه‌رگرتنێ پێشكێشكرن، ژ وێ هه‌ژمارێ ژی 30039 قۆتابی هاتنه وه‌رگرتن.
د پرۆسه‌یێ زانكۆلاین دا كێمترین كۆنمره (68.18) بوو، كێمترین كۆنمره‌یا سیسته‌مێ هه‌ڤركیێ ژی (60%) بوو.
هه‌ڤده‌م پتری هزار قوتابی د چه‌ند پرۆسه‌یێن دی دا ل ئاماده‌یێن پیشه‌یی و ئیسلامی وه‌رگرتینه، بڤێ یه‌كێ ژی سه‌رجه‌مێ 31 هزار قوتابی هاتنه وه‌رگرتن.
قوتابی دشێن ئه‌ڤ شه‌ڤه ل مالپه‌رێ https://regayzanko.com/ ناڤێن خوه ببینن.
بهايێ زێر و زيڤى ل بازارێن زێرنگران
دۆلار ئه‌ڤرۆ ب چه‌ندێ يه؟
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 17ى چريا دويێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1306 |
| 1 يۆرۆيێ ئه‌ورۆپى | 1410 |
| 1 ليرێ توركى | 400 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
كوێت دێ ژماره‌كا قوتابخانان ل هه‌رێما كوردستانێ ئاڤا كه‌ت
ئه‌ڤرۆ نيوز:
پشتيوان سادق وه‌زيرێ په‌روه‌ردێ ل حوكمه‌تا هه‌رێما كوردستانێ د كونفرانسێ قه‌يرانا ئاواره و په‌نابه‌ران دا ل دهۆك راگه‌هاند كو 179 هزار قوتابيێن ئاواره ل دهۆكێ هه‌نه و هنده‌ك ژ به‌ر فاكته‌رێن ئابوورى و جڤاكى و ژيێ خوه ژ خواندنێ هاتينه دابڕين و بزاڤێن ڤه‌گه‌ريانێ بۆ پرۆسا خواندنێ دده‌ن.
گۆتژى وه‌زاره‌تا په‌روه‌ردێ بزاڤێن به‌رده‌وام دكه‌ت كو كه‌رستێن خواندنێ بۆ زارۆيێن ئاواره دابين بكه‌ت ژ وان ژى كتێب و ته‌خته ره‌ش و ئاڤاهيێ قوتابخانێ و ل گه‌ل رێكخراوان بزاڤێن خواندنێ بۆ ئاواران دابين دكه‌ت.
وه‌زيرێ په‌روه‌ردێ به‌حس ل نووژه‌نكرنا قوتابخانان كر و ب تايبه‌ت ئه‌وێن ل پارێزگه‌ها دهۆكێ و ئاواره تێدا هاتينه بنه‌جهكرن كو ب گۆره‌ى گۆتنێن وى 100 ئاڤاهيێن قوتابخانا ل هه‌رێما كوردستانێ بۆ زارۆيێن ئاواران هاتينه ته‌رخانكرن د ده‌مه‌كى دا كو د سێ سالێن بۆرى دا نه‌شياينه ئاڤاهيێن قوتابخانان دروست بكه‌ن و گۆت: “وه‌لاتێ كوێتێ سۆز دايه هنده‌ك ئاڤاهيێن قوتابخانان ل هه‌رێما كوردستانێ دروست بكه‌ت”.
كه‌نه‌دا يا ئاماده‌يه ئێكسه‌ر چه‌كى بده‌ته پێشمه‌رگه‌ى
ئه‌ڤرۆ نيوز:
حوكمه‌تا كه‌نه‌دا راگه‌هاند يا ئاماده‌يه چه‌ك و ته‌قه‌مه‌نيان ب ره‌نگه‌كێ ئێكسه‌ر بۆ هێزا پێشمه‌رگه‌ى ره‌وانه بكه‌ت، به‌لێ ژ ئه‌گه‌رێ وێ چه‌ندێ كو هێشتا حوكمه‌تا عيراقێ ره‌زامه‌ندى ل سه‌ر وان هاريكاريێن ئێكسه‌ر نه‌دايه، ژ به‌ر هندێ ژى وه‌لاتێ كه‌نه‌دا هاريكارى راگرتينه.
ب گۆره‌ى پێزانينێن ميديا كه‌نه‌دا، جه‌ستن ترۆدۆ يێ سه‌رۆك وه‌زير ل هه‌يڤا بۆرى راگه‌هانديه كو ئه‌و د ئاماده‌نه ئێكسه‌ر هاريكاريا له‌شكرى بگه‌هيننه هێزێن پێشمه‌رگه‌ى، به‌لێ به‌رپرسێن كه‌نه‌دى د ڤێ حه‌فتيێ دا ئاشكه‌را كريه كو ئه‌و پلانا حوكمه‌تێ ژ ئه‌گه‌رێ نه‌دانا ره‌زامه‌نديا حوكمه‌تا عيراقێ هاتيه راگرتن و نزانن ژى ئه‌و هاريكاريا ئێكسه‌ر بۆ كوردان كه‌نگى دێ ده‌سپێكه‌ت.
نيشاندان
WP Facebook Auto Publish Powered By : XYZScripts.com