ئەڤرو نیوز:
ئێڤاریا ئەڤرۆ لسەر رێیا گشتی یا زاخۆ و دھۆک د رودانەکا ھاتن و چوونێ دا نەە کەسان گیانێ خوە ژ دەست دا و برینداربوون.
ئەڤرو ئێڤاری لسەر رێیا گشتی دناڤبەرا زاخۆ و دھۆک ژ ئەگەرێ بلەز لێخورینێ روودانەکا ھاتن و چونێ دناڤبەرا دوو ترومبێلێن تایبەت ژ جورێ ئوپل و تویوتا درۆست بو و د ئەنجام دا دوو کەسان گیانێ خوە ژدەست دا و حەفت کەس ژی برینداربوون.

ئەڤرۆ نيوز:
ئەندامەکێ بەررڤاچێ بزاڤا گۆڕان، نەیا گرنگ یوسف محەمەد سەرۆک پەرلەمان بیت یا گرنگ ئەوە پەرلەمانێ کوردستانێ بھێتە ئەکتیڤکرن و بڕیارا ریفراندۆمێ ل پەرلەمانێ کوردستانێ ب رەنگەکێ سیستەماتیک بھێتە ئەنجامدان، ھەروەسا دبێژیت، دڤێت پەیوەندیێن پارتی و گۆڕانێ بھێنە چاککرن.
مام رۆستەم ئەندامێ بەرچاڤێ بزاڤا گۆڕان و کەسەکێ نێزیکی نەوشێروان راگەھاند، مالئاڤیکرنا کاک نەوشێرن دربەکا مەزن بۆ و جھێ وی بسەناھی ناھێتە پرَکرن، چونکی کەسەکێ چالاک بوو، بەلێ یا گرنگ ئەوە ئەم ل سەر پەیام و رێبازا وی بەردەوام بین، ھەروەسا گۆت: ل سالا 1968 ئەز پێشمەرگە بووم ل شۆرەشا ئیلوول و شۆرەشێن نوو ھەتا نوکە ژی ئەم دبەردەوامین، خەبات و تێکوشیانا مە ژ بۆ مافێن مللەتێ کورد و ب دەستڤەئینانا سەربخوەیا کوردستانێ بوویە، باوەر ناکەم کەس نەبیت خەونا سەربخوەیا کوردستانێ ڤێ نەبیت، دەمێ شەشە جاران ئەز بریندار بوویم خوە من قچاغی نەکریە، بۆ ھندێ بوو ئەڤرۆ مللەتێ من سەربخوە بیت.
ل دۆر وەلاتێن ھەڤسوو مام رۆستەمی خوەیاکر، عەقلیەتا عیراقێ و تورکیا و ئیرانێ عەقلیەتەکا مەرکەزیە و پێ نەخۆشە دو کورد رێککەفتنەکێ بکەن، ومافێن خوە وەربگرن، لەورا دڤێت حزبێن کورد ناڤمالیا خوە رێک بێخن، ملمانێیا حزباتیا بەرتەسک بدەنە ئالیەکی و دۆژمنایتا مە دانینە بن بەرەکی ھەتا مافێن ڕەوایێن مللەتێ مە ب دەسڤە بھێن.
سەبارەت بابەتێ ھاتنا حەشدا شەعبی و ئەنجامدانا ریفراندۆمێ ئەندامێ بزاڤا گۆڕان گۆت: ھەر کەسەکێ ھێزێن حەشدا شەعبی ئیناینە دەڤەرێن کوردستانی، کارەکێ خراب ئەنجامدایە و تشتەکێ باش و گونجایی نینە، من باوەری ب مادێ 140 نینە ، نوکە ئەو دەڤەرێن کوردستانی پێدڤی ب ریفراندۆمێ ھەیە، و دڤێت پشکداریێ د ریفراندۆمێ دا بکەن، بۆ دیار کرنا چارەنڤیسێ مللەتێ دا بکەن.
ل دۆر پەیوەندیێن کۆڕان و پارتی ژی ئەندامێ گۆڕانێ گۆت: گۆڕان 24 کورسی ل پەرلەمانێ ھەنە و خودان جەماوەرە نابیت پارتی بڤی رەنگی سەرەدەریێ ل گەل گۆڕانێ بەکەت، لەورا دڤێت رەوشا دناڤبەرا ھەردو ئالیان دا بھێتە ئارام کرن و چارەکرن، چونکی د بەرژوەندیا مللەتی دایە، دڤێت ل گەل رێککفەتن و ئێکگرتنێ دا بیت.